− ءتوراعا شي جينپيڭنىڭ يسپانياعا، ارگەنتيناعا، پاناماعا، پورتۋگالياعا ساپارى تۋرالى
شينحۋا اگەنتتىگىنىڭ تىلشىلەرى حاۋ ۋيۋي، حو شياۋگۋاڭ
ازيا - تىنىق مۇحيت − ەۆروپا − لاتىن امەريكاسى. جارتى ايدان استام ۋاقىت ىشىندە، ەكى مۇحيتتى ەندەي ءوتىپ، ءتورت قۇرلىقتى شارلاپ، 60 مىڭ كيلومەتر جول باسىپ، جالپى 70 نەشە ساعات ۇشىپ، 100 نەشە ءىس - قيمىلعا قاتىناستى. ەكى جاقتى قارىم - قاتىناستار تەرەڭدەتىلىپ، كوپ جاقتى ساحنالاردا جان - جاقتى كەڭەستەر جۇرگىزىلدى، جۇڭگونىڭ دوستىق شەڭبەرى ونان ارى كەڭەيىپ، جۇڭگونىڭ قۋاتتاماسى الەم جۇرتشىلىعىنىڭ جۇرەگىنە تەرەڭ ۇيالادى.
11 - ايدىڭ 27 - كۇنىنەن 12 - ايدىڭ 5 - كۇنىنە دەيىن، مەملەكەت ءتوراعاسى شي جينپيڭ ەۆروپا مەن لاتىن امەريكاسىندا ساپاردا بولدى. ميسايتا ۇستىرتىندەگى مادريدتەن پانپاسى دالاسىنداعى بۋەنوس - ايرەسكە، ەكى مۇحيتتى تۇتاستىرعان پاناما قالاسىنان ەۆروپا قۇرلىعىنداعى ليسسابونعا دەيىن، كۇللى دۇنيە وسى ساپارعا كوز تىكتى.
شىنايى سۇيىسپەنشىلىك. تەرەڭ مەيىرىم
سيا ءيىسى بۇرقىراعان قۇشاق - قۇشاق گازەتتەر مادريد كوشەلەرىندەگى گازەت دۇڭگىرشەكتەرىنە قويىلدى.
11 - ايدىڭ 27 - كۇنى ءتوراعا شي جينپيڭ يسپانياداعى عاسىرلىق «ابەيساي گازەتىندە» اۆتورلى ماقالا جاريالاپ، وسى رەتكى ەۆروپا جانە لاتىن امەريكاسى ساپارىنىڭ شىمىلدىعىن اشتى.
الەمدىك وزگەرىستىڭ شەشۋشى جول ايىرىعىنا قادام باسقان ساتتە، بۇل ماڭگى اينىمايتىن قۋاتتاما جانە ىسكەرلىك −
«مەنىڭ بۇل رەتكى ساپارىمداعى باستى ءبىر مىندەتىم − ساپارلاي باراتىن ەلدەردىڭ جانە دۇنيە جۇزىندەگى باستى ەكونوميكالىق تۇلعالاردىڭ باسشىلارىمەن حالىقارالىق قوعامنىڭ ىنتىماعىن كۇشەيتۋدى، الەمدىك جونگە سالۋدى جاقسارتۋدى، سەرىكتەستىك قاتىناستى دامىتۋدى، دوستىق سەلبەستىكتى تەرەڭدەتۋدى، دۇنيە ءجۇزىنىڭ بەيبىتشىلىگىن، ورنىقتىلىعىن جانە دامۋىن، گۇلدەنۋىن جەبەۋدى اقىلداسۋ».
دامۋدى كوزدەۋ سىندى ورتاق مىندەتكە سايكەس، بۇعان ءبىر اۋىزدان سەنىم ارتىلىپ، ءۇمىت ءبىلدىرىلدى −
«جۇڭگو يسپانيانىڭ ەڭ جوعارى دارەجەلى سەرىكتەسىنە اينالدى»؛
«جۇڭگو ارگەنتينانىڭ ەڭ ماڭىزدى ستراتەگيالىق سەرىگى»؛
«پاناما ءتوراعا شي جينپيڭ العا قويعان ادامزاتتىڭ تاعدىرلاس ورتاق تۇلعاسىن قۇرۋ ۇستانىمىن قۇپتايدى»؛
«پورتۋگاليا ەۆروپا - جۇڭگو قارىم - قاتىناسىن كۇشەيتۋدى قولدايدى، پورتۋگال تىلدەس ەلدەردىڭ جۇڭگومەن سەلبەستىگىن ۇزدىكسىز تەرەڭدەتۋدى قالايدى»؛
...
الىس كورشى جاقىن تۋىستاي سيلاسسا، ورتاق تىلەك اسقار تاۋلاردان اسىپ، شالقار تەڭىزدەردى شارلادى. كونە دوستار دا، جاڭا دوستار دا بار. سالتاناتتى قارسى الۋلار، ىستىق ىقىلاسقا تولى ورنالاستىرۋلار جۇڭگولىق قوناقتارعا سي - قۇرمەتتىڭ، جۇڭگو جەتىستىگىنە القاۋدىڭ، جۇڭگو رولىن مويىنداۋدىڭ كۋاسى.
− يسپانيا جۇڭگونىڭ ەۆروپا وداعىنداعى جاقسى دوسى، ابزال سەرىگى. شي جينپيڭ جالعاستى مەملەكەت ءتوراعاسى بولعاننان كەيىن ەۆروپاعا جاساعان تۇڭعىش ساپارىندا وسى جەرگە كەلدى.
پاتشا فيليپ Ⅵ قارسى الۋ جۇمىستارىن تىكە ورنالاستىردى. ءتوراعا شي جينپيڭنىڭ ارناۋلى ۇشاعى يسپانيا اۋە كەڭىستىگىنە كىرگەندە، ەكى سوعىس ۇشاعى ەكى جاعىنان قاتارلاسا قورعاي ۇشتى؛ شەكارادان شىعار ساتتە، ەكى سوعىس ۇشاعى اۋەگە كوتەرىلىپ، قورعاپ ۇشتى.
11 - ايدىڭ 28 - كۇنى تۇستەن بۇرىن، كۇز بوياۋىنا مالىنعان مانساناليسى وزەنىنىڭ بويى. ات تۇياعى القارا كوك شاعىل توسەلگەن جولدى دۇرسىلدەتىپ، بارابان ءۇنى دىڭگەكتى زالدى جاڭعىرتتى، اسكەري وركەستر، موتوتسيكل اترەتى، جاياۋ اسكەر شارشى توبى، اتتى اسكەر شارشى توبى ايبىنىمەن كوز تارتادى. يسپانيا پاتشا اۋلەتى سالتاناتتى قارسى الۋ سالتىمەن ءتوراعا شي جينپيڭنىڭ كەلۋىن قارسى الدى.
پاردو تاۋىنىڭ باۋرايىنا ورنالاسقان ساسۋايلا سارايى − پاتشا فيليپ Ⅵ جۇمىس جۇرگىزەتىن جانە تۇراتىن جەر. قۇنتتىلىقپەن ورنالاستىرىلعان وتباسى قوناعاسىسى تەرەڭ دوستىق سەزىمدى ايگىلەدى.
پاتشا فيليپ Ⅵ ءوز اكەسىنىڭ 40 جىل ىلگەرى جۇڭگوعا جاساعان ساپارىنداعى وتكەن ىستەردى ەسكە الدى، ءتوراعا شي جينپيڭ يسپانيا پاتشا اۋلەتىنىڭ جۇڭگومەن دوستىعىنىڭ ساياسي كورەگەندىلىگىنە القاۋ ايتتى. پاتشا فيليپ Ⅵ لەونور مەن سوفيا حانىشالاردىڭ جۇڭگو ءتىلىن ۇيرەنىپ جۇرگەنىن، ۇيدە ۇنەمى جۇڭگو تىلىندە سويلەسەتىنىن ايتتى، ءتوراعا شي جينپيڭ ولاردىڭ جۇڭگوعا كوبىرەك بارۋىن قارسى الاتىندىعىن ءبىلدىردى.
− ارگەنتينا، جاعراپيالىق شالعايلىق ىستىق ىقىلاسقا كەدەرگى كەلتىرە المادى. 4 جىلدىڭ ىشىندە ءتوراعا شي جينپيڭ 2 رەت ساپاردا بولدى، جۇڭگو - ارگەنتينا دوستىعى بارعان سايىن قويۋلادى.
لاپۋلاتا وزەنى كەڭ تاسپاداي كەرىلىپ، لانحۋايىڭ جەلمەن تەربەلەدى، كونە قالا بۋەنوس - ايرەستە قازىر جازعىتۇرىمعى شاق. ۇدايى بارىس - كەلىس جاڭالىققا تولى بولادى، وزگەشە ورنالاستىرۋ كورسەتۋ ءۇشىن، ماكري زۇڭتۇڭ قارسى الۋ سالتىن ارنايى تۇردە زۇڭتۇڭ سارايىنداعى ءزايتۇن شارۋاشىلىق قوجالىعىندا وتكىزدى.
ارگەنتينانىڭ ەجەلدەن «ات دوپ ەلى» دەگەن اتى بار. زۇڭتۇڭ سارايىنىڭ كوگالىندا، ەكى ەلدىڭ مەملەكەت باسشىسى ات دوپ سپورتشىلارىمەن اڭگىمەدە بولدى، ءتوراعا شي جينپيڭ تاياقشامەن دوپ قاقتى. ءتوراعا شي جينپيڭ ماكريگە جۇڭگونىڭ كەستە تۋىندىسى «تاڭ ايەلدەرىنىڭ ات دوپ ويناۋ سۋرەتىن» سيلادى ءارى ەجەلگى حان داۋىرىندە جۇڭگودا ات دوپ سپورتى بولعانىن، تاڭ داۋىرىنە جەتكەندە وركەندەگەنىن تانىستىرا كەلىپ، ارگەنتينا جاقپەن اۋىس - كۇيىس پەن سەلبەستىكتى كۇشەيتىپ، جۇڭگودا وسى سپورتتى قايتا كوركەيتۋدى ءۇمىت ەتتى.
زۇڭتۇڭ سارايىنىڭ باۋ - باعىندا، ماكري زۇڭتۇڭنىڭ حانىمى اۆادا قارسى الۋ تۇسكى قوناعاسىن بەردى. ارگەنتينانىڭ ءداستۇرلى ءتاتتى تاعامى جارقىراعان ليجىعا قۇپ جاراسىپ تۇر، اۆادا حانىم ءتوراعا شي جينپيڭگە ليجىنىڭ توركىنى جۇڭگودا ەكەنىن، بۇل جۇڭگو - ارگەنتينا مادەنيەتىنىڭ توعىسۋىنىڭ كۋاسى ەكەنىن ايتتى. ماكري زۇڭتۇڭنىڭ كىشى قىزىنىڭ وتكەن جىلى ونىمەن بىرگە جۇڭگودا ساپاردا بولىپ، ۇلى قورعاندى وتە ۇناتقانىن بىلگەندە، ءتوراعا شي جينپيڭ: جۇڭگوعا تاعى دا بارۋىڭدى قارسى الامىن، - دەدى.
كوڭىل سەرگىتەر ءوزارا ىقپالداستىق تا، تەرەڭ پىكىر الماسۋ دا بولدى.
ءتوراعا شي جينپيڭ جۇڭگونىڭ رەفورما جاساپ، ەسىك اشۋ جانە كەدەيلىكتەن ارىلتۋ ىستەرى تۋرالى توقتالدى: «وسى رەتكى ساپاردان ەلگە قايتقاننان كەيىن، ءبىز رەفورما جاساۋدىڭ، ەسىك اشۋدىڭ 40 جىلدىعىن قۇتتىقتاۋ قيمىلىن وتكىزىپ، رەفورما جاساۋدىڭ، ەسىك اشۋدىڭ تاجىريبەلەرىن جان - جاقتى قورىتىندىلايمىز». ماكري زۇڭتۇڭ جۇڭگونى قول جەتكەن جەتىستىكتەرىمەن قۇتتىقتاپ، جۇڭگونىڭ تاجىريبەسىنەن ۇلگى الىپ، ارگەنتينانىڭ دامۋى بىركەلكى بولماۋ ماسەلەسىن شەشۋدى ءۇمىت ەتتى.
− پاناما، جۇڭگونىڭ لاتىن امەريكاسى مەن كاريب وڭىرىندەگى جاڭا دوسى. جۇڭگونىڭ مەملەكەت ءتوراعاسىنىڭ تاريحتاعى تۇڭعىش ساپارى پانامانىڭ بۇكىل ەل بولىپ كوز تىككەن ءىرى ءىسى، قۋانىشتى ءىسى، سالتاناتتى ءىسى بولدى.
ءبىر جارىم جىل بۇرىن، ءتوراعا شي جينپيڭ مەن ۆارەلا زۇڭتۇڭ بىرگە ماڭىزدى ساياسي بەكىم جاساپ، ەكى ەل رەسمي ديپلوماتيالىق قاتىناس ورناتتى.
كەڭەستە، ۆارەلا زۇڭتۇڭ 2007 - جىلى شاڭحايداعى ساپارىن كوڭىلدەنە ەسكە الدى. جۇڭگونىڭ دامۋىنىڭ كۇن سايىن جاڭارىپ، اي سايىن تۇرلەنگەنى ونى تاڭ - تاماشا قالدىرىپتى، سونان باستاپ ول جۇڭگومەن دوستىق قارىم - قاتىناستى دامىتۋعا مىقتاپ بەل بايلاعان ەكەن. پاناما حالىقتىق كەڭەسىنىڭ ءتوراعاسى ابرەگو بىلاي دەدى: «جۇڭگومەن ديپلوماتيالىق قاتىناس ورناتۋ − پاناماداعى پارتيا - توپتاردىڭ ورتاق تانىمى». ءتوراعا شي جينپيڭ بىلاي دەدى: اماليات جۇڭگو مەن پانامانىڭ ديپلوماتيالىق قاتىناس ورناتقاندىعىنىڭ بۇكىلدەي دۇرىس ەكەنىن، ەكى ەلدەگى حالىقتارعا يگىلىكتەر اكەلگەنىن دالەلدەدى جانە ۇزدىكسىز دالەلدەي بەرەدى.
ءتوراعا شي جينپيڭ كەزىندە ۇسىنعان جەلكەندى كەمە مودەلى ۆارەلا زۇڭتۇڭنىڭ كەڭسەسىندە ساقتاۋلى ەكەن. ول ءتوراعا شي جينپيڭگە ءوزىنىڭ مودەلدەگى «一帆风顺» دەگەن 4 ءارىپتى وتە جاقسى كورگەنىن، پاناما مەن جۇڭگونىڭ قارىم - قاتىناسىنىڭ بولاشاقتا ءساتتى بولا بەرۋىن ءۇمىت ەتەتىندىگىن ايتتى.
− پورتۋگاليا، جۇڭگونىڭ ەۆروپا وداعىنداعى سەنىم ارتاتىن سەلبەستىك سەرىگى. 2 ايدان سوڭ جۇڭگو مەن پورتۋگاليا ديپلوماتيالىق قارىم - قاتىناس ورناتقاندىعىنىڭ 40 جىلدىعىن شاتتىقپەن قارسى الادى.
ارناۋلى ۇشاق شەكارادان كىرىپ - شىققاندا سوعىس ۇشاعى قورعاپ ۇشتى، بۇرىنعى پاتشا ورداسىندا مەملەكەتتىك قوناعاسى بەرىلدى جانە كەڭەس وتكىزىلدى، جۇڭگونىڭ مەملەكەت باسشىسى اراعا 8 جىل سالىپ تاعى دا ساپارلاي بارعاندا، پورتۋگاليا جاق ەڭ جوعارى مارتەبەمەن جۇڭگولىق سيلى قوناقتاردى سالتاناتپەن قارسى الدى.
يبەريان تۇبەگىندەگى ەڭ ۇلكەن الاڭ − يمپەريا الاڭىنىڭ ءبىر جاعى ايبىندى رىلونيمۋس موناسترى، ەندى ءبىر جاعى ايدىندى تىرو وزەنى. جۇڭگو مەن پورتۋگاليانىڭ مەملەكەت تۋلارى اسقاق جەلبىرەپ، قۇرمەت ساليۋتىنىڭ داۋىسى اسپاندى جاڭعىرتتى، قارسى الۋ سالتى سالتاناتتى ءارى دۋماندى بولدى. الاڭنىڭ اينالاسىندا، دۇنيە ءجۇزىنىڭ جەر - جەرىنەن كەلگەن ساياحاتشىلار تالاسا - تارماسا سۋرەتكە ءتۇسىرىپ، وسى ءبىر قىمباتتى ءساتتى ەستەلىككە الدى.
يمپەريا الاڭىنان زۇڭتۇڭ سارايىنا دەيىن، جول بويى اتتى اسكەرلەر قورعاپ ءجۇردى. تۇتاسىپ وسكەن فيكۋس اعاشىنىڭ تۇبىندە، دي سوزا زۇڭتۇڭ ءتوراعا شي جينپيڭنىڭ كەلۋىن كۇتىپ تۇردى. زۇڭتۇڭ كەڭسەسىندە، قوناق يەسى مەن قوناق بۇكپەسىز اڭگىمەلەستى. دي سوزا زۇڭتۇڭ ءتوراعا شي جينپيڭ مەن حانىمىن بالكونعا شىعىپ، اينالانىڭ كوركىن تاماشالاۋعا ۇسىنىس ەتىپ، پورتۋگاليانىڭ سالت - ساناسىن تانىستىردى.
ءتۇن شىمىلدىعى جابىلدى. دي سوزا زۇڭتۇڭ ارۋدا سارايىندا ءتوراعا شي جينپيڭ مەن حانىمىنا قارسى الۋ قوناعاسىن بەردى. كۇمىستەي اپپاق قوناعاسى زالىندا ەلەكتر شامدارى سامالاداي جارقىراپ، بالاۋىز شام ساۋلە شاشادى. پارلامەنت باستىعى رودريگۋەز بەن حانىمى، زۇڭلي كوستا مەن حانىمى قاتارلىلار قوناعاسىعا تۇگەل كەلدى، قوناقتار مەن دوستار ورتانى تولتىرىپ، دوستىق پەيىل شالقىدى. ءتوراعا شي جينپيڭ پورتۋگاليانىڭ ءار سالاسىنداعى قايراتكەرلەرمەن كەڭ كولەمدە پىكىرلەستى.
ەكى باعالى تارتۋ ءتوراعا شي جينپيڭگە كورسەتىلگەن وسكەلەڭ قۇرمەتتىڭ بەلگىسى −
ماديرد قالاسىنىڭ التىن كىلتى، ەۆروپانىڭ ورتا عاسىرلارىنان تامىر العان داڭق سيمۆولى. 20 نەشە جىلدىڭ الدىندا جەرگىلىكتى ورىندا قىزمەتتە جۇرگەندە، ءتوراعا شي جينپيڭ مادريدكە ساپارلاپ بارعاندا، وسى قالا تاماشا اسەر قالدىرعان ەدى. «ەۆروپا قاقپاسىن» قايتا اتتاعاندا، ءتوراعا شي جينپيڭ: وسى كىلتتىڭ جۇڭگو - يسپانيانىڭ بارىس - كەلىسى مەن حالىقتار دوستىعىنىڭ قاقپاسىن ونان ارى اشا ءتۇسۋىن ءۇمىت ەتەمىن، - دەدى.
ازاتتىق اپەرۋشى سان مارتين ۇلكەن القا وردەنى كوك ءتۇستى تۇكتى كەزدەمەمەن ادىپتەلىپ، جارق - جۇرق ەتەدى. 4 جىل بۇرىن ارگەنتيناعا ساپارلاي بارعاندا، سول كەزدە بۋەنوس - ايرەس قالاسىنىڭ باستىعى قىزمەتىن اتقارىپ جۇرگەن ماكري ءتوراعا شي جينپيڭگە قالا كىلتىن تابىستاعان بولاتىن. بۇل جولى ول ارگەنتينانىڭ مەملەكەت باسشىسى رەتىندە، ارگەنتينانىڭ ەل اتاسىنىڭ اتىمەن اتالعان وردەندى جۇڭگولىق بايىرعى دوسىنا تابىستادى. «بۇل داڭق جەكە ماعان عانا ءتان ەمەس، جۇڭگو مەن ارگەنتينانىڭ دوستىعىنا ەڭبەكتەنىپ تەر توككەن دوس قايراتكەرلەرگە دە ءتان»، - دەدى ءتوراعا شي جينپيڭ اسەرلەنىپ.
جەتىستىككە تولى حۇجاتتار سەلبەستىك پەن دوستىقتىڭ جاڭا پاراعىن اشتى −
جۇڭگو مەن يسپانيا، بىرلەسكەن مالىمدەمە ارقىلى الدىڭعىنى سوڭعىعا جالعاپ، بۇرىنعىعا مۇراگەر، كەيىنگىگە بۇيداگەر بولدى. جۇڭگو - يسپانيا ديپلوماتيالىق قارىم - قاتىناس ورناتقاندىعىنىڭ 45 جىلدىعىنىڭ جاڭا باستاماسىندا تۇرىپ، ەكى جاق ەكى ەل قارىم - قاتىناسىنىڭ تىڭ دا اناعۇرلىم زور دامۋشىلىقتارعا جەتىپ، ەكى ەلدەگى حالىقتارعا ءتىپتى مول ىرىس - قۇت اكەلۋىن ىلگەرىلەتۋگە ءبىر اۋىزدان كەلىستى.
جۇڭگو مەن ارگەنتينا، بىرلەسكەن مالىمدەمەدەن سىرت، ەكى جاق تاعى الداعى 5 جىلداعى ۇكىمەت ارالىق ورتاق ءىس - ارەكەت جوسپارىنا قول قويىستى. ەكى ەلدىڭ مەملەكەت باسشىسى جۇڭگو - ارگەنتينا جاپپاي ستراتەگيالىق سەرىكتەستىك قاتىناسىنىڭ جاڭا ءداۋىرىن قول ۇستاسا اشۋدى بىرگە ۇيعاردى.
جۇڭگو مەن پانامانىڭ، 19 ورتاق تانىمدى قامتىعان بىرلەسكەن اقپاراتتىق مازمۇنداماسى ەكى ەل سەلبەستىگىنىڭ قارقىندى قادامىن ايگىلەدى. ءتوراعا شي جينپيڭ دە، ۆارەلا زۇڭتۇڭ دا وسى رەتكى ساپاردى «تاريحي ساپار» دەپ سيپاتتاپ، ەكى ەل قارىم - قاتىناسىن ىلگەرىلەتۋ جونىندە كەڭ كولەمدى ورتاق تانىمعا كەلدى.
جۇڭگو مەن پورتۋگاليانىڭ بىرلەسكەن مالىمدەمەسى، «ءبىر بەلدەۋ، ءبىر جولدى» بىرگە قۇرۋ سەلبەستىك تۇسىنىستىك ەسكەرتپە حاتى. ەكى ەلدىڭ مەملەكەت باسشىسى جۇڭگو مەن پورتۋگاليانىڭ دوستىق سەلبەستىگىنىڭ ۇزدىكسىز تىڭ جەتىستىكتەرگە جەتىپ، جۇڭگو - پورتۋگاليا قارىم - قاتىناسى دامۋىنىڭ جاڭا پاراعىن اشۋدى ىلگەرىلەتۋگە ءبىر اۋىزدان قوسىلدى.
بايلانىسۋ . تەڭ يگىلىكتەنۋ
جۇڭگو مەن پاناما كانال ارقىلى قاۋىشتى. 160 جىلدىڭ الدىندا، تۇڭعىش توپتاعى جۇڭگولىقتار تەلەگەي تەڭىزدە شالعايعا ساپار شەگىپ، پاناماعا جەتىپ، تەمىر جول سالىپ، كانال قازىپ، وسىناۋ ىقىلاستى توپىراقتا تەر توكتى.
عاسىرلىق كانال پاناما قالاسىنىڭ شەتىنەن باياۋ اعىپ ءوتىپ، اتلانت مۇحيت پەن تىنىق مۇحيتتى تىعىز جالعاستىرىپ تۇر. بۇل جۇڭگو مەن پانامانىڭ دوستىق بارىس - كەلىسىنىڭ كۋاسى، سونداي - اق ادامزاتتىڭ ءوزارا بايلانىسۋ، تەڭ يگىلىككە كەنەلۋ ارمانىنىڭ شاعىن كارتيناسى.
بۇگىنگى تاڭدا، دۇنيە ءجۇزى بويىنشا 2 - ءىرى ەكونوميكالىق تۇلعا، الەمدىك تاۋار ساۋداسىنداعى ەڭ ءىرى ەل رەتىندە، جۇڭگو پاناما كانالىنىڭ 2 - ۇلكەن پايدالانۋشىسىنا اينالدى.
پاناماعا ساپار كەزىندەگى ءبىر قيمىلدىڭ ءمانى تەرەڭ بولدى: ءتوراعا شي جينپيڭ ۆارەلامەن بىرگە پاناما كانالىنداعى جاڭا كەمە توسپاسىن بىرگە ەكسكۋرسيالادى.
ا ق ش پورتىنان قايتقان جۇڭگونىڭ يۋانياڭ تەڭىز تاسىمالى توبىنىڭ «روزاگۇل كەمەسى» كەمە توسپاسىندا توقتاپ تۇردى. كەمە توسپاسىنىڭ مەڭگەرۋ بولمەسىندە، ءتوراعا شي جينپيڭ مەڭگەرۋ كومپيۋتەرىنىڭ تەتىگىن باستى، كەمە توسپاسى باياۋ اشىلدى، الىپ كەمە ءساتتى ءوتىپ، شالقار تىنىق مۇحيتقا قاراي جول الدى.
ءتوراعا شي جينپيڭ «روزاگۇل كەمەسىنىڭ» باستىعىمەن تەلەفوندا سويلەستى ءارى كەمە قىزمەتكەرلەرىنە سالەم جولدادى: «سىزدەردەن پاناما كانالىنان ۇتىمدى پايدالانىپ، زات تاسىمالىن ۇزدىكسىز جاقسارتىپ، مەملەكەتتىڭ تەڭىز تاسىمالى ىستەرى مەن الەمدىك ساۋدانىڭ گۇلدەنۋىن جەبەۋگە اناعۇرلىم زور ۇلەس قوسۋدى ءۇمىت ەتەمىن».
ادامزاتتىڭ وركەنيەت تاريحى بىتىراڭقىلىقتان، وقشاۋلىقتان ءوزارا بايلانىسىپ، توعىسۋعا بەت العان تاريح بولىپ تابىلادى.
ساپار كەزىندە، ءتوراعا شي جينپيڭ ادامزاتتىڭ ءوزارا ۇلاستىرۋ - تۇتاستىرۋ حيكايالارىن اۋىق - اۋىق اۋىزعا الىپ وتىردى.
«2000 نەشە جىلدىڭ الدىندا - اق، بايىرعى قۇرلىق جىبەك جولى ەجەلگى استانا چاڭ - ان مەن يسپانيانىڭ تالاگاناسىن بايلانىستىردى. جۇڭگونىڭ جىبەگى مەن شايى كەرۋەننىڭ قوڭىراۋ ۇنىمەن ازيا - ەۆروپا قۇرلىعىن كەسىپ ءوتىپ، يسپانياعا جەتتى».
«نەشە ءجۇز جىلدىڭ الدىندا، جۇڭگونىڭ چيڭحۋا فارفورى تەڭىز اسىپ پورتۋگالياعا كەلىپ، جەرگىلىكتى فارفور ىدىس جاساۋ تەحنيكاسىمەن توعىسىپ، وزگەشە تارتىمدىلىققا يە <پورتۋگاليا كوك ءتۇسىن> قالىپتاستىردى. پورتۋگاليانىڭ شىعىس سولتۇستىك بولەگىندەگى فولەيسو قالاسى تەگى جۇڭگودان شىققان جىبەك قۇرتى توقىما تەحنولوگياسىن پايدالانىپ، <جىبەك مەكەنى> دەگەن ماراپاتقا يە بولعان».
ەكونوميكا توعىسۋدىڭ، ۇلاسۋ - تۇتاسۋدىڭ جاڭا داۋىرىنە قادام تاستاعاندا، جۇڭگو وبرازى جۇرت نازارىن ايرىقشا اۋداردى.
«ءبىر بەلدەۋ، ءبىر جول» ءتوراعا شي جينپيڭنىڭ وسى ساپارىنىڭ ءبىر ارقاۋى بولدى. 2 باعىتتا قۇرلىق پەن تەڭىزدى جالعاستىرىپ، دامۋ مەن سەلبەستىكتى ءوزارا بايلانىستىردى.
− باتىسقا قاراي ءجۇرىپ، ازيا - ەۆروپا قۇرلىعىنىڭ ۇلاسۋىن - تۇتاسۋىن ىلگەرىلەتتى.
ەۆروپا قۇرلىعىنىڭ باتىس جاعىنداعى يسپانيا، پورتۋگاليا ەجەلگى تەڭىزشىلەر ەلى، جىبەك جولى ەكونوميكالىق بەلدەۋى مەن 21 - عاسىر تەڭىز جىبەك جولىنىڭ توعىسقان جەرى، «ءبىر بەلدەۋ، ءبىر جولدى» بىرگە قۇرۋدىڭ تابيعي سەلبەستىك سەرىكتەرى.
باس ءۋازىر سانچەس «ءبىر بەلدەۋ، ءبىر جولدى» قولدايتىندىعىن قايتالاي ءبىلدىردى: بۇل تاريحي مانگە يە ماڭىزدى باستاما، يسپانيا وعان بەلسەنە ات سالىسۋدى قالايدى.
زۇڭتۇڭ دي سوزا مىنالاردى ءبىلدىردى: «پورتۋگاليا <ءبىر بەلدەۋ، ءبىر جول> باستاماسىن قولدايدى، قۇرلىقتاعى جىبەك جولى مەن تەڭىز جىبەك جولىنىڭ ەۆروپاداعى تورابى بولۋدى قالايدى».
ءتوراعا شي جينپيڭ 2 دەڭگەيدەگى دامۋ ستراتەگياسىن ءتۇيىستىرۋدى ايرىقشا اۋىزعا الدى: مەملەكەتتىك دەڭگەيدە − «ءبىر بەلدەۋ، ءبىر جولدى»، يسپانيانىڭ ازيا ستراتەگياسى، جەر ورتا تەڭىزى ءدالىزى قۇرىلىسى سياقتىلارمەن ءتۇيىستىرۋ؛ وڭىرلىك دەڭگەيدە، «ءبىر بەلدەۋ، ءبىر جولدى» ەۆروپا نەگىزدىك قۇرىلعى قۇرىلىسى جوسپارى، ەۆروپا وداعىنىڭ ەۆروپا مەن ازيانى ۇلاستىرۋ - تۇتاستىرۋ ستراتەگياسى سياقتىلارمەن ءتۇيىستىرۋ كەرەك.
− − شىعىسقا قاراي بەتتەپ، تىنىق مۇحيتتىڭ ەكى جاعالاۋىن تىعىز بايلانىستىردى.
ارگەنتينا «ءبىر بەلدەۋ، ءبىر جولدى» بىرگە قۇرۋداعى ۇزاق ۋاقىتتىق ماڭىزدى سەرىك. 2017 - جىلى ماكري زۇڭتۇڭ جۇڭگوعا كەلىپ «ءبىر بەلدەۋ، ءبىر جول» حالىقارالىق سەلبەستىك جوعارى دارەجەلىلەر تالقى مىنبەرىنە قاتىناستى، سونداي - اق تالقى مىنبەرىنىڭ تابىستى بولۋىنا بەلسەندى ۇلەس قوستى. بۇل رەت ءتوراعا شي جينپيڭمەن كەزدەسكەندە، ول ارگەنتينانىڭ جۇڭگومەن جان - جاقتى ستراتەگيالىق سەرىكتەستىك قارىم - قاتىناستى تەرەڭدەتۋگە، «ءبىر بەلدەۋ، ءبىر جول» اياسىنداعى سەلبەستىكتەردى كۇشەيتۋگە تاباندىلىقپەن كۇش سالاتىندىعىن قايتالاي ءبىلدىردى.
ۇلاستىرۋ - تۇتاستىرۋ ارقىلى مەملەكەت قۇرعان پاناما − «ءبىر بەلدەۋ، ءبىر جولدى» لاتىن امەريكاسىمەن ءتۇيىستىرۋدىڭ تابيعي ماڭىزدى ءتۇيىنى بولىپ تابىلادى. بىلتىر پاناما جۇڭگومەن «ءبىر بەلدەۋ، ءبىر جول» سەلبەستىگىنىڭ تۇسىنىستىك ەسكەرتپە حاتىنا قول قويىسقان تۇڭعىش لاتىن امەريكا جانە كارايب ەلى بولدى.
ءتوراعا شي جينپيڭ پاناما جاقتىڭ «2030 - جىلعا دەيىنگى مەملەكەتتىك زات اينالىمى ستراتەگياسىن» جۇڭگونىڭ «ءبىر بەلدەۋ، ءبىر جولدى» بىرگە قۇرۋ باستاماسىمەن وسكەلەڭ ۇشتاستىراتىندىعىن ايتتى، ۆارەلا زۇڭتۇڭ بۇعان: پاناما ءوڭىردىڭ وزەگىنە ورنالاسقان، ءبىز جۇڭگو مەن لاتىن امەريكاسىن بايلانىستىراتىن قاقپاعا جانە كوپىرگە اينالۋدى ءۇمىت ەتەمىز، - دەپ جاۋاپ قاتتى.
2 رەتكى كەزدەسۋدەن بايلانىسا دامۋدىڭ ىنتاسىن سەزىنۋگە بولادى.
ونىڭ ءبىرى مادريدتا بولدى. يسپانيانىڭ ەڭ ۇلكەن بانكەسى ساڭتاندى توبى، ەڭ ۇلكەن ءتۇرلى بۇيىمدار سارايى يىڭگىليەسى ءتۇرلى بۇيىمدار سەرىكتەستىگى، 100 جىلعا جۋىق تاريحى بار يبيليا اۆياتسيا سەرىكتەستىگى... يسپانيانىڭ كوپتەگەن ايگىلى كاسىپورىندارىنىڭ باس تورەشىلەرى مەن جەتەكشى اتقارۋشىلارى كەلىپ، ءتوراعا شي جينپيڭمەن ديدارلاستى. باس ءۋازىر سانچەس بىلاي دەدى: وزگەرىسكە تولى وسى داۋىردە، يسپانيا ازياعا ونان ارى نازار اۋدارادى، اسىرەسە، كۇن سايىن دۇنيە جۇزىنە بەت العان جۇڭگوعا ءمان بەرەدى.
ەندى ءبىر كەزدەسۋ پاناما قالاسىندا بولدى. جۇڭگو - پاناما ەكونوميكا - ساۋدا سەلبەستىك تالقى مىنبەرىنە قاتىناسقان 2 جاق كاسىپكەرلەرىنىڭ ۋاكىلدەرى الدىندا، ءتوراعا شي جينپيڭ مىناداي ءۇمىتىن ورتاعا قويدى: 2 ەل كاسىپكەرلەرى قوعامدىق جاۋاپكەرلىكتەرىن ارقالاۋى، قاي جەرگە بارىپ ساۋدا جاساسا، دوستىق تۇقىمىن سول جەرگە سەبۋى، قاي جەرگە بارىپ نىسان سالسا، سول جەردە دوستىق ەسكەرتكىشىن تۇرعىزۋى ءتيىس.
12 - ايدىڭ 4 - كۇنى ارۋدا سارايى. قارسى الۋ قوناعاسى باستالاردان بۇرىن، ءتوراعا شي جينپيڭ دي سوزا زۇڭتۇڭمەن بىرگە تەڭىزدەگى جىبەك جولى گۋگۇڭ تاڭداۋلى مادەنيەت ەسكەرتكىشتەرى كورمەسىن ەكسكۋرسيالادى.
چيڭحۋا فارفورلارى، فالاڭ تۇتقالى شاۋگىم، كۇمىستەن جاسالىپ، التىنمەن اپتالعان اسپان باقىلاۋىش، انگليانىڭ اعاش عيمارات ساعاتى... مادەنيەت ەسكەرتكىشتەرى ميڭ، چيڭ داۋىرىندەگى جۇڭگونىڭ سىرتقى دۇنيەمەن بارىس - كەلىس حيكايالارىنان سىر شەرتتى.
مىڭ جىلدى باستان وتكەرگەن جىبەك جولى تەك ساۋدا ارناسى عانا ەمەس، ونان دا ماڭىزدىسى، وركەنيەت دانەكەرى سانالادى. وتكەن تاريحتان بولاشاققا بەت العان ادامزاتتىڭ وسىناۋ توعىسۋ جانە دامۋ ارناسى جاڭا ءداۋىردىڭ شۇعىلاسىن شاشۋدا.
ىنتىماق . العا باسۋ
ساپار كەزىندەگى 3 قيمىل تەرەڭ دە باي ماڭىز الدى.
ءبىرىنشىسى، يسپانيادا، وتان ءۇشىن جان قيعانداردىڭ ەسكەرتكىشىنە گۇل شوعىن قويۋ.
ەكىنشىسى، ارگەنتينادا، «ۇلى ازاتتىق اپەرۋشى» سان - مارتيننىڭ مۇسىنىنە گۇل شەڭبەر قويۋ.
ءۇشىنشىسى، پورتۋگاليادا، «جىر سۇلەيى» كاموەستىڭ قابىرىنا گۇل شەڭبەر قويۋ.
تاۋەلسىزدىك پەن بەيبىتشىلىك ءۇشىن، دامۋ مەن وركەنيەت ءۇشىن، ادامزات ەجەلدەن تاعدىرى قاۋىشقان، جۇرەك ءۇنى ءبىر ورتاق تۇلعا بولىپ كەلەدى.
تامىرلار جالعاسىپ، جۇرەكتەر توعىستى. پاناماعا ساپار كەزىندە، ءتوراعا شي جينپيڭ وتكەن عاسىردىڭ 60 - جىلدارىندا جۇڭگو حالقىنىڭ پاناما حالقىنىڭ پاناماعا يەلىك ۇقىعىن قايتارىپ الۋىنا رۋحاني قولداۋ كورسەتكەن تاريحىن نەشە مارتە اۋىزعا الدى. ول كەز ءتوراعا شي جينپيڭنىڭ ءوسپىرىم كەزى ەدى، بۇكىل ەلدە 16 ميلليوننان استام ادام شەرۋگە، جينالىسقا شىعىپ، وعان تەرەڭ اسەر قالدىرعان.
ارگەنتينادا 20 ەل توبىنىڭ باسشىلار باس قوسۋىنا قاتىناسقان كەزدە، ءتوراعا شي جينپيڭ ب م ۇ - نىڭ باس حاتشىسى گۋتەريسپەن كەزدەسكەندە سويلەگەن ءسوزى تەرەڭ ءمان اڭعارتتى:
«مەنىڭ ادامزاتتىڭ تاعدىرلاس ورتاق تۇلعاسىن قۇرۋدى، <ءبىر بەلدەۋ، ءبىر جولدى> بىرگە قۇرۋ باستاماسىن ورتاعا قويۋىم دۇنيە جۇزىندەگى ءار ەلدىڭ ءار ءتۇرلى مۇددەلەر مەن تالاپ - تىلەكتەر ىشىندە بىرگە اقىلداسۋدى، بىرگە يگىلىكتەنۋدى، جاراسىمدى ءارى پارىقتى بولۋدى، سەلبەسىپ، تەڭ يگىلىكتەنۋدى جۇزەگە اسىرۋى تۋرالى قايتا - قايتا تولعانۋدان تۋدى».
− جاراسىمدى ءارى پارىقتى بولىپ، ءبىر - بىرىنەن ونەگە الدى.
پاتشا فيليپ Ⅵءتوراعا شي جينپيڭمەن ەل باسقارۋ تاجىريبەسى جونىندە كەڭەستى، اۋىل - قىستاق قۇرىلىسىنان، قالا - قالاشىقتاندىرۋ ۇردىسىنەن قارتتار قاتارىنىڭ مولايۋىنا، ايەلدەردىڭ ورنىنا دەيىن، ەكى ەلدىڭ مەملەكەت باسشىلارى ىشكەرىلەي پىكىرلەستى.
«ايەلدەردىڭ جۇڭگودا ورنى جوعارى، بۇل مەملەكەتتىڭ ەرەكشە ساياساتىنىڭ، الدە جۇڭگونىڭ ءداستۇرلى مادەنيەتىنىڭ ىقپالىنان با؟» دەپ سۇرادى پاتشا فيليپ Ⅵ.
«ەكەۋى دە بار». ءتوراعا شي جينپيڭ حۋا مۋلاننىڭ، مۋ گۇييىڭنىڭ حيكاياسىن شەرتىپ، حالىق اقشاسىنىڭ بەتىندەگى ايەل تراكتورشى تۋرالى اڭگىمە تيەگىن اعىتتى...
مادريد قالا ماڭىنداعى يسپانيانىڭ باس ءۋازىر سارايىندا، قىزىل ءتۇستى شىرماۋىق ساباقتارى 2 قاباتتى عيماراتتى جاۋىپ كەتىپتى. باس ءۋازىر سانچەس پاتشالىق مادريد پەن اتلەتيكو مادريد فۋتبول قۇراماسىنىڭ كيىمدەرىن ءتوراعا شي جينپيڭگە ەستەلىككە ۇسىندى. ءتوراعا شي جينپيڭ العىس ءبىلدىرىپ: جۇڭگودا يسپانيا فۋتبول قۇرامالارىنىڭ كوپتەگەن جانكۇيەرلەرى بار، جۇڭگونىڭ فۋتبول ىستەرى ءالى دا ۇزاق جولدى باسۋى كەرەك، ەكى جاقتىڭ اۋىس - ءتۇيىستى، سەلبەستىكتى كۇشەيتۋىن ءۇمىت ەتەمىن، - دەدى.
«حالىقتى وزەك ەتۋ» سىندى جۇڭگو باسشىسىنىڭ بيلىك جۇرگىزۋ ۇستانىمىن ۆارەلا زۇڭتۇڭ ايرىقشا قۇپتادى.
بۇل رەت اۋىس - ءتۇيىس ونان ارى تەرەڭدەدى. ءتوراعا شي جينپيڭ بىلاي دەدى: زۇڭتۇڭ مىرزا ەكەۋىمىز دە ءبىر ماڭىزدى ورتاق تانىم بار، ياعني حالىقتى وزەك ەتكەن دامۋ يدەياسىنا تاباندى بولىپ، حالىقتىڭ باقىتىن كوزدەۋدى قىزمەت ناتيجەسىن تەكسەرۋدىڭ ولشەمى ەتۋ.
− اركىم ءوز ارتىقشىلىعىن ايگىلەۋ، ارتىقشىلىقتى بىرگە ءبولىسۋ.
پانامانىڭ گۇيشيا كوفەسىنەن پورتۋگاليانىڭ قايماق تورتىنا، سەرۆانتەستىڭ وشپەس ەڭبەگى «دونكيحوتتان» ادەبيەت الىبى بورحەستىڭ سۇيىكتى جۇڭگو سىرلى اسا تاياعىنا، ارگەنتينا ماقتانىش ەتەتىن «ەكى جۇپ اياعىنا» دەيىن... ءتوراعا شي جينپيڭ ساپارلاپ بارعان ەلدەرىندە سول ەلدىڭ شۇعىلالى تاريحى مەن مادەنيەتىن كوسىلە اڭگىمەلەپ وتىردى.
«اتلانت مۇحيت ءداۋىرىنىڭ»، «تىنىق مۇحيت ءداۋىرىنىڭ»، «لاتىن امەريكاسى ءداۋىرىنىڭ» بارلىعى ادامزات وركەنيەت تاريحىنىڭ شۇعىلالى پاراقتارى سانالادى.
يسپانيا كەڭەس پالاتاسىنىڭ كىتاپحاناسىندا 360 مىڭنان استام كىتاپ ساقتالعان، ونىڭ ىشىندە جۇڭگو مەن يسپانيانىڭ مادەنيەتىنىڭ اۋىس - تۇيىسىنە قاتىستى كوپتەگەن كىتاپ بار. يسپانيا كەڭەس پالاتاسىنىڭ، قاۋىم پالاتاسىنىڭ نەگىزگى مۇشەلەرىنە ءسوز سويلەگەن سوڭ، ءتوراعا شي جينپيڭ ارنايى وسى جەرگە كەلىپ ەكسكۋرسيالادى. شىعىس جەلى مەن باتىس اۋەنى ءوزارا ارالاسىپ شۇعىلا شاشتى، «جۇڭگو مەن يسپانيا شىعىس، باتىس وركەنيەتتەرىنىڭ تاڭداۋلى ۋاكىلدەرى» دەگەن ءبىر اۋىز ءسوز پالاتا مۇشەلەرىنىڭ جۇرەگىنە جول تارتتى.
مەملەكەتتەر بايلانىس ورناتىپ، حالىقتار ەتەنە بولدى. ساپار كەزىندە، ءتوراعا شي جينپيڭنىڭ حانىمى پىڭ لييۋان ءتۇرلى گۋمانيتارلىق اۋىس - ءتۇيىس قيمىلدارىن ورىستەتتى. يسپانيادا پاتشالىق تەاترىنا بارىپ، «تۋلاندو» وپەراسىنىڭ ارتيستەرىمەن ىقىلاستى تۇردە اڭگىمەلەستى. پانامادا ايدس اۋرۋىنان ساقتانۋ جانە ونى ەمدەۋ الەۋمەتتىك ۇگىت قيمىلىنا قاتىناسىپ، الەمدىك ايدستەن ساقتانۋ ىستەرىنە پارمەندى قولداۋ كورسەتەتىندىگىن ءبىلدىردى.
− ءبىر جاعادان باس، ءبىر جەڭنەن قول شىعارىپ، قول ۇستاسا العا باستى.
2 ۋاقىت كەزەڭى كوكەيدەگى ەستەلىكتەردىڭ قاقپاسىن اشتى.
40 جىلدىڭ الدىندا جۇڭگونىڭ رەفورما جاساپ، ەسىك اشۋى ەندى باستالعان العاشقى كەزدە، يسپانيا ۇكىمەتى جۇڭگوعا دوستىق قولىن ۇسىندى. ءتوراعا شي جينپيڭ يسپانيا كورسەتكەن كومەكتىڭ جۇڭگونىڭ ونەركاسىپ تەحنيكاسىن دامىتۋىندا، قۇرىلعى شارت - جاعدايىن جاقسارتۋىندا بەلسەندى رول اتقارعانىن القادى.
10 جىلدىڭ الدىندا حالىقارالىق فينانس داعدارىسى تۋىلىپ، ىلە - شالا ەۆروپانىڭ يەلىك ۇقىقتىق كەپىل قارجى داعدارىسى جارىققا شىقتى، جۇڭگو يسپانيا، پورتۋگاليا، ارگەنتينا سياقتى مەملەكەتتەرمەن شىن نيەتپەن سەلبەسىپ، قيىندىقتى بىرگە جەڭدى.
بيىل جىل باسىنان بەرى ارگەنتينانىڭ ەكونوميكا، فينانس جاعدايىندا تولقۋ تۋىلدى. ساپار كەزىندە، ءتوراعا شي جينپيڭ ايقىن تۇردە مىنالاردى ءبىلدىردى: «جۇڭگو ارگەنتينانىڭ ءوز ەلىنىڭ فينانس ورنىقتىلىعىن قورعاۋ قۇلشىنىسىنا ناقتى ارەكەتىمەن قولداۋ كورسەتەدى، ارگەنتينانىڭ دامۋ بولاشاعىنا تولىق سەنىم ارتىپ، جۇڭگو - ارگەنتينا سەلبەستىگىنە تولىق ءۇمىت ارتادى».
دۇنيە ءجۇزى قالاي بەتتەۋدىڭ جول ايىرىعىندا تۇر. سەلبەسۋ كەرەك پە، الدە قارسىلاسۋ كەرەك پە؟ ەسىك اشۋ كەرەك پە، الدە توماعا تۇيىق بولۋ كەرەك پە؟ ءوزارا تيىمدىلىك جاساپ، تەڭ يگىلىككە كەنەلۋ كەرەك پە، الدە الىسىپ - ارباسىپ قۇر الاقان قالۋ كەرەك پە؟
ءداۋىر تاقىرىبىن بىرگە شەشىپ، دامۋدىڭ ۇلى جوباسىن بىرگە جوسپارلادى. ساپار كەزىندە ءتوراعا شي جينپيڭ ساپارلاپ بارعان ەلدەردىڭ باسشىلارىمەن بىرگە كوپ جاقتىلىقتى قولداۋ، حالىقارالىق سەلبەستىكتى كۇشەيتۋ، ءوزارا تيىمدىلىك جاساپ، تەڭ يگىلىكتەنۋدى جەبەۋ جونىندە جارقىن ءۇن قاتتى.
جۇڭگو مەن يسپانيانىڭ جاڭا داۋىردەگى جان - جاقتى ستراتەگيالىق سەرىكتەستىك قارىم - قاتىناستى كۇشەيتۋ تۋرالى بىرلەسكەن مالىمدەمەسىندەگى مىنا سوزدەر ەستەن كەتپەيدى:
«ءوزارا قۇرمەت ەتەتىن، ءادىل، تۋراشىل، سەلبەستىك جاساپ، تەڭ يگىلىككە كەنەلەتىن حالىقارالىق قارىم - قاتىناس ورناتۋدى ىلگەرىلەتىپ، باياندى بەيبىت، جاپپاي حاۋىپسىز، بىرگە گۇلدەنەتىن، اشىق، سيىسىمدى، تازا، كورىكتى الەم قۇرۋ».
جاڭا ءداۋىر، جاڭا بولاشاق. جۇڭگونىڭ ۇستانىمى دۇنيە ءجۇزىن تولقىتىپ، تولعاندىردى.
(شينحۋا اگەنتتىگىنىڭ 12 - ايدىڭ 7 - كۇنى بەيجيڭنەن بەرگەن حابارى)
