ءتىلشىمىز جاۋ جىيۇن 12 - ايدىڭ 6 - كۇنى ۇرىمجىدەن حابارلايدى. 12 - ايدىڭ 5 - كۇنى اۆتونوميالى رايوندىق جاسىلداندىرۋ كوميتەتى جالپى ءماجىلىس اشىپ، شي جينپيڭنىڭ ەكولوگيالىق وركەنيەت يدەياسىن ۇيرەندى، دايەكتىلەندىردى، تياناقتاندىردى، ءۇش تەرىستىك ينجەنەريالىق قۇرىلىسىنىڭ 40 جىلدىعىن قورىتىندىلاۋ، ماداقتاۋ - سيلاۋ جينالىسىنىڭ رۋحىن جەتكىزدى، ۇيرەندى، اۆتونوميالى رايوندىق جاسىلداندىرۋ كوميتەتىنىڭ قىزمەت جاعدايىنان بەرگەن مالىمەتىن تىڭدادى، قازىرگى جانە الداعى ءبىر مەزگىلدەگى رايونىمىزدىڭ مەملەكەت جەرىن جاسىلداندىرۋ قىزمەتىن اقىلداسىپ ورنالاستىردى.
اۆتونوميالى رايوندىق پارتكومنىڭ ورىنباسار شۋجيى، اۆتونوميالى رايوننىڭ ءتوراعاسى شوكىرات زاكىر ماجىلىسكە قاتىناستى ءارى ءسوز سويلەدى.
ءماجىلىس مىنالاردى باسا دارىپتەدى: جەر - جەر، تاراۋلار شي جينپيڭنىڭ جاڭا ءداۋىر جۇڭگوشا سوتسياليزم يدەياسىن جەتەكشى ەتۋگە تاباندى بولىپ، شي جينپيڭنىڭ ەكولوگيالىق وركەنيەت يدەياسىن ىشكەرىلەي ۇيرەنىپ، «تۇنىق سۋ مەن جاسىل تاۋ − باعالى بايلىق» ۇستانىمىن بەرىك ورناتىپ، يدەيا مەن ارەكەتتى پارتيا ورتالىق كوميتەتىنىڭ ەكولوگيالىق وركەنيەت قۇرىلىسى جانە ورمان شارۋاشىلىق رەفورماسى، دامۋى جونىندەگى كەلەلى شەشىمدەرىمەن، ورنالاستىرۋلارىمەن اناعۇرلىم سانالى تۇردە بىرلىككە كەلتىرىپ، قوعام ورنىقتىلىعى مەن باياندى تىنىشتىق باس نىساناسىن باسشىلىققا الۋعا تاباندى بولىپ، رايونىمىزدىڭ مەملەكەت جەرىن جاسىلداندىرۋ قىزمەتىنىڭ جوعارى ساپالى دامۋىن ىلگەرىلەتۋى كەرەك.
ءماجىلىس مىنالاردى اتاپ كورسەتتى: ورمان شارۋاشىلىعىن دامىتۋ مەحانيزمىندە جاڭالىق اشىپ، «كىم ورمان وسىرسە سول تيجارات ەتۋ، سول يگىلىكتەنۋ» پرينسيبىنە تاباندى بولىپ، قوعامداعى ءار سالانىڭ ورمان ءوسىرۋ بەلسەندىلىگىن تولىق جۇمىلدىرىپ، ورمان ءوسىرۋدىڭ باياندى دامۋ قابىلەتىن جوعارىلاتۋ كەرەك. كەلەلى ينجەنەريالىق قۇرىلىستى مىقتى يگەرىپ، ءۇش تەرىستىك ينجەنەريالىق قۇرىلىسىنىڭ 5 - مەرزىمدىك ىقتاسىن ورمان قۇرىلىسىن، ميلليون مۋلىق مەملەكەت جەرىن جاسىلداندىرۋ ءتۇيىندى ينجەنەريالىق قۇرىلىسىن بەلسەنە ىلگەرىلەتىپ، ەگىنجاي ىقتاسىن ورمانىن قالپىنا كەلتىرۋدى، جاڭالاۋدى تۇيىندەردە سىناق ەتۋدى اتقارۋ كەرەك. اۆتونوميالى رايونداعى 14 تاراۋدىڭ «13 - بەسجىلدىق» كەزىندەگى مەملەكەت جەرىن جاسىلداندىرۋ جاۋاپكەرلىك ءتۇزىمىن ويداعىداي تياناقتاندىرىپ، قالا مەن اۋىلدى جاسىلداندىرۋ قىزمەتىن ورنىقتى ىلگەرىلەتۋ قاجەت. جاسىلداندىرۋ ناتيجەسىن قورعاۋدى، ورمان، جايلىم اپاتىنان ساقتانۋدى - تىزگىندەۋدى، بايىرعى، باعالى اعاشتاردى قورعاۋدى، باسقارۋدى كۇشەيتىپ، مەملەكەت جەرى ەكولوگيا حاۋىپسىزدىگىن شىن مانىندە قورعاۋ كەرەك.
ءماجىلىس مىنالاردى تالاپ ەتتى: ۇگىت جۇرگىزۋدى، جەتەكتەۋدى كۇشەيتىپ، تۇتاس قوعامنىڭ جاسىل قۇرۋ، جاسىل قورعاۋ وڭ ەنەرگياسىن توپتاپ، تۇتاس قوعامدىق كۇشتەردى مەملەكەت جەرىن جاسىلداندىرۋ ىستەرىنە ات سالىسۋعا باستاۋ كەرەك. مۇشە ورىندار مىندەت جاۋاپكەرلىگىن شىن مانىندە ارقالاپ، بورىشتى اتقارۋ قابىلەتىن جوعارىلاتىپ، تۇزىلىستە جاڭالىق اشۋدى، مەحانيزمدە جاڭالىق اشۋ مەن قىزمەتتە جاڭالىق اشۋدى بەلسەنە ىلگەرىلەتىپ، مەملەكەت جەرىن جاسىلداندىرۋ مىندەتىنىڭ جاپپاي تياناقتانۋىن ىلگەرىلەتۋ كەرەك.
ءماجىلىس اۆتونوميالى رايوندىق جاسىلداندىرۋ كوميتەتىنە مۇشە ورىنداردى رەتتەۋ جوباسىن قاراپ ماقۇلدادى.
اۆتونوميالى رايوندىق پارتكومنىڭ تۇراقتى مۇشەسى، اۆتونوميالى رايوننىڭ ورىنباسار ءتوراعاسى ەركىن تۇنياز ءماجىلىستى باسقاردى.
