تيانشان تورى
تيانشان تورى   ›   جاڭالىقتار   ›   سۋرەتتى حابار

چىن چۋانگو اۆتونوميالى رايوندىق پارتكومنىڭ سىرتقى ىستەر قىزمەت كوميتەتىنىڭ ماجىلىسىندە مىنانى باسا دارىپتەدى

  شي جينپيڭنىڭ ديپلوماتيا يدەياسىن جەتەكشى ەتۋدەن جازباي، شينجياڭنىڭ سىرتقى ىستەر قىزمەتىنىڭ جاڭا جاعدايىن ۇزدىكسىز اشۋ كەرەك

  شوكىرات زاكىر، لي پىڭشين قاتىناستى

  ءتىلشىمىز ياۋ تۇڭ 12 - ايدىڭ 2 - كۇنى ۇرىمجىدەن حابارلايدى. 12 - ايدىڭ 2 - كۇنى تۇستەن بۇرىن اۆتونوميالى رايوندىق پارتكومنىڭ شۋجيى، اۆتونوميالى رايوندىق پارتكومنىڭ سىرتقى ىستەر قىزمەت كوميتەتىنىڭ مەڭگەرۋشىسى چىن چۋانگو اۆتونوميالى رايوندىق پارتكومنىڭ سىرتقى ىستەر قىزمەت كوميتەتى ءماجىلىسىن باسقارىپ اشتى. ول مىنالاردى باسا دارىپتەدى: شي جينپيڭنىڭ جاڭا ءداۋىر جۇڭگوشا سوتسياليزم يدەياسىن جەتەكشى ەتۋدەن جازباي، شي جينپيڭنىڭ ديپلوماتيا يدەياسىن ىشكەرىلەي ۇيرەنىپ، دايەكتىلەندىرىپ، پارتيا ورتالىق كوميتەتىنىڭ ءبىر تۇتاس قولباسشىلىعىندا جانە ورنالاستىرۋىندا شينجياڭنىڭ سىرتقى ىستەر قىزمەتىن تىڭعىلىقتى ىستەپ، مەملەكەتتىڭ جالپى تۇلعالىق ديپلوماتيالىق جالپى جاعدايىنا بەلسەنە ۇلەس قوسۋعا قۇلشىنۋ كەرەك.

  اۆتونوميالى رايوندىق پارتكوم سىرتقى ىستەر قىزمەتى كوميتەتىنىڭ ورىنباسار مەڭگەرۋشىلەرى شوكىرات زاكىر، لي پىڭشين، جي جىڭ، سارقىت اقان ۇلى، ياڭ شين، جاڭ چۇنلين، لي جيدۇڭ ماجىلىسكە قاتىناستى.

  ءماجىلىس «ورتالىقتىڭ پارتيانىڭ جەرگىلىكتى ورىنداردىڭ سىرتقى ىستەر قىزمەتىنە باسشىلىعىن كۇشەيتۋ ءتۇزىلىس رەفورماسىن دايەكتىلەندىرۋ جونىندەگى اتقارۋ پىكىرىن»، «اۆتونوميالى رايوندىق پارتكوم سىرتقى ىستەر قىزمەت كوميتەتىنىڭ جاڭا داۋىردە اۆتونوميالى رايوننىڭ سىرتقى ىستەر قىزمەتىن ءبىر تۇتاس ورنالاستىرۋىن كۇشەيتۋ جونىندەگى اتقارۋ پىكىرىن»، «اۆتونوميالى رايوندىق پارتكوم سىرتقى ىستەر قىزمەت كوميتەتىنىڭ قىزمەت قاعيداسىن»، «اۆتونوميالى رايوندىق پارتكوم سىرتقى ىستەر قىزمەت كوميتەتى كەڭسەسىنىڭ ەگجەي - تەگجەيلى قىزمەت قاعيداسىن» قاراپ ماقۇلدادى.

  چىن چۋانگو بىلاي دەپ اتاپ كورسەتتى: پارتيا 81 - قۇرىلتايىنان بەرى، شي جينپيڭ جولداستى ۇيتقى ەتكەن پارتيا ورتالىق كوميتەتى ديپلوماتيا نازارياسىن جانە امالياتتا جاڭالىق اشۋدى بەلسەنە ىلگەرىلەتىپ، شي جينپيڭنىڭ ديپلوماتيا يدەياسىن قالىپتاستىرىپ ءارى تۇراقتاندىرىپ، جاڭا داۋىردەگى سىرتقى ىستەر قىزمەتىن جاپپاي ىلگەرىلەتۋ جونىندە العا باسۋ بەتالىسىن ايقىنداپ، ءتۇبىرلى ولشەم ازىرلەدى. ءبىز شي جينپيڭنىڭ ديپلوماتيا يدەياسىن مۇقيات ۇيرەنىپ، دايەكتىلەندىرىپ، پارتيا ورتالىق كوميتەتىنىڭ سىرتقى ىستەر قىزمەتى جونىندەگى جالپىلىق ورنالاستىرۋىن باتىل دايەكتىلەندىرىپ، پارتيا ورتالىق كوميتەتىنىڭ ءبىر تۇتاس باسشىلىعىندا رايونىمىزدىڭ سىرتقى ىستەر قىزمەتى دەڭگەيىن ۇزبەي جوعارىلاتىپ، مەملەكەتتىڭ جالپى تۇلعالىق ديپلوماتيالىق جالپى جاعدايىنا بەلسەنە ۇلەس قوسۋىمىز كەرەك.

  ءبىرىنشى، پارتيا ورتالىق كوميتەتىنىڭ ورتالىقتانعان ءبىر تۇتاس باسشىلىعىنا تاباندى بولۋ كەرەك. ديپلوماتيالىق ءىرى ۇقىقتىڭ شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ قولىندا بولۋىنا تاباندى بولىپ، «ءتورت تانىمدى» كۇشەيتىپ، «ءتورت سەنىمدى» بەكەمدەپ، «ەكىنى قورعاپ»، يدەيادا، ساياسيدا، ارەكەتتە شي جينپيڭ جولداستى ۇيتقى ەتكەن پارتيا ورتالىق كوميتەتىمەن وسكەلەڭ ءبىر اۋىزدىلىقتى سانالىلىقپەن ساقتاپ، بۇيرىقتى بۇلجىتپاي اتقارۋعا، قادامنىڭ تەڭ بولۋىنا كەپىلدىك ەتۋ كەرەك. پارتيانىڭ جەرگىلىكتى ورىنداردىڭ سىرتقى ىستەر قىزمەتى جونىندەگى ورتالىقتانعان ءبىر تۇتاس باسشىلىعىن جاپپاي كۇشەيتىپ، سىرتقى ىستەر قىزمەتى ءتارتىبىن قاتايتىپ، رايونىمىزدىڭ سىرتقى ىستەر قىزمەتىنىڭ باستان - اياق دۇرىس ساياسي بەتالىسپەن العا باسۋىنا كەپىلدىك ەتۋ كەرەك.

  ەكىنشى، مەملەكەتتىڭ جالپى تۇلعالىق ديپلوماتيالىق جالپى جاعدايىنا قىزمەت وتەۋ كەرەك. مەملەكەتتىڭ ماڭىزدى ديپلوماتيالىق ستراتەگياسىنا جانە ديپلوماتيالىق قيمىلدارىنا بارىنشا سايكەسىپ، جىبەك جولى ەكونوميكالىق بەلدەۋى وزەكتى رايون قۇرىلىسىن جەدەلدەتىپ، بەلسەنە «ەنگىزىپ»، «سىرتقا شىعارىپ»، «ءبىر بەلدەۋ، ءبىر جول» بويىنداعى جانە رايونىمىزعا ىرگەلەس ەلدەر قىزمەتىن ءتۇيىندى تۇردە جاقسى ىستەپ، جۇڭگوشا سوتسياليستىك شينجياڭنىڭ تاماشا وبرازىن تولىق ايگىلەۋ كەرەك.

  ءۇشىنشى، ءبىر تۇتاس ورنالاستىرۋ مەن تەگىس ءمان بەرۋدىڭ ءبىر - ءبىرىن جەبەۋىن ىسكە اسىرۋ كەرەك. شي جينپيڭنىڭ ديپلوماتيا يدەياسىن دايەكتىلەندىرۋدى پارتيا ورتالىق كوميتەتىنىڭ شينجياڭدى جونگە سالۋ جالپى جوباسىن تياناقتاندىرۋمەن ۇشتاستىرۋدان جازباي، باس نىسانانى مەملەكەتتىڭ جالپى تۇلعالىق ديپلوماتياسىنا ۇلەس قوسۋ بارىسىندا ايگىلەپ، سىرتقى ىستەر قىزمەتىن جاقسى ىستەپ، قوعام ورنىقتىلىعى مەن باياندى تىنىشتىقتى ىسكە اسىرۋعا جاقسى ورتا ازىرلەپ، ءبىر - ءبىرىن جەبەيتىن، بىرگە كۇش شىعاراتىن جاقسى جاعداي قالىپتاستىرۋ كەرەك.

  ءتورتىنشى، ۇيىمدىق باسشىلىقتى كۇشەيتىپ، بىرىككەن كۇش قالىپتاستىرۋ كەرەك. جەرگىلىكتى ورىنداردىڭ سىرتقى ىستەر قىزمەتىنە باسشىلىق ەتۋ ءتۇزىلىسى رەفورماسىن تىڭعىلىقتى ىلگەرىلەتىپ، قىزمەت قاعيداسىن اناعۇرلىم جۇيەلىلەندىرۋ كەرەك، اۆتونوميالى رايوندىق پارتكومنىڭ سىرتقى ىستەر قىزمەت كوميتەتى باسشىلىق جاۋاپكەرشىلىكتى شىنايى اتقارۋى، جەر - جەر، تاراۋلار سايكەسە سەلبەسۋدى كۇشەيتىپ، رايونىمىزدىڭ سىرتقى ىستەر قىزمەتى دەڭگەيىن ۇزبەي جوعارىلاتۋ كەرەك.

  اۆتونوميالى رايوندىق پارتكومنىڭ سىرتقى ىستەر قىزمەت كوميتەتىنىڭ مۇشەلەرى ماجىلىسكە قاتىناستى. اۆتونوميالى رايوندىق پارتكومنىڭ سىرتقى ىستەر قىزمەت كوميتەتىنە مۇشە ورىنداردىڭ نەگىزگى جاۋاپتى جولداستارى ماجىلىسكە قاتىناستى.  

جاۋاپتى رەداكتور : سايراش تۇرارجان قىزى

ەسكەرتۋ:

تورابىمىزداعى مازمۇنداردى پايدالانۋعا تۋرا كەلگەندە، ءسوزسىز جازباشا رۇقساتقا يە بولۋ كەرەك. مازمۇنداردى رۇقساتسىز جالعاپ تاراتۋعا، كەسىپ رەداكسيالاۋعا، وزگەرتۋگە، قىسقارتىپ قۇراستىرۋعا، باسقا ورىنعا كوشىرۋگە نەمەسە باسقا تاسىلدەرمەن كوبەيتۋگە ءارى تاراتۋعا بولمايدى، قايشى كەلگەندەردىڭ زاڭدىق جاۋاپكەرشىلىگى زاڭ بويىنشا قۋزاستىرىلادى.