وزەن، كولدەردى باسقارۋ، قورعاۋ قىزمەتىن شىن مانىندە ويداعىداي ىستەۋ كەرەك
ءتىلشىمىز جاۋ جىيۇن 12 - ايدىڭ 8 - كۇنى ۇرىمجىدەن حابارلايدى. 12 - ايدىڭ 7 - كۇنى تۇستەن كەيىن اۆتونوميالى رايوندىق پارتكومنىڭ ورىنباسار شۋجيى، اۆتونوميالى رايوننىڭ ءتوراعاسى شوكىرات زاكىر ءۇرىمجى قالاسىندا ساياپىل كولى سازدىق جەرىن قورعاۋ، وڭاۋ قىزمەتىنە تەكسەرۋ - زەرتتەۋ جۇرگىزگەندە مىنالاردى اتاپ كورسەتتى: شي جينپيڭنىڭ جاڭا ءداۋىر جۇڭگوشا سوتسياليزم يدەياسىن جەتەكشى ەتىپ، باس شۋجي شي جينپيڭنىڭ ەكولوگيالىق وركەنيەت قۇرىلىسى جونىندەگى ماڭىزدى بايىمداۋلارىن ىشكەرىلەي دايەكتىلەندىرىپ، «ءتورت تانىمدى» كۇشەيتىپ، اۆتونوميالى رايوننىڭ وزەن (كول) باستىعى ءتۇزىمىن جاپپاي اتقارۋ باسشىلىق گرۋپپاسى ءماجىلىسىنىڭ رۋحىنا ساي، ءبىر تۇتاس سايكەستىرۋدى كۇشەيتىپ، جاۋاپكەرلىكتى تياناقتاندىرۋدى مىقتى يگەرىپ، ەكولوگيالىق وركەنيەت قۇرىلىسىنىڭ ساياسي جاۋاپكەرلىگىن باتىل تۇردە ارقالاپ، شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ وزەن (كول) باستىعى ءتۇزىمىن جاپپاي اتقارۋ جونىندەگى شەشىمدەرىنىڭ، ورنالاستىرۋلارىنىڭ شينجياڭدا تامىر تارتىپ، تابىستى بولۋىنا كەپىلدىك ەتۋ كەرەك.
اۆتونوميالى رايوننىڭ وزەن (كول) باستىعى ءتۇزىمىن جاپپاي اتقارۋ باسشىلىق گرۋپپاسىنىڭ باستىعى رەتىندە، شوكىرات زاكىر ءۇرىمجى قالاسى دابانچىڭ رايونىنىڭ ساياپىل كولى مەملەكەتتىك سازدىق جەر باقشاسىنا كەلىپ، جۇمىس باسىندا ساياپىل كولىنىڭ سوڭعى جىلداردان بەرى جەر استى سۋىن پايدالانۋعا تيىم سالۋ، ەگىستىكتەن جايلىمدى قالپىنا كەلتىرۋ جانە ماشينالى قۇدىقتى جابۋ، توقتاتۋ سياقتى قىزمەت جاعدايىن ۇعىستى.
ساياپىل كولى ءۇرىمجى قالاسىنىڭ ماڭىزدى سۋ قاينارىنىڭ ءبىرى، كول اۋماعى ەڭ ۇلكەن بولعاندا كەزىندە 35 شارشى كيلومەترگە جەتكەن. ءۇرىمجى قالاسىنىڭ سۋدان پايدالانۋ مولشەرىنىڭ جانە كول رايونىنىڭ جوعارى اعارىندا ەگىن شارۋاشىلىعىندا ەگىس اتىزدارىن سۋارۋدا پايدالانىلاتىن سۋ مولشەرىنىڭ ارتۋىنا بايلانىستى ساياپىل كولىنە كەلەتىن سۋ مولشەرى كۇرت ازايىپ، كول ايدىنى ۇزبەي كىشىرەيىپ، 2014 - جىلى 0.2 شارشى كيلومەترگە كىشىرەيدى. 2014 - جىلدان باستاپ ءۇرىمجى قالاسى جەر استى سۋىنان پايدالانۋعا تيىم سالۋ، ەگىستىكتەن جايلىمدى قالپىنا كەلتىرۋ، ەگىن شارۋاشىلىعىنا پايدالانىلاتىن ماشينالى قۇدىقتى جابۋ، توقتاتۋ سياقتى شارالاردى قولدانۋ ارقىلى ساياپىل كولىنىڭ تىنىعۋىنا ۋاقىت جانە كەڭىستىك ازىرلەدى. بيىل 12 - ايعا دەيىن ساياپىل كولىنىڭ سۋ اۋماعى 15.2 شارشى كيلومەترگە جەتتى.
اۆتونوميالى رايوندىق سۋ يگىلىگى مەڭگەرمەسىنىڭ جانە ءۇرىمجى قالاسىنىڭ قىزمەتتەن بەرگەن مالىمەتىن تىڭداعاننان كەيىن شوكىرات زاكىر مىنالاردى اتاپ كورسەتتى: ساياپىل كولى ءۇرىمجى قالاسىنىڭ «بۇيرەگى» اتانعان، ءۇرىمجى قالاسىنىڭ كليماتىن رەتتەۋ، سۋ قاينارىن نارلەندىرۋ، تاسقىن بوگەۋ، قۋاڭشىلىقتان ساقتانۋدا ماڭىزدى رول اتقارادى. ءۇرىمجى قالاسى ساياسي دەڭگەيدى ءوسىرىپ، سانالى تۇردە «ەكىنى قورعاۋدى» امالياتتا ايگىلەۋ تۇرعىسىنان، شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ شينجياڭدى جونگە سالۋ جالپى جوباسىن، اسىرەسە، قوعام ورنىقتىلىعى مەن باياندى تىنىشتىق باس نىساناسىن تياناقتاندىرۋ تۇرعىسىنان وزەن (كول) باستىعى ءتۇزىمىن جاپپاي اتقارۋدىڭ جاسىل دامۋدى تياناقتاندىرۋ، ەكولوگيالىق وركەنيەت قۇرىلىسىن ىلگەرىلەتۋ جونىنەن كەلەلى ءمان الاتىندىعىن تەرەڭ تانىپ، وزەن (كول) باستىعى ءتۇزىمىن تياناقتاندىرۋ جاۋاپكەرلىك سەزىمىن، بورىشتىلىق سەزىمىن شىن مانىندە كۇشەيتىپ، وزەندى قورعاۋ جاۋاپكەرشىلىگىن ءبىلۋ، وزەندى قورعاۋ جاۋاپكەرشىلىگىن ۇستىنە الۋ، وزەندى وڭاۋ جاۋاپكەرشىلىگىن ادا ەتۋدى شىن مانىندە كۇشەيتۋ قاجەت. ماسەلەنى باعدار ەتۋگە تاباندى بولىپ، سۋ بايلىعىن قورعاۋدىڭ ەڭ قاتاڭ ءتۇزىمىن تياناقتاندىرىپ، «ءۇش قىزىل سىزىقتى» قاتاڭ ساقتاپ، سۋ ۇنەمدەۋ سەرپىنىن جانە ەگىستىكتەن ورماندى قالپىنا كەلتىرۋ، جايلىمدى قالپىنا كەلتىرۋ، سازدىقتى قالپىنا كەلتىرۋ سەرپىنىن ارتتىرىپ، ءۇرىمجى قالاسىنىڭ ەكولوگيالىق وركەنيەت قۇرىلىسى دەڭگەيىن جاپپاي ءوسىرۋ كەرەك.
شوكىرات زاكىر مىنالاردى اتاپ كورسەتتى: حالىقتى وزەك ەتكەن دامۋ يدەياسىنا تاباندى بولىپ، نازاردى قوعام ورنىقتىلىعى مەن باياندى تىنىشتىق باس نىساناسىنا شوعىرلاندىرىپ، وزەن، كولدەردىڭ ەكولوگيالىق ورتاسىن قورعاۋدى جانە قالپىنا كەلتىرۋدى جاپپاي ىلگەرىلەتىپ، وزەن، كولدەردىڭ تىنىعۋىن جەبەپ، وزەن، كولدەردەگى تىرشىلىكتىڭ اقاۋسىزدىعىن قورعاپ، ءار ۇلت بۇقاراسىنىڭ تابىس سەزىمىن، باقىت سەزىمىن ۇزبەي ارتتىرىپ، پارتيا ورتالىق كوميتەتىنىڭ وزەن (كول) باستىعى ءتۇزىمىن جاپپاي اتقارۋ جونىندەگى شەشىمدەرىنىڭ، ورنالاستىرۋلارىنىڭ تامىر تارتىپ، تابىستى بولۋىنا كەپىلدىك ەتۋ كەرەك.
اۆتونوميالى رايوندىق پارتكومنىڭ تۇراقتى مۇشەسى، ءۇرىمجى قالالىق پارتكومنىڭ شۋجيى شۇي حايرۇڭ، اۆتونوميالى رايوندىق پارتكومنىڭ تۇراقتى مۇشەسى، اۆتونوميالى رايوننىڭ ورىنباسار ءتوراعاسى ەركىن تۇنياز تەكسەرۋ - زەرتتەۋدە بىرگە بولدى.
