تيانشان تورى   ›   جاڭالىقتار   ›   شينجياڭ حابارلارى

نارات قالاشىعى: جۇرت كوركەم ورتادا باقىتتى تۇرمىس كەشىرۋدە

  ءتىلشىمىز ۋاڭ يۇيجاۋ

  12 - ايدىڭ 7 - كۇنى، قار جاۋىپ تۇرسا دا، كۇنەس اۋدانى نارات قالاشىعى ارشان قىستاعىنىڭ تۇرعىنى ماجەتبەك اجىبەك ۇلىنىڭ ءۇيى جىلىتقىش پاردىڭ ارقاسىندا جىپ - جىلى ەدى. ەسىكتىڭ اشىلعانىن ەستىگەن 4 جاستاعى نەمەرە قىزى اتاسىنىڭ ارتىنا جاسىرىنىپ، باسىن قىلتيتىپ اقىرىن عانا قارادى دا، اس ءۇي جاققا قاراپ «ادام كەلدى، ادام كەلدى...» دەپ ايعاي سالدى.

  «نەمەرە قىزىم سىزدەردى ساياحاتشى دەپ ويلاپ قالدى». ماجەتبەك ءتىلشىنى قىزعىن قارسى الا ءجۇرىپ، كەلىنىن شاي قۇيۋعا شاقىردى.

  ماجەتبەكتىڭ ءۇيى نارات كورىنىس وڭىرىنە تاياۋ ماڭدا. بيىل 5 - ايدا ول جاڭادان سالعان ءۇيىن اشەكەيلەپ، قوناقجاي اشتى: قوناق ءۇيدىڭ ولشەمى بويىنشا دارەت شەلەگىن، سۋ جىلىتقىش ورناتتى، ءاربىر بولمەگە ەكىدەن جالعىز كىسىلىك توسەك قويىپ، كورپەلەردىڭ بارىنە ۇقساس ۇلگىدەگى كورپە تىسىن كيگىزدى، ءبىر رەت عانا ىستەتىلەتىن ساندال، ءتىس شوتكى دايىندادى.

  قوناق بولمەنىڭ ەدەنىنە گۇلدى قىزىل ءتۇستى گىلەم توسەپ، ىرگەلەرگە قاتار - قاتار جۇمساق توسەنىش قويدى، تەرەزە تەكشەسىندەگى راۋشانگۇل، كاكتۋس جايقالا ءوسىپ تۇر. ءبىر شىنى اق شايدى ىشكەننەن كەيىن، ماجەتبەك نارات قالاشىعىنىڭ 40 جىلدىق اڭگىمەسىن باستادى.

  ماجەتبەك بىلاي دەدى: بۇرىن قالاشىققا اتپەن 2 ساعاتتا ارەڭ دەگەندە جەتەتىنبىز، ءبىزدىڭ سىرتقا شىعۋىمىز، باسقالاردىڭ بۇل اراعا كەلۋى دە قيىن بولاتىن. قازىر قاتىناس قولايلى، كورىنىس ءوڭىرى اشىلىپ، ساياحاتشىلار مولايدى، قىستاعىمىزداعى وتباسىلار دەرلىكتەي قوناقجاي اشتى.

  1975 - جىلى ماجەتبەك العاش قىزمەتكە قاتىناسقاندا، مال شارۋاشىلىق وڭىرىندەگى ءبىر مەكتەپتە شتاتسىز وقىتۋشى بولعان، ايىنا نە بارى 24 يۋان ەڭبەكاقى الاتىن. «سول كەزدە ادامداردىڭ يدەياسىندا ساياحاتتاۋ دەگەن ۇعىم جوق ەدى، وسىنشاما كوركەم جەردە تەك قوي باعىپ، بىرنەشە اي جاعاتىن كارەسىن ساتىپ الۋدى عانا ويلايتىنبىز»، - دەدى ول.

  1990 - جىلى نارات قالاشىعى تۇڭعىش ساياحاتشىلاردى قابىلداۋ ءتۇيىنى − نارات ساياحات ورتالىعىن قۇردى.

  1992 - جىلى دىڭ شياۋپيڭ وڭتۇستىكتى كوزدەن كەشىرىپ ءسوز سويلەگەننەن كەيىن، جۇڭگونىڭ رەفورما جاساپ، ەسىك اشۋى جاڭا شارىقتاۋ مەزگىلىن قارسى الدى. سول جىلى، نارات قالاشىعى جاڭا كەزەكتى رەفورما تولقىنىنان پايدالانىپ، ساياحات ىستەرىن دامىتۋدى بەلگىلەدى. سول كەزدە، قالاشىق ۇكىمەتىنىڭ كادرى دامەجان ورازباي ۇلى قاتارلى 6 ادام 30 مىڭ يۋان اقشا قۇراپ، ءۇي سالىپ، جول جاساپ، ساياحات قيمىلدارىن ورىستەتتى. ادامداردىڭ يدەياسى تاعى ءبىر رەت جاپپاي ازات بولدى.

  سول جىلى جازدا، نارات قىرۋار ساياحاتشىنى كۇتىپ الدى. ساندى مالىمەت سول جىلى نارات جايلاۋىنىڭ كوركەم كورىنىسىن 10 مىڭ ادام تاماشالاعاندىعىن كورسەتتى.

  2000 - جىلدان كەيىن، نارات قالاشىعىنىڭ ساياحات ىستەرى قارىشتاپ دامۋ كەزەڭىنە قادام تاستادى.

  ءتىلشى 2005 - جىلى تۇسىرىلگەن ءبىر سۋرەتتەن ماجەتبەك پەن ايەلىنىڭ قۋانا كۇلىپ تۇرعاندىعىن، كورىنىس وڭىرىندەگى بىرنەشە 100 شاتىردىڭ ارتقى كورىنىس ەتىلگەندىگىن كوردى. ماجەتبەك سۋرەتتى كورسەتىپ تۇرىپ بىلاي دەدى: سول كەزدە نارات كورىنىس ءوڭىرى نادام جينالىسىن وتكىزگەن بولاتىن، ساياحاتشىلار ەرەكشە كوپ بولدى، ءبىز دە قىزىق كورىپ، 2 شاتىر تىكتىك، ويلاماعان جەردەن 3 ايدا 20 مىڭ يۋاننان كوبىرەك اقشا تاپتىق.

  ماجەتبەك بىلاي دەدى: 2008 - جىلى، 2010 - جىلى، 2016 - جىلى مەن ىلگەرىندى - كەيىندى 3 اۆتوكولىك ساتىپ الدىم، جاڭا اۆتوكولىك ساتىپ العاندا، كونە اۆتوكولىگىمدى تاستادىم، ساياحاتشىلاردى كوپ تاسىعان سايىن، اۆتوكولىگىمدى سونشا تەز جاڭالاپ وتىردىم، وسى اۆتوكولىكتەرىم تاريحتىڭ ءبىر مەزگىلدىك كۋاسى ەدى.

  قازىر اۆتوكولىكپەن نارات كورىنىس رايونىنا ساياحاتشىلاردى تاسۋ ماجەتبەكتىڭ ۇلىنىڭ مىندەتىنە اينالدى. كەلىنى گۇلميرا ەلمۇرات قىزى ىسكە شوگەل دە ۇقىپتى، جاتاق ءۇيدى ءوزى جۇرگىزەدى، ماجەتبەك ەكىنشى شەپكە شەگىندى، جايشىلىقتا ايەلى ەكەۋى نەمەرە قىزىنا قارايدى، گۇل وسىرەدى، الاڭسىز باقىتتى تۇرمىس كەشىرۋدە.

  وراي قاشاندا دايىندىعى بارلارعا ءتان. 2013 - جىلى، جاسى 40قا تاياعان جيا چيباۋ كوشە بويىندا اسحانا اشاتىن، ول وقياتتا ساياحاتشىنىڭ قوناق ۇيگە زاكاز بەرە الماي نالىعاندىعىن، اقشاسى بولسا دا قوناتىن جەر تابا الماعاندىعىن ەستىگەننەن كەيىن، ايەلىمەن اقىلداسا كەلىپ، ءوزىنىڭ كونە ءۇيىن جاڭالاۋ ورايىنان پايدالانىپ، نارات قالاشىعىنداعى تۇڭعىش شارۋالار شاتتىعى ساياجايىن باتىلدىقپەن اشىپ، ساياحاتشىلارعا جاتىن ورىن جانە اس - سۋ ازىرلەدى.

  ساياحاتتىڭ قاۋىرت كەزىندە، جيا چيباۋدىڭ ۇيىندەگى 50 توسەك ەكىنىڭ بىرىندە جەتىسپەي قالاتىن دا، اۋلادان شاتىر تىگەتىن. جيا چيباۋ بىلاي دەدى: سول كەزدە وزىمە دە جاتاتىن ورىن قالمايتىن، ساياحاتشىلاردى تاسيتىن شوفەرمەن بىرگە قوناق بولمەدەگى كرەسلوعا جاتا كەتەتىنمىن.

  بيىل جىل باسىنان بەرى، نارات قالاشىعىندا جاڭادان 50 نەشە قوناقجاي، شارۋالار شاتتىعى ساياجايى اشىلدى.

   سوڭعى جىلدارى، نارات كورىنىس ءوڭىرىنىڭ ساياحاتى قاۋىرت دامۋ مەزگىلىنە ءوتتى. نارات قالاشىعى پارتكومىنىڭ شۋجيى ياڭ چۋانجۇن بىلاي دەدى: 2017 - جىلى نارات مەملەكەتتىك ەرەكشە قالاشىق بولىپ باعالاندى، قازىر جاڭا داۋىردەگى ساياحات ىستەرى دامۋىنىڭ جاڭا تالابىنا سايكەسۋ ءۇشىن، ساياحاتتان قىزمەت وتەۋ قابىلەتىن كۇش سالا جوعارىلاتۋدا.

جاۋاپتى رەداكتور : سايراش تۇرارجان قىزى

ەسكەرتۋ:

تورابىمىزداعى مازمۇنداردى پايدالانۋعا تۋرا كەلگەندە، ءسوزسىز جازباشا رۇقساتقا يە بولۋ كەرەك. مازمۇنداردى رۇقساتسىز جالعاپ تاراتۋعا، كەسىپ رەداكسيالاۋعا، وزگەرتۋگە، قىسقارتىپ قۇراستىرۋعا، باسقا ورىنعا كوشىرۋگە نەمەسە باسقا تاسىلدەرمەن كوبەيتۋگە ءارى تاراتۋعا بولمايدى، قايشى كەلگەندەردىڭ زاڭدىق جاۋاپكەرشىلىگى زاڭ بويىنشا قۋزاستىرىلادى.

  • وسى كەزەكتى جۇڭگو − ازيا - ەۆروپا كورمەسى تۇڭعىش رەت نەگىزگى قوناق ولكەلەردى بەلگىلەدى
  • تاپسىرىس ونىمدەردى جەدەل ءوندىرىپ، قامداۋدى قامتاماسىز ەتتى
  • جىلدىق مىندەتتى ءساتتى ورىنداۋعا شىنايى كەپىلدىك ەتتى
  • شينجياڭ جۇڭتاي توبى دۇنيە جۇزىندەگى 500 قۋاتتى كاسىپورىن قاتارىنا ءوتتى
  • جەل - جارىق ەنەرگياسى ءوزارا تولىقتىردى