تيانشان تورى
تيانشان تورى   ›   ۇيرەنۋ   ›   ماڭىزدى حۇجاتتار

جۇڭگو كوممۋنيستىك پارتياسى ورتالىق كوميتەتى، مەملەكەتتىك كەڭەس وڭىرلەردى سايكەستى دامىتۋدىڭ اناعۇرلىم ءونىمدى جاڭا مەحانيزمىن ورناتۋ جونىندەگى پىكىردى العا قويدى

  شينحۋا اگەنتتىگىنىڭ 11 - ايدىڭ 29 - كۇنى بەيجيڭنەن بەرگەن حابارى. جۇڭگو كوممۋنيستىك پارتياسى ورتالىق كوميتەتى، مەملەكەتتىك كەڭەس وڭىرلەردى سايكەستى دامىتۋدىڭ اناعۇرلىم ءونىمدى جاڭا مەحانيزمىن ورناتۋ جونىندەگى پىكىردى العا قويدى.

  «پىكىردە» مىنالار اتاپ كورسەتىلدى: وڭىرلەردى سايكەستى دامىتۋ ستراتەگياسىن اتقارۋ − مەملەكەتتىڭ جاڭا داۋىردەگى كەلەلى ستراتەگيالارىنىڭ ءبىرى، جاڭا دامۋ ۇستانىمىن دايەكتىلەندىرۋدىڭ، وسىزاماندانعان ەكونوميكالىق جۇيە قۇرۋدىڭ ماڭىزدى قۇرامداس بولىگى. كەزەكتە ەلىمىزدە وڭىرلەردىڭ دامۋ پارقى ءالى دە ءبىرشاما زور، وڭىرلەرگە ءبولىنۋ جايتى كورنەكتى، ءتارتىپسىز اشۋ مەن ورىنسىز باسەكە ءالى دە ورىن تەۋىپ وتىر، وڭىرلىك دامۋدىڭ بىركەلكى بولماۋى، تولىق بولماۋى ماسەلەسى ءالى دە ءبىرشاما اۋىر، وڭىرلەردى دامىتۋ مەحانيزمى دەرلىكتەي كەمەلدى ەمەس، جاڭا داۋىردەگى وڭىرلەردى سايكەستى دامىتۋ ستراتەگياسىن اتقارۋدىڭ قاجەتىنە ۇيلەسۋى قيىن.

  «پىكىردە» مىنالار العا قويىلدى: 2020 - جىلعا دەيىن، جاپپاي دوڭگەلەك داۋلەتتى قوعام ورناتۋعا ۇيلەسەتىن وڭىرلەردى سايكەستى دامىتۋدىڭ جاڭا مەحانيزمىن ورناتۋ، وڭىرلەردى ستراتەگيالىق جاقتان ءبىر تۇتاس جوبالاۋ مەحانيزمىن ورناتۋ، نەگىزدىك الەۋمەتتىك قىزمەت كورسەتۋدى بىركەلكىلەندىرۋ مەحانيزمىن ورناتۋ، وڭىرلىك ساياساتتاردى رەتتەۋ - مەڭگەرۋ مەحانيزمىن ورناتۋ، وڭىرلەردى دامىتۋدى قامتاماسىز ەتۋ مەحانيزمىن ورناتۋ سياقتى جاقتاردا كورنەكتى جاڭالىققا قول جەتكىزۋ، بازاردىڭ ءبىر تۇلعالانعان دامىتۋ مەحانيزمىن كەمەلدەندىرىپ، وڭىرلەردىڭ سەلبەستىك مەحانيزمىن تەرەڭدەتۋ، وڭىرلەردىڭ ءبىر - بىرىنە جاردەمدەسۋ مەحانيزمىن ساپالىلاندىرۋ، وڭىرلەر اراسىنداعى پايدا تولەم مەحانيزمىن اقاۋسىزداندىرۋ سياقتى جاقتاردا تىڭ ىلگەرىلەۋشىلىككە قول جەتكىزۋ، وڭىرلەردى سايكەستى دامىتۋ جاڭا مەحانيزمىنىڭ وڭىرگە ءبولىنۋىن ۇتىمدى تەجەۋ، وڭىرلەردى اشۋ ءتارتىبىن ارناعا ءتۇسىرۋ، وڭىرلەردىڭ ءبىر تۇلعالانعان دامۋىن جەبەۋ بارىسىنداعى بەلسەنەدى رولىن ساۋلەلەندىرۋ.

  2035 - جىلعا دەيىن، وسىزاماندانۋدى نەگىزىنەن جۇزەگە اسىرۋعا ۇيلەسەتىن وڭىرلەردى سايكەستى دامىتۋدىڭ جاڭا مەحانيزمىن ورناتىپ، وڭىرلىك ساياساتتاردىڭ قازىنا، اقشا سياقتى ساياساتتارمەن ءونىمدى سايكەسۋىن، سەلبەسۋىن جۇزەگە اسىرۋ، وڭىرلەردى سايكەستى دامىتۋ جاڭا مەحانيزمىنىڭ وڭىرلىك دامۋ پارقىن كورنەكتى ازايتۋ جانە نەگىزدىك الەۋمەتتىك قىزمەت وتەۋدىڭ بىركەلكىلىگىن، نەگىزدىك قۇرىلعىلاردى ۇلاستىرۋ دەڭگەيىنىڭ ءبىرشاما بىركەلكىلىگىن، حالىقتىڭ نەگىزدىك تۇرمىسىن قامتاماسىز ەتۋ دەڭگەيىنىڭ نەگىزىنەن قارايلاس بولۋىن جۇزەگە اسىرۋ بارىسىنداعى ماڭىزدى رولىن ساۋلەلەندىرىپ، وسىزاماندانعان ەكونوميكالىق جۇيە قۇرۋ جانە حالىقتىڭ كۇننەن - كۇنگە ارتىپ كەلە جاتقان باقىتتى تۇرمىسقا دەگەن قاجەتىن قاناعاتتاندىرۋدى ماڭىزدى تىرەكپەن قامداۋ.

  وسى عاسىردىڭ ورتا شەنىنە بارعاندا، جاپپاي سوتسياليستىك وسىزاماندانعان قۇدىرەتتى ەل قۇرۋعا ۇيلەسەتىن وڭىرلەردى سايكەستى دامىتۋ جاڭا مەحانيزمىن ورناتىپ، وڭىرلەردى سايكەستى دامىتۋ مەحانيزمىنىڭ وڭىرلىك جونگە سالۋ جۇيەسىن كەمەلدەندىرۋ، وڭىرلىك جونگە سالۋ قابىلەتىن ءوسىرۋ، جالپى حالىقتىڭ ورتاق بايۋىن جۇزەگە اسىرۋ سياقتى جاقتارداعى ونىمدىلىگىن ارتتىرىپ، ەلىمىزدى سوتسياليستىك وسىزاماندانعان قۇدىرەتتى ەل ەتىپ قۇرىپ شىعۋدى پارمەندى كەپىلدىككە يە ەتۋ.

   «پىكىردە» وڭىرلەردى ستراتەگيالىق جاقتان ءبىر تۇتاس جوبالاۋ مەحانيزمىن ورناتۋ، بازاردىڭ ءبىر تۇلعالانعان دامۋ مەحانيزمىن اقاۋسىزداندىرۋ، وڭىرلەردىڭ سەلبەستىك مەحانيزمىن تەرەڭدەتۋ، وڭىرلەردىڭ ءبىر - بىرىنە جاردەمدەسۋ مەحانيزمىن ساپالىلاندىرۋ، وڭىرلەردىڭ پايدا تولەم مەحانيزمىن اقاۋسىزداندىرۋ، نەگىزدىك الەۋمەتتىك قىزمەت كورسەتۋدى بىركەلكىلەندىرۋ مەحانيزمىن كەمەلدەندىرۋ، وڭىرلىك ساياساتتاردى رەتتەۋ - مەڭگەرۋ مەحانيزمىندە جاڭالىق اشۋ، وڭىرلەردى دامىتۋدى قامتاماسىز ەتۋ مەحانيزمىن اقاۋسىزداندىرۋ، ۇيىمداستىرىپ اتقارۋدى شىن مانىندە كۇشەيتۋ سياقتى قىزمەتتەر پرينسيپتىك جاقتان ورنالاستىرىلدى.

جاۋاپتى رەداكتور : سايراش تۇرارجان قىزى

ەسكەرتۋ:

تورابىمىزداعى مازمۇنداردى پايدالانۋعا تۋرا كەلگەندە، ءسوزسىز جازباشا رۇقساتقا يە بولۋ كەرەك. مازمۇنداردى رۇقساتسىز جالعاپ تاراتۋعا، كەسىپ رەداكسيالاۋعا، وزگەرتۋگە، قىسقارتىپ قۇراستىرۋعا، باسقا ورىنعا كوشىرۋگە نەمەسە باسقا تاسىلدەرمەن كوبەيتۋگە ءارى تاراتۋعا بولمايدى، قايشى كەلگەندەردىڭ زاڭدىق جاۋاپكەرشىلىگى زاڭ بويىنشا قۋزاستىرىلادى.