ەرىكتى تىلشىلەر شى جىننان، ۋاڭ پىڭ
ءۇرتىس 2 جىل قاۋىن ەككەن قاشقار جاڭا ءشار اۋدانى جاڭا اۋات اۋىلى قاراجار قىستاعىنداعى كەدەي ءشاھماردان سىلام بيىل كەدەيلىكتەن قۇتىلدى. «قىزمەت اترەتىنىڭ بىزگە كەدەيلىكتەن ارىلىپ، اۋقاتتانۋدىڭ جاڭا جولىن تاۋىپ بەرگەندىگىنە العىس ايتامىن»، - دەدى 12 - ايدىڭ 8 - كۇنى ءشاھماردان قۋانىپ.
بيىلدان بەرى، اۆتونوميالى رايوندىق حالىق ۇكىمەتى كەڭسەسىنىڭ «ۇعىسۋ، تيىمدىلىك جاساۋ، توعىستىرۋ» قيمىلى بويىنشا قاشقار جاڭا ءشار اۋدانى جاڭا اۋات اۋىلى قاراجار قىستاعىندا تۇراتىن قىزمەت اترەتى قىستاقتىڭ ءىس جۇزىندىك جاعدايىنا نەگىزدەلىپ، جان - جاقتى شارا قولدانىپ، ەرەكشە ەگىمشىلىكتى، اۋلا شارۋاشىلىعىن دامىتۋ سياقتى شارالار اتقارىپ، كەدەي وتباسىلارىنىڭ «كەدەيلىك قالپاعىن» الىپ تاستاۋىنا كومەكتەستى.
بىلتىر «جينفىڭحۋاڭ (التىن سامۇرىق)» قاۋىنىن قاراجار قىستاعىندا شاعىن كولەمدە سىناق رەتىندە ەگۋ ءساتتى بولعاندىقتان، بيىل جىل باسىندا قىزمەت اترەتى 20 قىستاق تۇرعىنىن ۇيىمداستىرىپ، ەرەكشە ەگىمشىلىك سەلبەستىك كووپەراتيۆىن قۇرىپ، كولەمدى، ەرەكشە ەگىمشىلىكتى جولعا قويىپ، «جينفىڭحۋاڭ (التىن سامۇرىق)» قاۋىنىنىڭ ەگىس كولەمىن 500 مۋعا ارتتىردى. «ۇعىسۋ، تيىمدىلىك جاساۋ، توعىستىرۋ» قيمىلى بويىنشا قىستاقتا تۇراتىن قىزمەت اترەتىنىڭ باستىعى، ءبىرىنشى شۋجي قايسار مامەت شاڭحايداعى كاسىپورىنمەن بەلسەنە بايلانىس جاساپ، قىستاق تۇرعىندارىنىڭ كاسىپورىنمەن تاپسىرىس كەلىسىمىنە قول قويىسۋىنا كومەكتەسىپ، قىستاق تۇرعىندارى ەككەن قاۋىننىڭ ساتىلۋىنا كەپىلدىك ەتتى.
بيىل 7 - ايدىڭ سوڭىندا، سەلبەستىك كووپەراتيۆى ەككەن «جينفىڭحۋاڭنان (التىن سامۇرىق)» مول ءونىم الىندى، قاۋىن اتىز باسىنان ءۇزىلىپ، قوراپتالىپ، تىكە شاڭحايعا جونەلتىلدى، قاۋىنشىلار بۇدان 2 ميلليون 700 مىڭ يۋان كىرىس كىرگىزدى.
213 - ولكە تاس جولىنىڭ ماڭىنا ورنالاسقان قاراجار قىستاعىنىڭ وڭىرلىك ابزالدىلىعى كورنەكتى، قىزمەت اترەتى وسى ابزالدىلىقتان پايدالانىپ، جول بويىنداعى وتباسىلارىن بوس ۇيلەرىن كوشە دۇكەنىنە وزگەرتىپ سالۋعا شابىتتاندىرىپ، 200 مىڭ يۋان شارۋاشىلىق قۇرۋ قورىن دايىنداپ، قىستاق تۇرعىندارىن شارۋاشىلىق قۇرىپ، دۇكەن اشۋعا ىنتالاندىردى، سونداي - اق 150 مىڭ يۋان قارجى سايكەستىرىپ، قىستاقتان دەربەس شارۋاشىلىق قۇرۋدان ۇلگى كورسەتۋ كوشەسىن قۇردى.
«قىستاق تۇرعىندارىنىڭ ۇيدەن شىعىپ شارۋاشىلىق قۇرۋىنا مۇمكىندىك جاساۋ ءۇشىن، ولارعا ارتىقشىلىقتارىن ساۋلەلەندىرەتىن <ساحنا> دايىنداۋ كەرەك»، - دەدى قايسار تەرەڭ سەزىممەن.
ساۋدا كوشەسى قۇرىلىسىن ءتارتىپتى ىلگەرىلەتۋ ءۇشىن، قىزمەت اترەتى قىستاق تۇرعىندارىن باستاپ، قاشقار قالاسىنىڭ كەشكى بازارى سياقتى كەمەلدەنگەن ساۋدا كوشەلەرىن ەكسكۋرسيالاتىپ، ولاردىڭ تيجارات جۇرگىزۋ وي جەلىسىن كەڭەيتىپ، شارۋاشىلىق قۇرۋ ىنتاسىن ارتتىردى. قىزمەت اترەتى تاعى قىستاقتا تەحنيكا ساباقحاناسىن اشۋ، شارۋاشىلىق قۇرۋ اڭگىمەلەرىن ايتۋ جينالىسىن وتكىزۋ ارقىلى قىستاق تۇرعىندارىنا وي جەلىنى ءتۇسىندىرىپ، ءادىس - امال ۇيرەتتى، شارۋاشىلىق قۇرۋداعى ۇلگىلىلەردى باعالاپ، قىستاق تۇرعىندارىنىڭ شارۋاشىلىق قۇرۋداعى كومەسكى كۇشىن ۇزدىكسىز قاۋلاتتى.
قىستاق تۇرعىنى بۇزوراگۇل ءيۇسۇپ ۋقالاۋ تەحنيكالىق كۋالىگىن العان بولاتىن، قىزمەت اترەتى ونى ەرتىپ قاشقار قالاسىن ەكسكۋرسيالاتقاننان كەيىن، بۇزوراگۇل سالاماتتىقتى كۇتىمدەۋ دۇكەنىن اشىپ، ۋقالاۋ تەحنيكاسىنان پايدالانىپ كۇنىنە 200 يۋاننان ارتىق كىرىس تاباتىن بولدى.
بۇگىنگى كۇندە، قىستاقتاعى شارۋاشىلىق قۇرۋدان ۇلگى كورسەتۋ كوشەسىندە ءتۇرلى دۇكەننەن 66سى اشىلىپ، 100دەن استام ادامدى كاسىپتەندىردى.
شارۋاشىلىق قۇرۋدان ۇلگى كورسەتۋ كوشەسىنىڭ دامۋ ءىس جۇزىندىگىن نەگىز ەتكەن قىزمەت اترەتى «الدى دۇكەن، ارتى اۋلا» سىندى اۋلانى رەتكە سالۋ ۇلگىسىن اتقاردى. قاراجار قىستاعىنىڭ قىستاق تۇرعىندار اۋلاسى «ءبىر ۇيدە ءبىر ءجۇزىم سورەسى، ءبىر كوكونس جىلىجايى، ءبىر قورا، ءبىر باق بولۋ» تالابى بويىنشا اۋلا شارۋاشىلىعىنداعى ءۇش اۋماقتى ءبولۋدى، تازا دا رەتتى بولۋدى جانە ءۇي جيھازدارىن تولىقتاۋدى جولعا قويدى، اۋلادان ۇتىمدى پايدالانىپ، ەگىمشىلىك، باعىمشىلىق فۋنكتسيالىق اۋماعىن عىلمي جوسپارلادى، قىستاق تۇرعىندارى بوس جەرىنە كوكونىس ەگىپ، جىلىجاي سالىپ، كوكونىس ەگىمشىلىگىن جانە مال، ءۇي قۇستارى باعىمشىلىعىن دامىتتى.
قاراجار قىستاعىنىڭ اۋلانى رەتكە سالۋداعى ۇلگىلى وتباسى ابەي ساۋىت قىزمەت اترەتىنىڭ ءجون كورسەتىپ، كومەكتەسۋىمەن جول بويىنداعى بوس ۇيلەرىن كوشە دۇكەنىنە وزگەرتىپ، شارۋاشىلىق قۇرۋدان ۇلگى كورسەتۋ كوشەسىندە شاعىن اسحانا اشتى، سونىمەن بىرگە، اۋلاسىنىڭ ءبىر بۇرىشىنان شاعىن كوكونىس باقشاسىن سالدى. قازىر ول كوكونىس باقشاسىنا جىلىجاي ورناتىپ، ماۋسىم تالعامايتىن كوكونىستەردى ەكتى. «اسحانانىڭ ساۋداسى بارعان سايىپ جاقسارىپ كەلەدى، اۋلادا ەككەن كوكونىستەردى ءوز اسحاناما پايدالانىپ ءبىرتالاي اقشا ۇنەمدەدىم»، - دەدى ابەي.
