تيانشان تورى
تيانشان تورى   ›   جاڭالىقتار   ›   كورىكتى مەكەنىمىزدى ويداعىداي قۇرايىق

باس نىسانانىڭ تاباندى، باتىل قورعاۋشىسى بولامىن

  اۆتونوميالى رايوندىق سۋ يگىلىگى مەڭگەرمەسى پارتيا باسشىلىق گرۋپپاسىنىڭ شۋجيى

ءيىلحام وسىمان

  شينجياڭ − ەجەلدەن بەرى ۇلى وتانىمىزدىڭ ايرىلماس ءبىر بولىگى، تاريحتان بەرى كوپ ۇلت، كوپ ءتۇرلى ءدىن، كوپ ءتۇرلى مادەنيەت توعىسقان، بىتە قايناسقان جەر. شينجياڭداعى ۇلتتار جۇڭحۋا ۇلتىمەن تامىرلاس ءبىر وتباسىنىڭ مۇشەلەرى. ۇيعۇر ۇلتى ۇزاق ۋاقىت قونىس اۋدارىپ، ۇلتتاردىڭ توعىسۋى ارقىلى قالىپتاسقان، تۇرىكتەردىڭ ۇرپاعى ەمەس. كوپ ءتۇرلى ءدىن قاتار ءومىر ءسۇرۋ − شينجياڭداعى دىندەر جاعدايىنىڭ تاريحي ەرەكشەلىگى، ءىسلام ءدىنى ۇيعۇر ۇلتى تۋ باستان سەنىپ كەلگەن ءدىن دە، بىردەن - ءبىر سەنگەن ءدىن دە ەمەس. شينجياڭدا تۇرمىس كەشىرىپ جاتقان جۇڭحۋا ۇلتى پەرزەنتتەرى شينجياڭدى بىرگە اشىپ، بىرگە گۇلدەندىرىپ، شۇعىلالى جۇڭحۋا مادەنيەتىن بىرگە جاراتتى.

  «ءۇش ءتۇرلى كۇش»، «ەكىبەتكەيلەر» شينجياڭدى وتانىمىزدىڭ قۇشاعىنان ءبولىپ اكەتۋ سۇرقيا ماقساتىنا جەتۋ ءۇشىن، «ۇلتتى» جەلەۋ ەتىپ، «ءدىن» تونىن جامىلىپ، ءدىني ۇشقارى يدەيانى جانە ءپانىسلاميزم، پانتۇركيزم يدەياسىن تاراتىپ، زورلىقتى كۇش لاڭكەستىك دەلولارىن تۋدىرىپ، بەيكۇنا بۇقارانى ءولتىردى، باسىنان اسقان قىلمىس وتكىزدى. قاندى فاكت بىزگە «ءۇش ءتۇرلى كۇشتىڭ» ىستەگەنى ادامزاتقا قارسى، قوعامعا قارسى، وركەنيەتكە قارسى سۇرقيا زورلىقتى ارەكەت ەكەندىگىن، ولار ءار ۇلت حالقىنىڭ ورتاق جاۋى ەكەندىگىن ۇعىندىردى. مەن وتاندى بولشەكتەۋدى، مەملەكەتتىڭ حاۋىپسىزدىگىنە قاتەر ءتوندىرۋدى، ۇلتتار ىنتىماعىن ءبۇلدىرۋدى، ءار ۇلت حالقىنىڭ مۇددەسىنە زيان جەتكىزۋدى ماقسات ەتكەن ءارقانداي سۇرقيا ارەكەتتىڭ، ءسوزسىز، زاڭنىڭ قاتاڭ جازاسىنا تارتىلاتىندىعىنا كامىل سەنەمىن.

  شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ ىقىلاستى قامقورلىعىندا، اسىرەسە، اۆتونوميالى رايوندىق 9 - رەتكى پارتيا قۇرىلتايىنان بەرى، اۆتونوميالى رايوندىق پارتكوم ءار ۇلت كادرلارى مەن بۇقاراسىن ىنتىماقتاستىرا باستاپ، شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ شينجياڭدى جونگە سالۋ جالپى جوباسىنىڭ، اسىرەسە، قوعام ورنىقتىلىعى مەن باياندى تىنىشتىق باس نىساناسىنىڭ تامىر تارتۋىن ىلگەرىلەتىپ، بولشەكتەۋشىلىككە قارسى تۇرۋ كۇرەسى مەن لاڭكەستىككە قارسى تۇرىپ، ورنىقتىلىقتى قورعاۋ كۇرەسىن ۇزدىكسىز ورىستەتتى، بۇگىنگى كۇندە شينجياڭدا جالپى جاعداي ورنىقتى، اۋقىم مەڭگەرىلگەن، بەتالىس جاقسارعان جاعداي جارىققا شىعىپ، ءۇرتىس 23 اي بويى زورلىقتى كۇش لاڭكەستىك دەلوسى تۋىلمادى، زاڭسىز استىرتىن شاريعات سويلەۋ ارەكەتى بولمادى، قىلمىستىق دەلو، اماندىق دەلولارى، حاۋىپسىزدىككە قاتەر توندىرەتىن دەلولار، الەۋمەتتىك حاۋىپسىزدىك وقيعالارى زور مولشەردە ازايىپ، ءار ۇلت كادرلارى مەن بۇقاراسىنىڭ حاۋىپسىزدىك سەزىمى كورنەكتى ارتىپ، قوعام ورنىقتىلىعى مەن باياندى تىنىشتىققا دەگەن سەنىمى كورنەكتى كۇشەيدى، شينجياڭنىڭ ەكونوميكاسى ورنىقتى، اقاۋسىز دامىپ، ءار ۇلت بۇقاراسىنىڭ تۇرمىسى ۇزدىكسىز جاقسارىپ، سان سالالى ىستەر جاپپاي العا باستى. تاريح قوعام ورنىقتىلىعى مەن باياندى تىنىشتىق باس نىساناسى − شينجياڭ قىزمەتىنە جەتەكشىلىك ەتەتىن تۋ جانە باعدار ەكەندىگىن، تەك جۇڭگو كوممۋنيستىك پارتياسىنىڭ باسشىلىعى بولعاندا عانا، شينجياڭنىڭ كوركەيۋى، دامۋى ىسكە اساتىندىعىن تالاسسىز دالەلدەدى. مەن ءار ۇلت بۇقاراسىن «ءۇش ءتۇرلى كۇشتىڭ»، «ەكىبەتكەيلەردىڭ» سۇرقيا كەيىپ - كەسپىرىن ىشكەرىلەي جەتە تانۋعا، جاۋدىڭ قاسكۇنەمدىك نيەتى مەن جەكسۇرىن بەت - بەينەسىن اشكەرەلەپ، «ءۇش ءتۇرلى كۇشتىڭ»، «ەكىبەتكەيلەردىڭ» ايقۇلاقتانعان اپتىعىن باسىپ، تۇبەگەيلى جويىپ، تازارتقانعا دەيىن باتىلدىقپەن سوققى بەرۋگە بەلسەنە باستايمىن.

  شي جينپيڭنىڭ جاڭا ءداۋىر جۇڭگوشا سوتسياليزم يدەياسىن جانە پارتيا 19 - قۇرىلتايىنىڭ رۋحىن ۇزدىكسىز، ىشكەرىلەي ۇيرەنىپ، دايەكتىلەندىرىپ، «ءتورت تانىمدى» بەرىك ورناتىپ، «ءتورت سەنىمدى» بەكەمدەپ، باس شۋجي شي جينپيڭنىڭ پارتيا ورتالىق كوميتەتىنىڭ ۇيتقىسى، بۇكىل پارتيانىڭ ۇيتقىسى ورنىن باتىل قورعاپ، شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ بەدەلى مەن ورتالىقتانعان ءبىر تۇتاس باسشىلىعىن باتىل قورعاپ، يدەيادا، ساياسيدا، ارەكەتتە شي جينپيڭ جولداستى ۇيتقى ەتكەن پارتيا ورتالىق كوميتەتىمەن وسكەلەڭ ءبىر اۋىزدىلىقتى باستان - اياق ساقتايمىن، باس نىسانانى تاباندىلىقپەن، باتىلدىقپەن دايەكتىلەندىرىپ، تياناقتاندىرىپ، اۆتونوميالى رايوندىق پارتكومنىڭ قىزمەت ورنالاستىرۋى بويىنشا، بەرىك ساياسي تۇرعىدان، كۇشتى وتانشىلدىق سۇيىسپەنشىلىكتەن، ناقتى ءىس تىندىراتىن قىزمەت ستيلىنەن، دۇرىس پەن بۇرىستى ايىراتىن ايقىن ولشەمىنەن جانە حالىق ءۇشىن قىزمەت ەتەتىن قاراپايىم پەيىلدەن جازبايمىن، بولشەكتەۋشىلىككە قارسى تۇرۋ كۇرەسى سىندى ماڭىزدى پرينسيپتىك ماسەلەدە باستان - اياق تۋىم ايقىن، تۇرعىم بەرىك، تانىمىم بىركەلكى، ءىشىم مەن سىرتىم بىردەي، پوزيتسيام قاتاڭ، اياق الىسىم ءبىرىڭعاي بولىپ، ءوز باسىمنان ونەگە كورسەتەمىن، جوعارى تومەندى جەتەكتەۋگە تاباندى بولىپ، جۇرەكتىلىكپەن جاۋاپكەرشىلىك ارقالاپ، ادىلەت جولىندا ەشتەڭەدەن تايىنباي، «ءۇش ءتۇرلى كۇشكە»، «ەكىبەتكەيلەرگە» قارسى سوڭىنا دەيىن تاباندىلىقپەن، باتىلدىقپەن قاندى شايقاس جۇرگىزەمىن، ءوز ءىس - ارەكەتىم ارقىلى ءار ۇلت كادرلارى مەن بۇقاراسىن وتاننىڭ تۇتاستىعىن جانە ۇلتتار ىنتىماعىن قورعاۋدىڭ قۇرىش قورعانىن سوعۋعا باستايمىن.

  باس نىسانانىڭ تاباندى قورعاۋشىسى بولامىن. قوعام ورنىقتىلىعى مەن باياندى تىنىشتىق باس نىساناسىن بۇلجىماستان جالپى باعدارلاما، وزەكتى مىندەت، كوزدەۋ ءتۇيىنى جانە كۇش سالۋ ءتۇيىنى ەتىپ، شينجياڭنىڭ قوعام ورنىقتىلىعى مەن باياندى تىنىشتىعىن قورعاۋدى باستان - اياق بارلىعىن باسىپ تۇسەتىن ساياسي مىندەت، تايشان تاۋىنان دا سالماقتى ساياسي جاۋاپكەرشىلىك دەپ ءبىلىپ، وسكەلەڭ قىراعى بولىپ، ساقتىق دابىلىن ۇزاق ۋاقىت قاعىپ، اۆتونوميالى رايوندىق پارتكومنىڭ لاڭكەستىككە قارسى تۇرىپ، ورنىقتىلىقتى قورعاۋ «كەشەندى شارالارىن» تاباندىلىقپەن، باتىلدىقپەن ويداعىداي تياناقتاندىرامىن، باس نىسانانى مىقتاپ ارقاۋ ەتە وتىرىپ ءتۇرلى قىزمەتتەرگە جوسپار جاساپ، ونى ورىستەتەمىن، ىلگەرىلەتەمىن، «اترەت مۇشەلەرى ۋاكىل بولۋ، مەكەمە تىرەك بولۋ، ءبىرىنشى باسشى نەگىزگى جاۋاپكەرشىلىكتى ارقالاۋ» تالابىن باتىل تياناقتاندىرىپ، «سوعىس جۇرگىزۋگە ەڭ شەبەر ادامداردى» «ۇعىسۋ، تيىمدىلىك جاساۋ، توعىستىرۋ» بويىنشا قىستاقتا تۇرۋ، اۋىر كەدەي قىستاقتاردى كەدەيلىكتەن ارىلتۋدان قامال الۋ سياقتى قىزمەتتەرگە جالعاستى تاڭداپ جىبەرىپ، كەسىكتى ۋاقىتتا جاعداي ۇعىسۋعا، ۇنەمى نۇسقاۋشىلىق ەتۋگە، بار كۇشپەن قامتاماسىز ەتۋگە تاباندى بولىپ، قىستاقتا تۇرۋ قىزمەت ورەسىنىڭ جاپپاي جوعارىلاپ، ءورىسىنىڭ كەڭەيۋىن ۇزدىكسىز ىلگەرىلەتىپ، قوعام ورنىقتىلىعى مەن باياندى تىنىشتىقتى جەبەۋگە تىڭ ۇلەس قوسامىن.

  بولشەكتەۋشىلىككە قارسى تۇرۋ كۇرەسىندە تۋ ۇستاپ، ايقىن پوزيتسيا بىلدىرەمىن. باستان - اياق پارتياعا ادال بولامىن، وتانعا ادال بولامىن، حالىققا ادال بولامىن، بولشەكتەۋشىلىككە قارسى تۇرۋ كۇرەسى مەن لاڭكەستىككە قارسى تۇرىپ، ورنىقتىلىقتى قورعاۋ كۇرەسىنە ۋاقىت كۇتىپ تۇرمايدى دەگەن رۋحپەن، ۋاقىتتى ۇتپاي بولمايدى دەگەن ستيلمەن، ادىلەت جولىندا ەشتەڭەدەن تايىنبايتىن دەڭگەيىمەن ات سالىسىپ، شينجياڭنىڭ ورنىقتىلىعىن بۇلدىرەتىن بارلىق جاۋ ەلەمەنتتەرگە قارسى تاباندىلىقپەن، باتىلدىقپەن كۇرەس جاسايمىن! باتىل ءۇن قاتىپ، ايقىن پوزيتسيا ءبىلدىرۋ قيمىلىن ءۇرتىس ىشكەرىلەي ورىستەتىپ، تۋىم ايقىن تۇردە ءپانىسلاميزم، پانتۇركيزم يدەياسى مەن ءدىني ۇشقارى يدەيانى سىن تەزىنە الامىن، «ءۇش ءتۇرلى كۇشتىڭ»، «ەكىبەتكەيلەردىڭ» جەكسۇرىن بەت - بەينەسىن اشكەرەلەيمىن جانە سىن تەزىنە الامىن، «ەكىبەتكەيلەردى» تەرەڭىنەن قازىپ شىعىپ، اشكەرەلەيمىن جانە سىن تەزىنە الامىن، قاتاڭ تەكسەرەمىن، باستان - اياق تۋدى بيىك ۇستاپ، ايقىن پوزيتسيا ءبىلدىرىپ، اتويشى بولىپ، لاڭكەستىككە قارسى تۇرىپ، ورنىقتىلىقتى قورعاۋدىڭ باستاماشىسى، بۇقاراعا جەتەكشىلىك ەتۋدىڭ ۇلگىسى بولىپ، ءوزىمنىڭ ءىس جۇزىندىك ارەكەتىم ارقىلى وتاننىڭ تۇتاستىعىن قورعاۋعا، ۇلتتار ىنتىماعىن قورعاۋعا، قوعام ورنىقتىلىعىن قورعاۋعا بەلسەنە ۇلەس قوسامىن.

    جۇڭحۋا ۇلتى ورتاق تۇلعا تانىمىنىڭ ادال قورعاۋشىسى بولامىن. جۇڭگوشا سوتسياليزم، سوتسياليستىك وزەكتى قۇن كوزقاراسى جانە جۇڭگو ارمانى ۇگىت - تاربيەسىن ۇزدىكسىز ىشكەرىلەي ورىستەتىپ، جۇڭحۋا ۇلتىنىڭ تاڭداۋلى ءداستۇرلى مادەنيەتىن بار كۇشىممەن ساۋلەلەندىرەمىن، ءار ۇلت كادرلارى مەن بۇقاراسىن مەملەكەت تانىمىن، ازامات تانىمىن جانە جۇڭحۋا ۇلتى ورتاق تۇلعا تانىمىن ۇزدىكسىز بەكەمدەۋگە باستايمىن. ۇلتتاردىڭ ۇلى ىنتىماعى تۋىن باستان - اياق بيىك ۇستاپ، «ءۇشتىڭ ءبىر - بىرىنەن ايرىلا الماۋى» يدەياسىن بەرىك ورناتىپ، «بەستى شىنايى مويىنداۋدى» ۇزدىكسىز كۇشەيتەمىن، «ۇلتتار ىنتىماعىنىڭ بەرەكەلى شاڭىراعى» جانە ۇلتتار ىنتىماعى بىرلەسكەن دوستىق قيمىلىنا باستاماشىلدىقپەن قاتىناسىپ، ۋاڭ ۋي ەسكەرتكىش سارايى سياقتى وتانشىلدىق، ۇلتتار ىنتىماعى، العاباسارلىعى تاربيەسى بازالارىنىڭ رولىن تولىق ساۋلەلەندىرىپ، ءار ۇلت كادرلارى مەن بۇقاراسىن ۇلتتار ىنتىماعىن كوزقاراشىعىنداي قورعاۋعا، ومىرىندەي قاستەرلەۋگە، اناردىڭ دانىندەي تىعىز ۇيىسۋعا، ۇلتتار ىنتىماقتاسا بىرگە ىلگەرىلەيتىن، بىرگە گۇلدەنىپ - كوركەيەتىن، داميتىن تاماشا جاعدايدى بەلسەنە جاراتۋعا اناعۇرلىم تاربيەلەپ، باستاپ، كورىكتى شينجياڭ قۇرىپ، وتان ارمانىن بىرگە جۇزەگە اسىرۋعا بارلىق كۇش - قۋاتىمدى ارنايمىن.

جاۋاپتى رەداكتور : سايراش تۇرارجان قىزى

ەسكەرتۋ:

تورابىمىزداعى مازمۇنداردى پايدالانۋعا تۋرا كەلگەندە، ءسوزسىز جازباشا رۇقساتقا يە بولۋ كەرەك. مازمۇنداردى رۇقساتسىز جالعاپ تاراتۋعا، كەسىپ رەداكسيالاۋعا، وزگەرتۋگە، قىسقارتىپ قۇراستىرۋعا، باسقا ورىنعا كوشىرۋگە نەمەسە باسقا تاسىلدەرمەن كوبەيتۋگە ءارى تاراتۋعا بولمايدى، قايشى كەلگەندەردىڭ زاڭدىق جاۋاپكەرشىلىگى زاڭ بويىنشا قۋزاستىرىلادى.