شونجى اۋداندىق قوعام حاۋىپسىزدىگى مەكەمەسى ۋماچاڭ ساقشى بولىمشەسىنىڭ باستىعى
باعدات قانات ۇلى
مەن مالشىنىڭ ۇلىمىن، مەن جانە وتباسىمداعىلار پارتيانىڭ نۇر - شۇعىلاسىنا بولەندى، پارتيانىڭ حالىققا ءتيىمدى ساياساتتارىنان يگىلىكتەنىپ، باقىتتى تۇرمىس كەشىرىپ كەلەمىز. 1996 - جىلى مەن ساقشى مەكتەبىنەن وقۋ تاۋىسقاننان كەيىن، اۋىلىم شونجى اۋدانىنا قايتىپ كەلىپ، حالىق ساقشىسى بولدىم، 2002 - جىلى داڭقپەن جۇڭگو كوممۋنيستىك پارتياسىنا مۇشە بولدىم. مەن جوعارى ورىن جاعىنان تالاي رەت ماداقتالىپ، سيلاندىم، 2 رەت داڭقتى تۇردە 3 - دارەجەلى ەڭبەك كورسەتتىم ءارى سانجى حۇيزۋ اۆتونوميالى وبلىسى جاعىنان ۇلتتار ىنتىماعى، العاباسارلىعىنىڭ وزاتى بولىپ باعالاندىم. مەن قاي - قاشان دا پارتياعا العىس ايتامىن، ۇلى وتانعا العىس ايتامىن.
الايدا، «ءۇش ءتۇرلى كۇش» «ۇلتتى» جەلەۋ ەتىپ، «ءدىن» تونىن جامىلىپ، ءدىني ۇشقارى يدەيانى ۇگىتتەپ، ءتۇرلى - ءتۇستى تەرىس ۋاعىزداردى تاراتىپ، ۇلتتىق وشپەندىلىككە جەلىكتىرىپ، زورلىقتى كۇش لاڭكەستىك دەلولارىن تۋدىرىپ، قوعامنىڭ ىنتىماعىن، ورنىقتىلىعىن ءبۇلدىردى. ولاردىڭ ماقساتى − وتاندى بولشەكتەۋ، جۇڭحۋا ۇلتىنىڭ ۇلى شاڭىراعىن بولشەكتەۋ. ەگەر ولاردىڭ قاسكۇنەمدىگى جۇزەگە اساتىن بولسا، ءبىزدىڭ بۇگىنگى وڭاي - وسپاق قولعا كەلمەگەن دامۋ جەتىستىكتەرىمىز ويراندالادى، ءبىزدىڭ بۇگىنگى باقىتتى تۇرمىسىمىز بەن تاماشا بولاشاعىمىز سەلگە كەتەدى، ءبىز بۇعان استە جول بەرمەيمىز! ءبىز «ءۇش ءتۇرلى كۇشتىڭ» ءمانى مەن زيانىن جەتە تانۋىمىز كەرەك، ولارعا استە ەلەۋسىز قاراۋىمىزعا، ءۇن - ءتۇنسىز قاراپ وتىرۋىمىزعا، ەركىنە قويا بەرۋىمىزگە بولمايدى، اق - قاراسىن انىق ايىرماي، ولارمەن بىرگە بۇزاقىلىق ىستەۋىمىزگە تىپتەن بولمايدى، قايتا ايقىن تۋ ۇستاي وتىرىپ، باتىلدىقپەن كەۋدە كەرە العا شىعىپ، باتىل ءۇن قاتىپ، ايقىن پوزيتسيا ءبىلدىرىپ، ولارعا قارسى باتىل كۇرەس جۇرگىزۋىمىز، ولىسپەي - بەرىسپەيتىن كۇرەس جۇرگىزۋىمىز، «ءۇش ءتۇرلى كۇش» سىندى وسى ۋلى وسپەنى ءبىر جولاتا سىلىپ تاستاۋىمىز كەرەك.
پارتيالى كادر رەتىندە، مەن يدەيادا، ساياسيدا، ارەكەتتە پارتياعا باتىلدىقپەن ابسوليۋتتى ادال بولىپ، يدەيام مەن ارەكەتىمدى شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ شينجياڭدى جونگە سالۋ جالپى جوباسىمەن، اسىرەسە، قوعام ورنىقتىلىعى مەن باياندى تىنىشتىق باس نىساناسىمەن شىن مانىندە بىرلىككە كەلتىرىپ، پارتيانىڭ ساياسي ءتارتىبى مەن ساياسي قاعيداسىنا قاي - قاشان دا قاتاڭ بويسۇنىپ، شينجياڭنىڭ قوعام ورنىقتىلىعى مەن باياندى تىنىشتىعىن ءوزىمنىڭ ءىس جۇزىندىك ارەكەتىممەن قورعايمىن. اسىرەسە، وتاننىڭ تۇتاستىعىن، ۇلتتار ىنتىماعىن قورعاۋ، ۇلتتىق بولشەكتەۋشىلىككە قارسى تۇرۋ سىندى وسى كەلەلى پرينسيپتىك ماسەلەدە، وي - سانامدى قاي - قاشان دا سەرگەك ۇستاپ، باستان - اياق ايقىن تۋ ۇستاپ، تۇرعىمدا بەرىك تۇرىپ، پوزيتسيادا تاباندى بولىپ، «ءۇش ءتۇرلى كۇشكە»، «ەكىبەتكەيلەرگە» قارسى باتىل كۇرەس جۇرگىزىپ، تۇبەگەيلى جەڭىسكە جەتپەيىنشە، استە شەگىنبەيمىن.
نەگىزگى ساتىداعى حالىق ساقشىسى رەتىندە، مەن باس نىسانانى مىقتاپ ارقاۋ ەتىپ، قوعام ورنىقتىلىعىن قورعاۋدىڭ ەرجۇرەك قورعاۋشىسى بولىپ، تىنىشتىقتى قورعاۋداعى ساياسي جاۋاپكەرشىلىگىمدى باتىلدىقپەن ارقالايمىن. بولىمشەمىزدەگى بارلىق حالىق ساقشىلارىن «ءتورت تانىمدى» شىنايى كۇشەيتىپ، قاي - قاشان دا وسكەلەڭ قىراعىلىقتى ساقتاپ، زورلىقتى كۇش لاڭكەستىگىنە تاباندىلىقپەن سوققى بەرىپ، ورنىقتىلىقتى قورعاۋ مىندەتىن ناقتى قىزمەت بارىسىندا دايەكتىلەندىرىپ، تياناقتاندىرىپ، باستان - اياق اركىم ءوز جاۋاپكەرشىلىگىن ءبىلىپ، اركىم ءوز جاۋاپكەرشىلىگىن ارقالاپ، اركىم ءوز جاۋاپكەرشىلىگىن ادا ەتىپ، «ءۇش ءتۇرلى كۇشكە» استە ەشقانداي وراي بەرمەۋگە جەتەلەيمىن. قىلمىستىق ەلەمەنتتەردىڭ باس كوتەرۋگە باتىلى بارسا، ءبىز ولارعا باتىلدىقپەن سىلەيتە سوققى بەرۋىمىز، قوعام ورنىقتىلىعىن قورعاۋعا، وتاننىڭ تۇتاستىعىن قورعاۋعا ءوزىمىزدىڭ ىستىق قانىمىز بەن ءومىرىمىزدى ارناۋىمىز كەرەك.
