11 - ايدىڭ 25 - كۇنى مەملەكەت مۇراجايىنداعى «ۇلى وزگەرىس − رەفورما جاساۋدىڭ، ەسىك اشۋدىڭ 40 جىلدىعىن قۇتتىقتاۋ كولەمدى كورمەسىنەن» كورىنىس.
ءتىلشىمىز شى شين 11 - ايدىڭ 27 - كۇنى بەيجيڭنەن حابارلايدى. جىبەك جولى ەكونوميكالىق بەلدەۋىنىڭ كەسكىنى، ياركەن وزەنىنىڭ تاسقىننان ساقتانۋ ينجەنەرياسى، شاتى بايىرعى جولى ساحاراسى، شەكارا كۇزەتۋشى قارت ۋي دىيوۋ... 11 - ايدىڭ 13 - كۇنى مەملەكەت مۇراجايدا اشىلعان «ۇلى وزگەرىس − رەفورما جاساپ، ەسىك اشۋدىڭ 40 جىلدىعىن قۇتتىقتاۋ كولەمدى كورمەسىندە» 30دان استام شينجياڭ فاكتورى بوي كورسەتىپ، شينجياڭنىڭ رەفورما جاساپ، ەسىك اشقان 40 جىلدان بەرى وتانمەن بىردەي جيىلىكتە تەڭ جاڭعىرىپ كەلە جاتقاندىعىن جاندى بەينەلەدى.
وسى رەتكى كورمەنى ورتالىق كوميتەتتىڭ ۇگىت ءبولىمى، ورتالىق رەفورما كەڭسەسى، ورتالىق پارتيا تاريحىن جانە حۇجات زەرتتەۋ ورنى، مەملەكەتتىك دامۋ جانە رەفورما كوميتەتى، ساۋدا ىستەرى مينيسترلىگى، شينحۋا اگەنتتىگى، ورتالىق اسكەري ىستەر كوميتەتىنىڭ ساياسي قىزمەت ءبولىمى، بەيجيڭ قالاسى بىرلەسىپ وتكىزگەن. ۇلى وزگەرىس، كوركەم داستان، شەشۋشى تالعام، تاريحي زور وزگەرىس، ءىرى ەل كەلبەتى جانە بولاشاقتى بەتكە الۋ سىندى 6 نەگىزگى تاقىرىپتىق مازمۇن بويىنشا كورمە رايونى ورنالاستىرىلعان.
ءتىلشى كورمەنىڭ تاريحي سۋرەتتەر، ماتىندىك بەينە جازبا، ناقتى زات كورىنىستەرى، قۇم نۇسقا مودەلى، تىكە قاتىناسىپ سەزىنۋ سياقتى ءتۇرلى ءتاسىل جانە فاكتورلار ارقىلى ەلىمىزدە رەفورما جاساپ، ەسىك اشقان 40 جىلدان بەرى جارىققا شىققان ۇلى وزگەرىستەردى كورنەكتىلەندىرە ايگىلەگەندىگىن بايقادى.
كورمەدە شينجياڭ فاكتورلارى ءجيى بوي كورسەتتى، جىبەك جولى ەكونوميكالىق بەلدەۋىنىڭ وزەكتى رايونى قۇرىلىسى، ەكونوميكالىق سەلبەستىك، دەموكراتيا − زاڭمەن جونگە سالۋ قۇرىلىسى، جۇڭحۋا مادەنيەتىن قورعاۋ جانە وعان مۇراگەرلىك ەتۋ، ادام مەن تابيعاتتىڭ جاراسىمدى دامۋى، ەكولوگيانى قالپىنا كەلتىرۋ، نەگىزدىك قۇرىلعى قۇرىلىسى، ەنەرگيا بايلىعىن اشۋ جانە ودان پايدالانۋ، حالىق تۇرمىسىن جاقسارتۋدان تارتىپ حالىق بۇقاراسىنىڭ تابىس سەزىمى قاتارلىلارعا دەيىن كوپتەگەن جاندى تاريحي جاي - جاپسارلار شينجياڭنىڭ رەفورما جاساپ، ەسىك اشۋدىڭ الىپ تولقىنىندا اتويلاپ الدا ءجۇرىپ، ارمان قۋىپ العا ۇمتىلعان اڭگىمەسىن بەينەلەپ، 40 جىلدان بەرى شينجياڭنىڭ بايتاق دالاسىندا تۋىلعان زور وزگەرىستەردى ايگىلەدى.
وسى جولعى كورمە ينتەرنەت +، VR، AR سياقتى تاسىلدەردەن جالپى بەتتىك پايدالانىپ، ستەرەولدى كورمەدەن سەزىنۋ كەڭىستىگىن جاراتىپ، كوركەمونەر مەن تەحنيكانى جوعارى دەڭگەيدە توعىستىرىپ، تاماشالاۋشىلاردىڭ كورۋ، تىڭداۋ، سەزىنۋ سياقتى فورمالار ارقىلى تەرەڭدەي سەزىنىپ، تىكە قاتىناسۋ ارقىلى تەبىرەنىپ، ۇعىنىپ، تاربيە الۋىنا مۇمكىندىك جاراتتى. مازمۇن كورمە اۋماقتارىندا تىكە قاتىناسۋ نىساندارىن ورنالاستىرۋدان سىرت، «كورىكتى جۇڭگو» كەسكىن ءدالىزى، «چيڭميڭ مەرەكەسىندە قىدىرۋ» دوعا ەكراندى كينو، «ۋاقىت مۇراجايى» سياقتى كوپتەگەن شوعىرلى تىكە قاتىناسۋ وڭىرلەرىن ورنالاستىردى. «اتا مەكەنىمدى سۇيەمىن» اتتى تىكە قاتىناسۋ نىسانىندا كورمەنى تاماشالاۋعا كەلگەن 1891 شينجياڭدىق وزدەرىنىڭ اتا مەكەندەرىن القاپ، مەدەت بەردى.
