شينحۋا اگەنتتىگىنىڭ 12 - ايدىڭ 7 - كۇنى بەيجيڭنەن بەرگەن حابارى (ءتىلشى لي جۇڭفا). مەملەكەت ءتوراعاسى شي جينپيڭ 12 - ايدىڭ 7 - كۇنى حالىق سارايىندا چاۋشيان ەڭبەك پارتياسى ورتالىق ساياسي بيۋروسىنىڭ مۇشەسى، سىرتقى ىستەر مينيسترى لي يۇڭحاۋمەن كەزدەستى.
شي جينپيڭ لي يۇڭحاۋدان كوميتەت باستىعى جين جىڭىنعا ءوزىنىڭ شىنايى سالەمىن جەتكىزۋدى ايتتى. شي جينپيڭ مىنانى اتاپ كورسەتتى: بيىل كوميتەت باستىعى جين جىڭىن جۇڭگوعا 3 رەت ساپارلاي كەلدى، مەن ونىمەن جۇڭگو مەن چاۋشياننىڭ دوستىق سەلبەستىگىن تەرەڭدەتۋ، ءوڭىردىڭ بەيبىتشىلىگىن، ورنىقتىلىعىن، دامۋىن جەبەۋ سياقتى كەلەلى ماسەلەلەر جونىندە جالپى بەتتىك ىشكەرىلەي پىكىر اۋىستىرىپ، ەكى جاقتىڭ جاساسقان ماڭىزدى ورتاق تانىمدارىنىڭ ءونىمدى تياناقتانعاندىعىنا ايرىقشا قۋاندىم.
شي جينپيڭ مىنانى باسا دارىپتەدى: كەلەر جىلى ءبىز جۇڭگو مەن چاۋشياننىڭ ديپلوماتيالىق قارىم - قاتىناس ورناتقاندىعىنىڭ 70 جىلدىعىن قارسى الامىز. جۇڭگونىڭ پارتياسى مەن ۇكىمەتى جۇڭگو مەن چاۋشياننىڭ قارىم - قاتىناسىنا وسكەلەڭ ءمان بەرەدى، بۇل ءبىزدىڭ اۋىتقىماي تاباندى بولاتىن باعىتىمىز. كەزەكتە جۇڭگو مەن چاۋشيان قارىم -قاتىناسىنىڭ تىڭ پاراعى اشىلدى. ەكى جاق كەلەر جىلى جۇڭگو مەن چاۋشياننىڭ ديپلوماتيالىق قارىم - قاتىناس ورناتقاندىعىنىڭ 70 جىلدىعىن اتاپ ءوتۋ قيمىلىن ويداعىداي وتكىزۋدى وراي دەپ ءبىلىپ، ەكى جاق قارىم - قاتىناسىنىڭ باياندى، اقاۋسىز، ورنىقتى دامۋىن ىلگەرىلەتۋى كەرەك. جۇڭگو جاق چاۋشيان حالقىنىڭ كوميتەت باستىعى جين جىڭىننىڭ باسشىلىعىندا، ءوز ەلىنىڭ مەملەكەت جاعدايىنا ۇيلەسەتىن دامۋ جولىمەن ءجۇرۋىن قولدايدى. چاۋشياننىڭ ءار سالا ىستەرىنىڭ بارعان سايىن جاقسى ىستەلۋىن تىلەيدى.
شي جينپيڭ مىنانى اتاپ كورسەتتى: بيىل جىل باسىنان بەرى چاۋشيان تۇبەگى جاعدايىندا بەلسەندى وزگەرىس جارىققا شىعىپ، تۇبەك ماسەلەسى ساياسي جولمەن شەشىم ەتىلەتىن دۇرىس ارناعا ءتۇستى. چاۋشيان مەن ا ق ش - تىڭ ءبىر باعىتتا ىلگەرىلەپ، ءبىر - بىرىنە ۇيلەسىمدى كوڭىل ءبولىپ، تۇبەكتىڭ بەيبىتشىلىك كەلىسسوز بارىسىنىڭ ۇزدىكسىز بەلسەندى ىلگەرىلەۋشىلىككە قول جەتكىزۋىنە مۇمكىندىك جاساۋىن ءۇمىت ەتەمىن. جۇڭگو جاق سولتۇستىك - وڭتۇستىك ەكى جاقتىڭ قارىم - قاتىناسىنىڭ جاقسارۋىن، راقايلاسۋ سەلبەستىگىن ىلگەرىلەتۋىن ءباز - باياعىسىنداي قولدايدى. ەكى ەلدىڭ سىرتقى ىستەر تاراۋلارى ءتۇسىنىسۋدى ۇزدىكسىز كۇشەيتىپ، جۇڭگو مەن چاۋشيان قارىم - قاتىناسىن دامىتۋ، تۇبەك ماسەلەسىنىڭ ساياسي جولمەن شەشىم ەتىلۋ بارىسىن ىلگەرىلەتۋ جولىندا بىرگە كۇش شىعارۋى كەرەك.
لي يۇڭحاۋ ەڭ الدىمەن كوميتەت باستىعى جين جىڭىننىڭ شي جينپيڭگە جولداعان ىقىلاستى سالەمىن جانە تاماشا تىلەگىن جەتكىزدى. لي يۇڭحاۋ مىنانى ءبىلدىردى: كوميتەت باستىعى جين جىڭىن بيىل جۇڭگودا 3 رەت ساپاردا بولىپ، باس شۋجي شي جينپيڭمەن ىشكەرىلەي كەڭەس وتكىزىپ، ءبىرسىپىرا ماڭىزدى ورتاق تانىمعا كەلىپ، جاڭا داۋىردە ەكى ەلدىڭ ءداستۇرلى دوستىق قاتىناسىن تىڭ ورەگە كوتەرۋگە ايقىن باعدار كورسەتتى. چاۋشيان جاق جۇڭگو جاقپەن بىرگە، كەلەر جىلى چاۋشيان مەن جۇڭگونىڭ ديپلوماتيالىق قارىم - قاتىناس ورناتقاندىعىنىڭ 70 جىلدىعىن قۇتتىقتاۋ قيمىلىن ويداعىداي وتكىزىپ، ءداستۇرلى دوستىقتى بەكەمدەپ، ەكى جاق سەلبەستىگىن كۇشەيتۋدى قالايدى. چاۋشيان جاق تۇبەكتىڭ يادروسىزدانۋىن جۇزەگە اسىرۋعا جالعاستى كۇش شىعارىپ، تۇبەكتىڭ جانە وسى ءوڭىردىڭ بەيبىتشىلىگى، ورنىقتىلىعى جونىندە جۇڭگو جاقپەن تىعىز بايلانىس جاساۋدى، سايكەسۋدى قالايدى.
ياڭ جيەچى، ۋاڭ ي كەزدەسۋگە قاتىناستى.
