تيانشان تورابى   ›   جاڭالىقتار   ›   شينجياڭ حابارلارى

قار - مۇز بايلىعىنىڭ سالتاناتى ارتتى

  - كەزەكتى شينجياڭ قىسقى ساياحات شارۋاشىلىعى ساۋدا كورمەسى اسا تارتىمدى بولدى

  ءتىلشىمىز ياۋ گاڭ

  2018 - جىلعى 13 - كەزەكتى شينجياڭ قىسقى ساياحات شارۋاشىلىعى ساۋدا كورمەسى 12 - ايدىڭ 1 - كۇنى اياقتالدى. 9 كۇنگە جالعاسقان قىسقى ساياحات كورمەسىندە، ساياحات پەن فينانستىڭ قامداۋى مەن قاجەتسىنۋىن ۇشتاستىرۋ ءماجىلىسى، شينجياڭ قىسقى ساياحات ونىمدەرىن جوبالاۋ جارىسى، ءۇش «100» قار - مۇز ساياحاتىن سەزىنۋ ۇيىرمەسىنىڭ قيمىلى، ەرەكشە ساياحات تاۋارلارى كورمەسى سياقتى قيمىلدار كەرەمەتىن تانىتىپ، شينجياڭنىڭ قىسقى ساياحاتىنىڭ دۋمانىن اسىردى.

  قار - مۇز بايلىعىنىڭ تارتىمدىلىعى ەرەكشە ارتتى

  «بۇل جەردىڭ كورىنىسى، راسىندا، كوركەم ەكەن»، «ءسوز جوق، تاعى كەلەمىن»، «شينجياڭنىڭ اسەم تابيعاتى، ءدامدى تاعامى، قوناعۋار شينجياڭدىقتار تەكسەرۋ ۇيىرمەسىندەگىلەرگە تەرەڭ اسەر قالدىردى»، «قايتىپ بارعان سوڭ شينجياڭنىڭ قار - مۇز ساياحات بايلىعىن جاقسىلاپ تانىستىرامىن»، - دەدى جۇڭگو ساياحات باس سەرىكتەستىگى حىنان ولكەلىك شەكتى سەرىكتەستىگىنىڭ باس ديرەكتورى ۋاڭ زى - ي.

  «بۇل جەردىڭ قارى وتە جاقسى ەكەن، قارلى مەزگىلى دە ۇزاق، شاڭعى تەبۋگە كەلەتىن تاماشا جەر ەكەن»، - دەدى 11 - ايدىڭ 27 - كۇنى التاي قالاسىنداعى جياڭجۇنشان قار شاڭعى الاڭىندا شاڭعى جولىن كورىپ، قىزمەت وتەۋدى تىكە سەزىنگەننەن كەيىن سۋجوۋ جيدي قار شاڭعى كلۋبىنىڭ جاۋاپتىسى جۇڭ بين.

  وسى جولعى قىسقى ساياحات كورمەسىندە، ىشكى ولكەلەردەن شينجياڭعا قىسقى ساياحات بايلىعىن جانە قابىلداۋ قابىلەتىن كورۋگە كەلگەن جۇڭ بين سياقتى ساياحاتقا قاتىستى كاسىپورىنداردىڭ جاۋاپتىلارىنان ءبىرتالايى بار، ءوز كوزدەرىمەن كورىپ سەزىنۋ ارقىلى، ولاردىڭ شينجياڭنىڭ قار - مۇز ساياحات بايلىعى جونىندەگى تانىمدارى ونان ارى تەرەڭدەدى.

  9 كۇندە، شينجياڭ حالىقارالىق ۇلكەن بازارى، سونداي - اق قاناس كورىنىس وڭىرىندەگى ۋولۇڭۋان، يۋەلياڭۋان، شىنشيانۋان، قاناس كولى، قوم قىستاعى سياقتى كورىنىس تۇيىندەرى ءۇنحاتتىڭ دوستار شەڭبەرىن قىزدىرىپ جىبەردى. 11 - ايدىڭ 30 - كۇنى بۋرىلتوعاي اۋدانى ءۇش «100» قار - مۇز ساياحاتىن سەزىنۋ ۇيىرمەسىندەگىلەرگە ارناپ تارتىمدى ءان - ءبي نومىرلەرىن ازىرلەدى، سول كۇنى حۋاجياۋ تىكەلەي ەفيرىندە نازار اۋدارۋشىلاردىڭ سانى 21 مىڭعا جەتتى. «بۇل جەردىڭ كورىنىسى مەن گۋمانيتارلىق بايلىعى ادامدى وزىنە ەرەكشە باۋرايدى، وسى جولعى تەكسەرۋ ماعان زور شابىت سيلادى، وسى جەردىڭ سالت - ساناسىن تانىستىراتىن حۇجاتتى فيلم تۇسىرمەكشىمىن»، - دەدى حۇجاتتى فيلم رەجيسسەرى، وپەراتورى لۇي جۇن.

  وسى جولعى قىسقى ساياحات شارۋاشىلىعى ساۋدا كورمەسىنە ىشكى ولكەلەردەگى نەگىزگى ساياحات وڭىرلەرىندەگى اقپارات قىزمەتكەرلەرى، ساياحات كاسىبىمەن شۇعىلدانۋشىلار، قار - مۇز سپورتى قايراتكەرلەرى سياقتى 300گە جۋىق ادامنان قۇرالىپ، ءۇش «100» دەن ۇيىمداسقان قار - مۇز ساياحاتىن سەزىنۋ ۇيىرمەسى شاقىرىلدى. كورىپ قايتۋشى ۇيىرمە ىلگەرىندى - كەيىندى شينجياڭ حالىقارالىق ۇلكەن بازارى، كوكتوعاي، قاناس سياقتى شينجياڭنىڭ ايگىلى كورىنىس وڭىرلەرىنە بارىپ تەكسەرۋ جۇرگىزدى. وسى 300 ادامنىڭ ءوزى 300 ينفورماتسيا كوزى، جارناما كوزى ىسپەتتى، ونىڭ تاراتۋ ءونىمى ايتپاسا دا بەلگىلى.

  كوپ جەر بىرلەسىپ قيمىلداپ، قىسقى ساياحات بازارىنىڭ دۋمانىن اسىردى

  شينجياڭنىڭ قىسقى ساياحات بايلىعىن ۇگىتتەۋ، تانىستىرۋ ءۇشىن، اۆتونوميالى رايوننان ءاربىر ايماق، وبلىس، قالالارعا دەيىن بەلسەنە قيمىلداپ، الدىن الا جوبالار جاسادى.

  9 - ايدىڭ 18 - كۇنى، اۆتونوميالى رايوندىق مادەنيەت جانە ساياحات مەڭگەرمەسى بەيجيڭدە «شينجياڭدا قىسقى ساياحات» اتتى جۇڭگو باتىس سولتۇستىك قار - مۇز ساياحات مەرەكەسى جانە 13 - كەزەكتى شينجياڭ قىسقى ساياحات شارۋاشىلىعى ساۋدا كورمەسىنىڭ اقپار جاريالاۋ ءماجىلىسىن اشتى.

  بۇل جولعى قىسقى ساياحات شارۋاشىلىعى ساۋدا كورمەسىندە، تۇڭعىش رەت ءۇرىمجى قالاسى مەن التاي ايماعى سىندى ەكى جەردىڭ بىرلەسىپ وتكىزۋ فورماسى قولدانىلىپ، كوپ جەر سايكەسىپ، بىرلەسىپ قيمىلدادى، ساياحات كورىنىس وڭىرلەرىنىڭ «ەسىگى جابىلمادى». قاراجون جايلاۋىنداعى قىسقى ساياحات، قار ءۇستى قىزىقتى سپورت جينالىسى، تەكەس اۋدانىنىڭ قار - مۇز مادەنيەت ساياحات مەرەكەسى، جىبەك جولى قار - مۇز سالت - سانا مەرەكەسى، ءۇرىمجى حالىقارالىق قار قىزىقتاۋ مەرەكەسى... ىركەس - تىركەس وتكەن ساياحات قيمىلدارى كوپتەگەن ساياحاتشىعا شينجياڭنىڭ كوركەم قىس ماۋسىمىنىڭ تارتىمدىلىعىن سەزىندىردى.

  11 - ايدىڭ 27 - كۇنىنەن 30 - كۇنىنە دەيىن، مەملەكەتتىك دوستىق ساياحات بىرلەستىگىنىڭ جىلدىق جيىنى بايىنعولين موڭعۇل اۆتونوميالى وبلىسىندا وتكىزىلىپ، وڭتۇستىك شينجياڭنىڭ ۇلكەن اينالما جەلى سارا ساياحاتىن تانىستىردى، بۇل ءتىپتى كوپ ساياحاتشىنى قىستا شينجياڭعا كەلىپ ساياحاتتاۋعا باۋرادى.

  شينجياڭدى ساياحات ارقىلى گۇلدەندىرۋ ستراتەگياسىن تياناقتاندىرۋ ءۇشىن، ايماق، وبلىس، قالالار 196 ءتۇرلى قىسقى ساياحات قيمىلىن جانە 102 ءتۇرلى تيىمدىلىك جاساۋ سيلاۋ شاراسىن العا قويدى، ءبىر توپ قىسقى ساپالى ساياحات قيمىلىنىڭ، سارا ساياحات جەلىلەرىنىڭ ىركەس - تىركەس جارىققا شىعۋى بيىلعى قىستاعى شينجياڭ ساياحاتىنىڭ دۋمانىن اسىردى. مەجەگە قاراعاندا، بيىل جىل اياعىنا دەيىن، شينجياڭ 150 ميلليون ادام (رەت) ساياحاتشى قابىلدايدى ەكەن.

  شينجياڭنىڭ ساياحات شارۋاشىلىعىنىڭ دامۋىنا سەرپىن بەردى

  11 - ايدىڭ 27 - كۇنى، قىسقى ساياحات شارۋاشىلىعى ساۋدا كورمەسى اشىلعان كۇنى، التاي ايماعى مەن جۇڭگو جاستار ساياحات جارناسى مەڭگەرىلگەن شەكتى سەرىكتەستىگى سەلبەستىك كەلىسىمىنە قول قويىستى. «كەلىسىمنىڭ ماقساتى − جۇڭگو جاستار ساياحات جارناسى مەڭگەرىلگەن شەكتى سەرىكتەستىگى ارقىلى التاي ايماعىنىڭ ساياحات بايلىعىن بىرىكتىرىپ، التايدىڭ ساياحات شارۋاشىلىعىنىڭ جوعارى ساپالى دامۋىن ىلگەرىلەتىپ، <ساياحات شارۋاشىلىعىن نەگىز ەتۋ، 1 - كاسىپ سالاسىن جەتەكتەۋ، 2 - كاسىپ سالاسىن كوتەرۋ> سىندى دامۋ جاعدايىن قالىپتاستىرۋ»، - دەدى التاي ايماقتىق پارتكومنىڭ مۇشەسى، اكىمشىلىك مەكەمەسىنىڭ ورىنباسار ءۋاليى ۋاڭ جۇن - ان.

  بيىل 8 - ايدىڭ 18 - كۇنى، التاي قالاسىنا «جۇڭگونىڭ قار قالاسى» مەملەكەتتىك اۋا رايى بەلگىسى بەرىلدى. بيىل قىستاعى شينجياڭنىڭ قىسقى ساياحاتىندا «2+1+N» ساياحات ۇلگىسى العا قويىلدى، مۇنداعى «2» دەگەنىمىز التاي، ءۇرىمجى - سانجى رايونىن باستاماشى ەتىپ، بايلىق كومەسكى كۇشىن اشىپ، قىسقى ساياحات ونىمدەرىن زور كۇشپەن اشىپ، قىسقى ساياحات ونىمدەرى تىزبەگىن جەتىلدىرىپ، قىسقى ساياحاتتىڭ وزەكتى ماركاسىن قالىپتاستىرۋدى كورسەتەدى.

  سول كۇنى، التاي ايماعى تاعى قاردا سىرعاناۋ جابدىقتارىن جاساۋ كاسىپورنىمەن، قاردا سىرعاناۋ سپورتىن دامىتۋ سەرىكتەستىگىمەن، ارقان جول جاساۋ كاسىپورنىمەن، قار شاڭعى كلۋبىمەن كەلىسىم جاساستى. ۋاڭ جۇن قاردا سىرعاناۋ سپورتىنا قاتىستى كاسىپورندارمەن كەلىسىم جاساسىپ، التاي قالاسىن «قار قالاسىنان» «قاردا سىرعاناۋ قالاسى» ەتىپ سومداپ، سوڭىنا دەيىن جوبا جاسايتىندىعىن ايتتى.

  قىسقى ساياحات شارۋاشىلىعى ساۋدا كورمەسى كەزىندە اۆتونوميالى رايونداعى 8 قۇرىلىم مەن التاي ايماعىنداعى ساياحاتقا قاتىستى كاسىپورىندار 6 ميلليارد 220 ميلليون يۋاندىق 12 نىسان بويىنشا قارىز اقشا كەلىسىمىنە قول قويدى. جۇڭگو حالىق بانكەسى ءۇرىمجى ورتالىق تارماق بانكەسى پارتكومىنىڭ شۋجيى، بانكە باستىعى گو جيانۋي بىلاي دەدى: اۆتونوميالى رايوننىڭ فينانس كاسىبى سالاسى «ساياحات +» سىندى توعىسپالى دامۋ وي جەلىسىن ونان ارى ورناتىپ، «مارجان وتكىزۋ» سىندى ساياحاتقا فينانستىق قىزمەت وتەۋ ۇلگىسىن ىلگەرىلەتىپ، «ساياحات + جاسىل فينانستان» ۇلگى كورسەتۋ رايونى قۇرىلىسىن جەدەلدەتىپ، شينجياڭنىڭ ساياحات شارۋاشىلىعىنىڭ زور دامۋىنا دەم بەرەدى.

جاۋاپتى رەداكتور : سايراش تۇرارجان قىزى

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورابى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.

  • ادام مەن تابيعاتتىڭ جاراسىمدى داستانىن جازدى
  • قالاسى كوركەم، حالقى باي جاڭا كارتينانى كەستەلەدى
  • ءشول دالادان «جاسىل قورعان» تۇرعىزدى
  • ءشول دالا جاسىل جەلەك جامىلدى
بىزبەن بايلانىس جارناما قىزمەتى لەبىز قالدىرۋ ءبىز تۋرالى