شىن ياپيڭ
رەفورما جاساپ، ەسىك اشۋدىڭ 40 جىلدىق دابىرالى تاريحي ۇدەرىسى شينجياڭ جونىنەن قانداي ءمان الادى؟
«ۇلى وزگەرىس − رەفورما جاساپ، ەسىك اشۋدىڭ 40 جىلدىعىن قۇتتىقتاۋ كولەمدى كورمەسىن» ارالاعاندا، شينجياڭعا قاتىستى كورىنىستەردى كورگەنىمىزدە، تاريحتىڭ جاۋابىن ءدال تاپقانداي بولدىق.
قارقىن مەن اسقاق سەزىمدى ايگىلەگەن لانجوۋ - شينجياڭ تەمىر جولى، جۇڭگوداعى ەڭ ۇلكەن مۇناي، تابيعي گاز ساقتالعان ويپات − تارىم ويپاتى، دۇنيە جۇزىلىك جاراتىلىستىق مۇراعاتقا ەنگىزىلگەن ايبىندى تيانشان تاۋى... شينجياڭنىڭ 40 جىلدىق رەفورما جاساپ، ەسىك اشۋ بارىسىندا قول جەتكىزگەن ماقتان تۇتارلىق دامۋ تابىستارىن ايگىلەدى.
سول كەزدە دۇنيە ءجۇزىنىڭ ەڭ جوعارى دەڭگەيىنە ۋاكىلدىك ەتكەن 800± كيلوۆولتتىق ەرەكشە جوعارى كەرنەۋلى تۇراقتى توك اعىنىن تۇرلەۋىش ترانسفورماتورى، «شينجياڭداعى سانشيا» اتانعان اراتاش سۋ يگىلىگى تورابى ...
شينجياڭنىڭ رەفورما جاساپ، ەسىك اشۋ بارىسىندا جەتىلدىرگەن جاسامپازدىق رۋحى مەن باۋىرمال دارقاندىعىنىڭ كۋاسى.
ەڭ ەستەن كەتپەيتىنى، كورمەدەن كورىنگەن شينجياڭدىقتار سانالادى. ولار اۋىز سۋدى جاقسارتۋ ينجەنەرياسىنىڭ يگىلىگىن كورگەن حوتانداعى ءار ۇلت بۇقاراسى، ىشكى ولكەلەردەگى شينجياڭ تولىق ورتا كلاستارىندا وقىپ جاتقان ۇل - قىزدار، اۋىل شارۋاشىلىعى ساۋدا بازارىنداعى جومارت ساۋداگەرلەر... ولاردىڭ تاعدىرىندا رەفورما جاساپ، ەسىك اشۋدان زور وزگەرىس تۋىلعان، ولاردىڭ ارمانى رەفورما جاساپ، ەسىك اشۋمەن ارىنداپ اسقاقتاعان.
40 جىلدان بەرى، پارتيا مەن مەملەكەتتىڭ رەفورما جاساۋ، ەسىك اشۋ ساياساتىنىڭ نۇر - شۇعىلاسى مەن مەيىر - شاپاعاتىنان ءنار العان شينجياڭ ءداۋىردىڭ ايبىندى تولقىنىندا ەكپىندەي العا تارتتى، تيانشاننىڭ تۇستىگى مەن تەرىستىگىندە زور وزگەرىستەر جارىققا شىعىپ، شىت جاڭا تۇسكە بولەندى، ءار ۇلت بۇقاراسىنىڭ باقىت سەزىمى، تابىس سەزىمى كۇن سايىن ارتتى.
40 جىلدىڭ قىرقاسىندا، ءبىز مەملەكەت پەن جەكەنىڭ تاعدىرىن وزگەرتكەن ۇلى ءداۋىردى القايمىز ءارى وعان العىس ايتامىز.
باسىپ وتكەن جولعا قايىرىلا قاراۋمەن بىرگە، العا باسۋ باعىتىن دا ايقىنداۋ كەرەك. وزگەرىس باسقان قادامنان باستالادى، باقىت كۇرەسپەن كەلەدى. ءدال وسى ساتتە، ءبىزدىڭ رەفورما جاساپ، ەسىك اشۋعا ارناعان ەڭ جاقسى شاشۋىمىز − يدەيانى بىرلىككە كەلتىرىپ، ورتاق تانىم ۇيىستىرىپ، سەنىمدى بەكەمدەپ، ىنتىماقتاسا ىلگەرىلەپ، جاڭا داۋىردەگى رەفورما جاساپ، ەسىك اشۋدى ۇزدىكسىز العا ىلگەرىلەتۋ بولماق.
