تيانشان تورابى   ›   جاڭالىقتار   ›   شينجياڭ حابارلارى

اۆتونوميالى رايون اڭگىمە ءماجىلىس اشىپ باس شۋجي شي جينپيڭنىڭ مەملەكەتتىك ايەلدەر بىرلەستىگىنىڭ جاڭا كەزەكتى باسشىلىق القاسىمەن اڭگىمەلەسكەن كەزدەگى ماڭىزدى ءسوزىنىڭ رۋحىن ۇيرەندى

  ءتىلشىمىز لي ياڭ 12 - ايدىڭ 3 - كۇنى ۇرىمجىدەن حابارلايدى. 12 - ايدىڭ 2 - كۇنى تۇستەن كەيىن، اۆتونوميالى رايون باس شۋجي شي جينپيڭنىڭ مەملەكەتتىك ايەلدەر بىرلەستىگىنىڭ جاڭا كەزەكتى باسشىلىق القاسىنىڭ مۇشەلەرىمەن توپتىق اڭگىمەلەسكەن كەزدەگى ماڭىزدى ءسوزىنىڭ رۋحىن ۇيرەنۋ، دايەكتىلەندىرۋ اڭگىمە ءماجىلىسىن اشتى. ءماجىلىس شي جينپيڭنىڭ جاڭا ءداۋىر جۇڭگوشا سوتسياليزم يدەياسىن جەتەكشى ەتىپ، باس شۋجي شي جينپيڭنىڭ ايەلدەر جانە ايەلدەر قىزمەتى جونىندەگى ماڭىزدى بايىمداۋلارىن مۇقيات ۇيرەنىپ، دايەكتىلەندىرىپ، يدەيانى اناعۇرلىم بىرلىككە كەلتىرىپ، زەيىن - زەردەنى، كۇش - قۋاتتى ۇيىستىرىپ، تۇتاس رايونداعى ءار ۇلت ايەلدەرىن ءداۋىردىڭ الدىڭعى لەگىندە ءجۇرىپ، ورنىقتىلىقتىڭ، دامۋدىڭ ءبىرىنشى شەبىندە ەڭبەك ءسىڭىرىپ، ۇلەس قوسىپ، جاڭا داۋىردەگى ايەلدەر قىزمەتىنىڭ جاڭا جاعدايىن ۇزدىكسىز اشۋعا اناعۇرلىم جاقسى ىنتىماقتاستىردى، جۇمىلدىردى. اۆتونوميالى رايوندىق پارتكومنىڭ ورىنباسار شۋجيى، وقۋ - اعارتۋ قىزمەت كوميتەتىنىڭ شۋجيى لي پىڭشين ماجىلىسكە قاتىناستى ءارى ءسوز سويلەدى. اۆتونوميالى رايوندىق پارتكومنىڭ تۇراقتى مۇشەسى، ۋاقىتتىق باس حاتشى سارقىت اقان ۇلى ءماجىلىستى باسقاردى.

  ءماجىلىس مىنالاردى تالاپ ەتتى: ءار دارەجەلى ايەلدەر بىرلەستىكتەرى «ءتورت تانىمدى» بەرىك ورناتىپ، باس شۋجي شي جينپيڭنىڭ ماڭىزدى ءسوزىنىڭ رۋحىن ويداعىداي ۇيرەنۋدى، ۇگىتتەۋدى، دايەكتىلەندىرۋدى كەزەكتەگى جانە مۇنان كەيىنگى ءبىر مەزگىلدەگى ماڭىزدى ساياسي مىندەت ەتىپ، باس شۋجي شي جينپيڭنىڭ زامانىمىزداعى جۇڭگو ايەلدەرى قوزعالىسىنىڭ داۋىرلىك تاقىرىبى، ايەلدەر قىزمەتىنىڭ ورنى، ءمانى، پارتيانىڭ ايەلدەر قىزمەتىنە باسشىلىعىن كۇشەيتۋ، ايەلدەردى دامىتۋدىڭ جۇڭگوشا سوتسياليستىك جولىنا تاباندى بولۋ، جاڭا داۋىردەگى ايەلدەر بىرلەستىگى ۇيىمىنىڭ فۋنكتسيالىق ورنى، وتباسى قىزمەتىن جانە ايەلدەر بىرلەستىگى رەفورماسىن جاقسى ىستەۋ جونىندەگى ماڭىزدى بايىمداۋلارىن جەتە ءتۇسىنىپ، دۇرىس ساياسي بەتالىستان جازباي، ايەلدەر قاۋىمىن يدەيالىق جاقتان جەتەكتەۋدى، ساياسي جاقتان جەتەكتەۋدى، قۇن جاعىنان جەتەكتەۋدى كۇشەيتىپ، ساياسيدا شىنايى مويىنداۋدى، يدەيادا شىنايى مويىنداۋدى، سۇيىسپەنشىلىكتە شىنايى مويىنداۋدى ارتتىرىپ، ءار ۇلت ايەلدەرىن پارتياعا العىس ايتۋعا، پارتيانىڭ سوزىنە قۇلاق اسۋعا، پارتياعا ىلەسۋگە ىنتىماقتاستىرۋ، باستاۋ كەرەك.

  ءماجىلىس مىنالاردى باسا دارىپتەدى: بۇلجىماستان نازاردى باس نىساناعا شوعىرلاندىرىپ، باس نىسانانى تياناقتاندىرىپ، «جەلەكتىلەردىڭ كەدەيلىكتەن ارىلتۋ ارەكەتىن» تەرەڭدەتىپ، ناقتىلاندىرىپ، «اۋىل - قىستاقتى گۇلدەندىرۋدىڭ جەلەكتىلەر ارەكەتىن» ىشكەرىلەي ورىستەتىپ، ايەلدەردى اۆتونوميالى رايوندىق پارتكومنىڭ ورنالاستىرۋلارىن مىقتاپ ارقاۋ ەتىپ، ورنىقتىلىقتىڭ، دامۋدىڭ جالپى جاعدايىنا قىزمەت ەتۋگە «جارتى الەمنىڭ» كۇشىن قوسۋعا ىنتىماقتاستىرۋ، باستاۋ كەرەك. ايەلدەردىڭ وتباسى تۇرمىسىنداعى ەرەكشە رولىن ساۋلەلەندىرىپ، وتباسى وركەنيەتى قۇرىلىسىن كۇشەيتىپ، وتباسى تاربيەسى قىزمەتىن جاقسى ىستەپ، سوتسياليستىك وزەكتى قۇن كوزقاراسىنىڭ وتباسىلارىندا تياناقتانىپ، تامىر تارتۋىن ىلگەرىلەتۋ كەرەك. ەر - ايەل تەڭدىگى سىندى نەگىزگى مەملەكەت ساياساتىن مۇقيات دايەكتىلەندىرىپ، ۋايىمنان ارىلتۋ، قيىنشىلىقتى شەشۋ قىزمەتىن اناعۇرلىم دالمە - ءدال، اناعۇرلىم تىڭعىلىقتى ىستەپ، جوسپارلى تۋىت ساياساتىن قاتاڭ اتقارىپ، ايەلدەرگە باعىتتالعان مەملەكەتتە ءبىر تۇتاس قولدانىلاتىن ءتىل - جازۋ تاربيەسىن جانە شەبەرلىككە باۋلۋدى كۇشەيتىپ، ايەلدەردىڭ سالاماتتىعىنا ۇزدىكسىز كوڭىل ءبولىپ، ايەلدەردىڭ زاڭدى ۇقىق - مۇددەسىن زاڭ بويىنشا قورعاپ، ايەلدەردىڭ تابىس سەزىمىن، باقىت سەزىمىن، حاۋىپسىزدىك سەزىمىن ۇزدىكسىز كۇشەيتىپ، ايەلدەر بىرلەستىگىن ءار ۇلت ايەلدەرى سەنىم ارتاتىن، سۇيەنىش ەتەتىن، ايرىلا المايتىن توركىنىنە اينالدىرۋ كەرەك.

   ءماجىلىس مىنالاردى تالاپ ەتتى: پارتيانىڭ باسشىلىعىنا باستان - اياق تاباندى بولىپ، ساياسيلىقتى، وزىقتىقتى، بۇقارالىقتى كۇشەيتۋ نىساناسىن ارقاۋ ەتىپ، نەگىزگى ساتىنى بەتالىس ەتۋدەن جازباي، كۇش سەپتەۋ، قىزمەت ەتۋ بايلىعىن نەگىزگى ساتىعا اناعۇرلىم بەيىمدەۋ كەرەك. پارتيانى جالپى بەتتىك قاتاڭ جونگە سالۋ تالابىن تياناقتاندىرىپ، پارتيا الاڭسىز، بۇقارا رازى بولاتىن ايەلدەر بىرلەستىگى كادرلار قوسىنىن قۇلشىنا قۇرىپ، ايەلدەر ىستەرىنىڭ اقاۋسىز دامۋىن پارمەندى قامتاماسىز ەتۋ كەرەك.

جاۋاپتى رەداكتور : سايراش تۇرارجان قىزى

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورابى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.

بىزبەن بايلانىس جارناما قىزمەتى لەبىز قالدىرۋ ءبىز تۋرالى