تيانشان تورابى   ›   جاڭالىقتار   ›   شينجياڭ حابارلارى

ساياحات كاسىبى: جوقتان بارلىققا كەلىپ، جوعارى قارقىندى دامۋ مەزگىلىنە اياق باستى

  ءتىلشىمىز جاڭ حايفىڭ

  كورىكتى شينجياڭنىڭ اتى الىسقا تارالىپ، ەل ءىشى - سىرتىنان كەلگەن ساياحاتشىلار تولاستامادى، بيىل بۇكىل شينجياڭنىڭ قابىلدايتىن ساياحاتشى جالپى سانى 150 ميلليون ادام - رەتتەن اسۋى مۇمكىن. ال 40 جىلدىڭ الدىندا، شينجياڭعا ساياحاتتاي كەلەتىن ەل ءىشى - سىرتى ساياحاتشىلارى وتە از بولاتىن. رەفورما جاساپ، ەسىك اشقان 40 جىلدان بەرى، شينجياڭنىڭ ساياحات كاسىبى جوقتان بارلىققا كەلىپ، ۇزدىكسىز تولىسىپ، زورايىپ، دامۋ كەرەمەتىن جاراتتى.

  پارتيا 18 - قۇرىلتايىنان، اسىرەسە، اۆتونوميالى رايوندىق پارتكومنىڭ 9 - قۇرىلتايىنان بەرى، اۆتونوميالى رايون ساياحات كاسىبىن شينجياڭنىڭ ستراتەگيالىق تىرەكتى كاسىبىنە جانە ەكونوميكانىڭ جوعارى ساپالى دامۋىنداعى ماڭىزدى قوزعالتقىشىنا اينالدىرۋعا كۇش سالىپ، ساياحات كاسىبى بۇرىن - سوڭدى بولماعان جوعارى قارقىندى دامۋ مەزگىلىنە اياق باستى: سارا كورىنىس وڭىرلەرى ۇزدىكسىز جارىققا شىقتى، ساياحاتشى سانى قاۋىرت ارتتى، ساياحاتتىڭ ءتۇرلى جاڭا كاسىپ فورماتسيالارى ادامدى تاڭداي قاقتىردى، «شينجياڭ جاقسى جەر» دەگەن اۋەن بۇكىل ەلىمىزدە، ءتىپتى، دۇنيە جۇزىندە شىرقالدى.

  سارا كورىنىس رايونىن تۇلعالاپ، شينجياڭ ساياحاتىنىڭ اتاعىن اسپانداتتى

  قاقاعان قىس مەزگىلى، التاي ايماعىنىڭ قاناس كورىنىس ءوڭىرى اق قار جامىلىپ، ەرەكشە كوركەم تۇسكە ەندى. 11 - ايدىڭ 20 - كۇنى گۋاڭجوۋلىق ساياحاتشى ۋاڭ شيڭحۋا اسا تەبىرەنگەن بەينەدە: بۇل اراعا كەلگەنىمە استە وكىنبەيمىن! بۇل دۇنيە جۇزىندەگى ەڭ كورىكتى قارلى الاپ! - دەدى. قاناس كورىنىس ءوڭىرى ەل ءىشى - سىرتىنا اتى ايگىلى مەملەكەتتىك Α5 دارەجەلى كورىنىس ءوڭىرى، ءبىر جىلدىڭ ءتورت ماۋسىمىندا دا ءوز كوركىمەن اڭساپ كەلگەن ساياحاتشىلاردى تامساندىرادى.

  2007 - جىلى التاي ايماعىنىڭ قاناس كورىنىس ءوڭىرى، شينجياڭنىڭ تيانشان بوعدا كولى جانە تۇرپان قالاسىنىڭ بويلىعى مەملەكەتتىك Α5 دارەجەلى كورىنىس وڭىرىنە العاشقى توپتا قوسىلعان شينجياڭداعى 3 كورىنىس ءوڭىرى بولدى. بۇل اۆتونوميالى رايوننىڭ سارا كورىنىس ءوڭىرى ستراتەگياسىنىڭ باستاپقى قادامدا ونىمدىلىك كورسەتكەندىگىنەن دەرەك بەرەدى.

  ءبىر سارا كورىنىس ءوڭىرى بەينە ءبىر «ايگىلى ماركا» ىسپەتتى، ونىڭ باۋراۋ ونىمدىلىگى توتەنشە انىق. شينجياڭ اۋرايى سان قۇبىلاتىن اسا كورىكتى حيكىمەتتى كورىنىستەرگە، ۇزاق تاريحقا جانە مادەنيەتتىڭ تۇنباسىنان قالىپتاسقان وزگەشە گۋمانيتارلىق كورىنىستەرگە يە. اۆتونوميالى رايون سارا كورىنىس ءوڭىرى ستراتەگياسىن اتقارىپ، ەل ءىشى - سىرتىنا اتى تارالعان سارا كورىنىس رايوندارىن سومداپ، شينجياڭنىڭ كوركەمدىگىن جۇرتقا بىلدىرە باستادى.

  پارتيا 18 - قۇرىلتايىنان بەرى، رايونىمىزدا تاعى 7 ورىن مەملەكەتتىك Α5 دارەجەلى كورىنىس وڭىرىنە تىڭنان قوسىلدى، قازىر تۇتاس شينجياڭدا مەملەكەتتىك Α5 دارەجەلى كورىنىس وڭىرىنەن 12سى بار، سانى جاعىنان باتىس بولىكتە ءبىرىنشى ورىندى، بۇكىل ەل بويىنشا ەكىنشى ورىندى يەلەدى. مۇنان سىرت، Α دارەجەلىدەن جوعارى 369 كورىنىس ءوڭىرى الۋان ءتۇرلى ساياحات نىسانالى جەر ماركا جۇيەسىن العاشقى ادىمدا قالىپتاستىرعان. بۇل كورىنىس وڭىرلەرىنىڭ ەرەكشەلىگى، سالت - ساناسى الۋان ءتۇرلى بولىپ، تابيعي عاجايىپ كورىنىستەر مەن وزىندىك ەرەكشەلىككە يە گۋمانيتارلىق كورىنىستەر جارىسا شۇعىلا شاشىپ، شينجياڭ ساياحاتىنىڭ ماركا ونىمدىلىگىن شوعىرلى ايگىلەپ، «شينجياڭ جاقسى جەر» دەگەن ات الىسقا تارادى، شينجياڭ دا ەلىمىزدەگى ماڭىزدى ساياحات نىسانالى جەرىنىڭ بىرىنە اينالۋدا.

  2017 - جىلى تۇتاس شينجياڭدا ساياحاتشىلار سانى تۇڭعىش رەت 100 ميلليون ادام - رەتتەن اسىپ، ساياحاتتىق جالپى تۇتىنۋ سوماسى 182 ميلليارد 197 ميلليون يۋانعا جەتىپ، سايكەس مەزگىلدەگىدەن %30 ارتقان. ساياحات كاسىبىنىڭ رايونىمىزدىڭ ەكونوميكالىق، قوعامدىق دامۋىن جەبەۋ رولى كۇن سايىن كورنەكتىلەندى.

  شينجياڭداعى ءبىرىنشى ۇرپاق ساياحاتتاتۋشى بي ياديڭ اۆتونوميالى رايوننىڭ ساياحات كاسىبىنىڭ 40 جىلدىق دامۋ كەرەمەتىنىڭ كۋاگەرى. «1982 - جىلى شينجياڭعا ساياحاتتاي كەلەتىندەر وتە از بولاتىن، بيىل 150 ميلليون ادام - رەتتەن اسۋى مۇمكىن، شينجياڭنىڭ ساياحات كاسىبىنىڭ دامۋ بولاشاعى توتەنشە زور»، - دەدى بي ياديڭ تەبىرەنىپ.

  نەگىزدىك قۇرىلعىنىڭ دارەجەسى كوتەرىلىپ، ساياحاتشىلار ءتىپتى دە جايلى سەزىندى

  ساياحات كاسىبىنىڭ جوعارى ساپالى دامۋىنىڭ العى شارتى − كەمەلدى نەگىزدىك قۇرىلعى. كورىنىس تۇيىندەرىنىڭ بىتىراڭقى ورنالاسقاندىعى، جولدىڭ الىس بولۋى كەزىندە شينجياڭنىڭ ساياحات كاسىبىنىڭ دامۋىنا توسالعى بولىپ كەلگەن وسال تۇس ەدى. اۆتونوميالى رايون تاس جول، تەمىر جول، ازاماتتىق اۆياتسيا سياقتى كوپ جاقتىڭ كۇشىن سايكەستىرىپ، كۇش بىرىكتىرىپ، وسى وسال تۇستان قامال الدى.

  قازىر، رايونىمىزداعى 12 مەملەكەتتىك Α5 دارەجەلى كورىنىس ءوڭىرىنىڭ التاۋى مەملەكەت دارەجەلى نەمەسە ولكە دارەجەلى جوعارى قارقىندى تاس جولمەن قامتۋدى نەمەسە تۇتاستىرۋدى، ۇشەۋى ادەتتەگى مەملەكەت تاس جولىمەن قامتۋدى نەمەسە تۇتاستىرۋدى جۇزەگە اسىردى. Α4 دارەجەلى 73 كورىنىس ءوڭىرىنىڭ 48ى مەملەكەت دارەجەلى نەمەسە ولكە دارەجەلى جوعارى قارقىندى تاس جولمەن قامتۋدى نەمەسە تۇتاستىرۋدى جۇزەگە اسىردى.

  «1982 - جىلى مەن ىشكى ولكەدەن كەلگەن كاسىپتەستەرىمدى بوعدا كولىنە ەرتىپ باردىم، بارىپ - كەلۋگە 8 دە 9 ساعات ۋاقىت كەتكەن ەدى. قازىر ۇرىمجىدەن فۋكاڭعا ءبىر ساعات اينالاسىندا جەتۋگە بولادى، فۋكاڭ اۆتوكولىك بەكەتىنەن بوعدا كولىنە باراتىن ارناۋلى اۆتوكولىك بار، 20 مينۋتتا - اق بوعداعا جەتىپ الۋعا بولادى. وتە قولايلى!»، - دەدى بي ياديڭ تەبىرەنە.

  تاس جول ىركىلىسىزدەنۋمەن بىرگە، تەمىر جول تاراۋلارى دا تۇتاس شينجياڭنىڭ تەمىر جول تورىن بەلسەنە كەمەلدەندىرىپ، ءتۇيىندى ساياحات جەلىلەرىنە مەڭزەس ساياحات ارناۋلى پويەزىن ىسكە قوستى. ساياحات ارناۋلى پويەزى شينجياڭنىڭ بارلىق سارا كورىنىس وڭىرلەرىمەن تۇتاسىپ، ساياحاتشىلارعا اناعۇرلىم تەز، اناعۇرلىم جايلى ساياحاتتى سەزىنۋىنە مۇمكىندىك جاسادى.

  شينجياڭنىڭ ازاماتتىق اۆياتسيا تاراۋلارى ءۇرىمجى حالىقارالىق اۋەجايىن جيناۋ - جونەلتۋ ورتالىعى، ءارقايسى ايماق - وبلىستىڭ تارماق جەلى اۋەجايلارىن تىرەك ەتىپ، شينجياڭ ىشىندەگى اۆياتسيا جەلىسىن ۇزدىكسىز جيىلەتتى. 11 - ايدىڭ 20 - كۇنى، التاي «كەڭىستىك كولىگىن» ىسكە قوسىپ، تارماق جەلى اۋەجايىنان كورىنىس رايونىنا باراتىن «ۇتىلامالى جالعاپ ۇشۋدى» تۇڭعىش رەت جۇزەگە اسىردى.

  ساياحات نەگىزدىك قۇرىلعىلارىنىڭ جاقسارۋى جان - جاقتى بولدى. بۇرىندارى كورىنىس تۇيىندەرىندەگى، كورىنىس وڭىرلەرىندەگى دارەتحانالار ساياحاتشىلاردىڭ نارازىلىعىنا كوپ ۇشىرايتىن ەدى. قازىر كورىكتى دە تازا جۇلدىز دارەجەلى دارەتحانالار ساياحاتشىلاردىڭ اۋىز جاپپاي ماقتاۋىنا يە بولدى. تۇرپان قالاسى بويلىق كورىنىس وڭىرىندەگى ساياحاتشىلار دارەتحاناسىنىڭ سىرتقى كورىنىسى ءجۇزىم كەپتىرەتىن ۇيگە ۇقسايدى، ىشىندەگى مۇگەدەكتەر دارەت شەلەگى، حاۋىپسىزدىك تۇتقاسى، بالالاردىڭ قول جۋۋ تەگەنەسى، بوبەكتەر تۇعىرى، كيىم ىلگىش، كىشكەنە ورىندىق سياقتى قۇرىلعىلار ساياحاتشىلارعا جان - جاقتى جاناسىمدى قىزمەت وتەدى. قازىرگى تاڭدا «ءىشى - سىرتى تەڭ بەزەندىرىلگەن» مۇنداي ساياحاتشىلار دارەتحاناسى بۇكىل شينجياڭنىڭ نەگىزگى ساياحات كورىنىس وڭىرلەرىن، كورىنىس تۇيىندەرىن تۇگەل قامتىدى.

  بۇگىنگى تاڭدا، ساياحاتتىق تۇتىنۋ دارەجەسىنىڭ جوعارىلاۋى كورىنىس وڭىرلەرى مەن كورىنىس تۇيىندەرىنىڭ قىزمەت وتەۋ دارەجەسىن جوعارىلاتۋىنا سەبەپتى بولدى، اناعۇرلىم يكەمدى قىزمەت وتەۋ قۇرىلعىلارى ساياحاتشىلاردىڭ رازىلىق دارەجەسىن ۇزدىكسىز جوعارىلاتىپ، شينجياڭنىڭ ساياحات كاسىبىنىڭ داڭقى ۇزدىكسىز ارتتى.

  «ساياحات +» تارتىمدىلىعىن ايگىلەپ، كاسىپ سالالارى گۇلدەنىپ، حالىق اۋقاتتاندى

  1985 - جىلى شينجياڭعا تۇڭعىش كەلگەنىمدە بوعدا كولىنە عانا بارىپ - قايتقام. وسى جولى كەلگەندە، بوعدا كولىنىڭ كورىنىسى ءتىپتى دە كوركەم بولىپ قالماستان، اراسان، قار شاڭعى، حالىقتىق تۇسەلحانا، ۇلتتىق سالت - سانا باقشاسى، ءدامدى تاعامدار كوشەسى دە سەپتەلىپ ۇلگەرگەن ەكەن، ارالاپ بولا الماي قالدىم»، - دەدى 11 - ايدىڭ 10 - كۇنى انحۇيلىق ساياحاتشى لي تاۋ.

  لي تاۋدىڭ ايتقانى كوپتەگەن ساياحاتشىلاردىڭ ورتاق اسەرى. ج ك پ اۆتونوميالى رايوندىق 9 - قۇرىلتايىنان بەرى، رايونىمىز ساياحاتتىڭ قامداۋ جاعىنداعى رەفورماسىن ۇزدىكسىز تەرەڭدەتىپ، كاسىپ سالاسى قۇرىلىمىن ساپالىلاندىرىپ، دامۋ ساپاسىن جوعارىلاتتى، ساياحات كاسىبىندە بۇرىندى - سوڭدى بولماعان باي مازمۇن مەن كوركەيىپ - گۇلدەنۋ جارىققا شىقتى.

  «ساياحات + اۆياتسيا» جاس ساياحاتشىلاردىڭ قىزۋ قارسى الۋىنا يە بولدى؛ «جەكەلىك اۆتوكولىكپەن شينجياڭدى ساياحاتتاۋ» وركەندەي باستادى؛ «سايرام كولىن ۆەلوسيپەدپەن اينالۋ جارىسى» 12 كەزەك ءساتتى وتكىزىلدى، «ساياحات +دەنە تاربيە» ءتاسىلى جەرگىلىكتى بۇقاراعا كوپتەگەن ساۋدا ورايىن جاراتتى. ءۇرىمجى نانشان كورىنىس وڭىرىنە ارقا سۇيەگەن ءۇرىمجى اۋدانى شۇيشيگوۋ قالاشىعى فاڭجياجۋاڭ قىستاعىنداعى 100دەن ارتىق شارۋالار شاتتىعى ساياجايىنىڭ ءارقايسىسىنىڭ جىلدىق ورتاشا كىرىسى 100 مىڭ يۋاننان 150 مىڭ يۋانعا دەيىن جەتىپ، بۇرىنعى كەدەي قىستاق اتى الىس - جاقىنعا ايگىلى باي قىستاققا اينالدى.

  11 - ايدىڭ 18 - كۇنى، ءۇيىن بەزەندىرىپ جاتقان اقسۋ ايماعى باي اۋدانى كاڭچي اۋىلى ارال قىستاعىنىڭ تۇرعىنى ءۇسان باكىر: بيىل جازدا مەن قىستاقتا كاۋاپ ساتىپ 40 مىڭ يۋان تازا كىرىس كىرگىزدىم، وسىنىڭ ءبارى قىستاقتىڭ ساياحات كاسىبىن دامىتۋىنىڭ ارقاسى، - دەدى. ارال قىستاعىندا قازىر 400 وتباسى بار، قازىرگە دەيىن اۋىل - قىستاق ساياحاتىنا 200دەن ارتىق ادام ات سالىستى. وسى قىستاق جەردى اينالىمعا سالۋ، بىرىكتىرۋ ارقىلى كولەمدى شارۋالار شاتتىعى ساياجايىن اشىپ، اۋىل - قىستاق ساياحاتىن دامىتىپ، بۇكىل قىستاقتىڭ كەدەيلىكتەن ارىلۋىن جۇزەگە اسىردى.

  قازىر بۇكىل شينجياڭدا ءتۇرلى فورماداعى شارۋالار شاتتىعى ساياجايى 6000نان اسىپ، 100 مىڭنان ارتىق شارۋالار وتباسىن جەتەكتەدى. ساياحات كاسىبى شىن مانىندە حالىقتى اۋقاتتاندىراتىن، حالىققا تيىمدىلىك جەتكىزەتىن كاسىپكە اينالدى.

  شينجياڭ ساياحات كاسبىن زەرتتەۋ ورنىنىڭ باستىعى ياڭ جاۋپيڭ بىلاي دەدى: «ساياحات +» فورماسى شينجياڭنىڭ وزگەشە ساياحات بايلىعى ارتىقشىلىعىن ءونىم ارتىقشىلىعىنا اينالدىرىپ، ەكونوميكالىق، قوعامدىق دامۋعا تىڭ قوزعاۋشى كۇش ۇستەپ، ءار ۇلت بۇقاراسىنا اناعۇرلىم كوپ تابىس سەزىمىن سيلادى.

جاۋاپتى رەداكتور : سايراش تۇرارجان قىزى

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورابى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.

  • ادام مەن تابيعاتتىڭ جاراسىمدى داستانىن جازدى
  • قالاسى كوركەم، حالقى باي جاڭا كارتينانى كەستەلەدى
  • ءشول دالادان «جاسىل قورعان» تۇرعىزدى
  • ءشول دالا جاسىل جەلەك جامىلدى
بىزبەن بايلانىس جارناما قىزمەتى لەبىز قالدىرۋ ءبىز تۋرالى