− شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ گۋاڭشيدىڭ دامۋىنا كوڭىل بولگەندىگى تۋرالى
شينحۋا اگەنتتىگىنىڭ تىلشىلەرى ۋاڭ نيان، شى جيڭنان، شياڭ جىچياڭ
وڭتۇستىكتىڭ كوكتەمدەي تۇرلەنگەن اسەم قىس مەزگىلىندە، گۋاڭشي جۋاڭزۋ اۆتونوميالى رايونى 60 جىلدىق مەرەي تويىن قارسى الدى.
شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ پارمەندى باسشىلىعىندا، گۋاڭشيدىڭ سان سالالى ىستەرى قارىشتاپ دامىدى، 56 ميلليوننان استام ءار ۇلت حالقىنىڭ تىزە قوسا ەكپىندەي العا ۇمتىلۋىنىڭ ارقاسىندا گۇلدەنگەن، باي، اشىق، العا باسقان جاڭا گۋاڭشي قارىشتاپ دامۋدا.
«گۋاڭشي بايىرعى توڭكەرىستىك رايون، كەدەي رايون ءارى شەكارا رايون، ۇلتتىق رايون. كەدەيلىكتەن ارىلتۋدان قامال الۋ قىزمەتى ويداعىداي ىستەلسە، شەكارا ورنىعىپ، ۇلتتار ىنتىماعىنىڭ نەگىزى بەكەمدەلەدى؛ شەكارا قۇرىلىسى جاقسى ىستەلسە، ۇلت ىستەرى دامىسا، كەدەيلىكتەن ارىلتۋدان قامال الۋ شايقاسىنىڭ جەڭىسىنە قول جەتكىزۋدى دە بارىنشا جەبەيدى».
باس شۋجي شي جينپيڭنىڭ ماڭىزدى نۇسقاۋلارىنىڭ رۋحىنا ساي، گۋاڭشي كەدەيلىكتەن ارىلتۋدان قامال الۋ شايقاسىن جاپپاي ورىستەتىپ، حالىق تۇرمىسىن كۇش سالا قامتاماسىز ەتتى جانە جاقسارتتى. 2012 - جىلدان بەرى كەدەيلەردىڭ سانى 7 ميلليون 90 مىڭ ادام ازايىپ، 1999 كەدەي قىستاق، 11 كەدەي اۋدان كەدەيلىك قالپاعىن الىپ تاستادى. اۆتونوميالى رايون قۇرىلعان 60 جىلدان بەرى، ءار ۇلت بۇقاراسىنىڭ تۇرمىسى كەدەيلىكتەن قارىن توقتىققا، ودان جاپپاي دوڭگەلەك داۋلەتكە قادام تاستاۋ سىندى تاريحي سيپاتتى سەكىرۋدى ىسكە اسىردى.
گۋاڭشيدىڭ تاۋى جاسىل، سۋى تۇنىق، ەكولوگياسى كوركەم، دەسەدە قورشاعان ورتا مەن دامۋدىڭ «قوس قىسىمىن» دا باسىنان وتكەردى. شي جينپيڭ جولداستى ۇيتقى ەتكەن پارتيا ورتالىق كوميتەتى گۋاڭشيگە جاسىل دامۋ جولىن كورسەتتى.
جاڭا دامۋ ۇستانىمىنا تاباندى بولىپ، رەفورما جاساۋدىڭ، جاڭالىق اشۋدىڭ قوزعاۋشى كۇشىن تاسقىنداتىپ، ءبىر جاعىنان، قورشاعان ورتانى جونگە سالۋدى، ەندى ءبىر جاعىنان، ەكونوميكانىڭ دامۋىن يگەردى. گۋاڭشي «التىن ءارىپتى ماڭدايشالىعىن» جارقىراتۋمەن بىرگە، شارۋاشىلىقتىڭ تىڭ تىنىسقا يە بولۋىن دا ۇزدىكسىز ىلگەرىلەتتى.
جاڭا داۋىرگە قادام تاستاعان گۋاڭشي جۇڭگونىڭ سىرتقا ەسىك اشۋىنىڭ الدىڭعى لەگىنە ءوتتى. پارتيا ورتالىق كوميتەتى گۋاڭشيگە «ءۇش ۇلكەن ورنىن بەلگىلەۋ» جاڭا مىندەتىن جۇكتەدى، بۇل − شىعىس وڭتۇستىك ازيا ەلدەرى وداعىنا باعىتتالعان حالىقارالىق ارنا اشۋ، باتىس وڭتۇستىك، ورتا وڭتۇستىك وڭىرلەرىنىڭ اشىق دامۋىنىڭ جاڭا ستراتەگيالىق تىرەگىن ورناتۋ، «ءبىر بەلدەۋ، ءبىر جولدى» ورگانيكالى ءتۇيىلىستىرۋدىڭ ماڭىزدى قاقپاسىن قالىپتاستىرۋ.
«تەڭىزدىڭ» كومەسكى كۇشىن ايگىلەپ، «وزەننىڭ» ومىرشەڭدىك كۇشىن تاسقىنداتىپ، «شەكارانىڭ» كەمەلدى ءىس - شاراسىن جاسادى −
گۋاڭشي ەسىك اشۋدىڭ، جەتەكتەۋدىڭ اناعۇرلىم بەلسەندى، اناعۇرلىم ىرىقتى ستراتەگياسىن اتقارىپ، «وڭتۇستىككە باعىتتالۋ، سولتۇستىكپەن بايلانىس جاساۋ، شىعىسپەن توعىسۋ، باتىسپەن سەلبەستىك ورناتۋ» سىندى جان - جاقتى اشىق دامۋدىڭ جاڭا جاعدايىن جەدەل قالىپتاستىرىپ، ەسىكتى ايقارا اشۋ ارقىلى قارىشتاپ دامۋعا جەتەكشىلىك ەتۋدىڭ جاپپاي جاڭا جاعدايىن بىرتىندەپ قالىپتاستىرا باستادى.
(شينحۋا اگەنتتىگىنىڭ 12 - ايدىڭ 8 - كۇنى بەيجيڭنەن بەرگەن حابارى)
