تيانشان تورى
تيانشان تورى   ›   جاڭالىقتار   ›   سۋرەتتى حابار

چىن چۋانگو اۆتونوميالى رايوننىڭ وزەن (كول) باستىعى ءتۇزىمىن جاپپاي اتقارۋ باسشىلىق گرۋپپاسىنىڭ ماجىلىسىندە مىنانى باسا دارىپتەدى

  باس شۋجي شي جينپيڭنىڭ ەكولوگيالىق وركەنيەت قۇرىلىسى جونىندەگى ماڭىزدى بايىمداۋىن ىشكەرىلەي دايەكتىلەندىرىپ، وزەن - كول باستىعى ءتۇزىمىن جاپپاي اتقارىپ، شينجياڭنىڭ وزەن - كولدەرىنىڭ اناعۇرلىم تازا، تۇنىق بولۋىنا مۇمكىندىك جاساۋ كەرەك

  شوكىرات زاكىر، لي پىڭشين ماجىلىسكە قاتىناستى

  ءتىلشىمىز ياۋ تۇڭ 12 - ايدىڭ 3 - كۇنى ۇرىمجىدەن حابارلايدى. 12 - ايدىڭ 2 - كۇنى ءتۇستىڭ الدىندا، اۆتونوميالى رايوندىق پارتكومنىڭ شۋجيى، اۆتونوميالى رايوننىڭ وزەن (كول) باستىعى ءتۇزىمىن جاپپاي اتقارۋ باسشىلىق گرۋپپاسىنىڭ باستىعى چىن چۋانگو اۆتونوميالى رايوننىڭ وزەن (كول) باستىعى ءتۇزىمىن جاپپاي اتقارۋ باسشىلىق گرۋپپاسىنىڭ ءماجىلىسىن باسقارىپ اشتى. ول بىلاي دەپ باسا دارىپتەدى: شي جينپيڭنىڭ جاڭا ءداۋىر جۇڭگوشا سوتسياليزم يدەياسىن جەتەكشى ەتىپ، باس شۋجي شي جينپيڭنىڭ ەكولوگيالىق وركەنيەت قۇرىلىسى جونىندەگى ماڭىزدى بايىمداۋىن ىشكەرىلەي دايەكتىلەندىرىپ، وزەن (كول) باستىعى ءتۇزىمىن جاپپاي اتقارىپ، ءبىر تۇتاس سايكەستىرۋدى كۇشەيتىپ، جاۋاپكەرشىلىكتىڭ تياناقتانۋىن كۇش سالا يگەرىپ، وزەن - كولدەردى باسقارۋ، قورعاۋ قىزمەتىن شىن مانىندە جاقسى ىستەپ، سۋ الاپتارىنىڭ باياندى دامۋىن جۇزەگە اسىرىپ، شينجياڭنىڭ اسپانىنىڭ اناعۇرلىم كوك، جەرىنىڭ اناعۇرلىم جاسىل، سۋىنىڭ اناعۇرلىم تۇنىق بولۋىنا مۇمكىندىك جاساۋ كەرەك.

  اۆتونوميالى رايوننىڭ وزەن (كول) باستىعى ءتۇزىمىن جاپپاي اتقارۋ باسشىلىق گرۋپپاسىنىڭ باستىعى شوكىرات زاكىر، ورىنباسار باستىقتارى لي پىڭشين، ەركىن تۇنياز ماجىلىسكە قاتىناستى.

  ءماجىلىس اۆتونوميالى رايوننىڭ وزەن (كول) باستىعى ءتۇزىمىن تياناقتاندىرۋ بويىنشا وزەندەردى شارلاۋ قىزمەتىنىڭ جاپپاي ورىستەتىلۋ جاعدايى تۋرالى مالىمەتتى تىڭدادى.

  چىن چۋانگو بىلاي دەپ باسا دارىپتەدى: جەر - جەر، تاراۋلار شي جينپيڭنىڭ جاڭا ءداۋىر جۇڭگوشا سوتسياليزم يدەياسىن جەتەكشى ەتۋگە تاباندى بولىپ، «ءتورت تانىمدى» مىقتاپ ورناتىپ، سۋ باسقارۋدىڭ، سۋدى جونگە سالۋدىڭ ساياسي جاۋاپكەرشىلىگىن باتىل ارقالاپ، شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ وزەن (كول) باستىعى ءتۇزىمىن جاپپاي اتقارۋ تۋرالى شەشىمدەرى مەن ورنالاستىرۋلارىنىڭ شينجياڭدا تياناقتانۋىنا، ونىمدىلىك كورسەتۋىنە شىنايى كەپىلدىك ەتۋ كەرەك.

  بىرىنشىدەن، كەلەلى ماڭىزىن تانۋ كەرەك. وزەن (كول) باستىعى ءتۇزىمىن جاپپاي اتقارۋ − شي جينپيڭ جولداستى ۇيتقى ەتكەن پارتيا ورتالىق كوميتەتى جاساعان كەلەلى شەشىم جانە جوعارى دەڭگەيلى جوبا، ەلىمىزدىڭ سۋدى جونگە سالۋ ءتۇزىلىسى مەن ەكولوگيالىق ورتا تۇزىمىندەگى كەلەلى رەفورما جاڭالىعى، ەكولوگيالىق وركەنيەت قۇرىلىسىن كۇشەيتۋدەگى ماڭىزدى تۇزىمدىك ورنالاستىرۋ. وزەن (كول) باستىعى ءتۇزىمىن جاپپاي اتقارۋدىڭ ماڭىزدىلىعىن، قاجەتتىلىگىن، كوكەي تەستىلىگىن جەتە تانىپ، وزەن (كول) باستىعى ءتۇزىمىن جاپپاي اتقارۋدىڭ جاسىل دامۋدى تياناقتاندىرۋداعى، ەكولوگيالىق وركەنيەت قۇرىلىسىن ىلگەرىلەتۋدەگى كەلەلى ماڭىزىن جەتە تانىپ، وزەن (كول) باستىعى ءتۇزىمىن تياناقتاندىرۋداعى جاۋاپكەرشىلىك سەزىمدى، بورىشتىلىق سەزىمدى شىن مانىندە كۇشەيتۋ كەرەك.

  ەكىنشىدەن، نىسانا - مىندەتتەردى ايقىنداۋ كەرەك. جاڭا دامۋ ۇستانىمىن مىقتاپ ورناتىپ، «سۋ ۇنەمدەۋدى الدىڭعى ورىنعا قويۋ، كەڭىستىك تەپە - تەڭدىگى، جۇيەلى جونگە سالۋ، ەكى جاقتان كۇش سالۋ» سىندى سۋدى جونگە سالۋ باعىتىنان جازباي، ءۇش ۇلكەن قامال الۋ شايقاسىن ويداعىداي جۇرگىزۋمەن تىعىز ۇشتاستىرىپ، ۇيىمدىق جۇيەنىڭ تولىق تياناقتانۋىن، باسقارۋ مەن قورعاۋدىڭ تولىق قامتۋىن، نىسانا - مىندەتتەردىڭ تولىق تياناقتانۋىن ىلگەرىلەتىپ، 2020 - جىلى «103 قامتاماسىزداندىرۋ» نىساناسىنىڭ جۇزەگە اسۋىنا شىنايى كەپىلدىك ەتۋ كەرەك.

  ۇشىنشىدەن، ماسەلەنى بەتالىس ەتۋدى كۇشەيتۋ كەرەك. وزەندەردى شارلاۋ، كولدەردى شارلاۋ بارىسىندا بايقالعان ماسەلەلەردى جاپپاي رەتتەپ، وعان تالداۋ جاساپ، جەرگىلىكتى جاعدايعا قاراي، تۇرلەر بويىنشا شارا قولدانىپ، شەشۋ شارالارىن باعىتتامالى تۇردە زەرتتەپ، قىزمەت ەسەپ - قيسابىن اشىپ، ءبىر جاقتى ەتۋ ۋاقىت شەگىن، ساپا تالابىن، تەكسەرۋ كورسەتكىشىن ايقىنداپ، ونىمدىلىگىن سۇراستىرۋدى قاداعالاپ، قۋزاۋ سەرپىنىن ارتتىرىپ، ءار دارەجەلى وزەن (كول) باستىقتارى مەن قاتىستى تاراۋلاردىڭ وزەن - كولدەردى باسقارۋ، قورعاۋ جاعدايىن مەرزىم سايىن حابارلاندىرىپ، قىزمەتتى يگەرۋ، تياناقتاندىرۋدى جەبەۋدىڭ ءونىمدى مەحانيزمىن قالىپتاستىرۋدى ىلگەرىلەتۋ كەرەك.

  تورتىنشىدەن، ادامدى وزەك ەتۋگە تاباندى بولۋ كەرەك. حالىقتى وزەك ەتكەن دامۋ يدەياسىن دايەكتىلەندىرىپ، نازاردى قوعام ورنىقتىلىعى مەن باياندى تىنىشتىق باس نىساناسىنا شوعىرلاندىرىپ، تابيعاتقا قۇرمەت ەتۋ، تابيعاتقا سايكەسۋ، تابيعاتتى قورعاۋ ۇستانىمىن مىقتاپ ورناتىپ، قورعاۋ مەن اشۋدىڭ، ەكولوگيا مەن دامۋدىڭ، سۋ الابى مەن ءوڭىردىڭ، قازىرگى مەن بولاشاقتىڭ قاتىناسىن ويداعىداي ءبىر جاقتى ەتىپ، وزەن، كول ەكولوگيالىق ورتاسىن قورعاۋ مەن قالپىنا كەلتىرۋدى جاپپاي ىلگەرىلەتىپ، وزەن - كولدەردىڭ تىنىعىپ - تىنىستاۋىن جەبەپ، وزەن - كولدەردىڭ اقاۋسىز تىرشىلىگىن قورعاپ، ءار ۇلت بۇقاراسىنىڭ تابىس سەزىمىن، باقىت سەزىمىن ۇزدىكسىز كۇشەيتۋ كەرەك.

  بەسىنشىدەن، ۇيىمدىق باسشىلىقتى كۇشەيتۋ كەرەك. ءار دارەجەلى پارتكوم مەن ۇكىمەت تۇلعالىق جاۋاپكەرشىلىك پەن قاراستى جەرلەرىن باسقارۋ جاۋاپكەرشىلىگىن شىن مانىندە ۇستىنە الۋى، ءار دارەجەلى وزەن (كول) باستىقتارى قىزمەت جاۋاپكەرشىلىگىن مۇقيات وتەپ، مەرزىم سايىن وزەندەردى شارلاۋى، وزەن (كول) باستىعى ءتۇزىمىن قاداعالاۋدى، تەكسەرۋدى ۇكىمەتتىڭ تەكسەرۋ، باعالاۋ جۇيەسىنە جانە ەكولوگيالىق تولەم تەكسەرۋ مەحانيزمىنە ەنگىزىپ، مەرزىم سايىن ارناۋلى قاداعالاپ، تەكسەرۋ جۇرگىزىپ، جاۋاپكەرشىلىكتى قۋزاستىرۋدى، جاۋاپقا تارتۋدى قاتايتىپ، وزەن (كول) باستىعىنىڭ جاۋاپكەرشىلىگىنىڭ جاپپاي تياناقتانۋىن ءونىمدى باقىلاۋ ارقىلى جەبەۋى كەرەك.

   اۆتونوميالى رايوننىڭ وزەن (كول) باستىعى ءتۇزىمىن جاپپاي اتقارۋ باسشىلىق گرۋپپاسىنىڭ مۇشەلەرى ماجىلىسكە قاتىناستى. اۆتونوميالى رايون دارەجەلى وزەن باستىقتارى، كول باستىقتارى، ورىنباسار وزەن باستىقتارى، سونداي - اق قاتىستى تاراۋلارداعى جاۋاپتى جولداستار ماجىلىسكە قاتىناستى.

جاۋاپتى رەداكتور : سايراش تۇرارجان قىزى

ەسكەرتۋ:

تورابىمىزداعى مازمۇنداردى پايدالانۋعا تۋرا كەلگەندە، ءسوزسىز جازباشا رۇقساتقا يە بولۋ كەرەك. مازمۇنداردى رۇقساتسىز جالعاپ تاراتۋعا، كەسىپ رەداكسيالاۋعا، وزگەرتۋگە، قىسقارتىپ قۇراستىرۋعا، باسقا ورىنعا كوشىرۋگە نەمەسە باسقا تاسىلدەرمەن كوبەيتۋگە ءارى تاراتۋعا بولمايدى، قايشى كەلگەندەردىڭ زاڭدىق جاۋاپكەرشىلىگى زاڭ بويىنشا قۋزاستىرىلادى.