شينحۋا اگەنتتىگىنىڭ 11 - ايدىڭ 28 - كۇنى بەيجيڭنەن بەرگەن حابارى. جۋىقتا جۇڭگو كوممۋنيستىك پارتياسى ورتالىق كوميتەت كەڭسەسى «كادرلار ارحيۆى قىزمەت ەرەجەسىن» باسىپ تاراتتى ءارى ۇقتىرۋ شىعارىپ، جەر - جەردەن، تاراۋلاردان وسى بويىنشا مۇقيات اتقارۋىن تالاپ ەتتى.
ۇقتىرۋدا بىلاي دەپ اتاپ كورسەتىلدى: «ەرەجە» شي جينپيڭنىڭ جاڭا ءداۋىر جۇڭگوشا سوتسياليزم يدەياسىن جانە پارتيا 19 - قۇرىلتايىنىڭ رۋحىن جاپپاي دايەكتىلەندىرىپ، مەملەكەتتىك ۇيىمداستىرۋ قىزمەتى ءماجىلىسىنىڭ رۋحىن ىشكەرىلەي تياناقتاندىرىپ، پارتيانىڭ جالپى بەتتىك باسشىلىعىنا تاباندى بولىپ جانە ونى كۇشەيتىپ، پارتيانى پارتيا باسقارۋعا، پارتيانى جالپى بەتتىك قاتاڭ جونگە سالۋعا تاباندى بولىپ، كادرلاردى قاتاڭ باسقارۋدان جازباي، پارتيا 18 - قۇرىلتايىنان بەرى كادرلار ءىسى ارحيۆىن قاتاڭ باسقارۋ قىزمەتىندە قول جەتكىزگەن جاڭا تاجىريبەلەر مەن تىڭ جەتىستىكتەردى قورىتىندىلاپ جانە ونى قابىلداپ، كادرلار ءىسى ارحيۆى قىزمەتىنىڭ ءتۇزىلىس - مەحانيزمىن، مازمۇن قۇرىلىسىن، كۇندەلىكتى باسقارۋدى، پايدالانۋ - تەكسەرۋدى، ءتارتىپ جاقتان باقىلاۋدى، ت.ب ارناعا ءتۇسىردى جانە كەمەلدەندىردى، ول بۇدان كەيىنگى ءبىر مەزگىلدە بۇكىل ەلدەگى ءار دارەجەلى، ءار ءتۇرلى كادرلار ءىسى ارحيۆى قىزمەتىنىڭ نەگىزگى ولشەمى بولادى.
ۇقتىرۋدا مىنالار تالاپ ەتىلدى: ءار دارەجەلى پارتكوم (پارتيا باسشىلىق گرۋپپاسى)، سونداي - اق ونىڭ ۇيىمداستىرۋ، كادرلار ءىسى تاراۋلارى ساياسي تانىمدى، جالپى جاعداي تانىمىن، ۇيتقى تانىمىن، قاتار تۇزەۋ تانىمىن بەرىك ورناتىپ، «ەرەجەنى» ىشكەرىلەي ۇيرەنىپ، ۇگىتتەپ، دايەكتىلەندىرىپ، ساياسي دەڭگەيدى جوعارىلاتىپ، كادرلار ءىسى ارحيۆىن جاڭا داۋىردەگى پارتيانىڭ بيلىك جۇرگىزۋدەگى ماڭىزدى بايلىعىنا شىن مانىندە اينالدىرۋ كەرەك. باسقارۋ ءتۇزىلىسىن كەمەلدەندىرۋگە، قىزمەت ءتۇزىمىن اقاۋسىزداندىرۋعا، قىزمەت ولشەمىن اشالاۋعا، قىزمەت تاسىلىندە جاڭالىق اشۋعا كۇش سالىپ، كادرلار ءىسى ارحيۆى قىزمەتىنىڭ ساپاسىن جالپى بەتتىك جوعارىلاتىپ، كادرلار ءىسى ارحيۆى قىزمەتىن عىلميلاندىرۋدى، تۇزىمدەندىرۋدى، ولشەمدەندىرۋدى ۇزدىكسىز ىلگەرىلەتىپ، قالىڭ كادر - دارىندىلارعا قىزمەت وتەۋ، پارتيا قۇرىلىسىنىڭ جاڭا ۇلى ينجەنەرياسىنا قىزمەت وتەۋ، جاڭا ءداۋىر جۇڭگوشا سوتسياليزم ۇلى ىسىنە قىزمەت وتەۋ كەرەك.
