باس شۋجي شي جينپيڭنىڭ ماڭىزدى ءسوزىنىڭ رۋحىن ىشكەرىلەي ۇيرەنىپ، دايەكتىلەندىرىپ، تياناقتاندىرىپ، تاۋقىمەت تانىمىن كۇشەيتىپ، حاۋىپ - قاتەر مەن سىن - سايىستان ساقتانىپ، شينجياڭنىڭ جاراسىمدىلىعى مەن ورنىقتىلىعىنا كەپىلدىك ەتۋ كەرەك
چىن چۋانگو باسقاردى، شوكىرات زاكىر، شاۋكەت يمىن، سۇن جينلۇڭ، لي پىڭشين قاتىناستى
ءتىلشىمىز ياۋ تۇڭ 12 - ايدىڭ 6 - كۇنى ۇرىمجىدەن حابارلايدى. 12 - ايدىڭ 6 - كۇنى تۇستەن بۇرىن اۆتونوميالى رايوندىق پارتكومنىڭ نازاريا ۇيرەنۋ وزەكتى گرۋپپاسى باس شۋجي شي جينپيڭنىڭ ورتالىق كوميتەت قۇرامىنا جاڭادان ەنگەن مۇشەلەردىڭ، كانديدات مۇشەلەردىڭ جانە ولكە، مينيسترلىك دارەجەلى نەگىزگى باسشى كادرلاردىڭ شي جينپيڭنىڭ جاڭا ءداۋىر جۇڭگوشا سوتسياليزم يدەياسىن جانە پارتيا 19 - قۇرىلتايىنىڭ رۋحىن ۇيرەنۋ، دايەكتىلەندىرۋ جونىندەگى زەرتتەۋ - تالقى كۋرسىندا سويلەگەن ماڭىزدى ءسوزىنىڭ رۋحىن ارناۋلى ۇيرەندى. ۇيرەنۋدى اۆتونوميالى رايوندىق پارتكومنىڭ شۋجيى چىن چۋانگو باسقاردى.
اۆتونوميالى رايون باسشىلارىنان شوكىرات زاكىر، شاۋكەت يمىن، نۇرلان ءابىلماجىن ۇلى، سۇن جينلۇڭ، جۋ حايلۇن، لي پىڭشين، لي ۋي، شۇي حايرۇڭ، ەركىن تۇنياز، تيان ۋىن، جي جىڭ، سارقىت اقان ۇلى، ياڭ شين، جاڭ چۇنلين وزدەرىنىڭ قىزمەت امالياتىنا ۇشتاستىرىپ اۋىزشا نەمەسە جازباشا لەبىز ءبىلدىرىپ، ۇيرەنۋ اسەرلەرىن ورتاقتاستى.
كوپشىلىكتىڭ لەبىزىن مۇقيات تىڭداعاننان كەيىن، چىن چۋانگو ءسوز سويلەدى. ول مىنالاردى اتاپ كورسەتتى: باس شۋجي شي جينپيڭنىڭ شي جينپيڭنىڭ جاڭا ءداۋىر جۇڭگوشا سوتسياليزم يدەياسىن جانە پارتيا 19 - قۇرىلتايىنىڭ رۋحىن ۇيرەنۋ، دايەكتىلەندىرۋ جونىندەگى زەرتتەۋ - تالقى كۋرسىنىڭ ساباق باستاۋ سالتىندا سويلەگەن ماڭىزدى سوزىندە تاريح پەن شىندىق ساباقتاستىرىلعان، حالىقارا مەن ەل ءىشى بايلانىستىرىلعان، نازاريا مەن اماليات ۇشتاستىرىلعان كەڭ ايادان، جۇڭگوشا سوتسياليزمگە تاباندى بولۋدى جانە ونى دامىتۋدى بۇلجىماي دايەكتىلەندىرۋ، پارتيا قۇرىلىسىنىڭ جاڭا ۇلى ينجەنەرياسىن ىلگەرىلەتۋدى بۇلجىماي دايەكتىلەندىرۋ، تاۋقىمەت تانىمىن كۇشەيتۋ مەن حاۋىپ - قاتەردەن، سىن - سايىستاردان ساقتانۋدى بۇلجىماي دايەكتىلەندىرۋ سياقتى كەلەلى ماسەلەلەر جونىندە جان - جاقتى، جۇيەلى، تەرەڭ بايىمداۋ جاسادى. باس شۋجي شي جينپيڭنىڭ ماڭىزدى سوزىنە وسكەلەڭ مۇرات - سەنىم، كۇشتى بورىش - جاۋاپكەرشىلىك، ايقىن نازاريالىق قاسيەت، شىنايى حالىقشىلدىق پەيىل، تەرەڭ تاۋقىمەت تانىمى تۇتاستاي ارقاۋ بولىپ تارتىلعان، وتە كۇشتى يدەيالىق سيپاتقا، نازاريالىق سيپاتقا، ستراتەگيالىق سيپاتقا، جەتەكشىلىك سيپاتقا يە، ماركسيزمنىڭ اقيقات شۇعىلاسى جارقىراعان ماڭىزدى حۇجات، شي جينپيڭنىڭ جاڭا ءداۋىر جۇڭگوشا سوتسياليزم يدەياسى جانە پارتيا 19 - قۇرىلتايىنىڭ رۋحى جونىندەگى اناعۇرلىم جوعارى دەڭگەيلى، اناعۇرلىم تەرەڭ ساتىلى، اناعۇرلىم كەڭ ايالى تۇسىندىرمە، ءبىزدى جاڭا ءداۋىر جۇڭگوشا سوتسياليزمنىڭ ۇلى جەڭىسىنە قول جەتكىزۋگە جەتەكتەيتىن ماڭىزدى دايەك.
ءبىز شي جينپيڭنىڭ جاڭا ءداۋىر جۇڭگوشا سوتسياليزم يدەياسى جانە پارتيا 19 - قۇرىلتايىنىڭ رۋحى جونىندەگى تۇسىنىگىمىزدى ونان ارى تەرەڭدەتىپ، اناعۇرلىم سانالى تۇردە «ءتورت تانىمدى» نىعايتۋ، «ءتورت سەنىمدى» بەكەمدەۋ، «ەكىنى قورعاۋدى» امالياتتا ايگىلەۋ وسكەلەڭ تۇرعىسىنان، «قوس 100 جىلدىق» كۇرەس نىساناسى مەن جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىن جۇزەگە اسىرۋ وسكەلەڭ تۇرعىسىنان، شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ شينجياڭدى جونگە سالۋ جالپى جوباسىن، اسىرەسە، قوعام ورنىقتىلىعى مەن باياندى تىنىشتىق باس نىساناسىن ىسكە اسىرۋ وسكەلەڭ تۇرعىسىنان باس شۋجي شي جينپيڭنىڭ ماڭىزدى ءسوزىنىڭ كەلەلى ءمانىن جەتە تانىپ، ءدوپ كەلگەن جاعداي مەن مىندەتكە شىن مانىندە ايقىن كوز جەتكىزىپ، ەكپىندەي ۇمتىلعان رۋحاني كۇيمەن جانە العان بەتتەن قايتپايتىن كۇرەسكەرلىك بەينەمەن «ءۇش بۇلجىماي دايەكتىلەندىرۋدى» شينجياڭنىڭ قوعام ورنىقتىلىعى مەن باياندى تىنىشتىعىنىڭ ۇلى امالياتىندا دايەكتىلەندىرىپ، شينجياڭنىڭ ورنىقتىلىق، دامۋ قىزمەتتەرىندە قۇلشىنا جاڭا جاعداي اشۋىمىز كەرەك.
چىن چۋانگو مىنالاردى باسا دارىپتەدى: باس شۋجي شي جينپيڭنىڭ ماڭىزدى ءسوزىنىڭ وزەكتى ءمانىن تەرەڭ يگەرىپ، پارتيانىڭ قامىن جەۋ، حالىق الدىنداعى بورىشتى وتەۋ جاۋاپكەرشىلىك سەزىمى مەن بورىشتىلىق سەزىمىن شىنايى كۇشەيتۋ كەرەك. باس شۋجيدىڭ جۇڭگوشا سوتسياليزمگە تاباندى بولۋدى جانە ونى دامىتۋدى بۇلجىماي دايەكتىلەندىرۋ جونىندەگى ماڭىزدى تۇجىرىمىن تەرەڭدەي ءتۇسىنىپ جانە يگەرىپ، قاي - قاشان دا اۋەلگى ماقساتتى ۇمىتپاي، بورىشتى ەستە بەرىك ساقتاپ، ماڭگى سالعىرتسىمايتىن توڭكەرىستىك رۋحپەن جانە توڭكەرىستىك جىگەرمەن پارتيامىزدىڭ حالىققا باسشىلىق ەتىپ جۇرگىزگەن ۇلى قوعامدىق توڭكەرىسىن بۇلجىماي دايەكتىلەندىرۋگە باتىل بولىپ، جۇڭگوشا سوتسياليزمنىڭ اناعۇرلىم قۋاتتى، اناعۇرلىم يلانىمدى اقيقات كۇشىن كورسەتۋىنە قۇلشىنىس جاساۋ كەرەك. باس شۋجيدىڭ پارتيا قۇرىلىسىنىڭ جاڭا ۇلى ينجەنەرياسىن بۇلجىماستان دايەكتىلەندىرۋ جونىندەگى ماڭىزدى تۇجىرىمىن تەرەڭ ءتۇسىنىپ جانە يگەرىپ، قاي - قاشان دا وزىنە توڭكەرىس جۇرگىزۋ قاسيەتىن ساقتاپ، قاي - قاشان دا ساياسي سەرگەكتىك پەن تاباندىلىقتى ساقتاپ، قاي - قاشان دا ۇيرەنۋدى توقتاتپاۋعا، ءوزىن تۇزەۋدى توقتاتپاۋعا، ءوزىن تارتىپكە شاقىرۋدى توقتاتپاۋعا تاباندى بولىپ، «بەستە ىسىلۋدى» باتىل ورىنداپ، پارتيانى اناعۇرلىم بەرىك تە قۋاتتى ەتىپ قۇرۋعا قۇلشىنىپ، حالىققا پارتيانى باسقارۋدان، پارتيانى جونگە سالۋدان جاڭا جاۋاپتار تاپسىرىپ وتىرۋ كەرەك. باس شۋجيدىڭ تاۋقىمەت تانىمىن كۇشەيتۋ مەن حاۋىپ - قاتەردەن، سىن - سايىستان ساقتانۋدى بۇلجىماي دايەكتىلەندىرۋ جونىندەگى ماڭىزدى تۇجىرىمىن تەرەڭدەي ءتۇسىنىپ جانە يگەرىپ، باس شۋجي شي جينپيڭنىڭ ءتالىمى مەن تاپسىرماسىن ءارقاشان ەستە بەرىك ساقتاپ، كەزەكتە ءدوپ كەلگەن حاۋىپ - قاتەر مەن سىن - سايىستى جىعا تانىپ، ساياسي سەزگىرلىك پەن ساياسي قىراعىلىقتى نىعايتىپ، بەيبىتشىلىكتەن داعدارىستى بولجاۋعا، ورايدان سايىستى كورە بىلۋگە شەبەر بولۋ، حاۋىپ - قاتەر مەن سىن - سايىستان ساقتاناتىن ىرىقتىلىق بولۋ، سونىمەن بىرگە، سىن - سايىسقا توتەپ بەرەتىن، ونى شەشەتىن ۇتىمدى شارالار دا بولۋ، حاۋىپ - قاتەردەن ساقتانۋ مەن ونى تىزگىندەۋدىڭ دايىندىق شايقاسىن ويداعىداي جۇرگىزۋ ءارى حاۋىپتى ارىلتىپ، قاتەردى ورايعا اينالدىرا بىلەتىن ستراتەگيالىق ىرىقتى شايقاستى دا ويداعىداي جۇرگىزۋ كەرەك.
چىن چۋانگو مىنالاردى باسا دارىپتەدى: شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ شينجياڭدى جونگە سالۋ جالپى جوباسىن مىزعىماستان دايەكتىلەندىرىپ، تاۋقىمەت تانىمىن كۇشەيتۋدى، حاۋىپ - قاتەر مەن سىن - سايىستان ساقتانۋدى بۇلجىماستان دايەكتىلەندىرىپ، شينجياڭنىڭ قوعام ورنىقتىلىعى مەن باياندى تىنىشتىعىن تىڭعىلىقتى تۇردە ىلگەرىلەتۋ كەرەك. ساياسي سەنىمدى بەكەمدەۋ كەرەك. كوممۋنيزم ۇلى مۇراتى مەن جۇڭگوشا سوتسياليزم ورتاق مۇراتىن بەكەمدەپ، شي جينپيڭنىڭ جاڭا ءداۋىر جۇڭگوشا سوتسياليزم يدەياسىن جانە پارتيا 19 - قۇرىلتايىنىڭ رۋحىن ىشكەرىلەي ۇيرەنىپ، «ءتورت تانىمدى» بەرىك ورناتىپ، «ءتورت سەنىمدى» بەكەمدەپ، باس شۋجي شي جينپيڭنىڭ ۇيتقىلىق ورنىن باتىل قورعاپ، شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ بەدەلى مەن ورتالىقتانعان ءبىر تۇتاس باسشىلىعىن باتىل قورعاپ، بارلىق ارەكەتتە پارتيا ورتالىق كوميتەتىنىڭ بۇيرىعى مەن قولباسشىلىعىنا بويسۇنىپ، باس شۋجي شي جينپيڭنىڭ شينجياڭ قىزمەتى جونىندەگى ماڭىزدى سوزدەرى مەن ماڭىزدى نۇسقاۋلارىنىڭ رۋحىن قاز - قالپىندا ويداعىداي دايەكتىلەندىرۋ، تياناقتاندىرۋ كەرەك. پارتيانى قاتاڭ جونگە سالۋدى تياناقتاندىرۋ كەرەك. ەرەكشەلەنۋگە بولمايدى دەگەن يدەيانى بەرىك ورناتىپ، ءبىر جاعىنان بولشەكتەۋشىلىككە قارسى تۇرۋ كۇرەسىن يگەرۋگە، ەندى ءبىر جاعىنان پارتيا ستيلى، پاكتىك قۇرىلىسىن جانە ءىرىپ - شىرۋگە قارسى تۇرۋ كۇرەسىن يگەرۋگە تاباندى بولىپ، ءتارتىپ تاربيەسىن جاپپاي كۇشەيتىپ، الماس سەمسەردى جارقىلداتىپ، ۇدايى سەس كورسەتۋگە ءارقاشان تاباندى بولىپ، ءتۇزىم تورىن تىعىز توقىپ، ستيلدى تاباندىلىقپەن دۇرىستاپ جانە ءتارتىپتى قاتايتىپ، پارتيانى قاتاڭ جونگە سالۋدىڭ قىسىمىن ۇزدىكسىز جەتكىزىپ، پارتيانى باسقارۋدىڭ، پارتيانى جونگە سالۋدىڭ كەڭ، بوساڭ، ءالسىز بولۋدان قاتاڭ، ءجىتى، كۇشتى بولۋعا ويىسۋىن ىلگەرىلەتىپ، ستيلى پاك، سالتى دۇرىس ساياسي ەكولوگيا قالىپتاستىرۋ كەرەك. باياندى تىنىشتىقتى ىلگەرىلەتۋ كەرەك. ساقتىق دابىلىن ۇدايى قاعىپ، ۇنەمى ساق بولىپ، نازاردى باس نىساناعا شوعىرلاندىرىپ، «كەشەندى شارانى» ويداعىداي اتقارىپ، جاۋاپكەرشىلىكتى ساتى - ساتى بويىنشا تياناقتاندىرىپ، جاۋاپكەرشىلىكتى ساتى - ساتى بويىنشا قاتايتىپ، يكەمدى دە ءونىمدى ەكەندىگى اماليات بارىسىندا دالەلدەنگەن شارالار مەن مەحانيزمدەردى ونان ارى كەمەلدەندىرىپ، كۇشەيتىپ، ارناعا ءتۇسىرىپ جانە جوعارىلاتىپ، بولشەكتەۋشىلىككە قارسى تۇرۋ كۇرەسىن جانە لاڭكەستىككە قارسى تۇرىپ، ورنىقتىلىقتى قورعاۋ كۇرەسىن العان بەتتەن قايتپاي تۇبەگەيلى جۇرگىزىپ، اۆتونوميالى رايوندىق پارتكومنىڭ ورتالىق كوميتەتتىڭ شينجياڭدى جونگە سالۋ جالپى جوباسىن دايەكتىلەندىرۋ، تياناقتاندىرۋ ءۇشىن قولدانعان «كەشەندى شارالارىن» شىن مانىندە تىڭعىلىقتى تياناقتاندىرىپ، ونان ناقتى ناتيجە شىعارىپ، قوعامدىق جالپى جاعدايدىڭ ۇدايى جاراسىمدىلىعى مەن ورنىقتىلىعىنا شىنايى كەپىلدىك ەتۋ كەرەك.
اۆتونوميالى رايوندىق حالىق قۇرىلتايىنىڭ، ۇكىمەتتىڭ، بيڭتۋاننىڭ باسشىلارى، اۆتونوميالى رايوندىق جوعارى حالىق سوتى مەكەمەسىندەگى، اۆتونوميالى رايوندىق حالىق پروكۋراتۋراسىنداعى، قارۋلى ساقشى شينجياڭ باس اترەتىندەگى نەگىزگى جاۋاپتى جولداستار، اۆتونوميالى رايونعا (ورتالىققا) توتە قاراستى قاتىستى ورىندارداعى جاۋاپتى جولداستار ارناۋلى ۇيرەنۋگە قاتىناستى.
