مەكتەپتە وقىتۋشى، كاسىپورىندا ۇستاز بار
ءتىلشىمىز جاۋ شييا 12 - ايدىڭ 8 - كۇنى ۇرىمجىدەن حابارلايدى. «كوپتەگەن ساباق كاسىپورىننىڭ قاجەتىنە قاراي بەلگىلەندى، ءبىز الدىمەن مەكتەپتەن قاتىستى نازاريالىق بىلىمدەردى ۇيرەنىپ، ونان سوڭ كاسىپورىندارعا بارىپ ناقتى جۇمىسقا جاتتىعامىز، بۇل ءبىزدىڭ نازاريالىق بىلىمدەردى دەر كەزىندە ونەرگە اينالدىرۋىمىزعا مۇمكىندىك جاساپ، كوڭىلدى دە ءماندى ۇيرەنۋ جاقسى ءونىم بەردى». 12 - ايدىڭ 6 - كۇنى وسى زامانعى شاكىرت ءتۇزىمىن اۋىزعا العاندا، شينجياڭ اۋىل شارۋاشىلىق كاسىپتىك - تەحنيكالىق شۋەيۋانىنىڭ 3 - جىلدىق وقۋشىسى ۋ بوشى وسى وقىتۋ تاسىلىنە قىزىعاتىندىعىن ءبىلدىردى.
وسى زامانعى شاكىرت ءتۇزىمى كاسىپ پەن وقىتۋدىڭ توعىسۋىن، مەكتەپتەر مەن كاسىپورىنداردىڭ سەلبەستىگىن تەرەڭدەتىپ، مەكتەپ پەن كاسىپورىننىڭ سەلبەسىپ ادام تاربيەلەۋ مەحانيزمىن اناعۇرلىم جاقسارتىپ، تەحنيكالىق قابىلەتكە يە دارىندىلاردى باۋلۋ تاسىلىنە جاڭالىق ەنگىزۋدى ماقسات ەتكەن.
2017 - جىلى شينجياڭ اۋىل شارۋاشىلىق كاسىپتىك تەحنيكالىق شۋەيۋانى 2 - توپتاعى مەملەكەتتىك وسى زامانعى شاكىرت ءتۇزىمىن تۇيىندەردە سىناق ەتۋ قىزمەتى اتقارىلاتىن مەكتەپ قاتارىنا ەنگىزىلىپ، ۋ بوشى وقىعان مال شارۋاشىلىق - مال شيپاگەرلىك ماماندىعى تۇيىندەردە سىناق ەتىلەتىن ماماندىق قاتارىنا كىرگەن ەدى. بيىل 4 - ايدا ۋ بوشى مەن باسقا دا 20 وقۋشى سارالاۋدان ءوتىپ، شينجياڭ تايكۇن توبى شەكتى جاۋاپكەرشىلىك سەرىكتەستىگىنىڭ قىزمەتكەرىنە اينالىپ، ءوندىرىستىڭ ءبىرىنشى شەبىندە ىستەدى. «تۇقىمدىق جۇمىرتقا باسۋدان، بالاپان تاسىمالداۋدان، بالاپان وسىرۋدەن جۇمىرتقالىق تاۋىق باعۋعا دەيىنگى جۇيەلى تەحنيكانى ۇستاز تۇگىن قالدىرماي ماعان ۇيرەتتى». 5 ايلىق اماليات بارىسىندا ۋ بوشى تاۋىق باعۋ، مانەرلەۋ، ءوندىرۋ تەحنيكاسى مەن جۇيەلىلەندىرىپ باسقارۋ ءبىلىمىن يگەرىپ قانا قويماي، ايىنا 2000 يۋاننان استام كىرىس كىرگىزدى.
مەكتەپتە وقىتۋشى، كاسىپورىندا ۇستاز بار، وسى زامانعى شاكىرت ءتۇزىمى مەكتەپ پەن كاسىپورىننىڭ دارىندىلاردى باۋلۋىن تىعىز توعىستىردى.
2015 - جىلى 1 - توپتاعى مەملەكەتتىك وسى زامانعى شاكىرت ءتۇزىمىن تۇيىندەردە سىناق ەتۋ قىزمەتى اتقارىلعاننان بەرى، قازىر رايونىمىزدا شينجياڭ كاسىپتىك داشۋەسى، بايىنعولين كاسىپتىك تەحنيكالىق شۋەيۋانى، اقسۋ كاسىپتىك تەحنيكالىق شۋەيۋانى سياقتى 20 نەشە كاسىپتىك مەكتەپتەردە تۇيىندەردە سىناق ەتۋ قىزمەتى ورىستەتىلىپ، ءارقايسى ۇلكەن كاسىپورىندارمەن بىرلەسىپ «قاجەتكە قاراي ماماندىق بەلگىلەۋ، قاجەتكە قاراي دارىندى باۋلۋ» سىندى ادام تاربيەلەۋ قىزمەتىن جۇرگىزدى. سىناق ءتۇيىنى ەتىلگەن مەكتەپ وقۋشىلارىنا 1 - وقۋ جىلىندا نازاريا نەگىز ەتىلىپ ۇيرەتىلەدى؛ 2 - وقۋ جىلىندا نازايا ۇيرەنۋ مەن كاسىپورىندا پراكتيكا جاساۋ ۋاقىتى تەڭ ۇلەستىرىلەدى؛ 3 - وقۋ جىلىندا كاسىپورىندا پراكتيكا جاساۋ مەن قوعامعا ارالاسۋ نەگىز ەتىلىپ، وقۋشىلار مەكتەپتەن سىرتقا شىعۋعا شابىتتاندىرىلادى.
«وسى زامانعى شاكىرت ءتۇزىمى رەفورماسى وقۋشىلاردى ءتىپتى كوپ امالياتتىق ورايعا يە ەتىپ، قوعامنىڭ قاجەتىنە ەرتەرەك ۇيلەسۋىنە وراي تۋدىردى. وقىتۋشىلار جونىنەن العاندا، بۇل دا ۇزبەي ۇيرەنۋ ورايى سانالادى، ولار ءوندىرىستىڭ ءبىرىنشى شەبىنە بارىپ، وقۋشىلاردى، كاسىپورىننىڭ قاجەتىن ءتۇسىنىپ، وقىتۋ ءادىسى مەن مازمۇنىن دەر كەزىندە رەتتەپ، وقۋ - وقىتۋ ءونىمىن جوعارىلاتا الادى»، - دەدى اۆتونوميالى رايوندىق وقۋ - اعارتۋ مەڭگەرمەسىنىڭ قاتىستى جاۋاپتىسى. ول بىلاي دەدى: وسى زامانعى شاكىرت ءتۇزىمى مەكتەپ پەن كاسىپورىن سەلبەسىپ ادام باۋلۋ مەحانيزمىن ورناتىپ، كاسىپتىك وقۋ - اعارتۋدىڭ «وقۋشى قابىلداۋدىڭ ءوزى جۇمىسشى قابىلداۋ، مەكتەپكە كىرە سالا زاۆودقا كىرىپ، مەكتەپ بىتىرە سالا جۇمىسقا ورنالاسۋ» رولىن بىرتىندەپ كورنەكتىلەندىرۋدە.
ۇعىسۋعا قاراعاندا، اۆتونوميالى رايوندىق 9 - رەتكى پارتيا قۇرىلتايىنان بەرى، رايونىمىز وسى زامانعى كاسىپتىك وقۋ - اعارتۋدىڭ ساپاسىن جوعارىلاتۋ جوسپارىن اتقارىپ، «كاسىپتىك وقۋ - اعارتۋ قىزمەتىن اناعۇرلىم كۇشەيتۋ جونىندەگى پىكىر» قاتارلىلاردى جاريالاپ، كاسىپورىنداردىڭ ادام تاربيەلەۋگە سايكەسۋ بەلسەندىلىگىن قوزعاۋعا كۇش سالىپ، كاسىپ پەن وقىتۋدىڭ توعىسۋىن تەرەڭدەتۋگە ساياساتتىق كەپىل ازىرلەگەن. سونىمەن بىرگە، كاسىپتىك مەكتەپتەردىڭ تۇلعالىق رولىن كۇشەيتىپ، وسى زامانعى شاكىرت ءتۇزىمى، تاپسىرىستىق فورما، كاسپورىندى مەكتەپتەرگە ەنگىزۋگە باستاۋ، كاسپورىندارعا بارىپ مەكتەپ قۇرۋ سياقتى كوپ ءتۇرلى ءتاسىل ارقىلى كاسىپورىندارمەن بەلسەنە تەرەڭ توعىسقان.
