ءتىلشى ۋاڭ لەي
27 جاستاعى ۇيعۇر ازامات جۇماحۇن موري قازاق اۆتونوميالى اۋداندىق فينانس كەڭسەسىنىڭ كادرى، «اۋىلعا ورالعان ستۋدەنت» بولعان ول 3 جىلدىڭ الدىنداعىدان تولىستى جانە سەنىمدى بولا ءتۇستى.
11 - ايدىڭ 22 - كۇنى جۇماحۇن تۇسكى دەمالىس ۋاقىتىنان پايدالانىپ، وسى اۋداننىڭ وقۋ - اعارتۋ جانە عىلىم - تەحنيكا مەكەمەسىنىڭ باستىعى حوۋ جيڭلياننىڭ كەڭسەسىنە بارىپ، وزىنە مەيىر - شاپاعات جەتكىزگەن وسى حانزۋ تۋىسىنا امانداستى.
بيىل جىل باسىندا، حوۋ جيڭلياننىڭ قولداۋى مەن جىگەرلەندىرۋىندە جۇماحۇن «ۇعىسۋ، تيىمدىلىك جاساۋ، توعىستىرۋ» بويىنشا قىستاقتا تۇراتىن قىزمەت اترەتىنە قوسىلۋ ءوتىنىشىن بەردى، ادەتتەگى كەزدەردە جۇزدەسە المايتىن ەكەۋى كەزدەسە سالا اقتارىلا اڭگىمەگە كوشتى. «حوۋ اپاي، ءسىزدىڭ كومەگىڭىز بولماسا، مەنىڭ بۇگىنگى كۇنىم بولماس ەدى»، - دەدى جۇماحۇن.
موري قازاق اۆتونوميالى اۋدانىنىڭ شيجىر قالاشىعىندا تۇراتىن جۇماحۇن وتباسى − ەڭ تومەنگى تۇرمىسى قامتاماسىز ەتىلەتىن وتباسى، ءبىر وتباسىنداعى 4 ادام اكەسى راحىمنىڭ باس - سيراق، ىشەك - قارىن ساتاتىن شاعىن دۇكەنىنىڭ كىرىسىنە سۇيەنىپ كۇنەلتەتىن. 2007 - جىلى جۇماحۇن ۇزدىك ناتيجەمەن نانجيڭ قالاسىنداعى ءبىر ورتا مەكتەپتىڭ شينجياڭ كلاسىنا قابىلدانادى، 4 جىلدان كەيىن ۋحان داشۋەسىنە قابىلدانىپ، فينانس ماماندىعىن وقيدى. الايدا 2015 - جىلى داشۋە تاۋىسقان كەزدە، اكەسى راحىم اۆتوكولىك شىرعالاڭىنا ۇشىراپ اياعى جارالانادى، شەشەسى دە سالماقتى ناۋقاسقا شالدىعادى، وسىنداي جاعدايدا جۇماحۇننىڭ ۋحاندا قىزمەت ىستەۋ ورايىنان باز كەشىپ، اۋىلىنا قايتىپ كەلمەسىنە بولمادى.
«ول وتباسىمىز ەڭ قيىنشىلىقتا قالعان كەز ەدى، ءىنىم ءالى مەكتەپتە وقىپ جاتقان، ءوزىم دە قىزمەت تابا الماعان ەدىم، توسىن وقيعادان سوڭ بولاشاعىم بۇلدىرلانا بەردى»، - دەدى جۇماحۇن.
اكەسىنىڭ جاراقاتى جازىلعاننان كەيىن، جۇماحۇن اكەسىنىڭ دۇكەن جۇمىسىنا كومەكتەسەدى، رەالدىق پەن ارمان اراسىنداعى پارىق ونىڭ كوڭىل كۇيىنە قاتتى اسەر ەتەدى. سول كەزدە شيجىر قالاشىق حالىق ۇكىمەتىندە قىزمەت ىستەيتىن حوۋ جيڭليان بۇل جاعدايدان حابار تاۋىپ، جۇماحۇندى ىرىقتىلىقپەن ىزدەپ بارىپ، ونىڭ وتباسىنداعىلارمەن جۇپ قۇراپ تۋىس بولۋدى العا قويىپ، جۇماحۇننىڭ وتباسى قيىنشىلىعى سەبەبىنەن بولاشاققا دەگەن سەنىمىن جوعالتپاۋىنا مۇمكىندىك جاسايدى.
سودان باستاپ حوۋ جيڭليان قولى بوساعاندا جۇماحۇنمەن سىرلاسىپ، باس - سيراق، ىشەك - قارىن دۇكەنىنە بارىپ كومەكتەسىپ تۇرادى، جۇماحۇننىڭ كوڭىل كۇيى دە بىرتىندەپ ورنىعا باستايدى. 2016 - جىلى 3 - ايدا موري قازاق اۆتونوميالى اۋدانى ءىسورىندارىنا قوعامنان اشىق قىزمەتكەر قابىلداۋ ەمتيحانىن ۇيىمداستىرادى، مۇنداعى ەمتيحاندا فينانس كاسىبىنىڭ قىزمەت ورنى بار ەدى، حوۋ جيڭليان ۇيرەنۋ ماتەريالىن ساتىپ الىپ، جۇماحۇندى ەمتيحانعا تىزىمدەلۋگە جىگەرلەندىرەدى. سول ۋاقىتتاردا حوۋ جيڭليان جۇماحۇنعا وقىتۋشى بولادى، ەمتيحانعا قالاي دايىندالۋ، بەتپە - بەت ەمتيحاندى قالاي بەرۋ جاعىندا وعان بارىن ۇيرەتەدى. جۇماحۇن دا حوۋ جيڭلياننىڭ ءۇمىتىن اقتاپ، ەمتيحاننان سۇرىنبەي ءوتىپ، قىزمەتكە شىعادى، مىنەزى دە اشىق - جارقىن بولادى.
بۇگىندەرى جۇماحۇن ءىسورنىنىڭ كادرى، قىزمەتتەگى بەينەسى كورنەكتى بولعاندىقتان، ۇنەمى قىزمەتتەستەرىنىڭ القاۋىنا بولەنىپ كەلدى. بوس ۋاقىتتارىندا حوۋ جيڭليان ونى ىزدەپ بارىپ قىزمەت جايلى اڭگىمەلەسىپ، ارمان جايلى سىر شەرتىسەدى. قىزمەت نەمەسە تۇرمىس بارىسىندا ماسەلەگە جولىقسا، جۇماحۇن دا حوۋ جيڭلياننان كەڭەس سۇرايدى، حوۋ جيڭليان ونىڭ «سىرلاس دوسىنا» اينالادى. «حوۋ اپاي مەنىڭ ءومىرىمدى وزگەرتتى!» - دەيدى جۇماحۇن.
جاۋبيشان اۋىلى اراسۋ قىستاعىنىڭ تۇرعىنى وعۇلحان سىمايىل وتباسى حوۋ جيڭلياننىڭ كۇيەۋى جۇپ قۇراپ، تۋىس بولعان وتباسى. 2017 - جىلى 5 - ايدىڭ 22 - كۇنى وعۇلحان مەن كۇيەۋى توسىن اۆتوكولىك شىرعالاڭىنا ۇشىرايدى، ەكەۋىنىڭ جاراقاتى ءبىرشاما اۋىر بولعاندىقتان، باسقا شيپاحاناعا بارىپ، ەمدەلۋگە تۋرا كەلەدى. سول كەزدە حوۋ جيڭلياننىڭ كۇيەۋى سىرت جەردە قىزمەتتىك ساپاردا بولاتىن، كۇيەۋىنىڭ تەلەفونىن قابىلداعاننان كەيىن، ول دەرەۋ شيپاحاناعا بارىپ، قالتاسىنان 1500 يۋان شىعارىپ، وعۇلحان مەن كۇيەۋىنە باسقا شيپاحاناعا بارۋ ءراسمياتىن ءبىتىرىپ بەرەدى، جەتپەي قالعان ەمدەۋ قاراجاتىنا حوۋ جيڭليان كەپىل بولادى. باسقا شيپاحاناعا بارعاننان كەيىن 50 مىڭ يۋان وپەراتسيا قاراجاتى قاجەت بولاتىندىعىنان حاباردار بولعان حوۋ جيڭليان تاعى ولار ءۇشىن حالىق ىستەرىنەن كومەك وتىنەدى، سونداي - اق مەكەمەسىمەن بايلانىس جاساپ، قىزمەتكەرلەردى مەيىر باعىشتاپ، جىلۋ بەرۋگە جۇمىلدىرىپ، 2 كۇننەن كەيىن وپەراتسيا قاراجاتىن تولىقتاپ بولادى.
«تۋىستاسۋ ەكى وتباسىن قاۋىشتىردى، ءبىزدىڭ ءبىر ءۇيلى جان تۇگەلدەي سەنىڭ تۋىسىڭ». حوۋ جيڭليان شيپاحاناعا بارىپ، جىلۋعا جيىلعان اقشانى وعۇلحاننىڭ قولىنا بەرگەندە، وعۇلحان اسەرلەنگەنىنەن كوزىنە جاس الادى. «پارتيانىڭ جاقسى كادرلارىنىڭ ماعان ەكىنشى رەت ءومىر سيلاعانىنا راقىمەت»، - دەيدى وعۇلحان.
تالاي جىلداردان بەرى، حوۋ جيڭليان ۇلتتار ىنتىماعى − ءار ۇلت حالقىنىڭ جانى دەگەننەن قاي - قاشان دا جازباي كەلدى، ول ءوزى وسىلاي ىستەۋمەن بىرگە، تاعى اينالاسىنداعى ادامداردى ۇلتتار ىنتىماعىن امالياتتا ايگىلەۋشى بولۋعا تاربيەلەدى.
«ءىستىڭ ءبىتۋى بەرەكەدە، كۇش بىرلىكتە». تەك ءار ۇلت بۇقاراسى تىلەكتەس بولىپ، ءوزارا كومەكتەسەتىن بولسا، ۇلتتار ىنتىماعىنىڭ گۇلى قۇلپىرا اشىلادى»، - دەدى حوۋ جيڭليان.
