تيانشان تورى
تيانشان تورى   ›   جاڭالىقتار   ›   كورىكتى مەكەنىمىزدى ويداعىداي قۇرايىق

ۇلتتاردى بىرگە ىنتىماقتاسا كۇرەس جۇرگىزۋگە ءىس جۇزىندىك ارەكەتىممەن جەبەيمىن

  جىڭ اۋدانى تاقيا قالاشىق پارتكومنىڭ ورىنباسار شۋجيى، قالاشىق باستىعى

يارمامەت مامۇت

  مەن شينجياڭدا تۋىپ - ءوستىم، ەسەيىپ - ەرجەتۋ، العا باسۋ بارىسىمدا پارتيانىڭ نۇر - شۇعىلاسىنا بولەندىم. پارتيا ۇيىمىنىڭ تالاي جىل دەن قويا باۋلۋىندا، مەن بىرتىندەپ قازىرگى قىزمەت ورنىما كوتەرىلدىم، جۇرەگىمدى پارتياعا دەگەن تەرەڭ سۇيىسپەنشىلىك سەزىم كەرنەيدى. مەن جۇڭگو كوممۋنيستىك پارتياسىنىڭ مۇشەسىمىن، مەنىڭ سەنىمىم − ماركسيزم، مەن ءارقانداي دىنگە سەنبەيمىن.

  كىشكەنە كەزىمدە تۇرمىسىمىزدىڭ قيىنشىلىقتا وتكەندىگى ءالى كۇنگە دەيىن ەسىمدە، وزىممەن قۇرداس كوپتەگەن كىشكەنتاي سەرىكتەرىم ورتالاۋ مەكتەپتى تاۋىسقاننان كەيىن قوعامعا شىعىپ، مال باعىپ، ەگىن ەگىپ، ءۇي شارۋاسىنا قولعابىس ەتىپ، كۇن كورىستەرىنە كىرىستى، سىرتقا شىعىپ وقىعاندار جوقتىڭ قاسى ەدى، اينالامداعى قارتتاردىڭ كوبى اۋەل دەسەڭىز ءومىر بويى بۇراتالا موڭعۇل اۆتونوميالى وبلىسىنان اتتاپ شىعىپ كورمەگەن. ال بۇگىنگى تۇرمىسىمىزعا زەر سالار بولساق، اسىرەسە، پارتيانىڭ 18 - قۇرىلتايىنان بەرى، شينجياڭنىڭ ءار سالا ىستەرى جاپپاي ىلگەرىلەدى، قوعامدىق قامتاماسىزداندىرۋ ۇزدىكسىز كەمەلدەندى، ەمدەۋ ورەسى ورنىقتى قاداممەن جوعارىلادى، ءار ۇلت بۇقاراسىنىڭ تۇرمىس ورەسى ۇزدىكسىز جوعارىلادى. ايتالىق، بالالار وقىعاندا مەكتەپ اۆتوكولىگىمەن اپارىپ - اكەلەدى، شينجياڭ ىشىندە ورتالاۋ كلاستارى بار، ىشكى ولكەلەردە شينجياڭ تولىق ورتا كلاستارى بار، داشۋە وقىعاندارعا وقۋ كومەك قارىز اقشاسى بەرىلەدى، بالالار توپ - توبىمەن بۇراتالا وبلىسىنان سىرت جەرگە، شينجياڭنان سىرت جەرگە بارىپ وقىپ ءجۇر. ءار ۇلت بۇقاراسى قوعامدىق قامتاماسىزداندىرۋ، ەمدەۋ قامسىزداندىرۋى سياقتى كوپ ءتۇرلى جاردەماقىدان يگىلىكتەنەدى، ءار جىلى دەنساۋلىقتارىن تەگىن تەكسەرتەدى. بۇقارا كوزىمەن كورىپ وتىرعان وسى بارلىق وزگەرىس شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ كوڭىل ءبولۋى مەن قامقورلىق جاساۋىنان كەلگەن. سوندىقتان، مەن، ءسوز جوق، تۇتاس قالاشىقتاعى ءار ۇلت پارتيا مۇشەلەرى مەن كادرلارىن، ەگىنشى - مالشى بۇقاراسىن پارتياعا العىس ايتۋعا، پارتيانىڭ سوزىنە قۇلاق اسۋعا، پارتياعا ىلەسۋگە باستايمىن.

  سوڭعى جىلداردان بەرى باتىستاعى جاۋ كۇشتەردىڭ، ەل ءىشى - سىرتىنداعى بولشەكتەۋشى كۇشتەردىڭ ازدىرۋىندا، ايتاقتاۋىندا «ءۇش ءتۇرلى كۇش» «ۇلتتى»، «ءدىندى» جەلەۋ ەتىپ، ءدىني ۇشقارى يدەيانى ۋاعىزداپ، ۇلتتىق وشپەندىلىككە جەلىكتىرىپ، زورلىقتى كۇش لاڭكەستىك دەلولارىن تۋدىردى، ولاردىڭ ادامگەرشىلىككە جات، جانتۇرشىگەرلىك جاۋىزدىق ارەكەتتەرى مەملەكەتتىڭ حاۋىپسىزدىگىنە جانە حالىق بۇقاراسىنىڭ ءومىرى مەن مال - مۇلكىنىڭ حاۋىپسىزدىگىنە اۋىر دارەجەدە زيان سالدى. باسقانى بىلاي قويعاندا، ءىشىنارا پارتيالى كادرلار كوممۋنيستىك پارتيانىڭ اسىن ءىشىپ، كوممۋنيستىك پارتيانىڭ قازانىن شاقتى. «ءۇش ءتۇرلى كۇشپەن» اشىقتان - اشىق ءتىل بىرىكتىرىپ، ۇلتتار ىنتىماعىن بۇلدىرەتىن، وتاننىڭ تۇتاستىعىن بۇلدىرەتىن بۇزاقىلىق ىستەرمەن اينالىستى. «ەكىبەتكەيلەر» زورلىقتى كۇش لاڭكەستەرىنەن دە حاۋىپتى، ءتىپتى دە اككى، زيانى ءتىپتى دە ناقتى، ءتىپتى دە اۋىر، كەسىرى ءتىپتى دە ۇزاققا سوزىلادى. ءبىز كەزەكتە ءدوپ كەلىپ وتىرعان بولشەكتەۋشىلىككە قارسى تۇرۋ كۇرەسىنىڭ جاعدايى اۋىر دا كۇردەلى، وتە قيان - كەسكى، ءبىز، ءسوز جوق، ساقتىق دابىلىن قاعىپ، ءارقاشان ساق بولىپ، قىراعىلىعىمىزدى ارتتىرىپ، دۇرىس پەن بۇرىستى ايقىن ايىرىپ، «ءۇش ءتۇرلى كۇشتىڭ»، «ەكىبەتكەيلەردىڭ» كەيىپ - كەسپىرىن انىق كورىپ، ولاردىڭ ءمانىن جىعا تانىپ، زورلىقتى كۇش لاڭكەستەرىنە قاتاڭ سوققى بەرۋمەن قاتار، «ەكىبەتكەيلەردى» تامىرىمەن قازىپ الىپ شىعۋ تەبىنىن ۇزدىكسىز كۇشەيتىپ، ولاردى باتىلدىقپەن تارتىپ شىعىپ، تىپ - تيپىل الاستاۋىمىز كەرەك. وسىلاي ىستەمەيىنشە، بولشەكتەۋشىلىككە قارسى تۇرۋ كۇرەسىندە ەڭ سوڭعى جەڭىسكە قول جەتكىزە المايمىز، وسىلاي ىستەمەيىنشە، شينجياڭدا ماڭگى تىنىشتىق ورنامايدى.

  كوممۋنيستىك پارتيا مۇشەسى رەتىندە، مەن بايسالدىلىقپەن مىناداي سەرت بەرەمىن: ساياسي تانىمدى، جالپى جاعداي تانىمىن، ۇيتقى تانىمىن جانە قاتار تۇزەۋ تانىمىن بەرىك ورناتىپ، ساياسي ءتارتىپ پەن ساياسي قاعيداعا قاتاڭ بويسۇنىپ، تۇرعىمدا بەرىك تۇرىپ، ايقىن تۋ ۇستاپ، باستاماشىلدىقپەن باتىل ءۇن قاتىپ، ايقىن پوزيتسيا ءبىلدىرىپ، «ءۇش ءتۇرلى كۇشكە»، «ەكىبەتكەيلەرگە» قارسى باتىل كۇرەس جۇرگىزىپ، يدەولوگيا سالاسىنداعى بولشەكتەۋشىلىككە قارسى تۇرۋ كۇرەسى شەبىن تاباندىلىقپەن قورعايمىن؛ ۇشقارىلىقتى الاستاۋ قىزمەتىن ويداعىداي ىستەۋدە ىرىقتىلىقپەن باستاماشى بولىپ، ۇلتتاردىڭ ۇلى ىنتىماعى تۋىن بيىك ۇستاپ، ۇلتتاردى بىرگە ىنتىماقتاسا كۇرەس جۇرگىزۋگە، بىرگە گۇلدەنىپ، دامۋعا ءىس جۇزىندىك ارەكەتىممەن جەبەيمىن.

جاۋاپتى رەداكتور : سايراش تۇرارجان قىزى

ەسكەرتۋ:

تورابىمىزداعى مازمۇنداردى پايدالانۋعا تۋرا كەلگەندە، ءسوزسىز جازباشا رۇقساتقا يە بولۋ كەرەك. مازمۇنداردى رۇقساتسىز جالعاپ تاراتۋعا، كەسىپ رەداكسيالاۋعا، وزگەرتۋگە، قىسقارتىپ قۇراستىرۋعا، باسقا ورىنعا كوشىرۋگە نەمەسە باسقا تاسىلدەرمەن كوبەيتۋگە ءارى تاراتۋعا بولمايدى، قايشى كەلگەندەردىڭ زاڭدىق جاۋاپكەرشىلىگى زاڭ بويىنشا قۋزاستىرىلادى.