باس شۋجي شي جينپيڭنىڭ ماڭىزدى سوزدەرىنىڭ رۋحىن مۇقيات ۇيرەنىپ، دايەكتىلەندىرىپ، جاۋاپكەرلىك ارقالاۋدى كۇشەيتىپ، پارتيا ورتالىق كوميتەتىنىڭ شەشىمدەرىنىڭ، ورنالاستىرۋلارىنىڭ تەرەڭ تامىر تارتىپ تياناقتانۋىن ىلگەرىلەتەيىك
چىن چۋانگو ءماجىلىستى باسقاردى
ءتىلشىمىز ياۋ تۇڭ 12 - ايدىڭ 1 - كۇنى ۇرىمجىدەن حابارلايدى. 12 - ايدىڭ 1 - كۇنى تۇستەن بۇرىن، اۆتونوميالى رايوندىق پارتكوم تۇراقتى كوميتەت (كەڭەيتىلگەن) ءماجىلىسىن اشىپ، ج ك پ ورتالىق كوميتەتى ساياسي بيۋروسى ءماجىلىسىنىڭ جانە باس شۋجي شي جينپيڭنىڭ ج ك پ ورتالىق كوميتەتى ساياسي بيۋروسىنىڭ 10 - رەتكى توپتىق ۇيرەنۋىندە، ليۋ شاۋچي جولداستىڭ دۇنيەگە كەلگەندىگىنىڭ 120 جىلدىعىن ەسكە ءتۇسىرۋ اڭگىمە ماجىلىسىندە سويلەگەن ماڭىزدى سوزدەرىنىڭ رۋحىن جەتكىزىپ، ۇيرەنىپ، اۆتونوميالى رايونىمىزدىڭ دايەكتىلەندىرۋ، تياناقتاندىرۋ پىكىرىن اقىلداستى، 2019 - جىلعى اۆتونوميالى رايوندىق «ەكى ءماجىلىستىڭ» دايىندىق قىزمەتتەرىن ورنالاستىردى. اۆتونوميالى رايوندىق پارتكومنىڭ شۋجيى چىن چۋانگو ءماجىلىستى باسقاردى.
ماجىلىستە مىنالار اتاپ كورسەتىلدى: باس شۋجي شي جينپيڭنىڭ ج ك پ ورتالىق كوميتەتى ساياسي بيۋروسىنىڭ 10 - رەتكى توپتىق ۇيرەنۋىندەگى ماڭىزدى ءسوزىنىڭ رۋحىن مۇقيات ۇيرەنىپ، دايەكتىلەندىرىپ، جاڭا داۋىردەگى پارتيانىڭ ۇيىمدىق لۋشيانىن جاپپاي دايەكتىلەندىرىپ، تياناقتاندىرىپ، ادال، كىرشىكسىز، جاۋاپكەرلىك ارقالايتىن جوعارى ساپالى كادرلار قوسىنىن تۇلعالاۋعا قۇلشىنۋ كەرەك. ساياسي وتكەلدى باتىل، ويداعىداي يگەرىپ، جاقسى كادر ولشەمى مەن ۇلتتىق رايونداعى كادرلاردىڭ ساياسي ولشەمىنە تاباندى بولىپ، پارتيا مەن حالىققا ادال ما، جوق پا، بەرىك مۇرات - سەنىمگە يە مە، جوق پا، «ءتورت تانىمدى» كۇشەيتتى مە، جوق پا، «ءتورت سەنىمدى» بەكەمدەدى مە، جوق پا، پارتيا ورتالىق كوميتەتىنىڭ بەدەلى مەن ورتالىقتانعان ءبىر تۇتاس باسشىلىعىن باتىل قورعادى ما، جوق پا، پارتيانىڭ نازارياسىن جانە لۋشيان، باعىت - ساياساتتارىن جاپپاي دايەكتىلەندىردى مە، اتقاردى ما، جوق پا دەگەندى شىنايى تۇردە كادرلاردى باعالاۋدىڭ 1 - ولشەمى ەتۋ كەرەك. ءمورالدى دا قابىلەتتى بولۋعا تاباندى بولىپ، ءمورالدى الدىڭعى ورىنعا قويۋداي ادام ىستەتۋ ولشەمىنە تاباندى بولىپ، كادرلاردىڭ قابىلەت - ساپاسىن جەتىلدىرۋدى كۇشەيتىپ، پارتيا مەن حالىق قاجەت ەتەتىن جاقسى كادرلاردى دەن قويا باۋلىپ، دەر كەزىندە بايقاپ، لايىقتى ىستەتۋ كەرەك. ادامدى ءادىل تاڭداپ، ءادىل ىستەتىپ، ادام ىستەتۋدىڭ دۇرىس بەتالىسىن كۇشەيتىپ، شار تاراپتان قابىلداۋعا، دارىندىلاردى عانا ىسكە قويۋعا تاباندى بولىپ، لاڭكەستىككە قارسى تۇرىپ، ورنىقتىلىقتى قورعاۋ كۇرەسىندە جانە نەگىزگى ساتى ءبىرىنشى شەبىندە ۇزدىك دارىندىلاردى تاڭداپ وسىرۋگە ءمان بەرۋ كەرەك. ىنتالاندىرۋعا، تەجەۋگە ءمان بەرىپ، قاتاڭ باسقارۋ مەن ەرەكشە قامقورلىق جاساۋدى بىرلەستىرىپ، ىنتالاندىرۋ مەن تەجەۋگە قاتار ءمان بەرىپ، تاماشا مەحانيزم ورناتىپ، كادرلاردى ءىس تىندىرىپ، ناتيجە شىعارۋعا ىنتالاندىرۋ كەرەك. ستيلگە شىنايى بۇرىلىس جاساپ، باقىلاۋ، تەكسەرۋ، باعالاۋ قىزمەتىن ءبىر تۇتاس جوسپارلاپ، ارناعا ءتۇسىرىپ، فورماشىلدىق، تورەشىلدىك سىندى بۇرىس ستيلدى قاتاڭ تەجەپ، نەگىزگى ساتىنىڭ جۇگىن شىنايى جەڭىلدەتىپ، قالىڭ كادرلاردىڭ اناعۇرلىم كوپ ۋاقىتىن ورنىقتىلىقتىڭ، دامۋدىڭ ءتۇرلى قىزمەتتەرىن تياناقتاندىرۋدى مىقتى ۇستاۋعا جۇمساۋىنا مۇمكىندىك جاساۋ كەرەك.
ماجىلىستە مىنالار اتاپ كورسەتىلدى: «جۇڭگو كوممۋنيستىك پارتياسىنىڭ اۋىل - قىستاق نەگىزگى ساتى ۇيىمدارىنىڭ قىزمەت ەرەجەسىن» مۇقيات ۇيرەنىپ، ۇگىتتەپ، دايەكتىلەندىرىپ، بۇكىل رايونداعى اۋىل - قىستاق نەگىزگى ساتى پارتيا ۇيىمدارى قۇرىلىسىن ۇزدىكسىز كۇشەيتىپ، اۋىل - قىستاقتى گۇلدەندىرۋ ستراتەگياسىن ويداعىداي اتقارۋ، پارتيانىڭ اۋىل - قىستاقتاعى بيلىك جۇرگىزۋ نەگىزىن بەكەمدەۋ ءۇشىن پارمەندى كەپىل ازىرلەۋ كەرەك. جاۋىنگەر قورعاندى بەرىك قۇرىپ، نەگىزگى ساتىنى مىقتى ۇستاۋعا، نەگىز قالاۋعا بارىنشا كۇش سالىپ، اۋىل - قىستاق پارتيا ۇيىمى قۇرىلىسىن شىنايى كۇشەيتىپ، پارتيا ۇيىمىنىڭ قامتۋ كولەمىن كەڭەيتىپ، نەگىزگى ساتى پارتيا ۇيىمىن بۇقاراعا قىزمەت ەتەتىن، ورنىقتىلىقتى قورعايتىن، بولشەكتەۋشىلىككە قارسى تۇراتىن بەرىك جاۋىنگەر قامال ەتىپ قۇرىپ شىعۋعا قۇلشىنۋ كەرەك. پارتيا مۇشەلەرى قوسىنىن ۇلعايتىپ، لاڭكەستىككە قارسى تۇرىپ، ورنىقتىلىقتى قورعاۋ جانە بولشەكتەۋشىلىككە قارسى تۇرۋ كۇرەسىنىڭ ءبىرىنشى شەبىندە پارتياعا مۇشە قابىلداۋعا ءمان بەرىپ، پارتياعا مۇشە قابىلداۋ ساپاسىن جوعارىلاتىپ، اتويشىل ونەگەلىك رولدى تولىق ساۋلەلەندىرۋ كەرەك. سۋبيەكتيۆ جاۋاپكەرلىكتى تياناقتاندىرۋ، بۇكىل رايونداعى ءار دارەجەلى پارتكومدار، اسىرەسە، اۋداندىق، قالالىق پارتكومدار اۋىل - قىستاق نەگىزگى ساتى پارتيا ۇيىمى قۇرىلىسىن مىقتى ۇستاۋدىڭ سۋبيەكتيۆ جاۋاپكەرلىگىن اتقارىپ، اۋىل - قىستاق نەگىزگى ساتى پارتيا ۇيىمدارىنىڭ جاپپاي العا باسۋىن، جاپپاي ىسىلۋىن ىلگەرىلەتۋ كەرەك.
ماجىلىستە مىنالار اتاپ كورسەتىلدى: بۇكىل رايونداعى ءار دارەجەلى پارتيا ۇيىمدارى، اسىرەسە، ءتارتىپ تەكسەرۋ كوميتەتتەرى، باقىلاۋ - تەكسەرۋ كوميتەتتەرى «جۇڭگو كوممۋنيستىك پارتياسى ءتارتىپ تەكسەرۋ ورگانىنىڭ ءتارتىپ اتقارۋ، باقىلاۋ قىزمەت ەرەجەسىن» ۇيرەنۋدى، دايەكتىلەندىرۋدى، تياناقتاندىرۋدى شىنايى مىقتى يگەرىپ، پارتيانى جاپپاي قاتاڭ جونگە سالۋدىڭ ىشكەرىلەي دامۋىن ىلگەرىلەتۋ كەرەك. «ءتورت تانىمدى» بەرىك ورناتىپ، باس شۋجي شي جينپيڭنىڭ ۇيتقىلىق ورنىن باتىل قورعاپ، پارتيا ورتالىق كوميتەتىنىڭ بەدەلى مەن ورتالىقتانعان ءبىر تۇتاس باسشىلىعىن باتىل قورعاپ، پارتياعا ابسوليۋتتى ادال بولاتىن وسكەلەڭ سانالىلىقپەن جانە جاۋاپكەرلىكپەن «ەرەجەنى» ىشكەرىلەي دايەكتىلەندىرۋ، تياناقتاندىرۋ كەرەك. پارتيانى جاپپاي قاتاڭ جونگە سالۋعا تاباندى بولىپ، وزگەشەلەنبەۋ يدەياسىن مىقتاپ ورناتىپ، ءبىر قولمەن بولشەكتەۋشىلىككە قارسى كۇرەستى مىقتى ۇستاۋعا، ەندىءبىر قولمەن پارتيا ستيلى، پاكتىك قۇرىلىسىن جانە ءىرىپ - شىرۋگە قارسى كۇرەستى مىقتى ۇستاۋعا تاباندى بولىپ، پارتيانى جاپپاي قاتاڭ جونگە سالۋ قىسىمىن ۇزدىكسىز جەتكىزۋ كەرەك. ءتارتىپ اتقارۋدى، باقىلاۋدى كۇشەيتىپ، «ەرەجەنى» ۇيرەنۋدى، دايەكتىلەندىرۋدى وراي، قوزعاۋشى كۇش ەتىپ، قوسىن قۇرىلىسىن كۇشەيتىپ، باتىل تۇردە پارتيا مەن حالىقتىڭ ادال جاۋىنگەرى بولىپ، قىزمەت مىندەتى ورنىن باتىل ساقتاپ، ادالدىقپەن مىندەت اتقارىپ، بورىشتى ادا ەتىپ، ءتارتىپ اتقارۋدا، ءسوز جوق، قاتاڭ بولۋعا، ءتارتىپ پەن زاڭدى سايكەستىرۋگە تاباندى بولىپ، ەرەجەگە، تارتىپكە، زاڭعا ساي كەلۋ تالابىن ءتارتىپتى اتقارۋدىڭ، باقىلاۋدىڭ، جاۋاپقا تارتۋدىڭ جانە باقىلاۋدىڭ، تەكسەرۋدىڭ، ءبىر جاقتى ەتۋدىڭ جالپى بارىسىندا، ءار بۋىنىندا تياناقتاندىرۋ كەرەك.
ماجىلىستە مىنالار اتاپ كورسەتىلدى: بۇكىل رايونداعى ءار دارەجەلى پارتيا ۇيىمدارى مەن قالىڭ پارتيالى كادرلار باس شۋجي شي جينپيڭنىڭ ليۋ شاۋچي جولداستىڭ دۇنيەگە كەلگەندىگىنىڭ 120 جىلدىعىن ەسكە ءتۇسىرۋ اڭگىمە ماجىلىسىندە سويلەگەن ماڭىزدى ءسوزىنىڭ رۋحىن مۇقيات ۇيرەنىپ، تەرەڭ ءتۇسىنىپ، جاپپاي دايەكتىلەندىرىپ، اعا بۋىن توڭكەرىسشىلەردىڭ تاڭداۋلى ءداستۇرىن جانە اسىل قاسيەتىن جالعاستىرىپ جانە اسقاقتاتىپ، جۇڭگوشا سوتسياليستىك شينجياڭ قۇرۋعا قۇلشىنۋ كەرەك. مۇرات - سەنىمدى بەكەمدەپ، «ءتورت تانىمدى» كۇشەيتىپ، «ءتورت سەنىمدى» بەكەمدەپ، سانالى تۇردە كوممۋنيستىك اسقاق مۇراتقا جانە جۇڭگوشا سوتسياليستىك ورتاق مۇراتقا بەرىك سەنۋشىلەردەن جانە ونى ادال جۇزەگە اسىرۋشىلاردان بولىپ، كوممۋنيزم ءۇشىن ءومىر بويى كۇرەس جۇرگىزۋ كەرەك. باتىلدىقپەن جاۋاپكەرلىك ارقالاپ، ءىس تىندىرىپ، ءارقانداي كەزدە دە پارتيامەن نيەتتەس، تىلەكتەس بولىپ، جاۋاپكەرلىكتى باتىل ارقالاپ، باتىلدىقپەن پوزيتسيا ءبىلدىرىپ، باتىلدىقپەن ءىس تىندىرىپ، شەشۋشى ساتتە اتويلاپ العا شىعۋعا، توتەپ بەرۋگە، جەڭىپ شىعۋعا كەپىلدىك ەتىپ، پارتيا ورتالىق كوميتەتىنىڭ شينجياڭدى جونگە سالۋ جالپى جوباسىنىڭ تەرەڭ تامىر تارتۋىن بار كۇشپەن ىلگەرىلەتۋ كەرەك. بار ىقىلاسىن حالىققا ارناۋعا تاباندى بولىپ، جالپى ءۇشىن پارتيا قۇرۋعا، حالىق ءۇشىن بيلىك جۇرگىزۋگە تاباندى بولىپ، حالىق بۇقاراسىن كوڭىلدىڭ تورىنە قويىپ، بۇكىل ىنتا - پەيىلمەن حالىق ءۇشىن قىزمەت ىستەۋ سىندى ءتۇبىرلى ماقساتتى امالياتتا ايگىلەپ، حالىق بۇقاراسىمەن ەتەنە بايلانىستى ءارقاشان ساقتاۋ كەرەك. قۇدىرەتتى بىرىككەن كۇش ۇيىستىرىپ، اعا بۋىن توڭكەرىسشىلەردىڭ ءومىر بويى كۇرەس جۇرگىزگەن ۇلى ىستەرىن جالعاستىرىپ، دامىتىپ، شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ توڭىرەگىنە ونان ارى تىعىز ىنتىماقتاسىپ، جۇڭحۋا ۇلتىنىڭ ۇلى گۇلدەنۋىن جۇزەگە اسىرۋ ءۇشىن ىنتىماقتاسا كۇرەس جۇرگىزۋ كەرەك.
ماجىلىستە 2019 - جىلعى اۆتونوميالى رايوندىق «ەكى ءماجىلىستىڭ» دايىندىق قىزمەتتەرىنە ورنالاستىرۋ جاسالدى. ماجىلىستە مىنالار اتاپ كورسەتىلدى: اۆتونوميالى رايوننىڭ «ەكى ءماجىلىسى» بۇكىل رايونداعى ءار ۇلت حالقىنىڭ ساياسي ومىرىندەگى ءىرى ءىس، ءار ۇلت كادرلارى مەن جۇرتشىلىعىن شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ شينجياڭدى جونگە سالۋ جالپى جوباسىن، اسىرەسە، قوعام ورنىقتىلىعى مەن باياندى تىنىشتىق باس نىساناسىن ىشكەرىلەي دايەكتىلەندىرۋگە، تياناقتاندىرۋعا ونان ارى جۇمىلدىرۋدا ماڭىزدى مانگە يە. ساياسي دەڭگەيدى جوعارىلاتىپ، شي جينپيڭنىڭ جاڭا ءداۋىر جۇڭگوشا سوتسياليزم يدەياسىن جەتەكشى ەتۋگە تاباندى بولىپ، پارتيا 19 - قۇرىلتايىنىڭ رۋحىن ىشكەرىلەي دايەكتىلەندىرىپ، تياناقتاندىرىپ، «ءتورت تانىمدى» بەرىك ورناتىپ، يدەيا مەن ارەكەتتى پارتيا ورتالىق كوميتەتىنىڭ شەشىمدەرىمەن، ورنالاستىرۋلارىمەن شىنايى بىرلىككە كەلتىرۋ كەرەك. دايىندىق قىزمەتتى ويداعىداي ىستەپ، پارتيا ورتالىق كوميتەتىنىڭ ءبىر تۇتاس ورنالاستىرۋى بويىنشا جوبانى ناقتىلاندىرىپ، جاۋاپكەرلىكتى تياناقتاندىرىپ، ماجىلىسكە شىنايى جاقسى دايىندالۋ، ءماجىلىستى شىنايى جاقسى ۇيىمداستىرۋ كەرەك. 2019 - جىلعى قىزمەتتەردى ورنالاستىرۋدا قىزمەتتى ورنىقتىلىق بارىسىندا ىلگەرىلەتۋ سىندى نەگىزگى ارناعا تاباندى بولىپ، جاڭا دامۋ ۇستانىمدارىنا تاباندى بولىپ، قامداۋ جاعىنداعى قۇرىلىمدىق رەفورمانى نەگىزگى جەلى ەتۋگە تاباندى بولىپ، نازاردى باس نىساناعا شوعىرلاندىرىپ، ءۇش ۇلكەن قامال الۋ شايقاسىن ويداعىداي جۇرگىزىپ، ءۇش ءتۇرلى ءتۇيىندى قىزمەتتى ويداعىداي يگەرىپ، رەفورما جاساۋ، ەسىك اشۋ سەرپىنىن ارتتىرىپ، جوعارى ساپالى دامۋدى تاباندىلىقپەن ىلگەرىلەتىپ، ورنىقتىلىقتى ساقتاۋدىڭ، ارتۋدى ورنىقتىرۋدىڭ، رەفورمانى جەبەۋدىڭ، قۇرىلىمدى رەتتەۋدىڭ، حالىق تۇرمىسىنا تيىمدىلىك جاساۋدىڭ، حاۋىپ - قاتەرلەردەن ساقتانۋدىڭ ءتۇرلى قىزمەتتەرىن ءبىر تۇتاس ورنالاستىرۋ، ىلگەرىلەتۋ كەرەك. تاماشا ءماجىلىس ستيلىنە كەپىلدىك ەتىپ، ساياسي ءتارتىپ پەن ساياسي قاعيدانى قاتاڭ ساقتاپ، ۇيىمدىق ءتارتىپتى قاتاڭ ساقتاپ، ءماجىلىس ستيلىن، ءماجىلىس ءتارتىبىن باقىلاۋدى كۇشەيتىپ، اۆتونوميالى رايون «ەكى ءماجىلىسىنىڭ» ستيلى پاك، سالتى دۇرىس بولۋىنا كەپىلدىك ەتۋ كەرەك.
شوكىرات زاكىر، شاۋكەت يمىن، نۇرلان ءابىلماجىن ۇلى، سۇن جينلۇڭ، جۋ حايلۇن، ليۋ ۋانلۇڭ، شۇي حايرۇڭ، ەركىن تۇنياز، جي جىڭ، سارقىت اقان ۇلى، ياڭ شين، جاڭ چۇنلين ماجىلىسكە قاتىناستى.
