شوكىرات زاكىر ماجىلىسكە قاتىناستى ءارى ءسوز سويلەدى
ءتىلشىمىز جاۋ جىيۇن 12 - ايدىڭ 4 - كۇنى ۇرىمجىدەن حابارلايدى. 12 - ايدىڭ 3 - كۇنى اۆتونوميالى رايوننىڭ ەمدەۋ، ءدارى - دارمەك، دەنساۋلىق ساقتاۋ ءتۇزىلىسى رەفورماسىن تەرەڭدەتۋ قىزمەتى جونىندەگى تەلەۆيزور - تەلەفون ءماجىلىسى اشىلدى. ءماجىلىس شي جينپيڭنىڭ جاڭا ءداۋىر جۇڭگوشا سوتسياليزم يدەياسىن جەتەكشى ەتىپ، پارتيا 19 - قۇرىلتايىنىڭ جانە پارتيا 19 - كەزەكتى ورتالىق كوميتەتىنىڭ ەكىنشى، ءۇشىنشى جالپى ماجىلىستەرىنىڭ رۋحىن مۇقيات دايەكتىلەندىرىپ، تياناقتاندىرىپ، دەنساۋلىق ساقتاۋ جانە سالاماتتىق جونىندەگى مەملەكەتتىك ءماجىلىستىڭ رۋحىن دايەكتىلەندىرىپ، تياناقتاندىرىپ، پارتيا ورتالىق كوميتەتىنىڭ، مەملەكەتتىك كەڭەستىڭ ەمدەۋ ءتۇزىلىسى رەفورماسىن تەرەڭدەتۋ جونىندەگى ورنالاستىرۋلارىن، تالاپتارىن دايەكتىلەندىرىپ، اۆتونوميالى رايوندىق 9 - كەزەكتى پارتكومنىڭ التىنشى جالپى ءماجىلىسىنىڭ ورنالاستىرۋىنا ساي، سالاماتتى شينجياڭ قۇرىلىسىن بەلسەندىلىكپەن ىلگەرىلەتىپ، قوعام ورنىقتىلىعى مەن باياندى تىنىشتىق باس نىساناسىن جۇزەگە اسىرۋعا بەرىك نەگىز قالادى.
اۆتونوميالى رايوندىق پارتكومنىڭ ورىنباسار شۋجيى، اۆتونوميالى رايوننىڭ ءتوراعاسى شوكىرات زاكىر ماجىلىسكە قاتىناستى ءارى ءسوز سويلەدى، اۆتونوميالى رايوندىق پارتكومنىڭ ورىنباسار شۋجيى، وقۋ - اعارتۋ قىزمەت كوميتەتىنىڭ شۋجيى لي پىڭشين ءماجىلىستى باسقاردى.
ءماجىلىس مىنالاردى باسا دارىپتەدى: جەر - جەر، تاراۋلار يدەيا مەن ارەكەتتى پارتيا ورتالىق كوميتەتىنىڭ، مەملەكەتتىك كەڭەستىڭ ەمدەۋ ءتۇزىلىسى رەفورماسى قىزمەتى جونىندەگى شەشىمدەرىمەن، ورنالاستىرۋلارىمەن شىنايى بىرلىككە كەلتىرۋى، اۆتونوميالى رايوندىق پارتكومنىڭ قىزمەت ورنالاستىرۋلارىمەن بىرلىككە كەلتىرىپ، نازاردى قوعام ورنىقتىلىعى مەن باياندى تىنىشتىق باس نىساناسىنا مىقتاپ شوعىرلاندىرىپ، ەمدەۋ ءتۇزىلىسى رەفورماسى قىزمەتىنىڭ جاعدايىن جەتە تانىپ، ەمدەۋ ءتۇزىلىسى رەفورماسى قىزمەتىن مىزعىماي ىشكەرىلەتۋ كەرەك. حالىقتىڭ سالاماتتىعىن وزەك ەتۋگە تاباندى بولىپ، نەگىزدى قامتاماسىز ەتۋگە، نەگىزگى ساتىنى كۇشەيتۋگە، مەحانيزم ورناتۋعا تاباندى بولىپ، ۇكىمەت پەن بازار سايكەسە كۇش شىعارۋعا تاباندى بولىپ، رەفورمانىڭ جۇيەلىلىگىنە، تۇتاستىعىنا جانە سايكەستىگىنە تاباندى بولىپ، نازاردى ەمدەۋ، دەنساۋلىق ساقتاۋ سالاسىنداعى ءتۇيىندى، قيىن ماسەلەلەرگە شوعىرلاندىرىپ، ەمدەۋ، ەمدەۋ قامسىزداندىرۋى، ەمدەۋ مەن ءدارى - دارمەك قوسىلا ارەكەتتەنۋ رەفورماسى تەبىنىن ۇزدىكسىز كۇشەيتىپ، پارتيا ورتالىق كوميتەتىنىڭ، مەملەكەتتىك كەڭەستىڭ ەمدەۋ ءتۇزىلىسى رەفورماسى قىزمەتى جونىندەگى ءتۇرلى ورنالاستىرۋلارىنىڭ تياناقتانىپ، ءونىم بەرۋىنە كەپىلدىك ەتىپ، ءار ۇلت بۇقاراسىنىڭ باقىت سەزىمىن، تابىس سەزىمىن جانە حاۋىپسىزدىك سەزىمىن جالعاستى كۇشەيتۋ كەرەك.
ءماجىلىس مىنالاردى اتاپ كورسەتتى: ءتۇيىندى كورنەكتىلەندىرىپ، شەشۋشى ءتۇيىندى مىقتاپ يگەرىپ، بيىلعى ەمدەۋ ءتۇزىلىسى رەفورماسى قىزمەتىنىڭ ءتۇرلى نىسانا - مىندەتتەرىن شىن مانىندە ويداعىداي ورىنداۋ كەرەك. ۇكىمەت شيپاحانالارى رەفورماسىن ۇزدىكسىز تەرەڭدەتىپ، عىلمي دا ءونىمدى وسى زامانعى شيپاحانا باسقارۋ ءتۇزىمىن ورناتۋ؛ جالپى حالىقتىق ەمدەۋ قامسىزداندىرۋىنىڭ ەمدەۋ ءتۇزىلىسى رەفورماسىنداعى نەگىزدىك رولىن ساۋلەلەندىرىپ، جالپى حالىقتىڭ ەمدەۋ قامسىزداندىرۋى دەڭگەيىن اناعۇرلىم ءوسىرۋ؛ ءبىر تۇتاس ورنالاستىرۋ جاساپ، ەمدەۋ بايلىعىن جايعاستىرۋدى ساپالىلاندىرىپ، دارەجەگە ءبولىپ دياگنوز قويۋ - ەمدەۋ ءتۇزىمىن ورناتۋدى تەزدەتۋ؛ ءدارى - دارمەكتى ءوندىرۋ، ساتۋ، پايدالانۋدىڭ تۇتاس بارىسىنا جان - جاقتى باقىلاۋ - باسقارۋ جۇرگىزۋ تەبىنىن كۇشەيتىپ، رايونىمىز جاعدايىنا ۇيلەسەتىن ءدارى - دارمەكپەن قامداۋدى قامتاماسىزداندىرۋ ءتۇزىمىن ورناتۋ؛ «ينتەرنەت + ەمدەۋ جانە سالاماتتىق» سىندى جاڭا ۇلگىنى دامىتۋ جونىندە بەلسەنە ىزدەنىس جاساپ، الەۋمەتتىك دەنساۋلىق ساقتاۋ جاعىنان قىزمەت وتەۋ قابىلەتىن جوعارىلاتۋ كەرەك.
ءماجىلىس مىنالاردى اتاپ كورسەتتى: قازىر رايونىمىزدىڭ ەمدەۋ ءتۇزىلىسى رەفورماسى قىزمەتىنىڭ مىندەتى اۋىر، ۋاقىتى تىعىز، قامال الىپ، قيىندىقتاردى جەڭۋدىڭ شەشۋشى كەزەڭىنە ءوتتى، جەر - جەر، تاراۋلار ەمدەۋ ءتۇزىلىسى رەفورماسى قىزمەتىندە باس نىسانانى باسشىلىققا الۋعا تاباندى بولىپ، سۋبيەكتتىك جاۋاپكەرشىلىكتى تياناقتاندىرىپ، سايكەسۋدى، قوسىلا ارەكەتتەنۋدى كۇشەيتىپ، قۋزاۋ - جەتەكشىلىك ەتۋدى، باعالاۋدى كۇشەيتىپ، ۇگىت تەبىنىن ارتتىرىپ، تاماشا ورتا جاراتىپ، ەمدەۋ ءتۇزىلىسى رەفورماسى قىزمەتىن ىلگەرىلەتۋدىڭ قۋاتتى بىرىككەن كۇشىن قۇلشىنا قالىپتاستىرۋ كەرەك.
حوتان ايماعى، اقسۋ ايماعى، قۇمىل قالاسى جانە اۆتونوميالى رايوندىق حالىق شيپاحاناسى، اۆتونوميالى رايوندىق قازىنا مەڭگەرمەسى، اۆتونوميالى رايوندىق ەمدەۋدى قامتاماسىزداندىرۋ مەكەمەسىنىڭ ۋاكىلدەرى پىكىر اۋىستىرىپ، ءسوز سويلەدى.
تەلەۆيزور - تەلەفون ءماجىلىسى اشىلۋدان بۇرىن، شوكىرات زاكىر اۆتونوميالى رايوننىڭ ەمدەۋ ءتۇزىلىسى رەفورماسىنا باسشىلىق ەتۋ گرۋپپاسىنىڭ جالپى ءماجىلىسىن باسقارىپ اشىپ، اۆتونوميالى رايوننىڭ 2018 - جىلعى ەمدەۋ ءتۇزىلىسى رەفورماسى قىزمەتىن تەرەڭدەتۋ جاعدايى جانە كەلەسى كەزەڭدەگى ءتۇيىندى قىزمەتتەر جونىندەگى مالىمەتتى تىڭدادى.
