پارتيانىڭ باسشىلىعىن كۇشەيتۋگە تاباندى بولىپ، جۇڭگوشا سوتسياليستىك زاڭمەن جونگە سالۋ جولىمەن ءجۇرىپ، نازاردى قوعام ورنىقتىلىعى مەن باياندى تىنىشتىق باس نىساناسىنا شوعىرلاندىرىپ، شينجياڭدى زاڭمەن جونگە سالۋدى ىلگەرىلەتۋ كەرەك
شوكىرات زاكىر، شاۋكەت يمىن، سۇن جينلۇڭ، جۋ حايلۇن قاتىناستى
ءتىلشىمىز ياۋ تۇڭ 12 - ايدىڭ 2 - كۇنى ۇرىمجىدەن حابارلايدى. 12 - ايدىڭ 1 - كۇنى تۇستەن بۇرىن اۆتونوميالى رايوندىق پارتكومنىڭ شۋجيى، اۆتونوميالى رايوندىق پارتكومنىڭ شينجياڭدى جاپپاي زاڭمەن جونگە سالۋ كوميتەتىنىڭ مەڭگەرۋشىسى چىن چۋانگو اۆتونوميالى رايوندىق پارتكومنىڭ شينجياڭدى جاپپاي زاڭمەن جونگە سالۋ كوميتەتىنىڭ ءماجىلىسىن باسقارىپ اشتى. ول مىنالاردى باسا دارىپتەدى: بۇكىل رايوندا جوعارىدان تومەنگە دەيىن شي جينپيڭنىڭ جاڭا ءداۋىر جۇڭگوشا سوتسياليزم يدەياسىن جەتەكشى ەتۋگە تاباندى بولىپ، مەملەكەتتى جاپپاي زاڭمەن جونگە سالۋ جاڭا ۇستانىمىن، جاڭا يدەياسىن، جاڭا ستراتەگياسىن دايەكتىلەندىرىپ، تياناقتاندىرىپ، شينجياڭدى زاڭمەن جونگە سالۋدى تىڭعىلىقتى ىلگەرىلەتىپ، قوعام ورنىقتىلىعى مەن باياندى تىنىشتىق باس نىساناسىن جۇزەگە اسىرۋدى پارمەندى قامتاماسىز ەتۋ كەرەك.
اۆتونوميالى رايوندىق پارتكومنىڭ شينجياڭدى جاپپاي زاڭمەن جونگە سالۋ كوميتەتىنىڭ ورىنباسار مەڭگەرۋشىلەرى شوكىرات زاكىر، شاۋكەت يمىن، سۇن جينلۇڭ، جۋ حايلۇن ماجىلىسكە قاتىناستى.
ءماجىلىس «باس شۋجي شي جينپيڭنىڭ ورتالىقتىڭ مەملەكەتتى جاپپاي زاڭمەن جونگە سالۋ كوميتەتىنىڭ 1 - رەتكى ماجىلىسىندە سويلەگەن ماڭىزدى ءسوزىنىڭ رۋحىن ىشكەرىلەي ۇيرەنىپ، دايەكتىلەندىرىپ، تياناقتاندىرىپ، شينجياڭدى جاپپاي زاڭمەن جونگە سالۋ قىزمەتىن ءبىر تۇتاس جوسپارلاۋ، ىلگەرىلەتۋ جونىندەگى اتقارۋ پىكىرىن»، «اۆتونوميالى رايوندىق پارتكومنىڭ شينجياڭدى جاپپاي زاڭمەن جونگە سالۋ كوميتەتىنىڭ قىزمەت قاعيداسىن»، «اۆتونوميالى رايوندىق پارتكومنىڭ شينجياڭدى جاپپاي زاڭمەن جونگە سالۋ كوميتەتى سايكەستىرۋ گرۋپپاسىنىڭ قىزمەت قاعيداسىن»، «اۆتونوميالى رايوندىق پارتكومنىڭ شينجياڭدى جاپپاي زاڭمەن جونگە سالۋ كوميتەتى كەڭسەسىنىڭ ەگجەي - تەگجەيلى قىزمەت قاعيداسىن» قاراپ ماقۇلدادى.
چىن چۋانگو مىنالاردى اتاپ كورسەتتى: پارتيا 18 - قۇرىلتايىنان بەرى، شي جينپيڭ جولداستى ۇيتقى ەتكەن پارتيا ورتالىق كوميتەتى مەملەكەتتى زاڭمەن جونگە سالۋ قىزمەتىنە ايرىقشا ءمان بەرىپ، مەملەكەتتى جاپپاي زاڭمەن جونگە سالۋدى «ءتورتتى جاپپاي ورىنداۋ» ستراتەگيالىق ورنالاستىرۋىنا قامتىپ، زاڭمەن جونگە سالۋدى بۇرىن بولماعان جوعارى دەڭگەيدە جوسپارلاپ، زاڭمەن جونگە سالۋدى بۇرىن بولماعان كەڭدىكپەن جانە تەرەڭدىكپەن امالياتتا ايگىلەدى. باس شۋجي شي جينپيڭ ورتالىقتىڭ مەملەكەتتى جاپپاي زاڭمەن جونگە سالۋ كوميتەتىنىڭ 1 - رەتكى ماجىلىسىندە سويلەگەن ماڭىزدى سوزىندە مەملەكەتتى جاپپاي زاڭمەن جونگە سالۋدى ىلگەرىلەتۋ جونىندە جالپىلىق ورنالاستىرۋ جاسادى، بۇل − جاڭا داۋىردە جۇڭگونى زاڭمەن جونگە سالۋ قۇرىلىسىنا جەتەكشىلىك ەتەتىن تۇعىرنامالىق حۇجات، جۇڭگوشا سوتسياليستىك زاڭمەن جونگە سالۋ قۇرىلىسى تاريحىندا نىشاندىق سيپاتقا، بەلەستىك مانگە يە. ءبىز باس شۋجي شي جينپيڭنىڭ ماڭىزدى ءسوزىنىڭ رۋحاني ءمانىن ىشكەرىلەي ۇيرەنىپ، ءتۇسىنىپ، جان - جاقتى يگەرىپ، يدەيا مەن ارەكەتتى باس شۋجي شي جينپيڭنىڭ ماڭىزدى ءسوزىنىڭ رۋحىمەن شىنايى بىرلىككە كەلتىرىپ، «ءتورت تانىمدى» كۇشەيتىپ، «ءتورت سەنىمدى» بەكەمدەپ، باس شۋجي شي جينپيڭنىڭ ۇيتقىلىق ورنىن باتىل قورعاپ، شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ بەدەلى مەن ورتالىقتانعان ءبىر تۇتاس باسشىلىعىن باتىل قورعاپ، قوعام ورنىقتىلىعى مەن باياندى تىنىشتىق باس نىساناسىن تىعىز ارقاۋ ەتە وتىرىپ شينجياڭدى زاڭمەن جونگە سالۋدى، زاڭمەن جونگە سالىناتىن شينجياڭ قۇرۋدى ىلگەرىلەتۋىمىز كەرەك.
چىن چۋانگو مىنالاردى باسا دارىپتەدى: جۇڭگوشا سوتسياليستىك زاڭمەن جونگە سالۋ جولىمەن جۇرۋگە تاباندى بولىپ، نازاردى باس نىساناعا مىزعىماي شوعىرلاندىرىپ، شينجياڭدى جاپپاي زاڭمەن جونگە سالۋدىڭ جاڭا جاعدايىن اشۋعا قۇلشىنۋ كەرەك.
ءبىرىنشى، پارتيانىڭ شينجياڭدى جاپپاي زاڭمەن جونگە سالۋعا باسشىلىعىن كۇشەيتۋ كەرەك. پارتيانىڭ باسشىلىعىن شينجياڭدى زاڭمەن جونگە سالۋدىڭ جالپى بارىسىندا جانە بارلىق جاعىندا دايەكتىلەندىرىپ، شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ مەملەكەتتى زاڭمەن جونگە سالۋ جونىندەگى شەشىمدەرىنىڭ، ورنالاستىرۋلارىنىڭ دايەكتىلەنۋىن، تياناقتانۋىن اناعۇرلىم پارمەندى ىلگەرىلەتۋ كەرەك. اۆتونوميالى رايوندىق پارتكومنىڭ شينجياڭدى جاپپاي زاڭمەن جونگە سالۋ كوميتەتى شينجياڭدى جاپپاي زاڭمەن جونگە سالۋعا قاتىستى ەلەۋلى ىستەردى، ەلەۋلى ماسەلەلەردى ىشكەرىلەي زەرتتەۋ، سايكەستىرىپ شەشۋ؛ ءارقايسى سايكەستىرۋ گرۋپپالارى قىزمەت مەحانيزمىن كەمەلدەندىرىپ، قىزمەتتەردى ۇشتاستىرۋدى كۇشەيتۋ، كەڭسەلەر قىزمەتتەردى ولشەمدى، ۇتىمدى ورىستەتۋ؛ ءار دارەجەلى،ءارقايسى تاراۋلار تۇلعالىق جاۋاپكەرلىكتى تياناقتاندىرىپ، دەن قويا ۇيىمداستىرىپ، تياناقتاندىرۋدى ويداعىداي يگەرۋ كەرەك.
ەكىنشى، نەگىزگى زاڭدى ۇيرەنۋدى، ۇگىتتەۋدى، دايەكتىلەندىرۋدى ويداعىداي يگەرۋ كەرەك. نەگىزگى زاڭ ۇيرەنۋ - تاربيەسىن پارتيالى كادرلاردى تاربيەلەۋ - باۋلۋ جۇيەسىنە جانە حالىقتىق وقۋ - اعارتۋ جۇيەسىنە ەنگىزىپ، بۇكىل قوعامدا نەگىزگى زاڭدى قۇرمەتتەۋ، نەگىزگى زاڭدى ۇيرەنۋ، نەگىزگى زاڭعا بويسۇنۋ، نەگىزگى زاڭدى قورعاۋ، نەگىزگى زاڭدى قولدانۋ ۇگىت - تاربيە قيمىلىن كەڭىنەن ورىستەتىپ، نەگىزگى زاڭ رۋحىن تيانشاننىڭ تۇستىگى مەن تەرىستىگىنە جاپپاي تاراتۋ كەرەك.
ءۇشىنشى، زاڭمەن جونگە سالۋ تانىمىن ۇزدىكسىز كۇشەيتۋ كەرەك. ءار دارەجەلى باسشى كادرلار زاڭمەن جونگە سالۋ وي تولعامىنان جانە زاڭمەن جونگە سالۋ تاسىلىنەن پايدالانۋ قابىلەتىن جوعارىلاتىپ، زاڭ بويىنشا بيلىك جۇرگىزۋ قابىلەتى مەن دەڭگەيىن ۇزدىكسىز ءوسىرىپ، زاڭمەن جونگە سالۋ ارقىلى ورتاق تانىم ۇيىستىرىپ، جاراسىمدىلىقتى قورعاپ، دامۋدى جەبەپ، قايشىلىقتاردى شەشىپ، زاڭمەن جونگە سالۋ وي تولعامىن شينجياڭنىڭ قوعام ورنىقتىلىعى مەن باياندى تىنىشتىعىن جۇزەگە اسىرۋدىڭ جالپى بارىسىندا دايەكتىلەندىرۋ كەرەك.
ءتورتىنشى، جەرگىلىكتى زاڭ شىعارۋ قىزمەتىن عىلمي، ويداعىداي ىستەۋ كەرەك. باس نىسانا ارقىلى جەرگىلىكتى زاڭ شىعارۋ قىزمەتىنە ءبىر تۇتاس جەتەكشىلىك ەتۋگە تاباندى بولىپ، زاڭمەن جونگە سالىناتىن شينجياڭ قۇرۋ جوباسىن زەرتتەپ جاساپ، ءتۇيىندى قىزمەتتەر بويىنشا زاڭ شىعارۋدى جانە قاتىستى زاڭمەن قامتاماسىز ەتۋدى ءبىر تۇتاس ىلگەرىلەتىپ، زاڭدى عىلمي شىعارۋ، زاڭدى دەموكراتيالى شىعارۋ، زاڭدى زاڭ بويىنشا شىعارۋ دەڭگەيىن ۇزدىكسىز جوعارىلاتۋ كەرەك.
بەسىنشى، زاڭمەن جونگە سالىناتىن ۇكىمەت قۇرىلىسىن كۇشەيتۋ كەرەك. فۋنكتسياسى عىلمي، ۇقىق - جاۋاپكەرشىلىگى زاڭمەن بەلگىلەنگەن، زاڭ اتقارۋى قاتاڭ، جاريا، ءادىل، كىرشىكسىز، جوعارى ءونىمدى، زاڭعا بويسۇناتىن، سەنىمدى زاڭمەن جونگە سالىناتىن ۇكىمەت قۇرۋدى جەدەلدەتىپ، زاڭ بويىنشا شەشىم قابىلداۋ مەحانيزمىن كەمەلدەندىرىپ، اكىمشىلىك زاڭ اتقارۋ ءتۇزىلىسى رەفورماسىن تەرەڭدەتىپ، زاڭ بويىنشا شەشىم جاساۋ، زاڭ بويىنشا اكىمشىلىك جۇرگىزۋ، زاڭ بويىنشا باسقارۋ دەڭگەيىن ۇزدىكسىز جوعارىلاتۋ كەرەك.
التىنشى، ءادىليا ءتۇزىلىسى رەفورماسىن تەرەڭدەتۋ كەرەك. پارتيا ورتالىق كوميتەتىنىڭ ءبىر تۇتاس ورنالاستىرۋى بويىنشا ساياسي - زاڭ جۇيەسىنىڭ قۇرىلىم رەفورماسىن ويداعىداي جۇرگىزىپ، ءادىليا جاۋاپكەرلىك ءتۇزىمى رەفورماسى ارقىلى جالپىلىق سايكەستى رەفورمالارعا ءبىر تۇتاس جەتەكشىلىك ەتۋگە تاباندى بولىپ، ارىز - شاعىم ءتۇزىمى رەفورماسىن ىشكەرىلەي ىلگەرىلەتىپ، ۇقىق - جاۋاپكەرشىلىك بىردەيلىككە كەلگەن ءادىليا بيلىگى اينالىمىنىڭ جاڭا مەحانيزمىن جەدەل ورناتۋ كەرەك.
جەتىنشى، زاڭمەن جونگە سالىناتىن قوعام قۇرىلىسىن ىلگەرىلەتۋ كەرەك. قوعامدىق جونگە سالۋدى زاڭمەن باسقارۋدى جەدەل جۇزەگە اسىرىپ، نەگىزگى ساتىنىڭ قوعامدىق جونگە سالۋىن كۇشەيتىپ جانە كەمەلدەندىرىپ، سوتسياليستىك زاڭمەن جونگە سالۋ مادەنيەتىن تۇلعالاپ، «7 - بەسجىلدىق» زاڭ جالپىلاستىرۋدى تىڭعىلىقتى ىلگەرىلەتىپ، بۇكىل قوعامدا سوتسياليستىك زاڭمەن جونگە سالۋ رۋحىن ساۋلەلەندىرىپ، ءار ۇلت بۇقاراسىنىڭ زاڭ تانىمىن كۇشەيتىپ، زاڭدى قاستەرلەپ، ىزگىلىككە تالپىنۋدى، زاڭعا بويسۇنۋدى بۇكىل قوعامنىڭ سانالى ارەكەتىنە اينالدىرۋ كەرەك.
سەگىزىنشى، زاڭمەن جونگە سالۋ قوسىنى قۇرىلىسىن كۇشەيتۋ كەرەك. ساياسي قۇرىلىستى ماڭداي الدى ورىنعا قويۋعا تاباندى بولىپ، زاڭ كاسىبىنە كىرۋ وتكەلىن ويداعىداي يگەرىپ، زاڭمەن جونگە سالۋ دارىندىلارىن تاربيەلەۋ ساپاسىن جوعارىلاتىپ، پارتياعا ادال، مەملەكەتكە ادال، حالىققا ادال، زاڭعا ادال سوتسياليستىك زاڭمەن جونگە سالۋ قىزمەت قوسىنىن قۇرۋعا قۇلشىنۋ كەرەك.
اۆتونوميالى رايوندىق پارتكومنىڭ شينجياڭدى جاپپاي زاڭمەن جونگە سالۋ كوميتەتىنىڭ مۇشەلەرى ماجىلىسكە قاتىناستى. اۆتونوميالى رايوندىق پارتكومنىڭ شينجياڭدى جاپپاي زاڭمەن جونگە سالۋ كوميتەتىنە مۇشە ورىندارداعى نەگىزگى جاۋاپتى جولداستار ماجىلىسكە قاتىناستى.
