تيانشان تورى
تيانشان تورى   ›   جاڭالىقتار   ›   كورىكتى مەكەنىمىزدى ويداعىداي قۇرايىق

پارتياعا باتىلدىقپەن ىلەسىپ، ورنىقتىلىقتى بار كۇشىممەن قورعايمىن

  سانجى حۇيزۋ اۆتونوميالى وبلىستىق ورتا حالىق سوتى مەكەمەسى پارتيا باسشىلىق گرۋپپاسىنىڭ مۇشەسى، مەكەمەنىڭ ورىنباسار باستىعى

ايگۇل ءيۇسۇپ

  ساياسي - زاڭ جۇيەسىندەگى پارتيالى كادر رەتىندە، ءومىر جولىمداعى وي وزگەرىسىمە قايىرىلا قاراعانىمدا، مەن پارتيانىڭ پارمەندى باسشىلىعى بولماسا، پارتيانىڭ حالىققا ءتيىمدى ساياساتتارى بولماسا، ءوزىمنىڭ بۇگىنگى قىزمەتىم مەن تۇرمىسىمنىڭ بولمايتىندىعىن شىن مانىندە تانىپ جەتتىم. مەن كەزىندە كەدەيلىكتىڭ سالدارىنان وقۋدان قول ۇزە جازداعانىمدا، پارتيانىڭ تاماشا ساياساتى مەنى مەكتەپ قۇشاعىنا قايتا ورالتىپ، وقۋىمدى جالعاستىرۋىما مۇمكىندىك اپەردى، ونىڭ ۇستىنە وقۋ قاراجاتىم، جاتاق قاراجاتىم جانە تاماق قاراجاتىم كەشىرىم ەتىلدى، اي سايىن تاعى دا تۇرمىس قوسىمشا قاراجاتىنا يە بولدىم. 18 جاسىمدا داشۋەگە ءتۇسىپ وقىپ، 22 جاسىمدا جۇڭگو كوممۋنيستىك پارتياسىنا مۇشە بولدىم، 28 جاسىمدا داڭقتى حالىق سوتشىسى، 33 جاسىمدا اۋدان دارەجەلى كادر بولدىم. پارتيا مەن حالىقتىڭ باۋلۋىندا مەن كەدەي وقۋشىدان بىرتە - بىرتە ەرجەتىپ، رەسپۋبليكانىڭ سوتشىسى بولدىم، اۋدان دارەجەلى پارتيالى كادر بولىپ جەتىلدىم. مەنىڭ كوڭىلىم پارتياعا دەگەن العىس سەزىمىنە تولدى، مەن پارتيانىڭ سوزىنە تاباندىلىقپەن، باتىلدىقپەن قۇلاق اسامىن، پارتياعا ىلەسەمىن.

  پارتيالى كادر رەتىندە، مەن باستان - اياق باستاماشىلدىقپەن پارتيانىڭ ساياسي ءتارتىبى مەن ساياسي قاعيداسىنا قاتاڭ بويسۇنىپ، «ءتورت تانىمدى» بەرىك ورناتىپ، يدەيادا، ساياسيدا، ارەكەتتە باستان - اياق شي جينپيڭ جولداستى ۇيتقى ەتكەن پارتيا ورتالىق كوميتەتىمەن وسكەلەڭ ءبىر اۋىزدىلىقتى ساقتايمىن، شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ بۇيرىعىنا بۇلجىماستان قۇلاق اسامىن. قوعام ورنىقتىلىعى مەن باياندى تىنىشتىق باس نىساناسىن مىقتاپ ارقاۋ ەتىپ، اۆتونوميالى رايوندىق پارتكومنىڭ ءتۇرلى ورنالاستىرۋلارىن تاباندىلىقپەن، باتىلدىقپەن تياناقتاندىرامىن، ءدىني ۇشقارىلىقتىڭ سىنالاپ كىرۋىن باستان - اياق تەجەپ، زورلىقتى كۇش لاڭكەستىك قىلمىستارىنا باتىل سوققى بەرۋدى ءبىرىنشى جاۋاپكەرشىلىگىم دەپ بىلەمىن، بولشەكتەۋشىلىككە قارسى تۇرۋ كۇرەسى سىندى پرينسيپتىك ماسەلەدە باستان - اياق تۋىم ايقىن، تۇرعىم بەرىك، ءىشىم مەن سىرتىم بىردەي، ارەكەتىم باتىل بولىپ، جۇرەكتىلىكپەن باتىل ءۇن قاتىپ، ايقىن پوزيتسيا ءبىلدىرىپ، اتويلاپ الدا ءجۇرىپ، مىندەتتى ادا ەتەتىن رۋحپەن، جاۋاپكەرشىلىك ارقالايتىن رۋحپەن، ءوزىن ارناۋ رۋحىمەن، قۇربان بەرۋ رۋحىمەن قوعام ورنىقتىلىعى مەن باياندى تىنىشتىقتى باتىلدىقپەن قورعايمىن.

  حالىق سوتشىسى رەتىندە، تالاي جىلدان بەرى حاۋىپسىزدىككە قاتەر توندىرگەن زورلىقتى كۇش لاڭكەستىك دەلولارىن تەكسەرۋ ارقىلى شەكارا ءىشى - سىرتىنداعى «ءۇش ءتۇرلى كۇشتىڭ» قۇتىرىنعان، ءتاسىل تالعامايتىن، بەيۋاز جانداردى قىرعىنداعان، حالىق بۇقاراسىنا بەتالدى زيان كەلتىرگەن، ۇلتتار ىنتىماعى مەن قوعام ورنىقتىلىعىن بۇلدىرگەن، وتاندى بولشەكتەۋگە ۇرىنعان سۇرقيا ماقساتى مەن شىنايى كەيىپ - كەسپىرىن تىكە سەزىندىم. ولاردىڭ ارەكەتى ادامزاتتىڭ ادىلەتتىلىگى مەن پاراساتىنا اشىق سايىس جاريالاعاندىق، قوعامعا قارسى، ادامزاتقا قارسى، وركەنيەتكە قارسى قىلمىستىق ارەكەت، ول، ءسوزسىز، زاڭنىڭ قاتاڭ جازاسىنا تارتىلۋى كەرەك. مەن ساياسي تۇرعىما اۋىتقىماستان تاباندى بولىپ، قىلمىستىق ىستەردى سوتتاۋ رولىمدى تولىق ساۋلەلەندىرىپ، زورلىقتى كۇش لاڭكەستەرىنىڭ اپتىعىن باتىلدىقپەن باسىپ، قوعام ورنىقتىلىعىن قورعاۋدىڭ ادال اتقارۋشىسى بولۋعا قۇلشىنامىن. قاتاڭ سوققى بەرۋ ارناۋلى قيمىلىن ىشكەرىلەي، ويداعىداي قانات جايدىرىپ، زورلىقتى كۇش لاڭكەستەرىنە دالمە - ءدال سوققى بەرىپ، سىلەيتە سوققى بەرىپ، مەملەكەت حاۋىپسىزدىگىن ءىس جۇزىندىك ارەكەتىم ارقىلى قورعايمىن.

     پارتيالى كادر رەتىندە، مەن ۇلتتار ىنتىماعىن قورعاۋدى ماڭىزدى ساياسي مىندەت دەپ قارايمىن، سوتسياليستىك وزەكتى قۇن كوزقاراسىن بەلسەنە امالياتتا ايگىلەپ، ماركسيزمدىك مەملەكەت كوزقاراسىن، تاريح كوزقاراسىن، ۇلت كوزقاراسىن، مادەنيەت كوزقاراسىن، ءدىن كوزقاراسىن ورناتىپ، «بەستى شىنايى مويىنداۋدى» شىن مانىندە كۇشەيتىپ، تاباندىلىقپەن، باتىلدىقپەن ۇلتتار ىنتىماعىن قورعاۋدى جان - تانىما، رۋحىما ءسىڭىرىپ، ارەكەتىمدە اتقارىپ، كورىنىستە دە، كومەسكىدە دە بىردەي، ساحنادا دا، ساحنادان تۇسكەندە دە بىردەي بولامىن. «ۇلتتار ىنتىماعىنىڭ بەرەكەلى شاڭىراعى» جانە ۇلتتار ىنتىماعى بىرلەسكەن دوستىق قيمىلىن باستاماشىلدىقپەن ويداعىداي ورىستەتىپ، ۇعىنىقتى ءتىل ارقىلى پارتيانىڭ حالىققا ءتيىمدى، حالىققا پايدالى ساياساتتارىن ىشكەرىلەي، مۇقيات ءتۇسىندىرىپ، ءار ۇلت بۇقاراسىن «ءۇشتىڭ ءبىر - بىرىنەن ايرىلا الماۋى» يدەياسىن بەرىك ورناتۋعا باستايمىن، ءار ۇلت بۇقاراسىن ۇلتتار ىنتىماعىن كوز قاراشىعىنداي قورعاۋعا، ومىرىندەي قاستەرلەۋگە، اناردىڭ دانىندەي تىعىز ۇيىسىپ، كورىكتى مەكەنىمىزدى بىرگە قۇرۋعا جانە قورعاۋعا باستايمىن.

جاۋاپتى رەداكتور : سايراش تۇرارجان قىزى

ەسكەرتۋ:

تورابىمىزداعى مازمۇنداردى پايدالانۋعا تۋرا كەلگەندە، ءسوزسىز جازباشا رۇقساتقا يە بولۋ كەرەك. مازمۇنداردى رۇقساتسىز جالعاپ تاراتۋعا، كەسىپ رەداكسيالاۋعا، وزگەرتۋگە، قىسقارتىپ قۇراستىرۋعا، باسقا ورىنعا كوشىرۋگە نەمەسە باسقا تاسىلدەرمەن كوبەيتۋگە ءارى تاراتۋعا بولمايدى، قايشى كەلگەندەردىڭ زاڭدىق جاۋاپكەرشىلىگى زاڭ بويىنشا قۋزاستىرىلادى.