تيانشان تورى
تيانشان تورى   ›   جاڭالىقتار   ›   شينجياڭ حابارلارى

شينجياڭ حالىق قۇرىلتايى قىزمەت نازارياسىن زەرتتەۋ قوعامى قۇرىلدى

  ءتىلشى جاۋ جىيۇن 12 - ايدىڭ 10 - كۇنى ۇرىمجىدەن حابارلايدى. 12 - ايدىڭ 10 - كۇنى شينجياڭ حالىق قۇرىلتايى قىزمەت نازارياسىن زەرتتەۋ قوعامى قۇرىلدى جانە 1 - رەتكى مۇشەلەر ءماجىلىسىن اشتى.

  اۆتونوميالى رايوندىق حالىق قۇرىلتايى تۇراقتى كوميتەتىنىڭ مەڭگەرۋشىسى شاۋكەت يمىن ماجىلىسكە قاتىناستى ءارى ءسوز سويلەدى.

  ءماجىلىس مىنانى اتاپ كورسەتتى: حالىق قۇرىلتايىنىڭ نازاريا زەرتتەۋ قىزمەتىن كۇشەيتۋ − «ءتورت تانىمدى» كۇشەيتۋدىڭ، «ءتورت سەنىمدى» بەكەمدەۋدىڭ، «ەكىنى قورعاۋدىڭ» قاجەتتى تالابى، حالىق قۇرىلتايى ءتۇزىمى مەن حالىق قۇرىلتايى قىزمەتىنىڭ داۋىرمەن بىرگە ىلگەرىلەۋىن، كەمەلدەنە دامۋىن جەبەۋدىڭ ىشكى تالابى، حالىق قۇرىلتايىنىڭ قوعام ورنىقتىلىعى مەن باياندى تىنىشتىق باس نىساناسىن جۇزەگە اسىرۋداعى فۋنكتسيالىق رولىن تولىق ساۋلەلەندىرۋدىڭ ءىس جۇزىندىك تالابى. شينجياڭ حالىق قۇرىلتايىنىڭ قىزمەت نازارياسىن زەرتتەۋ قوعامىن قۇرۋداعى ماقسات − ءبىر تەكشە ورناتىپ، حالىق قۇرىلتايى قىزمەتىندەگى جاقسى تاجىريبەلەردى، جاقسى ادىستەردى مۇقيات قورىتىندىلاپ، حالىق قۇرىلتايى قىزمەتىنىڭ نازارياسى مەن امالياتتىق ماسەلەلەرىن ىشكەرىلەي تالقىلاپ، حالىق قۇرىلتايى قىزمەتىنىڭ ەرەكشەلىگى مەن زاڭدىلىقتارى جونىندە بەلسەنە ىزدەنىس جاساپ، حالىق قۇرىلتايى قىزمەتىنىڭ پرينسيپتىك، جۇيەلىلىك، كورەگەندىك سيپاتىن كۇشەيتىپ، جاڭا داۋىردەگى حالىق قۇرىلتايى قىزمەتىن قۇلشىنا ويداعىداي ىستەۋ.

  ءماجىلىس مىنانى اتاپ كورسەتتى: حالىق قۇرىلتايىنىڭ نازاريا زەرتتەۋ قىزمەتىن كۇشەيتۋ ءۇشىن، پارتيا 19 - قۇرىلتايىنىڭ رۋحىن جاپپاي دايەكتىلەندىرىپ، تياناقتاندىرىپ، شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ شەشىمدەرىن، ورنالاستىرۋلارىن دايەكتىلەندىرۋدى، تياناقتاندىرۋدى مىقتاپ ارقاۋ ەتۋ، حالىق بۇقاراسىنىڭ كوڭىل ءبولىپ وتىرعان كەلەلى ىستەرىنە اڭىس قايتارۋدى مىقتاپ ارقاۋ ەتۋ، مەملەكەتتى جاپپاي زاڭمەن جونگە سالۋدى ىلگەرىلەتۋدى مىقتاپ ارقاۋ ەتۋ كەرەك. شي جينپيڭنىڭ جاڭا ءداۋىر جۇڭگوشا سوتسياليزم يدەياسىن جەتەكشى ەتۋگە تاباندى بولۋ، پارتيا باسشىلىعىنىڭ، حالىقتىڭ قوجايىندىعىنىڭ، مەملەكەتتى زاڭمەن جونگە سالۋدىڭ ورگانيكالى بىرلىگىنە تاباندى بولۋ، نازاريانى ءىس جۇزىندىكپەن ۇشتاستىرۋعا تاباندى بولۋ، ماسەلەنى باعدار ەتۋگە تاباندى بولۋ كەرەك. پارتيانىڭ نازاريا زەرتتەۋ قىزمەتىنە باسشىلىعىنا مىزعىماي تاباندى بولىپ، شەشىم جاساۋ، كەڭەس بەرۋدەگى اقىل - پاراسات قويماسىندىق رولىن تولىق ساۋلەلەندىرىپ، شەشىم جاساۋ، كەڭەس بەرۋ قابىلەتى مەن ورەسىن ۇزدىكسىز جوعارىلاتۋ كەرەك. باس شۋجي شي جينپيڭنىڭ حالىق قۇرىلتايى تۇزىمىنە تاباندى بولۋ جانە ونى كەمەلدەندىرۋ جونىندەگى ماڭىزدى يدەياسىنا ىشكەرىلەي زەرتتەۋ جۇرگىزىپ، ءتۇسىندىرىپ، ونىمەن وي - سانانى اناعۇرلىم ويداعىداي قارۋلاندىرۋ، امالياتقا جەتەكشىلىك ەتۋ، قىزمەتتەردى ىلگەرىلەتۋ كەرەك؛ حالىق قۇرىلتايى ءتۇزىمىنىڭ تاريحي سوزسىزدىگى، زور ءونىمى، ەرەكشەلىك جاعىنداعى ارتىقشىلىعى جونىندە ىشكەرىلەي زەرتتەۋ جۇرگىزىپ، ءتۇسىندىرىپ، ءتۇزىم سەنىمىن اناعۇرلىم بەكەمدەۋ كەرەك؛ حالىق قۇرىلتايى ءتۇزىمى قۇرىلىسى مەن حالىق قۇرىلتايى قىزمەتىنىڭ تاماشا تاجىربيەلەرىن، تاماشا ادىستەرىن مۇقيات قورىتىندىلاپ، سۇرىپتاپ، جاڭا جاعداي، جاڭا ماسەلەلەر جونىندە زەرتتەۋ جۇرگىزىپ، جاڭا داۋىردەگى حالىق قۇرىلتايى قىزمەتىنىڭ زاڭدىلىعى جونىندەگى تانىمدى جانە يگەرۋدى تەرەڭدەتىپ، حالىق قۇرىلتايى قىزمەتى بارىسىندا جاۋاپ قايتارۋدى شۇعىل قاجەت ەتەتىن ءىس جۇزىندىك ماسەلەلەرگە مەڭزەس، جوعارى ساپالى شەشىم ۇسىنىستارىن ورتاعا قويىپ، زاڭ شىعارۋ، باقىلاۋ، ۇيعارۋ، ۋاكىلدىك ەتۋ، مىندەتكە تاعايىنداۋ، مىندەتىنەن قالدىرۋ سياقتى قىزمەتتەردى كۇشەيتۋ جانە جاقسارتۋ جونىندە شەشىم جاساۋ، كەڭەس بەرۋ كەرەك.

  اۆتونوميالى رايوندىق حالىق قۇرىلتايى تۇراقتى كوميتەتىنىڭ ورىنباسار مەڭگەرۋشىلەرى لي شۋەجۇن، ۋاڭ يۇڭميڭ، ءمۇتالىپ قاسىم، دۇڭ شينگۋاڭ، باداي، گۇلشات ءابدىقادىر، سو يۋە ماجىلىسكە قاتىناستى.

جاۋاپتى رەداكتور : سايراش تۇرارجان قىزى

ەسكەرتۋ:

تورابىمىزداعى مازمۇنداردى پايدالانۋعا تۋرا كەلگەندە، ءسوزسىز جازباشا رۇقساتقا يە بولۋ كەرەك. مازمۇنداردى رۇقساتسىز جالعاپ تاراتۋعا، كەسىپ رەداكسيالاۋعا، وزگەرتۋگە، قىسقارتىپ قۇراستىرۋعا، باسقا ورىنعا كوشىرۋگە نەمەسە باسقا تاسىلدەرمەن كوبەيتۋگە ءارى تاراتۋعا بولمايدى، قايشى كەلگەندەردىڭ زاڭدىق جاۋاپكەرشىلىگى زاڭ بويىنشا قۋزاستىرىلادى.