چىن چۋانگو ماجىلىسكە قاتىناستى ءارى ءسوز سويلەدى
سۇن جينلۇڭ بايانداما جاسادى ءارى ءسوز سويلەدى، پىڭ جيارۇي قاتىناستى
تىلشىلەرىمىز ياۋ تۇڭ، جاڭ شياۋيان 12 - ايدىڭ 5 - كۇنى ۇرىمجىدەن حابارلايدى. 12 - ايدىڭ 5 - كۇنى جۇڭگو كوممۋنيستىك پارتياسى شينجياڭ ءوندىرىس - قۇرىلىس بيڭتۋانى 7 - كەزەكتى كوميتەتىنىڭ ءتورتىنشى جالپى ءماجىلىسى ۇرىمجىدە اشىلدى.
اۆتونوميالى رايوندىق پارتكومنىڭ شۋجيى، شينجياڭ ءوندىرىس - قۇرىلىس بيڭتۋانى پارتكومىنىڭ ءبىرىنشى شۋجيى، ءبىرىنشى ساياسي كوميسسارى چىن چۋانگو ماجىلىسكە قاتىناستى ءارى ءسوز سويلەدى. بيڭتۋان پارتكومىنىڭ شۋجيى، ساياسي كوميسسارى سۇن جينلۇڭ بيڭتۋان پارتكومى اتىنان جالپى ماجىلىسكە قىزمەتتەن بايانداما جاسادى ءارى ءسوز سويلەدى. بيڭتۋان پارتكومىنىڭ ورىنباسار شۋجيى، سىليڭيۋان پىڭ جيارۇي ماجىلىسكە قاتىناستى.
چىن چۋانگو سوزىندە بيڭتۋان 7 - كەزەكتى پارتكومىنىڭ ءۇشىنشى جالپى ءماجىلىسى اشىلعاننان بەرگى بيڭتۋاننىڭ رەفورما، دامۋ، ورنىقتىلىق قىزمەتتەرىندە قول جەتكىزگەن ناتيجەلەرىن تولىق تۇراقتاندىردى. ول مىنالاردى اتاپ كورسەتتى: شي جينپيڭ جولداستى ۇيتقى ەتكەن پارتيا ورتالىق كوميتەتى بيڭتۋان قىزمەتىنە وسكەلەڭ ءمان بەرىپ، تالاي رەت ماڭىزدى ءسوز سويلەپ، ماڭىزدى نۇسقاۋ بەرىپ، بيڭتۋان قىزمەتىن ستراتەگيالىق تۇرعىدان باعامداپ جانە جوسپارلاپ، بيڭتۋاننىڭ جاڭا ورنىن ايقىنداپ، بيڭتۋاندى شىن مانىندە شەكارانى تىنىشتاندىرىپ، شەكارا ءوڭىردى بەكەمدەۋدىڭ ورنىقتىرعىشىنا، ءار ۇلت بۇقاراسىن ۇيىستىرۋدىڭ الىپ دومنا پەشىنە، وزىق وندىرگىش كۇش پەن وزىق مادەنيەتتەن ۇلگى كورسەتەتىن رايونعا اينالدىرۋدى تالاپ ەتىپ، بيڭتۋاننىڭ رەفورمانى تەرەڭدەتۋى مەن وڭتۇستىك شينجياڭعا قاراي دامۋىنا ستراتەگيالىق جوسپار جاسادى، بۇل − باس شۋجي شي جينپيڭنىڭ جاڭا جاعدايداعى بيڭتۋان قىزمەتىن جاقسى ىستەۋ جونىندەگى ستراتەگيالىق جوسپارلاۋىن تولىق ايگىلەدى، باس شۋجيدىڭ بيڭتۋانداعى ءار ۇلت كادر - قىزمەتكەرلەرىنە دەگەن شىنايى قامقورلىعىن تولىق ايگىلەدى، باس شۋجيدىڭ بيڭتۋاننىڭ ەرەكشە باسىمدىعىن ساۋلەلەندىرىپ، شينجياڭنىڭ قوعام ورنىقتىلىعى مەن باياندى تىنىشتىعىن ىلگەرىلەتۋگە دەگەن ىقىلاستى ءۇمىتىن تولىق ايگىلەدى. باس شۋجي شي جينپيڭنىڭ بيڭتۋان قىزمەتى جونىندەگى ماڭىزدى سوزدەرى مەن ماڭىزدى نۇسقاۋلارى پارتيا ورتالىق كوميتەتىنىڭ شينجياڭدى جونگە سالۋ جالپى جوباسىن ىشكەرىلەي بايىتتى جانە دامىتتى، ول − شي جينپيڭنىڭ جاڭا ءداۋىر جۇڭگوشا سوتسياليزم يدەياسىنىڭ ماڭىزدى قۇرامداس بولىگى، بيڭتۋاننىڭ رەفورماسىن، دامۋىن، ورنىقتىلىعىن ىلگەرىلەتۋدىڭ ءتۇبىرلى ولشەمى جانە عىلمي باعدارناماسى. بيڭتۋان پارتكومى، ءار دارەجەلى پارتيا ۇيىمدارى مەن قالىڭ كادر - قىزمەتكەرلەر «ءتورت تانىمدى» بەرىك ورناتىپ، «ءتورت سەنىمدى» بەكەمدەپ، «ەكىنى قورعاپ»، يدەيا مەن ارەكەتتى باس شۋجي شي جينپيڭنىڭ بيڭتۋان قىزمەتى جونىندەگى ماڭىزدى سوزدەرى مەن ماڭىزدى نۇسقاۋلارىنىڭ رۋحىمەن تاباندىلىقپەن، باتىلدىقپەن بىرلىككە كەلتىرىپ، شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ شەشىمدەرىمەن، ورنالاستىرۋلارىمەن بىرلىككە كەلتىرىپ، باس شۋجي شي جينپيڭنىڭ ماڭىزدى سوزدەرى مەن ماڭىزدى نۇسقاۋلارىنىڭ رۋحىن دايەكتىلەندىرۋدى، تياناقتاندىرۋدى ماڭىزدى ساياسي مىندەت، ماڭىزدى ساياسي جاۋاپكەرشىلىك ەتىپ، قاز - قالپىندا دايەكتىلەندىرىپ، اتقارىپ، تياناقتاندىرىپ، ونىمدىلىگىن كورسەتىپ، ءىس جۇزىندىك ارەكەت ارقىلى باس شۋجي شي جينپيڭنىڭ ۇيتقىلىق ورنىن باتىل قورعاۋ، پارتيا ورتالىق كوميتەتىنىڭ بەدەلى مەن ورتالىقتانعان ءبىر تۇتاس باسشىلىعىن باتىل قورعاۋ كەرەك.
چىن چۋانگو مىنالاردى باسا دارىپتەدى: بيڭتۋان پارتيا ورتالىق كوميتەتىنىڭ بيڭتۋاننىڭ ورنى جونىندەگى تالابىن مىقتاپ يگەرىپ، مەملەكەتتىڭ مۇددەسى − بيڭتۋاننىڭ مۇددەسى، شينجياڭنىڭ جالپى جاعدايى − بيڭتۋاننىڭ جالپى جاعدايى دەگەننەن جازباي، شينجياڭ قىزمەتىنىڭ باس نىساناسىن مىقتاپ ارقاۋ ەتىپ، رەفورما، دامۋ، ورنىقتىلىق قىزمەتتەرىن ءبىر تۇتاس جوسپارلاپ ىلگەرىلەتىپ، ورنىقتىلىقتى قورعاپ، شەكارانى كۇزەتۋدى، رەفورمانى تەرەڭدەتۋدى، وڭتۇستىككە قاراي دامۋدى ءتۇيىندى يگەرىپ، بيڭتۋاننىڭ ستراتەگيالىق يقۋاتى مەن ستراتەگيالىق ورنىن شىن مانىندە ساۋلەلەندىرۋ كەرەك. بىرىنشىدەن، نازاردى باس نىساناعا شوعىرلاندىرىپ، قوعامنىڭ جالپى جاعدايىنىڭ ورنىقتىلىعىن كۇش سالا قورعاۋ كەرەك. باس نىسانا تانىمىن بەرىك ورناتىپ، بارلىق قىزمەتتە باس نىسانانى باسشىلىققا الۋعا تاباندى بولىپ، ءبىر جاعىنان، بيڭتۋاننىڭ قاراستى اۋماعىنىڭ قوعام ورنىقتىلىعىن شىن مانىندە قورعاپ، بيڭتۋاننىڭ قاراستى اۋماعىنىڭ ۇزدىكسىز جاراسىمدى، ورنىقتى بولۋىنا كەپىلدىك ەتىپ، ەندى ءبىر جاعىنان، تۇتاس رايون قوعامىنىڭ جالپى جاعدايىنىڭ ورنىقتىلىعىنا شىن مانىندە ۇلەس قوسىپ، بيڭتۋان مەن جەرگىلىكتى ورىننىڭ لاڭكەستىككە قارسى تۇرىپ، ورنىقتىلىقتى قورعاۋىنىڭ قۇرىش قورعانىن تۇرعىزۋ كەرەك. ەكىنشىدەن، ورنىقتىلىقتى قورعاپ، شەكارانى كۇزەتۋدى كورنەكتىلەندىرىپ، بيڭتۋاننىڭ ەرەكشە ونەرىن كۇش سالا جوعارىلاتۋ كەرەك. «ارميالىق» قاسيەتىن ىشكەرىلەي ايگىلەپ، «جاۋىنگەرلىك» قابىلەتىن جوعارىلاتىپ، حالىق جاساقتارى قوسىنى قۇرىلىسىن كۇشەيتىپ، ماماندانعان ورنىقتىلىقتى قورعاۋ كۇشتەرىنەن ويداعىداي پايدالانىپ، ورنىقتىلىقتى قورعاۋدىڭ نەگىزدىك قامتاماسىزدىعىن كۇشەيتىپ، شينجياڭنىڭ قوعام ورنىقتىلىعى مەن باياندى تىنىشتىعىن قورعاۋدا اناعۇرلىم زور جاۋاپكەرشىلىك ارقالاپ، اناعۇرلىم زور ۇلەس قوسۋ كەرەك. ۇشىنشىدەن، رەفورمانى تەرەڭدەتۋدى كورنەكتىلەندىرىپ، بيڭتۋاننىڭ ەرەكشە باسىمدىعىن كۇش سالا ساۋلەلەندىرۋ كەرەك. پارتيا ورتالىق كوميتەتىنىڭ بيڭتۋاننىڭ سيپاتىن تۇراقتاندىرۋىنا جانە ءىرى ساياسات - باعىتتارىنا تاباندى بولىپ، پارتيا، ۇكىمەت، ارميا، كاسىپورىن بىرىككەن ەرەكشە ءتۇزىلىستى كەمەلدەندىرىپ، ماڭىزدى سالالار مەن شەشۋشى بۋىندارداعى رەفورمانى قامال الۋ ءتۇيىنى ەتىپ، تەرەڭ قاتپارداعى تۇزىلىستىك، مەحانيزمدىك ماسەلەلەردى جەدەل شەشىپ، بيڭتۋاننىڭ ەرەكشە باسىمدىعى مەن دامۋ ومىرشەڭدىك كۇشىن تولىق ايگىلەپ، رەفورما باعىتىنان اۋىتقىماۋعا، تەبىنىن تومەندەتپەۋگە، ونىمدىلىگىن كەمەيتپەۋگە كەپىلدىك ەتۋ كەرەك. تورتىنشىدەن، وڭتۇستىككە قاراي دامۋدى كورنەكتىلەندىرىپ، بيڭتۋاننىڭ ستراتەگيالىق تىرەگىن كۇش سالا كۇشەيتۋ كەرەك. بورىش تانىمىن شىن مانىندە كۇشەيتىپ، وڭتۇستىك شينجياڭداعى بيڭتۋان قۇرىلىسىن ءتۇيىن ەتىپ، ستراتەگيالىق تەرەڭدىكتى كەڭەيتىپ، ستراتەگيالىق ورنالاستىرۋدى كەمەلدەندىرىپ، جان سانىن تىعىزداندىرۋدى جەدەلدەتىپ، بيڭتۋان مەن جەرگىلىكتى ورىندى ءبىر تۇتاس جوسپارلاۋدى كۇشەيتىپ، شى - تۋانداردىڭ جالپىلىق ناقتى كۇشىن ارتتىرىپ، كىرىستىرمەلى ۇلگىدەگى ستراتەگيانىڭ تىرەكتىك قابىلەتىن جەدەل جوعارىلاتىپ، قوعام ورنىقتىلىعى مەن باياندى تىنىشتىقتى جۇزەگە اسىرۋعا بەرىك نەگىز قالاۋ كەرەك.
چىن چۋانگو مىنالاردى اتاپ كورسەتتى: پارتيانىڭ باسشىلىعىن كۇشەيتىپ، بيڭتۋاننىڭ رەفورماسىنا، دامۋىنا، ورنىقتىلىعىنا پارمەندى ساياسي كەپىلدىك ازىرلەۋ كەرەك. ساياسي قۇرىلىستى كۇشەيتىپ، جاڭا داۋىردەگى پارتيا قۇرىلىسىنىڭ جالپى تالاپتارىن دايەكتىلەندىرىپ، تياناقتاندىرىپ، پارتيانىڭ ساياسي قۇرىلىسىن ماڭداي الدى ورىنعا قويۋدان جازباي، باستان - اياق يدەيادا، ساياسيدا، ارەكەتتە شي جينپيڭ جولداستى ۇيتقى ەتكەن پارتيا ورتالىق كوميتەتىمەن وسكەلەڭ ءبىر اۋىزدىلىقتى ساقتاپ، بارلىق ارەكەتتە پارتيا ورتالىق كوميتەتىنىڭ جارلىعى مەن قولباسشىلىعىنا بويسۇنۋ كەرەك. باسشىلىق جاۋاپكەرشىلىكتى تياناقتاندىرۋ كەرەك، اۆتونوميالى رايوندىق پارتكوم بيڭتۋان قىزمەتىن شىن مانىندە كورنەكتى ورىنعا قويىپ، ماڭىزدى كۇن تارتىپكە كىرگىزىپ، بيڭتۋان قىزمەتىنە قاتىستى ەلەۋلى ماسەلەلەردى مەرزىم بويىنشا اقىلداسىپ، بيڭتۋاننىڭ ءدوپ كەلگەن ءىس جۇزىندىك قيىنشىلىقتارىن شەشۋىنە كومەكتەسىپ، بيڭتۋاننىڭ رولىن ساۋلەلەندىرۋىنە بەلسەنە شارت - جاعداي جاراتۋ كەرەك؛ بيڭتۋان پارتكومى تۇلعالىق رولىن تولىق ساۋلەلەندىرىپ، اۆتونوميالى رايوندىق پارتكومنىڭ ءبىر تۇتاس باسشىلىعىندا بيڭتۋاننىڭ قۇرىلىستارىنا باسشىلىقتى جان - جاقتى كۇشەيتىپ، پارتيا، ۇكىمەت، ارميا، كاسىپورىن ءار جاقتىڭ ىستەرىن دامىتۋدى ءبىر تۇتاس جوسپارلاپ، ەلەۋلى ىستەردى دەر كەزىندە اۆتونوميالى رايوندىق پارتكومنان نۇسقاۋ سۇراپ، مالىمدەپ، پارتيا ورتالىق كوميتەتىنىڭ بيڭتۋان قىزمەتى جونىندەگى شەشىمدەرىنىڭ، ورنالاستىرۋلارىنىڭ ناقتى تياناقتانۋىنا كەپىلدىك ەتۋ كەرەك. نەگىزگى ساتىنىڭ نەگىزىن بەكەمدەپ، ياچەيكالاردى ليانداردا قۇرۋعا تاباندى بولىپ، پارتيا ۇيىمدارىنىڭ جۇيە قۇرىلىسىن كۇشەيتىپ، بولشەكتەۋشىلىككە قارسى تۇرۋ كۇرەسىنىڭ شەشۋشى ورىندارىنداعى، ءتۇيىندى سالالارىنداعى پارتيا ۇيىمدارى قۇرىلىسىن كۇشەيتىپ، پارتيا مۇشەلەرى قوسىنىن دامىتىپ، ۇلعايتىپ، پارتيا ۇيىمدارىنىڭ، پارتيا قىزمەتىنىڭ، پارتيا قيمىلىنىڭ، پارتيا باسىمدىعىنىڭ، پارتيا باسشىلىعىنىڭ جاپپاي قامتۋىن ىلگەرىلەتىپ، نەگىزگى ساتىداعى پارتيا ۇيىمدارى قۇرىلىسىن شىن مانىندە بۇقاراعا قىزمەت ەتۋدىڭ، ورنىقتىلىقتى قورعاۋدىڭ، بولشەكتەۋشىلىككە قارسى تۇرۋدىڭ بەرىك جاۋىنگەرلىك قامالى ەتىپ قۇرىپ شىعۋ كەرەك. بيڭتۋان قوسىنىن قۇرىپ جانە كۇشەيتىپ، جاقسى كادر ولشەمىنەن جانە ۇلتتىق رايوندارداعى كادرلاردىڭ ساياسي ولشەمىنەن جازباي، ادام ىستەتۋدىڭ تاماشا باعدارىن ورناتىپ، كادرلاردى بولشەكتەۋشىلىككە قارسى تۇرۋ كۇرەسىنىڭ ءبىرىنشى شەبىندە جانە نەگىزگى ساتىدا سىناقتان وتكىزۋگە، باۋلۋعا، شىنىقتىرۋعا، تاڭداپ وسىرۋگە ءمان بەرىپ، ءتىپتى دە كوپ كادرلاردى، دارىندىلاردى بيڭتۋانعا كەلىپ قىزمەت ىستەۋگە شارت - جاعداي جاراتۋ، باۋراۋ كەرەك. ستيل قۇرىلىسىن كۇشەيتىپ، ەرەكشەلەنبەۋ يدەياسىن بەرىك ورناتىپ، ءبىر جاعىنان، بولشەكتەۋشىلىككە قارسى تۇرۋ كۇرەسىن مىقتى ۇستاۋعا، ەندى ءبىر جاعىنان، پارتيا ستيلى، پاكتىك قۇرىلىسىن جانە ءىرىپ - شىرۋگە قارسى تۇرۋ كۇرەسىن مىقتى ۇستاۋعا تاباندى بولىپ، پارتيانى جاپپاي قاتاڭ جونگە سالۋدىڭ قىسىمىن ۇزدىكسىز جەتكىزىپ، ستيلى پاك، سالتى دۇرىس ساياسي ەكولوگيا قالىپتاستىرۋ كەرەك.
سۇن جينلۇڭ قىزمەت بايانداماسىندا بيڭتۋان پارتكومى تۇراقتى كوميتەتىنىڭ بيىلعى قىزمەتتەرىنە، اسىرەسە، بيڭتۋاننىڭ رەفورمانى تەرەڭدەتۋ جانە وڭتۇستىككە قاراي دامۋ قىزمەتىنە قايىرىلا قاراپ قورىتىندى جاسادى. ول مىنالاردى اتاپ كورسەتتى: شي جينپيڭنىڭ جاڭا ءداۋىر جۇڭگوشا سوتسياليزم يدەياسىن جەتەكشى ەتۋگە تاباندى بولىپ، «ءتورت تانىمدى» بەرىك ورناتىپ، «ءتورت سەنىمدى» بەكەمدەپ، «ەكىنى قورعاپ»، باس شۋجي شي جينپيڭنىڭ شينجياڭ جانە بيڭتۋان قىزمەتى جونىندەگى ماڭىزدى سوزدەرى مەن ماڭىزدى نۇسقاۋلارىنىڭ رۋحىن ىشكەرىلەي ۇيرەنىپ، دايەكتىلەندىرىپ، پارتيا ورتالىق كوميتەتىنىڭ شينجياڭدى جونگە سالۋ جالپى جوباسىن جانە بيڭتۋاننىڭ ورنىن تۇراقتاندىرۋ تالابىن ىشكەرىلەي دايەكتىلەندىرىپ، تياناقتاندىرىپ، اۆتونوميالى رايوندىق 9 - كەزەكتى پارتكومنىڭ التىنشى جالپى ءماجىلىسى رۋحىن مۇقيات دايەكتىلەندىرىپ، تياناقتاندىرىپ، يدەيانى ونان ارى بىرلىككە كەلتىرىپ، زەيىن - زەردەنى، كۇش - قۋاتتى ۇيىستىرىپ، بيڭتۋانىڭ رەفورمانى تەرەڭدەتۋىندە جانە وڭتۇستىككە قاراي دامۋىندا ۇزدىكسىز جاڭا جەتىستىكتەرگە جەتۋىن ىلگەرىلەتىپ، بيڭتۋاننىڭ ەرەكشە رولىن ءتىپتى جاقسى ساۋلەلەندىرىپ، شينجياڭ قىزمەتىنىڭ باس نىساناسىنا قىزمەت ەتۋ كەرەك. كەلەلى ماسەلەلەر مەن شەشۋشى بۋىنداردى مىقتى ۇستاپ، بيڭتۋاننىڭ رەفورمانى تەرەڭدەتۋىن اناعۇرلىم ىشكەرىلەي ىلگەرىلەتىپ، «ۇكىمەتتىك» فۋنكتسيالىق رەفورماسىن كەمەلدەندىرۋدى جانە بۇرىلىس جاساۋدى تىڭعىلىقتى تەرەڭدەتىپ، «اسكەرلىك» ءتۇزىلىس - مەحانيزمىن ونان ارى اقاۋسىزداندىرىپ جانە كەمەلدەندىرىپ، مەملەكەت مەنشىگىندەگى مال - مۇلىك، مەملەكەت مەنشىگىندەگى كاسىپورىن رەفورماسىن جەدەل ىلگەرىلەتىپ، قازىنا باسقارۋ ءتۇزىلىسىن ۇزدىكسىز كەمەلدەندىرىپ، كۇشەيتىپ، تۋان - الاڭداردىڭ جان - جاقتى سايكەستى رەفورمالارىن نىعايتىپ، كەمەلدەندىرىپ، تەرەڭدەتىپ، بيڭتۋان مەن جەرگىلىكتى ورىننىڭ ىشكەرىلەي كىرىگۋىن، ىشكەرىلەي توعىسۋىن ىلگەرىلەتۋ كەرەك. باتىلدىقپەن وڭتۇستىككە بەت الۋدا اناعۇرلىم قامال الىپ، قيىنشىلىقتاردى جەڭىپ، جان سانىن تىعىزداندىرۋدى مىقتاپ ارقاۋ ەتىپ، 2 -، 3 - كاسىپتەردىڭ دامۋىن جەدەل ىلگەرىلەتىپ، اۋىل شارۋاشىلىعىنىڭ كومەسكى كۇشىن ىشكەرىلەي اشىپ، تەكسەرۋ - باعالاۋ مەحانيزمىن رەتتەپ، كەمەلدەندىرىپ، وڭتۇستىك شينجياڭداعى بيڭتۋان كادر دارىندىلار ساياساتىن رەتتەپ، كەمەلدەندىرىپ، رەفورمادا تابىسقا جەتۋدەن جازباي، وڭتۇستىك شينجياڭداعى شى - تۋانداردىڭ جەدەل دامۋىنا ءتىپتى دە پارمەندى ءتۇزىلىس مەحانيزمدىك تىرەك ازىرلەپ، بيڭتۋاننىڭ وڭتۇستىككە قاراي دامۋىندا جاڭا ناتيجەلەرگە قول جەتكىزۋىن كۇش سالا ىلگەرىلەتۋ كەرەك. رەفورمانى تەرەڭدەتۋ مەن وڭتۇستىككە قاراي دامۋدى قوزعاۋشى كۇش، وراي ەتىپ، ءۇش ۇلكەن قامال الۋ شايقاسىن ۇزدىكسىز جاقسى جۇرگىزىپ جانە جەڭىسىنە قول جەتكىزىپ، بيڭتۋاننىڭ وسى زامانعى شارۋاشىلىق جۇيەسىن جەدەل قالىپتاستىرىپ، قارجى قوسۋ مەن ساۋداگەر شاقىرىپ، قارجى ەنگىزۋ قىزمەتىن كۇش سالا مىقتى ۇستاپ، حالىقتىق شارۋاشىلىقتىڭ دامۋىن بار كۇشپەن قولداپ، جەبەپ، ەكونوميكا اينالىمىن رەتتەۋدى شىنايى كۇشەيتىپ، بيڭتۋان ەكونوميكاسىنىڭ جوعارى ساپالى دامۋىن اناعۇرلىم ىلگەرىلەتۋ كەرەك. پارتيانىڭ بيڭتۋاننىڭ رەفورمانى تەرەڭدەتۋىنە جانە وڭتۇستىككە قاراي دامۋىنا باسشىلىعىن شىنايى كۇشەيتىپ، اناعۇرلىم قۋاتتى بىرىككەن كۇش قالىپتاستىرىپ، پارتيا ورتالىق كوميتەتىنىڭ شەشىمدەرى مەن ورنالاستىرۋلارىنىڭ بيڭتۋاندا تياناقتانىپ تامىر تارتۋىنا كەپىلدىك ەتۋ كەرەك.
ءماجىلىس «جۇڭگو كوممۋنيستىك پارتياسى شينجياڭ ءوندىرىس - قۇرىلىس بيڭتۋانى 7 - كەزەكتى كوميتەتىنىڭ ءتورتىنشى جالپى ءماجىلىسىنىڭ قاۋلىسى» قاتارلىلاردى ماقۇلدادى.
بيڭتۋان پارتكومىنىڭ تۇراقتى مۇشەلەرى كۇڭ شيڭلۇڭ، لي شينميڭ، شاۋ فىڭ، جاڭ ۋىنچۋان، ليۋ جيانميڭ، ءمۇتالىپ ءماتتوحتى، ياۋ شينمين، جاڭ يۇڭ، لي پيڭ، لۋ شۇيپيڭ، لي ي - دۇڭ، جۇڭ بو ماجىلىسكە قاتىناستى.
