تيانشان تورابى   ›   جاڭالىقتار   ›   شينجياڭ حابارلارى

اۆتونوميالى رايون جوعارى مەكتەپتەر مەن تەحنيكۋمداردا «توراڭعى رۋحىمەن ادام تاربيەلەۋ، شينجياڭدى كوركەيتىپ، شەكارانى بەكەمدەۋگە قىزمەت وتەۋ» تاقىرىپتىق تاربيە قيمىلىن ورىستەتتى

  ءتىلشىمىز لي ياڭ 12 - ايدىڭ 4 - كۇنى ارالدان حابارلايدى. 12 - ايدىڭ 4 - كۇنى تۇستەن كەيىن اۆتونوميالى رايوننىڭ «توراڭعى رۋحىمەن ادام تاربيەلەۋ، شينجياڭدى كوركەيتىپ، شەكارانى بەكەمدەۋگە قىزمەت ەتۋ» اڭگىمە ءماجىلىسى ارالدا وتكىزىلدى. ءماجىلىس شي جينپيڭنىڭ جاڭا ءداۋىر جۇڭگوشا سوتسياليزم يدەياسىن جەتەكشى ەتىپ، وقۋ - اعارتۋ جونىندەگى مەملەكەتتىك ءماجىلىستىڭ رۋحىن، اسىرەسە، باس شۋجي شي جينپيڭنىڭ وقۋ - اعارتۋ قىزمەتى جونىندەگى ماڭىزدى بايىمداۋلارىن مۇقيات ۇيرەنىپ، دايەكتىلەندىرىپ، پارتيانىڭ وقۋ - اعارتۋ باعىتىن جالپى بەتتىك دايەكتىلەندىرىپ، اۆتونوميالى رايوندىق 9 - كەزەكتى پارتكومنىڭ التىنشى جالپى ءماجىلىسىنىڭ رۋحىن ۇيرەنىپ، دايەكتىلەندىرىپ، قوعام ورنىقتىلىعى مەن باياندى تىنىشتىق باس نىساناسىن مىقتاپ ارقاۋ ەتىپ، تۇتاس رايونىمىزداعى جوعارى مەكتەپتەر مەن تەحنيكۋمداردا «توراڭعى رۋحىمەن ادام تاربيەلەۋ، شينجياڭدى كوركەيتىپ، شەكارانى بەكەمدەۋگە قىزمەت وتەۋ» تاقىرىپتىق تاربيە قيمىلىن ورىستەتىپ، پارتيا ءۇشىن ادام تاربيەلەۋ، مەملەكەت ءۇشىن دارىندى باۋلۋ باعدارىن اناعۇرلىم كۇشەيتىپ، حالىق رازى بولاتىن وقۋ - اعارتۋدى ويداعىداي جۇرگىزۋ جونىندە ورنالاستىرۋ جاسادى. اۆتونوميالى رايوندىق پارتكومنىڭ ورىنباسار شۋجيى، وقۋ - اعارتۋ قىزمەت كوميتەتىنىڭ شۋجيى لي پىڭشين ماجىلىسكە قاتىناستى ءارى ءسوز سويلەدى.

  ءماجىلىس مىنانى اتاپ كورسەتتى: تارىم داشۋەسى 60 جىلدان بەرى اۋەلگى ماقساتتى وزگەرتپەي، توراڭعى رۋحىمەن ادام تاربيەلەپ، شينجياڭدى كوركەيتىپ، شەكارانى بەكەمدەۋگە قىزمەت وتەپ، شەكارا وڭىرگە تامىر تارتقان، شەكارا وڭىرگە ءوزىن ارناعان توپ - توپ قاجەتتى دارىندىلاردى باۋلىپ، قانداي ادام تاربيەلەۋ، ادامدى قالاي تاربيەلەۋ، كىم ءۇشىن ادام تاربيەلەۋ سىندى وسى ءتۇبىرلى ماسەلەگە جاندى اماليات ارقىلى جاۋاپ قايتارىپ، بيڭتۋاننىڭ جانە وڭتۇستىك شينجياڭ ءوڭىرى ەكونوميكاسىنىڭ، قوعامىنىڭ دامۋىنا ۇلەس قوستى.

  ءماجىلىس مىنانى باسا دارىپتەدى: تۇتاس رايونداعى جوعارى مەكتەپتەر مەن تەحنيكۋمدار پارتيانىڭ وقۋ - اعارتۋ قىزمەتىنە جالپى بەتتىك باسشىلىعىن مىزعىماي كۇشەيتىپ، ساياسي قۇرىلىستى باستان - اياق ماڭداي الدى ورىنعا قويىپ، ساياسي سەنىمدى بەكەمدەپ، ساياسي ءتارتىپتى قاتايتىپ، پارتكوم باسشىلىعىنداعى مەكتەپ باستىعى جاۋاپتى بولۋ تۇزىمىنە تاباندى بولۋدى ناقتاپ تياناقتاندىرۋ كەرەك. سوتسياليستىك وقىتۋ جۇرگىزۋ بەتالىسىنان جازباي، دۇرىس ساياسي بەتالىستى، قۇن باعدارىن مەكتەپ قۇرىپ، وقىتۋ جۇرگىزۋدىڭ، ادام تاربيەلەپ، دارىندى باۋلۋدىڭ جالپى بارىسىمەن ساباقتاستىرۋ كەرەك. نازاردى باس نىسانانى جۇزەگە اسىرۋعا شوعىرلاندىرۋدان جازباي، شينجياڭنىڭ بايتاق دالاسىنا تامىر تارتىپ وقىتۋ جۇرگىزىپ، ءار ۇلت جاس جانە جاس ءوسپىرىم وقۋشىلاردىڭ ءپانىسلاميزم، پانتۇركيزم يدەياسىنىڭ سىنالاپ كىرۋىنەن ساقتانۋ جانە وعان قارسى تۇرۋ يدەيالىق قورعانىسىن بەكەمدەۋ كەرەك. جوعارى ساپالى دارىندى باۋلۋ جۇيەسىن قۇرۋدان جازباي، پاندەر جۇيەسىن، وقىتۋ جۇيەسىن، وقىتۋ ماتەريالدارى جۇيەسىن، باسقارۋ جۇيەسىن كەمەلدەندىرۋگە كۇش سالۋ ءارى يدەيالىق - ساياسي قىزمەت جۇيەسىن وسىمەن ۇشتاستىرۋعا تاباندى بولۋ كەرەك. وقىتۋشىلار قوسىنى قۇرىلىسىن كۇشەيتۋدەن جازباي، جوعارى ساپالى، ماماندانعان وقىتۋشىلار قوسىنىن قۇلشىنا قۇرۋ كەرەك. وقۋشىلاردىڭ جالپى بەتتىك دامۋىن جەبەۋدەن جازباي، مۇرات - سەنىمدى بەكەمدەۋ، وتانشىلدىق سەزىمدى تەرەڭدەتۋ، ءمورال ساپاسىن كۇشەيتۋ، ءبىلىم - تانىمىن ارتتىرۋ، كۇرەسكەرلىك رۋح جەتىلدىرۋ، جان - جاقتى ساپاسىن جوعارىلاتۋ جاعىندا شىنداپ كۇش سالىپ، ءار ۇلت جاس جانە ءوسپىرىم وقۋشىلاردىڭ احىلاق، اقىل - وي، دەنە، ەستەتيكا، ەڭبەك جاعىنان جالپى بەتتىك جەتىلۋىنە كەپىلدىك ەتۋ كەرەك.

  ءماجىلىس مىنانى باسا دارىپتەدى: تۇتاس رايونداعى جوعارى مەكتەپتەر مەن تەحنيكۋمداردىڭ پارتكومى، اسىرەسە، باسشىلىق القاسىنىڭ مۇشەلەرى باتىلدىقپەن «ءتورت تانىمدى» مىقتاپ ورناتىپ، «ءتورت سەنىمدى» بەكەمدەپ، «ەكىنى قورعاپ»، تاقىرىپتىق تاربيە قيمىلىن ويداعىداي ورىستەتۋدى وقۋ - اعارتۋ جۇيەسىنىڭ باس شۋجي شي جينپيڭنىڭ ۇيتقىلىق ورنىن باتىل قورعاۋداعى، شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ بەدەلىن جانە ورتالىقتانعان ءبىر تۇتاس باسشىلىعىن باتىل قورعاۋداعى ناقتى ارەكەتىنە، پارتيا ورتالىق كوميتەتىنىڭ شينجياڭدى جونگە سالۋ جالپى جوباسىن دايەكتىلەندىرۋدەگى، تياناقتاندىرۋداعى ناقتى ارەكەتىنە اينالدىرىپ، دەن قويا ۇيىمداستىرىپ، مۇقيات ورنالاستىرىپ، ناقتى ونىمدىلىگىنە ءمان بەرىپ، وتاندى، شينجياڭدى سۇيەتىن، جاۋاپكەرشىلىك ارقالاپ، ۇلەس قوساتىن سوتسياليزمنىڭ قۇرىلىسشىلارىن جانە ءىزباسارلارىن باۋلۋ سىندى ساياسي جاۋاپكەرشىلىكتى باتىلدىقپەن ۇستىلەرىنە الۋ كەرەك.

   اڭگىمە ماجىلىستە، تارىم داشۋەسىنىڭ ساقا وقىتۋشىلار ۋاكىلدەرى جانە اۆتونوميالى رايونداعى ءبىر ءبولىم جوعارى مەكتەپتەر مەن تەحنيكۋمدارداعى جاۋاپتى جولداستار پىكىر اۋىستىرىپ، ءسوز سويلەدى.

جاۋاپتى رەداكتور : سايراش تۇرارجان قىزى

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورابى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.

بىزبەن بايلانىس جارناما قىزمەتى لەبىز قالدىرۋ ءبىز تۋرالى