ءتىلشى جاۋ جىيۇن 12 - ايدىڭ 10 - كۇنى ۇرىمجىدەن حابارلايدى. 12 - ايدىڭ 5 - كۇنى اۆتونوميالى رايوننىڭ ءتوراعاسى شوكىرات زاكىر اۆتونوميالى رايوندىق حالىق ۇكىمەتىنىڭ ۇنەمىلىك ىستەر ءماجىلىسىن باسقارىپ اشىپ، شينجياڭنىڭ قاتىناس - تاسىمال قۇرىلىمىن رەتتەۋ قىزمەتى جانە قاتىناس - تاسىمال ىستەرى مەن ساياحاتتى توعىسپالى دامىتۋ قىزمەتى قاتارلى جۇمىستاردى اقىلداستى.
ءماجىلىس مىنانى باسا دارىپتەدى: قاتىناس - تاسىمال ىستەرىنىڭ قامداۋ جاعىنداعى قۇرىلىمدىق رەفورماسىن تەرەڭدەتۋدى نەگىزگى جەلى ەتىپ، اۆتونوميالى رايونىمىزدىڭ قاتىناس - تاسىمال قۇرىلىمىن رەتتەۋ قىزمەتىن جاقسى ىستەۋ − اۆتونوميالى رايونىمىزدىڭ جوعارى ساپالى دامۋىن دايەكتىلەندىرۋدىڭ، تياناقتاندىرۋدىڭ ماڭىزدى دانەكەرى جانە تۇتقاسى، ول اۆتونوميالى رايونىمىزدىڭ كوك اسپاندى قورعاۋ شايقاسىندا جەڭىسكە جەتۋىندە، لاستانۋدان ساقتانۋ جانە وڭاۋدان قامال الۋ شايقاسىن جاقسى جۇرگىزۋىندە، جالپىلىق قاتىناس ونىمدىلىگىن جوعارىلاتۋىندا، زات تاسىمال وزىندىك قۇنىن تومەندەتۋىندە، وسىزاماندانعان جالپىلىق قاتىناس - تاسىمال جۇيەسىن قۇرۋدى جەدەلدەتۋىندە ماڭىزدى مانگە يە. اۆتونوميالى رايونىمىز ۇستىنەن وڭاۋ مەن تۇبىرىنەن وڭاۋعا، شارالاردى جاپپاي اتقارۋعا، ساياساتتىق جاقتان جەتەلەۋگە، بازاردى قوزعاۋشى كۇش ەتۋگە، تۇيىندەردەن قامال الۋعا، جۇيەلى ىلگەرىلەتۋگە تاباندى بولىپ، كولەمدى زات تاسىمالىن تاس جول تاسىمالىنان تەمىر جول تاسىمالىنا وزگەرتۋدى نەگىزگى باعىت ەتىپ، تاسىمالدى ۇيىمداستىرۋ ورەسىن شىنايى جوعارىلاتىپ، تاس جول قاتىناس - تاسىمالىنىڭ وزىندىك قۇنىن تومەندەتىپ، تەمىر جول تاسىمالىنىڭ مولشەرىن ارتتىرىپ، وسىزاماندانعان قاتىناس - تاسىمال جۇيەسى قۇرىلىسىن جەدەلدەتىپ، قوعام ورنىقتىلىعى مەن باياندى تىنىشتىق باس نىساناسىن جۇزەگە اسىرۋدى قامتاماسىز ەتۋ كەرەك.
ءماجىلىس مىنانى اتاپ كورسەتتى: ساياحات ارقىلى شينجياڭدى كوركەيتۋ ستراتەگياسىن اتقارۋ − شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ شينجياڭدى جونگە سالۋ جالپى جوباسىن دايەكتىلەندىرۋدىڭ، تياناقتاندىرۋدىڭ، شينجياڭنىڭ قوعام ورنىقتىلىعى مەن باياندى تىنىشتىق باس نىساناسىن جۇزەگە اسىرۋدىڭ قاجەتتى تالابى، جاڭا دامۋ ۇستانىمىن دايەكتىلەندىرىپ، شينجياڭنىڭ جوعارى ساپالى دامۋىن ىلگەرىلەتۋدىڭ ماڭىزدى شاراسى. «قاتىناس - تاسىمال + ساياحات» سىندى ەكى بايلىقتى ءبىر تۇلعالاندىرۋ ساياساتى جۇيەسىن ورناتىپ، «قاتىناس - تاسىمال + ساياحات» سىندى جاڭا كاسىپتىڭ تولىق دامۋىن ىلگەرىلەتۋ، ساياحات، قاتىناس - تاسىمال نەگىزدىك قۇرىلعىلارىن كەمەلدەندىرۋ ساياحاتقا قىزمەت وتەۋ ساپاسىن جوعارىلاتۋعا، اۆتونوميالى رايونىمىزدىڭ ساياحات كاسىبىنىڭ جوعارى ساپالى دامۋىن ىلگەرىلەتۋگە ءتيىمدى. اۆتونوميالى رايونىمىز «قاتىناس - تاسىمال + ساياحات» قىزمەتىن توعىسپالى دامىتۋ ساياساتىن شىعارۋ، سونداي - اق جوبالاۋ جۇيەسىن ورناتۋ، «قاتىناس - تاسىمال +ساياحات» ونىمدەرىن جارىققا شىعارۋ، قاتىناس - تاسىمال قۇرىلعىلارىنىڭ ساياحاتقا قىزمەت وتەۋ قۋاتىن جوعارىلاتۋ، ينفورماتسيالاردى ءوزارا بايلانىستىرۋ قاتارلىلارعا ءمان بەرىپ، قاتىناس - تاسىمال ىستەرى مەن ساياحاتتىڭ توعىسپالى دامۋىن ىلگەرىلەتەدى.
ءماجىلىس باسقا دا ىستەردى اقىلداستى.
