تيانشان تورابى   ›   جاڭالىقتار   ›   ەل ءىشى حابارى

گۋاڭشيدەگى ءار ۇلت، ءار سالا اۆتونوميالى رايون قۇرىلعاندىعىنىڭ 60 جىلدىعىن سالتاناتپەن قۇتتىقتادى

  جۇڭگو كوممۋنيستىك پارتياسى ورتالىق كوميتەتى، مەملەكەتتىك حالىق قۇرىلتايى تۇراقتى كوميتەتى، مەملەكەتتىك كەڭەس،مەملەكەتتىك ساياسي كەڭەس، ورتالىق اسكەري ىستەر كوميتەتى تەلەگرامما جولداپ قۇتتىقتادى

  ۋاڭ ياڭ جينالىسقا قاتىناستى ءارى ءسوز سويلەدى

  شينحۋا اگەنتتىگىنىڭ 12 - ايدىڭ 10 - كۇنى ناننيڭنەن بەرگەن حابارى (تىلشىلەر ياڭ ۋيحان، جياڭ سۋ، تان شيڭشيڭ). 60 جىل ەرلىكپەن العا ىلگەرىلەگەن گۋاڭشي دالاسى جاڭا بەينەگە ەندى. 12 - ايدىڭ 10 - كۇنى تۇستەن كەيىن گۋاڭشي جۋاڭزۋ اۆتونوميالى رايونى قۇرىلعاندىعىنىڭ 60 جىلدىعىن قۇتتىقتاۋ جينالىسى گۋاڭشي دەنە تاربيە ورتالىعىندا سالتاناتپەن وتكىزىلدى. جۇڭگو كوممۋنيستىك پارتياسى ورتالىق كوميتەتى، مەملەكەتتىك حالىق قۇرىلتايى تۇراقتى كوميتەتى، مەملەكەتتىك كەڭەس، مەملەكەتتىك ساياسي كەڭەس، ورتالىق اسكەري ىستەر كوميتەتى قۇتتىقتاۋ تەلەگرامماسىن جولدادى. جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ تۇراقتى مۇشەسى، مەملەكەتتىك ساياسي كەڭەستىڭ ءتوراعاسى، ورتالىق ۋاكىلدەر ۇيىرمەسىنىڭ باستىعى ۋاڭ ياڭ قۇتتىقتاۋ جينالىسىنا قاتىناستى ءارى ءسوز سويلەدى.

  بۇگىنگى ناننيڭ گۇلگە ورانىپ، شاتتىق لەبى ەسىپ، بارلىق جەر شات - شادىمان مەرەكەلىك تۇسكە ەندى. ءار ۇلت، ءار سالادان مەرەكەلىك كيىم كيگەن 22 مىڭعا تارتا كادر - بۇقارا گۋاڭشي دەنە تاربيە ورتالىعىنا شاتتانا جينالىپ، سالتاناتتى كۇندى بىرگە تويلادى. ءتوراعالار مىنبەسىنىڭ جوعارعى جاعىنداعى كەرمە لەنتاعا جۋاڭزۋ، حانزۋ تىلدەرىندە «گۋاڭشي جۋاڭزۋ اۆتونوميالى رايونى قۇرىلعاندىعىنىڭ 60 جىلدىعىن قۇتتىقتاۋ جينالىسى» دەگەن جازۋ جازىلىپتى. ۇلكەن كەرمە لەنتاداعى «شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ توڭىرەگىنە تىعىز ىنتىماقتاسايىق»، «جاڭا داۋىردەگى گۋاڭشيدىڭ دامۋىنىڭ جاڭا پاراعىن قۇلشىنا جازايىق» دەگەن ۇراندار ءار ۇلت حالقىنىڭ ورتاق تىلەگىن بەينەلەيدى. بيىككە ىلىنگەن «كوركەم گۋاڭشي قۇرىپ، گۇلدەنۋ ارمانىن بىرگە ورىندايىق» دەگەن جازۋدىڭ ەكى جاعىنداعى «1958»، «2018» دەگەن سيفرلار ەرەكشە كوز تارتادى.

  تۇستەن كەيىن ساعات 3 مولشەرىندە، گۋاڭشي جۋاڭزۋ اۆتونوميالى رايوندىق پارتكومنىڭ ورىنباسار شۋجيى، اۆتونوميالى رايوندىق حالىق ۇكىمەتىنىڭ ءتوراعاسى چىن ۋ جينالىستىڭ باستالعاندىعىن جاريالادى. اسقاق مەملەكەت ءانى اۋەنىمەن بەس جۇلدىزدى قىزىل تۋ باياۋ كوتەرىلدى.

  جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ مۇشەسى، مەملەكەتتىك كەڭەستىڭ ورىنباسار زۇڭليى، ورتالىق ۋاكىلدەر ۇيىرمەسىنىڭ ورىنباسار باستىعى سۇن چۇنلان جۇڭگو كوممۋنيستىك پارتياسى ورتالىق كوميتەتىنىڭ، مەملەكەتتىك حالىق قۇرىلتايى تۇراقتى كوميتەتىنىڭ، مەملەكەتتىك كەڭەستىڭ، مەملەكەتتىك ساياسي كەڭەستىڭ، ورتالىق اسكەري ىستەر كوميتەتىنىڭ گۋاڭشي جۋاڭزۋ اۆتونوميالى رايونى قۇرىلعاندىعىنىڭ 60 جىلدىعىن قۇتتىقتاۋ تەلەگراممالارىن وقىدى.

  قىزۋ قول شاپالاق ءۇنى ىشىندە، ۋاڭ ياڭ ىستىق ىقىلاسقا تولى ءسوز سويلەدى. ول بىلاي دەدى: ناننيڭدە الۋان گۇلدەر قۇلپىرىپ، گۋاڭشي دالاسىندا جۇرت شاتتىققا بولەندى. پارتيا ورتالىق كوميتەتى مەن باس شۋجي شي جينپيڭنىڭ ماڭىزدى تاپسىرماسىن، بۇكىل ەلدەگى ءار ۇلت حالقىنىڭ تىلەگىن الىپ، اۆتونوميالى رايون قۇرىلعاندىعىنىڭ 60 جىلدىعىن گۋاڭشيدەگى ءار ۇلت حالقىمەن بىرگە قۇتتىقتاعاندىعىما ەرەكشە قۋانىشتىمىن. مەن ج ك پ ورتالىق كوميتەتى، مەملەكەتتىك حالىق قۇرىلتايى تۇراقتى كوميتەتى، مەملەكەتتىك كەڭەس، مەملەكەتتىك ساياسي كەڭەس، ورتالىق اسكەري ىستەر كوميتەتى اتىنان گۋاڭشي جۋاڭزۋ اۆتونوميالى رايونىن قىزۋ قۇتتىقتايمىن، گۋاڭشيدەگى 56 ميلليون ءار ۇلت كادر - بۇقاراسىنا مەرەكەلىك سالەم جولدايمىن جانە ىزگى تىلەك بىلدىرەمىن.

  ۋاڭ ياڭ بىلاي دەدى: گۋاڭشي وتانىمىزدىڭ وڭتۇستىگىندەگى ىرىستى ءوڭىر، ەجەلدەن ءار ۇلت الۋان ءتۇرلى، كوپ نەگىزدى مادەنيەت جاراتقان. تاياۋ زاماننان بەرى، گۋاڭشيدەگى ەر جۇرەك ءار ۇلت ۇلاندارى قاشاندا وتاندى قورعاۋدىڭ الدىڭعى شەبىندە تۇرىپ، توڭكەرىستىك كۇرەستىڭ تاسقىنىندا ءجۇزىپ، قايىسپاس قايسار، اينىماس ادال ارداگەر ازاماتتار جارىققا شىعىپ، ءدۇبىرى جەر جارعان، ايبىنى اسقاق وتانشىلدىق سيمفونياسىن جازدى. 60 جىلدىڭ الدىندا، گۋاڭشي جۋاڭزۋ اۆتونوميالى رايونى قۇرىلىپ، ىنتىماقتاسا العا باسۋدىڭ، گۇلدەنىپ دامۋدىڭ جاڭا ساپارىن باستادى. پارتيانىڭ ۇلت ساياساتىنىڭ نۇر - شۇعىلاسىندا، اۆتونوميالى رايون ەرەكشە كۇرەس بارىسىن باستان وتكەرىپ، تاريحتا اتى قالاتىن شۇعىلالى تابىستارعا قول جەتكىزدى، ەكونوميكالىق قۋاتى زور دارەجەدە ارتتى، رەفورما جاساۋ، ەسىك اشۋ ارشىندى قاداممەن العا ىلگەرىلەدى، حالىق تۇرمىسى بارىنشا جاقساردى، ەكولوگيانى جونگە سالۋدىڭ ونىمدىلىگى كورنەكتى بولدى، ۇلتتار ىنتىماعى ۇزدىكسىز نىعايدى. پارتيانىڭ 18 - قۇرىلتايىنان بەرى، شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ پارمەندى باسشىلىعىندا، اۆتونوميالى رايون ۇدەرە العا باسىپ، جاڭا تاريحي تابىستارعا قول جەتكىزدى. ءار ۇلت بۇقاراسىنىڭ تابىس سەزىمى، باقىت سەزىمى كورنەكتى ارتتى.

  ۋاڭ ياڭ مىنانى اتاپ كورسەتتى: اۆتونوميالى رايوننىڭ 60 جىلداعى شۇعىلالى تابىسى پارتيا ورتالىق كوميتەتىنىڭ پارمەندى باسشىلىعىنىڭ جەمىسى، گۋاڭشيدەگى ءار ۇلت كادر - بۇقاراسىنىڭ قايراتتانا كۇرەس جاساۋىنىڭ جەمىسى بۇكىل ەل حالقىنىڭ بارىنشا قولداۋىنىڭ جەمىسى، ول جۇڭگوشا سوتسياليستىك ءتۇزىمنىڭ اسا زور ابزالدىلىعىن تولىق ايگىلەدى، ۇلتتىق وڭىرلىك اۆتونوميا ءتۇزىمىنىڭ قۋاتتى ومىرشەڭدىك كۇشىن كورسەتتى. اۆتونوميالى رايوننىڭ دامۋىن، العاباسۋىن ءوز باسىنان كەشىرگەن بارلىق كادرلار مەن بۇقارا، گۋاڭشيدىڭ رەفورماسىنا، دامۋىنا كوڭىل بولگەن، قولداۋ كورسەتكەن بارلىق ءار سالا قايراتكەرلەرى، ءبارى - ءبارى شاتتانۋعا جانە ماقتانۋعا ءتيىستى.

  ۋاڭ ياڭ مىنانى باسا دارىپتەدى: جاڭا داۋىرگە وتكەن تۇستا، گۋاڭشي تاريحي دامۋ ورايىن قارسى الىپ، جاڭا دامۋ باستاماسىنان بوي كورسەتتى. باس شۋجي شي جينپيڭ 2017 - جىلى گۋاڭشيدە قىزمەت تەكسەرگەندە، ءبىر قىدىرۋ ماڭىزدى نۇسقاۋ بەرىپ، حالىقتى اۋقاتتاندىرىپ، گۋاڭشيدى گۇلدەندىرۋ قىزمەتتەرىن ويداعىداي ىستەۋ تۋرالى ايقىن العاباسۋ بەتالىسىن كورسەتتى. شي جينپيڭنىڭ جاڭا ءداۋىر جۇڭگوشا سوتسياليزم يدەياسى مەن پارتيا 19 - قۇرىلتايىنىڭ رۋحىن ىشكەرىلەي ۇيرەنىپ، دايەكتىلەندىرىپ، «ءتورت تانىمدى» كۇشەيتىپ، «ءتورت سەنىمدى» بەكەمدەپ، «ءۇش ۇلكەن سيپات» جاڭا بورىشىن ەستە بەرىك ساقتاپ، «بەستى تىڭعىلىقتى ىستەۋ» جاڭا تالابىن تياناقتاندىرىپ، گۋاڭشيدىڭ دامۋداعى جاڭا پاراعىن قۇلشىنا جازۋ كەرەك. پارتيانىڭ باسشىلىعىنا تاباندى بولىپ، پارتيانىڭ كەلەلى باعىت - ساياساتتارىن قاز - قالپىندا ناقتى تياناقتاندىرۋعا كەپىلدىك ەتۋ، پارتيانىڭ قاشاندا ءار ۇلت حالقىنىڭ تىرەگى بولۋىنا شىنايى كەپىلدىك ەتۋ؛ جۇڭگوشا سوتسياليزم جولىنان جازباي، ءار ۇلت بۇقاراسىنا سوتسياليستىك ۇلى شاڭىراقتىڭ مەيىرىن سەزىندىرۋ؛ جاڭا دامۋ ۇستانىمىنا تاباندى بولىپ، ەكونوميكانىڭ ورنىقتى ارتۋىنىڭ جانە ساپانىڭ، ونىمدىلىكتىڭ جوعارىلاۋىنىڭ ءوزارا جەبەۋىن، بىرگە ىلگەرىلەۋىن قۇلشىنا جۇزەگە اسىرۋ؛ رەفورمانى جالپى بەتتىك تەرەڭدەتۋگە جانە ەسىك اشۋدى كەڭەيتۋگە تاباندى بولىپ، ماڭىزدى سالالار مەن شەشۋشى بۋىندارداعى رەفورمانى ىشكەرىلەي ىلگەرىلەتىپ، جان - جاقتى ەسىك اشۋدىڭ، دامۋدىڭ جاڭا جاعدايىن تۇلعالاۋ؛ دامۋ بارىسىندا حالىق تۇرمىسىن قامتاماسىز ەتۋگە جانە جاقسارتۋعا تاباندى بولىپ، ءار ۇلت بۇقاراسىن رەفورمانىڭ، دامۋدىڭ تابىسىنان اناعۇرلىم كوپ، اناعۇرلىم ءادىل تۇردە يگىلىكتەندىرۋ؛ ۇلتتىق وڭىرلىك اۆتونوميا تۇزىمىنە تاباندى بولىپ جانە ونى كەمەلدەندىرىپ، جۇڭحۋا ۇلتى ورتاق تۇلعا تانىمىن ۇزدىكسىز نىعايتۋ كەرەك.

  ۋاڭ ياڭ سوڭىندا بىلاي دەدى: 60 جىل مول جەمىس بەردى، جاڭا ءداۋىر جۇرتتى العاباسۋعا جەلپىندىرەدى. ءبىز شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ توڭىرەگىنە اناعۇرلىم تىعىز ىنتىماقتاسىپ، جۇرەكتەس، تىلەكتەس بولىپ، كوپ بولىپ اقىل قوسىپ، كۇش - قۋات توپتاپ، ۇدەرە العا ىلگەرىلەپ، قۋاتتى دا كورىكتى گۋاڭشي قۇرۋ، گۇلدەنۋ ارمانىن بىرگە ورىنداۋ جولىندا قاجىماي - تالماي كۇرەس جاساۋىمىز كەرەك.

  گۋاڭشي جۋاڭزۋ اۆتونوميالى رايوندىق پارتكومنىڭ شۋجيى لۋ شينشى جينالىستا ءسوز سويلەدى. ول بىلاي دەدى: ورتالىقتىڭ ۋاكىلدەر ۇيىرمەسى شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ جانە بۇكىل ەلدەگى ءار ۇلت حالقىنىڭ تەرەڭ سۇيىسپەنشىلىگىن، مول مەيىرىمىن جانە ىزگى تىلەگىن الا كەلدى. ءبىز، ءسوز جوق، باس شۋجيدىڭ جانە پارتيا ورتالىق كوميتەتىنىڭ ىقىلاستى قامقورلىعىن بۇكىل رايونداعى ءار ۇلت حالقىن قايراتتانا العا ىلگەرىلەۋگە جەبەيتىن تەڭدەسسىز كۇشكە اينالدىرىپ، شي جينپيڭنىڭ جاڭا ءداۋىر جۇڭگوشا سوتسياليزم يدەياسى ۇلى تۋىن بيىك ۇستاپ، «ءۇش ۇلكەن سيپات» جاڭا بورىشىن باتىل وتەپ، «بەستى تىڭعىلىقتى ىستەۋ» جاڭا تالابىن ىشكەرىلەي دايەكتىلەندىرىپ، اناعۇرلىم گۇلدەنگەن، باي، اناعۇرلىم ەسىك اشقان، جاڭالىق جاراتقان، اناعۇرلىم ىنتىماقتى، جاراسىمدى، اناعۇرلىم كورىكتى، سەنىمدى گۋاڭشي قۇرۋعا قۇلشىنىپ، جاڭا داۋىردەگى گۋاڭشيدىڭ دامۋ جاڭا پاراعىن قۇلشىنا جازىپ، قۋاتتى دا كورىكتى گۋاڭشي قۇرىپ، گۇلدەنۋ ارمانىن بىرگە ورىنداۋ ءۇشىن قۇلشىنا كۇرەس جاسايمىز.

  بۇقارا ۋاكىلدەرى پان چيڭبياۋ، شيا سىچۋ دا جينالىستا ءسوز سويلەدى.

  وسىدان كەيىن «جاڭا داۋىردە ەكپىندەي ىلگەرىلەگەن قۋاتتى دا كورىكتى جاڭا گۋاڭشي» اتىنداعى بۇقارالىق ادەبيەت - كوركەمونەر ويىن - ساۋىعى قويىلدى. ويىن - ساۋىق «گۇل تەڭىزى سيلى دوستاردى قارسى الادى» بەتاشارىمەن باستالىپ، «جاراسىمدى مەكەن»، «قۋاتتى دا كورىكتى جاڭا گۋاڭشي»، «جاڭا داۋىردە ەكپىندەي ىلگەرىلەۋ» سىندى 3 مازمۇنعا ءبولىندى. سوڭىندا تۇتاس الاڭدا اسقاق شىرقالعان «وتاندى جىرلايمىز» ءانى ارقىلى وتاننىڭ گۇلدەنۋىنە، قۇدىرەتتەنۋىنە، گۋاڭشيدىڭ ەرتەڭىنىڭ اناعۇرلىم جارقىن بولۋىنا تىلەك ءبىلدىرىلدى.

  ورتالىق ۋاكىلدەر ۇيىرمەسىنىڭ ورىنباسار باستىقتارى يوۋ چۋان، بايما چىلين، ما بياۋ، باتىر، مياۋ حۋا جانە ورتالىق ۋاكىلدەر ۇيىرمەسىنىڭ جالپى مۇشەلەرى، سونداي - اق گۋاڭشي جۋاڭزۋ اۆتونوميالى رايونىنىڭ قاتىستى جاۋاپتىلارى جينالىسقا قاتىناستى.

جاۋاپتى رەداكتور : سايراش تۇرارجان قىزى

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورابى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.