تيانشان تورى
تيانشان تورى   ›   ۇيرەنۋ   ›   شولۋ

كورىكتى جۇڭگو قۇرۋعا تىڭ ۇلەس قوسايىق

  گازەتىمىزدىڭ شولۋشىسى

  ەكولوگيالىق وركەنيەت قۇرىلىسى − جۇڭحۋا ۇلتىنىڭ ۇزدىكسىز دامۋىنىڭ ءتۇبىرلى ۇتىمدى ءادىسى. باس شۋجي شي جينپيڭنىڭ ءۇش تەرىستىك ينجەنەريالىق قۇرىلىسى جونىندە بەرگەن ماڭىزدى نۇسقاۋى پارتيا ورتالىق كوميتەتىنىڭ ەكولوگيالىق وركەنيەت قۇرىلىسىنا وسكەلەڭ ءمان بەرەتىندىگىن جانە باتىل بەكىمىن ايگىلەدى، پارتيا ورتالىق كوميتەتىنىڭ ءۇش تەرىستىك ينجەنەريالىق قۇرىلىسىندا قول جەتكىزگەن وراسان زور تابىستاردى وسكەلەڭ دەڭگەيدە تۇراقتاندىرعاندىعىن ايگىلەدى، سونىمەن بىرگە، ءۇش تەرىستىك ينجەنەريالىق قۇرىلىسىنا قاتىناسقان 13 ولكەگە (اۆتونوميالى رايون، قالا) جانە شينجياڭ ءوندىرىس - قۇرىلىس بيڭتۋانىنا تىڭ تالاپتار قويدى.

  باس شۋجي شي جينپيڭ بىلاي دەپ اتاپ كورسەتتى: ءۇش تەرىستىك ينجەنەريالىق قۇرىلىسى − ەلىمىزدىڭ رەفورما جاساۋىمەن، ەسىك اشۋىمەن بىرگە اتقارىلعان كەلەلى ەكولوگيالىق ينجەنەريا، ەكولوگيالىق وركەنيەت قۇرىلىسىنداعى ماڭىزدى نىشاندىق ينجەنەريا. 40 جىل قاجىماي - تالماي قۇلشىنۋ ارقىلى ينجەنەريالىق قۇرىلىستا وراسان زور ەكولوگيالىق، ەكونوميكالىق، قوعامدىق ونىمدىلىككە قول جەتىپ، ەكولوگيانى جونگە سالۋدىڭ عالامدىق ونەگەسىنە اينالدى. باس شۋجي شي جينپيڭ بىلاي دەپ باسا دارىپتەدى: تاباندىلىقپەن ەڭبەك ەتۋدەن جازباي، ءتۇزىلىس پەن مەحانيزمدى جاڭالاپ، ساياسات - شارالاردى كەمەلدەندىرىپ، ءۇش تەرىستىك ينجەنەريالىق قۇرىلىسىن ۇزدىكسىز بۇلجىماي ىلگەرىلەتىپ، ورمان - جايلىم بايلىعىنىڭ جالپى شاماسى مەن ساپاسىن ۇزدىكسىز جوعارىلاتىپ، ءۇش تەرىستىك ءوڭىرىنىڭ ەكولوگيالىق ورتاسىن ۇزدىكسىز جاقسارتىپ، وتانىمىزدىڭ سولتۇستىك شەكاراسىنداعى جاسىل ەكولوگيالىق قالتقىنى بەكەمدەپ جانە دامىتىپ، كورىكتى جۇڭگو قۇرۋعا تىڭ، اناعۇرلىم زور ۇلەس قوسۋ كەرەك.

  ءۇش تەرىستىك ينجەنەريالىق قۇرىلىسىنىڭ ماڭىزدى كۇشى رەتىندە، شينجياڭداعى ءار ۇلت كادرلارى مەن بۇقاراسى باس شۋجي شي جينپيڭنىڭ ىقىلاستى ءتالىمى مەن شىنايى تىلەگىن ەستە بەرىك ساقتاپ، شي جينپيڭنىڭ ەكولوگيالىق وركەنيەت يدەياسىن باتىل دايەكتىلەندىرىپ، تياناقتاندىرىپ، «ءۇش تەرىستىك ينجەنەريالىق قۇرىلىسىن ۇزدىكسىز بۇلجىماي ىلگەرىلەتۋ»، «وتانىمىزدىڭ سولتۇستىك شەكاراسىنداعى جاسىل ەكولوگيالىق قالتقىنى بەكەمدەۋ جانە دامىتۋ» ماڭىزدى نۇسقاۋىن تىڭعىلىقتى تياناقتاندىرۋ كەرەك.

  ءۇش تەرىستىك ءوڭىر − ەلىمىز ەكولوگياسىن جونگە سالۋداعى ەڭ ماڭىزدى، ەڭ كوكەي تەستى، ەڭ جاپالى وڭىرلەردىڭ ءبىرى، 8 ۇلكەن قۇمدى ءشول مەن 4 ۇلكەن قۇمايت تۇگەلدەي وسى جەرگە تارالعان. ءۇش تەرىستىك ينجەنەرياسى 1978 - جىلدان باستالعان، 2050 - جىلى اقىرلاسادى، 3 كەزەڭگە، 8 مەرزىمدى ينجەنەرياعا ءبولىنىپ اتقارىلادى، وتانىمىزدىڭ سولتۇستىك شەكاراسىندا قۇمدى بوراننان ساقتانۋدىڭ، سۋ - توپىراقتى ساقتاۋدىڭ، ەگىن شارۋاشىلىعىن قورعاپ، مال شارۋاشىلىعىن جەبەۋدىڭ جاسىل قورعانى تۇرعىزىلادى دەپ جوسپارلانعان. بۇگىنگى كۇنى ءۇش تەرىستىك ىقتاسىن ورمان ينجەنەريالىق قۇرىلىسى 5 - مەرزىمگە دەيىن اتقارىلدى. رايونىمىز ءۇش تەرىستىك ىقتاسىن ورمان ينجەنەريالىق قۇرىلىسىن كۇش سالا ىلگەرىلەتىپ، تۇتاس شينجياڭنىڭ ورمانمەن كومكەرىلۋ كولەمى %1.03تەن%4.87كە جەتىپ، جاساندى جاسىل القاپتىڭ كولەمى جۇڭحۋا حالىق رەسپۋبليكاسى قۇرىلعان العاشقى مەزگىلدەگى 13 مىڭ شارشى كيلومەتردەن قازىر 62 مىڭ شارشى كيلومەترگە ارتىپ، ەكولوگيالىق ورتا ايرىقشا جاقساردى. بۇرىندارى سارى قۇم كوز اشتىرمايتىن، قۇمدى بوران الەك سالعان جەر بۇگىنگى كۇندە اعاشتارى جايقالعان، قۇستارى سايراپ، گۇلدەرى قۇلپىرعان كورىكتى مەكەنگە اينالىپ، اۆتونوميالى رايوننىڭ ەگىن شارۋاشىلىعىندا، مال شارۋاشىلىعىندا جىل سايىن مول ءونىم الۋىنا پارمەندى ەكولوگيالىق كەپىل ازىرلەدى، اسىرەسە، ەرەكشە جەمىس ورمانى شارۋاشىلىعىن دامىتۋدى جەبەۋدىڭ ءونىمى كورنەكتى بولىپ، ءار ۇلت ەگىنشىلەرىنىڭ، مالشىلارىنىڭ كىرىسىن ارتتىرىپ، بايۋىنا، شات - شادىمان ءومىر كەشۋىنە كەپىلدىك ەتىپ، ەكولوگيالىق ونىمدىلىكتىڭ، ەكونوميكالىق ونىمدىلىكتىڭ، قوعامدىق ونىمدىلىكتىڭ كوپ جاقتان تيىمدىلىك بەرۋىن ىسكە اسىردى.

  ەكولوگيالىق ورتا − پارتيانىڭ بورىشىنا، ماقساتىنا ساياتىن كەلەلى ساياسي ماسەلە، سونداي - اق حالىق تۇرمىسىنا قاتىستى كەلەلى قوعامدىق ماسەلە. پارتيا 18 - قۇرىلتايىنان بەرى، شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ پارمەندى باسشىلىعىندا اۆتونوميالى رايوندىق پارتكوم مەن ۇكىمەت باستان - اياق ەكولوگيالىق وركەنيەت قۇرىلىسىن بارىنشا ىلگەرىلەتىپ، ەكولوگيالىق ورتا ماسەلەسىن شەشىپ، شينجياڭنىڭ اسپانىنىڭ ءتىپتى اشىق، تاۋىنىڭ ءتىپتى جاسىل، سۋىنىڭ ءتىپتى تۇنىق، ورتاسىنىڭ ءتىپتى كوركەم بولۋى ءۇشىن تىنباي قۇلشىندى. شينجياڭنىڭ ءۇش تەرىستىك ىقتاسىن ورمان ينجەنەريالىق قۇرىلىسىندا تاماشا جان - جاقتى ونىمگە قول جەتكىزۋى − شي جينپيڭنىڭ ەكولوگيالىق وركەنيەت يدەياسىنىڭ شينجياڭنىڭ بايتاق جەرىندە تەرەڭ تامىر تارتۋىنىڭ وزگەشە كۋاسى، حالىقتى وزەك ەتۋدەن جازباي، ەكولوگيادا حالىققا تيىمدىلىك جاساۋعا، ەكولوگيادا حالىققا پايدا جەتكىزۋگە، ەكولوگيانى حالىق ءۇشىن جاقسارتۋعا تاباندى بولۋدىڭ، تاماشا ەكولوگيالىق ورتانى ەڭ جالپىعا ءتيىمدى حالىق تۇرمىسى ىرىس - قۇتىنا اينالدىرۋدىڭ جاندى امالياتى.

  قازىر ءۇش تەرىستىك ءوڭىرىنىڭ ەكولوگياسى ءالى دە ءالسىز، ءۇش تەرىستىك ينجەنەريالىق قۇرىلىسىندا بۇكىلدەي جەڭىسكە جەتۋ ءۇشىن تاباندىلىقپەن ەڭبەك ەتىپ، تىنباي قۇلشىنۋ كەرەك. ءبىز يدەيا مەن ارەكەتتى شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ شەشىمدەرىمەن، ورنالاستىرۋلارىمەن باتىل تۇردە بىرلىككە كەلتىرىپ، تۇنىق سۋ، جاسىل تاۋ − باعالى بايلىق دەگەن ۇستانىمدى سانالى تۇردە امالياتتا ايگىلەپ، ءتۇزىلىس پەن مەحانيزمدى جاڭالاپ، ساياسات - شارالاردى كەمەلدەندىرىپ، جاسىل دامۋعا تاباندى بولىپ، عىلمي قاعيداعا قۇرمەت ەتىپ، ءۇش تەرىستىك ينجەنەرياسىن ۇزبەي جاقسى قۇرىپ ءارى اۋىل - قىستاقتاردى كوركەيتۋدى ىلگەرىلەتۋمەن، كەدەيلىكتەن ارىلتۋدان قامال الۋمەن ۇشتاستىرىپ، جاسىلدى مولايتۋ مەن تابىستى مولايتۋدىڭ بىرلىگىن قۇلشىنا ىسكە اسىرىپ، باياندى دامۋدى جەبەۋگە اناعۇرلىم بەرىك ەكولوگيالىق قالتقى قالىپتاستىرۋىمىز كەرەك.

  ءبىز تەك شي جينپيڭنىڭ جاڭا ءداۋىر جۇڭگوشا سوتسياليزم يدەياسىن جەتەكشى ەتۋگە تاباندى بولىپ، شي جينپيڭنىڭ ەكولوگيالىق وركەنيەت يدەياسىن ىشكەرىلەي ۇيرەنىپ جانە دايەكتىلەندىرىپ، قيىندىقتاردى جەڭىپ، ءورىس اشا جاڭالىق اشىپ، تيانشاننىڭ تۇستىگى مەن تەرىستىگىندە ەكولوگيالىق وركەنيەت قۇرىلىسىن تىنباي ىلگەرىلەتىپ، ءۇش تەرىستىك ينجەنەريالىق قۇرىلىسىن جوعارى ساپامەن جۇرگىزسەك، تاماشا ەكولوگيالىق ورتا شينجياڭ قىزمەتى باس نىساناسىنىڭ جۇزەگە اسۋىنا، ءسوز جوق، دەم بەرەدى، جاپپاي دوڭگەلەك داۋلەتتى قوعام ورناتۋعا، كورىكتى جۇڭگو قۇرۋعا، ءسوز جوق، تىڭ ۇلەس قوسا الامىز.

جاۋاپتى رەداكتور : سايراش تۇرارجان قىزى

ەسكەرتۋ:

تورابىمىزداعى مازمۇنداردى پايدالانۋعا تۋرا كەلگەندە، ءسوزسىز جازباشا رۇقساتقا يە بولۋ كەرەك. مازمۇنداردى رۇقساتسىز جالعاپ تاراتۋعا، كەسىپ رەداكسيالاۋعا، وزگەرتۋگە، قىسقارتىپ قۇراستىرۋعا، باسقا ورىنعا كوشىرۋگە نەمەسە باسقا تاسىلدەرمەن كوبەيتۋگە ءارى تاراتۋعا بولمايدى، قايشى كەلگەندەردىڭ زاڭدىق جاۋاپكەرشىلىگى زاڭ بويىنشا قۋزاستىرىلادى.