تيانشان تورابى   ›   جاڭالىقتار   ›   ۇلتتار ىنتىماعىنىڭ بەرەكەلى شاڭىراعى

«چىن اعاي ءبىزدىڭ تۋىسىمىز»

ءتىلشى ۋاڭ لەي

  11 - ايدىڭ 22 - كۇنى تۇنىمەن سوققان قارلى بوران تارباعاتاي ايماعى اسىل تۇقىمدى سيىر فەرماسىنىڭ باستىعى چىن شۋميڭدى قاتتى الاڭداتتى. ول مىنا بوراندا قازاق تۋىسى ادالتايدىڭ ءۇيى جىلى ما، قوراداعى مالى امان با ەكەن دەپ الاڭداپ وتىردى، ادالتايمەن تەلەفوندا تىلدەسسە دە، الاڭسىز ۇيىقتاي المادى. ەرتەسى تاڭ بوزىنان چىن شۋميڭ شاۋەشەك قالاسىنان 40 كيلومەتر شالعايداعى ايماقتىق اسىل تۇقىمدى سيىر فەرماسىنىڭ ەگىنشىلىك 4 - اترەتىندەگى ادالتايدىڭ وتباسىنا جەتتى.

  « چىن اعا، قاراڭىزشى، وتباسىمىز امان - ەسەن، ەشتەڭە بولعان جوق»، - دەدى اياق - استىنان جەتىپ كەلگەن چىن شۋميڭدى كورگەن ادالتاي قۋانىشپەن تاڭىرقاي قاراپ.

  ادالتاي اسىل تۇقىمدى سيىر فەرماسىنىڭ جۇمىسشىسى، 2 جىلدىڭ الدىندا چىن شۋميڭمەن جۇپ قۇراپ، تۋىس بولعان، چىن شۋميڭ ادالتايدىڭ باعىمشىلىقتى دامىتۋىنا كومەكتەسىپ، اۋلا شارۋاشىلىعىن جانداندىرۋىنا دەم بەردى، قازىر ول جىلدىق كىرىسىن 20 مىڭ يۋاننان اسىردى.

  بيىل ادالتاي ءۇي سالۋعا بەرىلەتىن جاردەماقى ساياساتىنان يگىلىكتەنىپ جاڭا ءۇي سالدى، الايدا قارجى تاپشىلىعىنان اس ءۇيىنىڭ جۇمىستارى كەشەۋىلدەپ بىتپەي قالعان ەدى، بۇل جاعدايدى بىلگەن چىن شۋميڭ 2500 يۋان اقشا شىعارىپ، ادالتايعا بەرەدى. تۋىسىنىڭ قاراجاتىن ۇنەمدەۋ ءۇشىن، چىن شۋميڭ ءۇرتىس 4 كۇن ادالتايمەن بىرگە سەمەنت يلەپ، قىش كەرپىش جاتقىزىپ، قابىرعانى اقتادى... توگىلگەن تەر مەن شاتتىق كۇلكىسى اعا - باۋىرلاردىڭ سۇيىسپەنشىلىگىنىڭ ەڭ تاماشا كۋاسىنا اينالدى.

  10 - ايدا ادالتاي وتباسى جاتاعان تام ۇيگە قوش ايتىپ، جاڭا ۇيلەرىنە كۇشىپ كىردى، چىن شۋميڭ كۇرىش، ۇن، ماي ساتىپ اكەلىپ، ادالتاي وتباسىمەن بىرگە جاڭا قونىستاعى العاشقى استى بىرگە ءىشتى. ادالتاي وتباسىنداعىلاردىڭ مەملەكەتتە ءبىر تۇتاس قولدانىلاتىن ءتىل - جازۋدى جاقسى ۇيرەنىپ، مەملەكەتتىڭ ءىرى ىستەرىن ءبىلىپ وتىرۋلارى ءۇشىن، ول تاعى ادالتاي وتباسىنا ءبىر دانا سۇيىق كريستال تەلەۆيزورىن ساتىپ اپەردى.

  ادالتاي بىلاي دەدى: پارتيانىڭ ابزال ساياساتىنىڭ ارقاسىندا جاڭا ۇيگە كىردىك، «ۇلتتار ىنتىماعىنىڭ بەرەكەلى شاڭىراعى» قيمىلى وتباسىمىزعا جاقسى تۋىس تاۋىپ بەردى، چىن اعاي ءبىزدىڭ تۋىسىمىز.

  تەك ادالتاي وتباسىن عانا ەمەس، كوپ جىلداردان بەرى چىن شۋميڭ وتباسىندا قيىنشىلىعى بار بارلىق جۇمىسشىلاردى جان اشىر - جاقىنىنا بالاپ كەلەدى. اسىل تۇقىمدى سيىر فەرماسىندا قيىنشىلىعى بار جۇمىسشىلار كوپ، ونىڭ باستاۋىندا فەرمادا كومەكتەسۋ قور قوعامى قۇرىلىپ، ىلگەرىندى - كەيىندى قيىنشىلىعى بار 450 نەشە جۇمىسشى - قىزمەتكەرگە (رەت) كومەك كورسەتتى. چىن شۋميڭ ءۇشىن الىپ ايتقاندا، جۇمىسشىلاردىڭ قيىنشىلىعىن شەشۋدى كوڭىلدە ساقتاعاندا عانا، ارەكەتتە تياناقتاندىرۋعا بولادى، سوندا عانا ءار ۇلتتى اناعۇرلىم ىنتىماقتاستىرۋعا بولادى.

  اسىل تۇقىمدى سيىر فەرماسى اسىل تۇقىم جەتىلدىرۋ ورتالىعىنىڭ جۇمىسشىسى ءمۇنيرا تالاي جىلداردان بەرى تۋما كوز اۋىرۋى بار ۇلىمەن بىرگە تۇرمىس كەشىرىپ كەلەدى، كۇن كورىستەرى تىم شىركىن - اي ەمەس ەدى. بۇل جاعدايدان حابار تاپقان سوڭ، چىن شۋميڭ ىرىقتىلىقپەن ءمۇنيرانىڭ كومەكتەسۋ وبيەكتىسى بولادى. 2011 - جىلى بالاسى ەكەۋىنىڭ 46 شارشى مەترلىك تومەن اقىلى جالعا بەرىلەتىن ءۇي ءوتىنىش ەتۋىنە كومەكتەسەدى، جىل سايىن فەرمادان انا - بالالى ەكەۋىنە تۇرمىستىق كومەك قاراجات تاراتۋدان تىس، بالاسىنىڭ وقۋىنا كەتەتىن قاراجاتىن شەشىم ەتەدى. ەكونوميكانىڭ تاپشىلىعىنان ءمۇنيرانىڭ ۇلى اكباردىڭ وپەراتسياسى كەشەۋىلدەي بەرەدى، چىن شۋميڭ تاعى 10 مىڭ يۋاندى سايكەستىرىپ الىپ بەرىپ، وعان جاساندى كوز سالدىرىپ بەرەدى.

  مىنە بۇگىن 17 جاستاعى اكبار سابيلەر مۇعالىمدارى ماماندىعىن وقيتىن اشىق - جارقىن وقۋشى، اكبار بىلاي دەدى: چىن اعايدىڭ وتباسىمىزعا ىستەگەن جاقسىلىقتارىن جادىمدا ساقتاپ كەلەمىن، مەيلى قايدا بارسام دا، مەن ۇلتتار ىنتىماعىنىڭ حيكاياسىن باسقالارعا ايتىپ بەرەمىن. مەكتەپ بىتىرگەن سوڭ، مەن چىن اعايدان ۇيرەنىپ، سۇيىسپەنشىلىك ارقىلى قوعامعا قىزمەت ەتەمىن.

  چىن شۋميڭنىڭ باستاماشىلدىعىندا، اسىل تۇقىمدى سيىر فەرماسىنداعى ءار ۇلت كادرلارى مەن جۇمىسشى - قىزمەتكەرلەرى ءۇرتىس تالاي جىل «قارجى اتاپ، زاعيپتارعا جاردەم جاساپ، مەيىر باعىشتاۋ»، «ءۇنحاتتا بۇقاراعا كومەكتەسۋ» توبىن بىرگە قۇرۋ، «تۋىسقا بارعاندا» بىرگە بارۋ، وتباسى باس قوسۋلارىن بىرگە وتكىزۋ قيمىلدارىن ورىستەتىپ، فەرمادا ۇلتتار ىنتىماعىندا ءوزارا كومەكتەسۋ، ءوزارا جاردەم بەرۋ سالتقا اينالدى.

جاۋاپتى رەداكتور : سايراش تۇرارجان قىزى

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورابى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.

  • ادام مەن تابيعاتتىڭ جاراسىمدى داستانىن جازدى
  • قالاسى كوركەم، حالقى باي جاڭا كارتينانى كەستەلەدى
  • ءشول دالادان «جاسىل قورعان» تۇرعىزدى
  • ءشول دالا جاسىل جەلەك جامىلدى
بىزبەن بايلانىس جارناما قىزمەتى لەبىز قالدىرۋ ءبىز تۋرالى