تيانشان تورى   ›   جاڭالىقتار   ›   ساياحات

ساياحات ارقىلى شينجياڭدى گۇلدەندىرۋگە اناعۇرلىم كوپ «سايگۇلىك» دايىندادى

  يۋە يانيۇن

  اقپارات قۇرالدارىنىڭ تاياۋداعى حابارىنا قاراعاندا، 10 - ايدىڭ 20 - كۇنىنەن 11 - ايدىڭ 14 - كۇنىنە دەيىن كورلادان حىجيڭعا باراتىن جولاۋشىلار پويەزىنىڭ قاتىناعانىنا 26 كۇن عانا بولعانىمەن، نەشە 10 مىڭنان استام جولاۋشى تاسىمالداعان. بۇل حىجيڭدىق جولاۋشىلاردىڭ كورلادا پويەز اۋىستىرۋىنا قولايلىلىق جاساۋ ءۇشىن قاتىناعان پويەز، پويەزدىڭ 2 ۆاگونى عانا بار، جالپى ارالىق ۋاقىتى قىسقا، باعاسى دا ارزان بولعاندىقتان، «الەۋمەتتىك قاتىناس پويەزى» دەپ اتالعان.

  «الەۋمەتتىك قاتىناس پويەزىنىڭ» قاتىناۋى ساياحاتشىلارعا اناعۇرلىم قولايلى قاتىناس ءتاسىلىن دايىنداپ، جەرگىلىكتى ورىننىڭ ساياحات شارۋاشىلىعىنىڭ ءۇرتىس دامۋىنا دەم بەردى. «الەۋمەتتىك قاتىناس پويەزىمەن» عانا شەكتەلىپ قالماستان، رايونىمىزدىڭ تاس جول، تەمىر جول، حالىقتىق اۆياتسيا تاراۋلارى دا ىركەس - تىركەس تاسىلدە جاڭالىق اشىپ، ولقىلىقتارىن تولىقتاپ، ىركىلىسسىز تۇيىلىسكەن ستەرەولدىق قاتىناس تورابىن بەلسەنە قالىپتاستىرىپ، ساياحات ارقىلى شينجياڭدى گۇلدەندىرۋدى دەمەيتىن «سايگۇلىكتەردى» دايىندادى.

  ساياحات − ساپار مەن سەرۋەن ءوزارا ۇشتاستىرىلعان قيمىل، ساياحاتتىڭ دامۋى قاتىناستان ايرىلا المايدى. ساياحاتشىلار سەزىنۋ سيپاتتى ساياحاتقا اناعۇرلىم ءمان بەرەتىن بۇگىنگى كۇندە، قاتىناستىڭ ىركىلىسسىز بولۋ - بولماۋى ساياحاتشىلاردىڭ ساياحاتقا شىعۋ تالعامىندا شەشۋشى رول اتقارا باستادى. قاتىستى تاراۋلاردىڭ ۇلگى الىپ تەكسەرۋىنە جانە ساناعىنا قاراعاندا، جاتاق، تاماق، قاتىناس، ت.ب ساياحاتقا ىقپال جاسايتىن باستى فاكتورلاردىڭ ىشىندە ساياحاتشىلاردىڭ مولشەرمەن %60ى قاتىناس جاعىندا قىزمەت وتەۋ ساپاسىنىڭ جاقسى - جامان بولۋى ەڭ ماڭىزدى دەپ قاراعان. ەگەر ساياحاتشىلاردىڭ جولعا جۇمساعان ۋاقىتى بەلگىلى شەكتەن اسىپ كەتسە، ولاردىڭ ساياحات جوسپارىن وزگەرتۋى، ءتىپتى، ساياحات جوسپارىن كۇشىنەن قالدىرۋى ابدەن مۇمكىن. بۇكىل ەل كولەمىنەن قاراعاندا، جيۋجايگوۋ، حۋاڭگوشۋ، لۋشان سياقتى كوپتەگەن كورىنىس وڭىرلەرىنىڭ ۇزاق ۋاقىت داۋرەندەپ تۇرۋىنداعى سەبەبى دە بارىنشا دامىعان قاتىناس جاعدايىمەن تىعىز قاتىستى.

  قولايلى قاتىناس − ساياحاتتىڭ باياندى دامۋىنىڭ ارتقى تىرەگى، قازىر رايونىمىزدىڭ ساياحات نەگىزدىك قۇرىلعىلار قۇرىلىسى ساياحات بايلىقتارىمەن سايكەسپەيدى. قاتىناس جاعىنداعى قيىن ماسەلەنى شەشىپ، شينجياڭنىڭ ساياحات بايلىعى جاعىنداعى ءىرى رايوننان ساياحات شارۋاشىلىعى جاعىنداعى مىقتى رايونعا بۇرىلىس جاساۋىن ىلگەرىلەتۋ ءۇشىن، اناعۇرلىم كوپ «سايگۇلىك» دايىنداۋعا كۇش سالىپ، ساياحاتشىلاردىڭ ءجۇرىس - تۇرىسىنىڭ اناعۇرلىم قولايلى بولۋىنا مۇمكىندىك جاساۋىمىز كەرەك.

  («لەپتى لەبىز» ايدارىنا ماقالا جولداۋ حات ساندىعى: xjrbplb@126.com)

جاۋاپتى رەداكتور : سايراش تۇرارجان قىزى

ەسكەرتۋ:

تورابىمىزداعى مازمۇنداردى پايدالانۋعا تۋرا كەلگەندە، ءسوزسىز جازباشا رۇقساتقا يە بولۋ كەرەك. مازمۇنداردى رۇقساتسىز جالعاپ تاراتۋعا، كەسىپ رەداكسيالاۋعا، وزگەرتۋگە، قىسقارتىپ قۇراستىرۋعا، باسقا ورىنعا كوشىرۋگە نەمەسە باسقا تاسىلدەرمەن كوبەيتۋگە ءارى تاراتۋعا بولمايدى، قايشى كەلگەندەردىڭ زاڭدىق جاۋاپكەرشىلىگى زاڭ بويىنشا قۋزاستىرىلادى.

  • وسى كەزەكتى جۇڭگو − ازيا - ەۆروپا كورمەسى تۇڭعىش رەت نەگىزگى قوناق ولكەلەردى بەلگىلەدى
  • تاپسىرىس ونىمدەردى جەدەل ءوندىرىپ، قامداۋدى قامتاماسىز ەتتى
  • جىلدىق مىندەتتى ءساتتى ورىنداۋعا شىنايى كەپىلدىك ەتتى
  • شينجياڭ جۇڭتاي توبى دۇنيە جۇزىندەگى 500 قۋاتتى كاسىپورىن قاتارىنا ءوتتى
  • جەل - جارىق ەنەرگياسى ءوزارا تولىقتىردى