− اۆتونوميالى رايوندىق 9 - كەزەكتى پارتكومنىڭ التىنشى جالپى ءماجىلىسىنىڭ رۋحىن ۇيرەنۋ، دايەكتىلەندىرۋ جونىندە (3)
گازەتىمىزدىڭ شولۋشىسى
شينجياڭ قىزمەتىن جاقسى ىستەپ، شينجياڭ ءدوپ كەلگەن كورنەكتى ماسەلەلەردى شەشۋدىڭ تەتىگى − پارتيادا، مۇندا پارتيانىڭ جالپى جاعدايدى مەڭگەرەتىن، ءار جاقتى سايكەستىرەتىن باسشىلىق ۇيتقىلىق رولىن ساۋلەلەندىرۋ توتەنشە ماڭىزدى. اۆتونوميالى رايوندىق 9 - كەزەكتى پارتكومنىڭ التىنشى جالپى ءماجىلىسىنىڭ رۋحىن ۇيرەنۋدە، دايەكتىلەندىرۋدە پارتيانىڭ باسشىلىعىن كۇشەيتىپ، قوعام ورنىقتىلىعى مەن باياندى تىنىشتىق باس نىساناسىن ىسكە اسىرۋعا پارمەندى كەپىل ازىرلەۋ كەرەك. باس شۋجي شي جينپيڭنىڭ «شينجياڭ قىزمەتىن جاقسى ىستەۋدىڭ تەتىگى − پارتيادا» دەگەن ماڭىزدى نۇسقاۋىن ىشكەرىلەي دايەكتىلەندىرىپ، تياناقتاندىرىپ، جاڭا داۋىردەگى پارتيا قۇرىلىسىنىڭ باس تالابىن دايەكتىلەندىرىپ، تياناقتاندىرىپ، پارتيانى جاپپاي قاتاڭ جونگە سالۋدى تەرەڭ دامىتۋدى ۇزبەي ىلگەرىلەتىپ، پارتيانىڭ شينجياڭدا بيلىك جۇرگىزۋ نەگىزىن بەكەمدەپ، پارتيانىڭ شينجياڭدا بيلىك جۇرگىزۋ ورنىن نىعايتۋ كەرەك.
پارتيانىڭ ساياسي قۇرىلىسىن ماڭداي الدى ورىنعا قويۋعا تاباندى بولۋ كەرەك. باس شۋجي شي جينپيڭ: پارتيانىڭ ساياسي قۇرىلىسى − پارتيانىڭ ءتۇبىرلى قۇرىلىسى، ول پارتيا قۇرىلىسىنىڭ بەتالىسى مەن ءونىمىن بەلگىلەيدى، - دەپ اتاپ كورسەتتى. ءبىز «ءتورت تانىمدى» مىقتاپ ورناتىپ، «ءتورت سەنىمدى» بەكەمدەپ، باس شۋجي شي جينپيڭنىڭ ۇيتقىلىق ورنىن باتىل قورعاۋدى، شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ بەدەلى مەن ورتالىقتانعان ءبىر تۇتاس باسشىلىعىن باتىل قورعاۋدى ساياسيدى دارىپتەۋدىڭ باستى مىندەتى ساناۋىمىز كەرەك. ءارقانداي كەزدە، ءارقانداي جاعدايدا باستان - اياق ۇيتقىنى شىنايى مويىنداپ، ۇيتقىنى قورعاپ، ۇيتقىعا قىزمەت وتەپ، ۇيتقىعا تىعىز ىلەسىپ، ۇيتقىنى قولداپ، ۇيتقىعا ابسوليۋتتى ادال بولىپ، يدەيادا، ساياسيدا، ارەكەتتە شي جينپيڭ جولداستى ۇيتقى ەتكەن پارتيا ورتالىق كوميتەتىمەن وسكەلەڭ ءبىر اۋىزدىلىقتى ساقتاۋىمىز كەرەك. بولشەكتەۋشىلىككە قارسى تۇرۋ كۇرەسىنىڭ ءتارتىبىن كورنەكتى ورىنعا قويۋدان جازباي، وتاننىڭ تۇتاستىعىن، ۇلتتاردىڭ ىنتىماعىن قورعاۋ، ۇلتتىق بولشەكتەۋشىلىككە قارسى تۇرۋ سياقتى كەلەلى ساياسي پرينسيپتىك ماسەلەلەردە قاشاندا تۋىمىز ايقىن، تۇرعىمىز بەرىك، تانىمىمىز بىركەلكى، ءىشى - سىرتىمىز بىردەي، پوزيتسيامىز باتىل، قادامىمىز تەڭ بولۋ كەرەك.
ادال، كىرشىكسىز، جاۋاپكەرشىلىگى كۇشتى جوعارى ساپالى كادرلار قوسىنىن قۇلشىنا قۇرۋ كەرەك. ساياسيدا بەكەم، سىن - سايىستاردان سۇرىنبەي وتە الاتىن جوعارى ساپالى كادرلار قوسىنىن قۇرۋ شينجياڭنىڭ ورنىقتىلىعى مەن دامۋى جونىنەن ايرىقشا ماڭىزدى. ءبىز باس شۋجي شي جينپيڭنىڭ ورتالىق كوميتەت ساياسي بيۋروسىنىڭ 10 - رەتكى توپتىق ۇيرەنۋىندە سويلەگەن ماڭىزدى ءسوزىنىڭ رۋحىن مۇقيات دايەكتىلەندىرىپ، تياناقتاندىرىپ، جاقسى كادر ولشەمىنە تاباندى بولىپ، ساياسي ولشەمدى كورنەكتىلەندىرىپ، «ءتورت تانىمدى» مىقتاپ ورناتقان، «ءتورت سەنىمى» بەكەم، باس شۋجي شي جينپيڭنىڭ ۇيتقىلىق ورنىن باتىل قورعايتىن، شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ بەدەلى مەن ورتالىقتانعان ءبىر تۇتاس باسشىلىعىن باتىل قورعايتىن كادرلاردى كۇش سالا تاڭداپ ءوسىرىپ، شەشۋشى ساتتە اتويلاپ العا شىعاتىن، توتەپ بەرەتىن، جەڭىپ شىعاتىن، باتىلدىقپەن ءۇن قاتىپ، باتىلدىقپەن ايقىن پوزيتسيا بىلدىرەتىن، باتىلدىقپەن باسىن ءباي تىگەتىن كادرلاردى تاڭداپ ءوسىرىپ، باس نىسانانى ىسكە اسىرۋعا پارمەندى ۇيىمدىق كەپىلدىك ازىرلەۋىمىز كەرەك.
نەگىزگى ساتى ۇيىمىن جانە نەگىزگى ساتىنىڭ بيلىك قۇرىلىسىن بۇلجىتپاي كۇشەيتۋ كەرەك. شينجياڭ قىزمەتىندەگى ەڭ كورنەكتى قايشىلىق جانە ماسەلە − نەگىزگى ساتىدا، ەڭ پارمەندى كۇشى دە، تىرەگى دە − نەگىزگى ساتىدا. ءبىز نەگىزگى ساتىنى يگەرۋدى، نەگىزگى ساتىنى بەكەمدەۋدى شينجياڭدى ورنىقتىرۋدىڭ، شينجياڭدى تىنىشتاندىرۋدىڭ ۇزاق بولاشاقتىق جوسپارى جانە نەگىزدى بەكەمدەۋ ءتاسىلى ەتۋدەن بۇلجىماي، نەگىزگى ساتى ۇيىمىن جانە نەگىزگى ساتىنىڭ بيلىك قۇرىلىسىن بۇلجىتپاي كۇشەيتىپ، نەگىزگى ساتىنىڭ پارتيا ۇيىمدارىن بۇقاراعا قىزمەت وتەيتىن، ورنىقتىلىقتى قورعايتىن، بولشەكتەۋشىلىككە قارسى تۇراتىن بەرىك جاۋىنگەرلىك قامال ەتىپ قۇرىپ شىعۋعا قۇلشىنۋىمىز كەرەك، سونىمەن بىرگە پارتيا ۇيىمدارىنىڭ قامتۋ اۋماعىن كەڭەيتىپ، پارتيا مۇشەلەرى قوسىنىن ۇزبەي زورايتىپ، ءار ۇلت بۇقاراسىن پارتيانىڭ توڭىرەگىنە تىعىز ىنتىماقتاستىرۋىمىز كەرەك.
شينجياڭ ءالى دە بولشەكتەۋشىلىككە قارسى تۇرۋ كۇرەسىنىڭ الدىڭعى شەبى جانە نەگىزگى شايقاس مايدانى، لاڭكەستىككە قارسى تۇرىپ، ورنىقتىلىقتى قورعاۋدىڭ مىندەتى اۋىر، دەسەدە، پارتيا ستيلى، پاكتىك قۇرىلىسى مەن ءىرىپ - شىرۋگە قارسى تۇرۋ كۇرەسى ماسەلەسىندە ەشقانداي ەرەكشەلەنۋگە بولمايدى. پارتيانىڭ باسشىلىعىن كۇشەيتۋدە ءىرىپ - شىرۋگە قارسى تۇرۋ كۇرەسىن، ءسوز جوق، بۇلجىماي ىلگەرىلەتىپ، پارتيانى جاپپاي قاتاڭ جونگە سالۋدىڭ قىسىمىن ۇزدىكسىز جەتكىزىپ، ستيلى پاك، سالتى دۇرىس ساياسي ەكولوگيا قالىپتاستىرۋ كەرەك. كادرلاردىڭ ستيلدە شىنايى بولماۋى − ءالى دە شينجياڭنىڭ ەڭ ۇلكەن جاۋى. ءبىز ستيل قۇرىلىسىن تاباندىلىقپەن كۇشەيتىپ، ورتالىقتىڭ «8 ءتۇرلى بەلگىلەمەسىن» جانە اتقارۋ ەرەجەسىن باتىل دايەكتىلەندىرىپ، تياناقتاندىرىپ، «ءتورت ءتۇرلى بۇرىس ستيل» مەن «ءتورت تەرىس پيعىلدى» تاباندىلىقپەن رەتتەپ جانە جونگە سالىپ، «ون كەرەكتى، ونعا قاتاڭ تيىم سالۋدى» قاتاڭ اتقارىپ، كادرلار ستيلىنە ءتۇبىرلى بۇرىلىس جاساۋدى ىلگەرىلەتىپ، تاماشا ستيلمەن شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ شينجياڭدى جونگە سالۋ جالپى جوباسىنىڭ تەرەڭ تامىر تارتۋىنا كەپىلدىك ەتۋىمىز كەرەك.
پارتيانىڭ باسشىلىعىن كۇشەيتىپ، قوعام ورنىقتىلىعى مەن باياندى تىنىشتىقتى ىسكە اسىرۋعا پارمەندى ساياسي كەپىل ازىرلەۋدە ءاربىر پارتيالى كادردىڭ جاۋاپكەرشىلىگىنە سۇيەنۋگە تۋرا كەلەدى. ءار دارەجەلى پارتيالى كادرلار پارتيادا پارتيانىڭ ءسوزىن سويلەپ، پارتيادا پارتيا ءۇشىن قىزمەت ەتىپ، پارتياعا، وتانعا ءوزىن ارناپ، پارتيانىڭ، وتاننىڭ ءۇمىتىن اقتاپ، جاۋاپكەرشىلىكتى باتىلدىقپەن ارقالاپ، ۇدەرە العا باسىپ، ناقتى يگەرىپ، شىنايى ىستەپ، قيىندىقتاردان قامال الىپ، شينجياڭنىڭ ورنىقتىلىق، دامۋ قىزمەتتەرىندە ۇزبەي جاڭا جاعداي اشىپ، ىنتىماقتى، جاراسىمدى، گۇلدەنگەن، باي، وركەنيەتتى، العا باسقان، شات - شادىمان ءومىر كەشكەن جۇڭگوشا سوتسياليستىك شينجياڭ قۇرۋ ءۇشىن قۇلشىنا كۇرەسۋى كەرەك.
