تيانشان تورى   ›   جاڭالىقتار   ›   شينجياڭ حابارلارى

شينجياڭ جۇڭتاي حيميا شەكتى جارنا سەرىكتەستىگى 5 - كەزەكتى جۇڭگو ونەركاسىپ ۇلكەن سيلىعىن الدى

  ءتىلشىمىز شى شين 12 - ايدىڭ 9 - كۇنى بەيجيڭنەن حابارلايدى. 12 - ايدىڭ 9 - كۇنى 5 - كەزەكتى جۇڭگو ونەركاسىپ ۇلكەن سيلىعىنىڭ اقپار جاريالاۋ ءماجىلىسى بەيجيڭدە وتكىزىلىپ، ۇلكەن سيلىعىن، ماداقتاۋ سيلىعىن جانە كورسەتىلۋ سيلىعىن ەنشىلەگەن قاتىستى كاسىپورىندار مەن نىسانداردى جاريالادى. مۇندا شينجياڭ جۇڭتاي حيميا شەكتى جارنا سەرىكتەستىگى جۇڭگو ونەركاسىپ ۇلكەن سيلىعىن ەنشىلەدى. قازىرگە دەيىن رايونىمىزدا 3 كاسىپورىن جانە ءبىر نىسان وسى ەرەكشە داڭققا قول جەتكىزدى.

  جۇڭگو ونەركاسىپ ۇلكەن سيلىعى مەملەكەتتىك كەڭەستىڭ بەكىتۋىمەن قۇرىلعان ەلىمىزدىڭ ونەركاسىپ سالاسىنداعى ەڭ جوعارى سيلىق ءتۇرى، ول تەحنيكا، ءوندىرىس، تيجارات، باسقارۋ جاقتارىندا ەلىمىزدە الدىڭعى قاتارعا شىققان جانە حالىقارادا وزىق دەڭگەيگە جەتكەن، سونىمەن بىرگە، شارۋاشىلىقتىڭ دامۋىن جەبەۋدە جانە جالپىلىق مەملەكەت قۋاتىن كۇشەيتۋدە ماڭىزدى ۇلەس قوسقان كاسىپورىندار مەن نىسانداردى ماداقتاپ - سيلايدى. وسى كەزەكتى سارالاۋدا 12 كاسىپورىنعا، 11 نىسانعا جۇڭگو ونەركاسىپ ۇلكەن سيلىعى؛ 20 كاسىپورىنعا، 16 نىسانعا جۇڭگو ونەركاسىپ ۇلكەن سيلىعىنىڭ ماداقتاۋ سيلىعى؛ 14 كاسىپورىنعا، 10 نىسانعا جۇڭگو ونەركاسىپ ۇلكەن سيلىعىنا كورسەتىلۋ سيلىعى بەرىلدى.

  شينجياڭ جۇڭتاي حيميا شەكتى جارنا سەرىكتەستىگى شينجياڭ جۇڭتاي توبى قاراماعىنداعى جارنا بازارىنا تۇسكەن سەرىكتەستىك، ول اۆتونوميالى رايوندىق مەملەكەت مەنشىگىندەگى مال - مۇلىكتى باقىلاۋ - باسقارۋ كوميتەتىنىڭ جارناسىن مەملەكەت مەڭگەرەتىن جارنا بازارىنا تۇسكەن كاسىپورىن، 1958 - جىلى قۇرىلعان، 2006 - جىلى شىنجىن اكتسيا ساۋدالاۋ ورنىندا جارنا بازارىنا تۇسكەن، شينجياڭ ءتۇيىندى قولداۋ كورسەتكەن ابزال بايلىقتى كادەگە جاراتاتىن كاسىپورىن ءارى بۇكىل ەل بويىنشا حلورلى ءسىلتى، جابىسقاق رازينكە تالشىق، جابىسقاق رازينكە ءجىپ كاسىبىندەگى باستاماشى كاسىپورىن. كەزەكتە 10 ءىرى كاسىپ باقشاسى جانە جىلىنا 2 ميلليون 600 مىڭ توننا pvc، ءبىر ميلليون 800 مىڭ توننا كۇيدىرگىش ءسىلتى، ءبىر ميلليون توننالىق تسەلليۋلوزا تالشىعى، 3 ميلليون ۇرشىق ءجىپ ءوندىرۋ، سونىمەن بىرگە، ءبىر ميلليون مۋلىق ماقتا ەگىمشىلىگى سىندى اينالمالى شارۋاشىلىق كاسىپ تىزبەگىن قالىپتاستىرعان، بۇكىل ەل بويىنشا حلورلى ءسىلتى مەن تسەلليۋلوزا تالشىعىن وندىرەتىن ەڭ ۇلكەن كاسىپورىن.

  جۇڭگو مۇناي جانە حيميا ونەركاسىپ بىرلەستىگى ساپا، حاۋىپسىزدىك، قورشاعان ورتانى قورعاۋ ءبولىمىنىڭ ورىنباسار مەڭگەرۋشىسى تاڭ شىڭشيۋ مىنالاردى ءبىلدىردى: شينجياڭ جۇڭتاي حيميا شەكتى جارنا سەرىكتەستىگىنىڭ زەردەلى جاساۋ، ەنەرگيا ۇنەمدەپ، جاراقسىز زاتتاردىڭ شىعارىلۋىن ازايتۋ، عىلىم - تەحنيكا العاباسارلىعى، «ءبىر بەلدەۋ، ءبىر جول» باستاماسىن امالياتتا ايگىلەۋ، قوعامدىق جاۋاپكەرشىلىگىن وتەۋ سياقتى جاقتارداعى ناتيجەسى كورنەكتى بولعاندىقتان سيلىق ەنشىلەدى، - دەدى.

  شينجياڭ جۇڭتاي توبى پارتكومىنىڭ شۋجيى، توپتىڭ باسالقاسى، شينجياڭ جۇڭتاي حيميا شەكتى جارنا سەرىكتەستىگىنىڭ باسالقاسى ۋاڭ حۇڭشين مىنانى ءبىلدىردى: جۇڭگو ونەركاسىپ ۇلكەن سيلىعىن ەنشىلەۋ جۇڭتاي توبى جونىنەن زور شابىتتاندىرۋ بولماق. سەرىكتەستىك وسىنى قوزعاۋشى كۇش ەتىپ، بايلىق فاكتورى ابزالدىلىعىن جانە كاسىپ شوعىرلانۋ ابزالدىلىعىن تولىق ساۋلەلەندىرىپ، شينجياڭنىڭ حيميا ونەركاسىپ شارۋاشىلىعىن بارىنشا دامىتىپ، جوعارى ساپالى دامۋدى ىلگەرىلەتىپ، بيىل جىل سوڭىنا دەيىن سەرىكتەستىك باسقارۋىنداعى جالپى مال - مۇلىكتى جانە ساتۋ كىرىسى ەكەۋىن دە «قوس 100 ميللياردتان» اسىرۋعا كۇش سالادى.

  ۇعىسۋعا قاراعاندا، كەزەكتە رايونىمىزدا شينجياڭ جۇڭتاي حيميا شەكتى جارنا سەرىكتەستىگى، ەرەكشە ترانسفورماتور شەكتى جارنا سەرىكتەستىگى، شينجياڭ تيانيە (توبى) شەكتى سەرىكتەستىگى سياقتى 3 كاسىپورىن جانە شينجياڭ لوپنۇر كاليلى تىڭايتقىش بازاسىنىڭ جىلىنا ءبىر ميلليون 200 مىڭ توننا كۇكىرت قىشقىلدى كالي ءوندىرۋ نىسانى جۇڭگو ونەركاسىپ ۇلكەن سيلىعىن ەنشىلەگەن. مۇنىڭ ىشىندە ەرەكشە ترانسفورماتور شەكتى جارنا سەرىكتەستىگى 2011 - جىلى 2 - كەزەكتى جۇڭگو ونەركاسىپ ۇلكەن سيلىعىن، شينجياڭ تيانيە (توبى) شەكتى سەرىكتەستىگى مەن شينجياڭ لوپنۇر كاليلى تىڭايتقىش بازاسىنىڭ جىلىنا ءبىر ميلليون 200 مىڭ توننا كۇكىرت قىشقىلدى كالي ءوندىرۋ نىسانى 2016 - جىلى 4 - كەزەكتى جۇڭگو ونەركاسىپ ۇلكەن سيلىعىن ەنشىلەگەن.

جاۋاپتى رەداكتور : سايراش تۇرارجان قىزى

ەسكەرتۋ:

تورابىمىزداعى مازمۇنداردى پايدالانۋعا تۋرا كەلگەندە، ءسوزسىز جازباشا رۇقساتقا يە بولۋ كەرەك. مازمۇنداردى رۇقساتسىز جالعاپ تاراتۋعا، كەسىپ رەداكسيالاۋعا، وزگەرتۋگە، قىسقارتىپ قۇراستىرۋعا، باسقا ورىنعا كوشىرۋگە نەمەسە باسقا تاسىلدەرمەن كوبەيتۋگە ءارى تاراتۋعا بولمايدى، قايشى كەلگەندەردىڭ زاڭدىق جاۋاپكەرشىلىگى زاڭ بويىنشا قۋزاستىرىلادى.

  • وسى كەزەكتى جۇڭگو − ازيا - ەۆروپا كورمەسى تۇڭعىش رەت نەگىزگى قوناق ولكەلەردى بەلگىلەدى
  • تاپسىرىس ونىمدەردى جەدەل ءوندىرىپ، قامداۋدى قامتاماسىز ەتتى
  • جىلدىق مىندەتتى ءساتتى ورىنداۋعا شىنايى كەپىلدىك ەتتى
  • شينجياڭ جۇڭتاي توبى دۇنيە جۇزىندەگى 500 قۋاتتى كاسىپورىن قاتارىنا ءوتتى
  • جەل - جارىق ەنەرگياسى ءوزارا تولىقتىردى