شينحۋا اگەنتتىگىنىڭ 12 - ايدىڭ 10 - كۇنى بەيجيڭنەن بەرگەن حابارى (ءتىلشى باي جيە). مەملەكەت ءتوراعاسى شي جينپيڭ 12 - ايدىڭ 10 - كۇنى حالىق سارايىندا گەرمانيانىڭ زۇڭتۇڭى شتاينمەيرمەن كەڭەس وتكىزدى. ەكى ەلدىڭ مەملەكەت باسشىلارى ءبىر اۋىزدان مىنانى قۇپتادى: ءوزارا سەنىمدىلىكتى تەرەڭدەتىپ، سەلبەسىپ تەڭ يگىلىككە كەنەلىپ، جۇڭگو مەن گەرمانيانىڭ جان - جاقتى ستراتەگيالىق سەرىكتەستىك قارىم - قاتىناسىنىڭ ىشكەرىلەي دامۋىن ىلگەرىلەتىپ، جۇڭگو مەن گەرمانيانىڭ سەلبەستىگى ارقىلى ەكى ەل مەن ەكى ەل حالقىنا ءتيىمدى، دۇنيە ءجۇزىنىڭ بەيبىتشىلىگى مەن گۇلدەنۋىنە ءتيىمدى تابىستارعا قول جەتكىزۋ كەرەك.
شي جينپيڭ مىنالاردى اتاپ كورسەتتى: قازىرگى حالىقارالىق جاعداي كۇردەلى دە تەرەڭ وزگەرىستەرگە ءدوپ كەلىپ وتىر. جۇڭگو مەن گەرمانيا كوپتەگەن ماسەلەلەردە بىردەي نەمەسە قارايلاس كوزقاراسقا يە، ەكى جاق ەكى جاقتى، كوپ جاقتى سەلبەستىكتى ۇزدىكسىز تەرەڭدەتىپ، ەكى ەل حالقىنا باقىت الا كەلۋمەن بىرگە، دۇنيە جۇزىنە ءتىپتى دە كوپ ورنىقتىلىق اكەلۋى كەرەك. شي جينپيڭ تومەندەگىدەي قۋاتتامالاردى العا قويدى:
جۇڭگو - گەرمانيا قارىم - قاتىناسىن تەرەڭدەتۋدە ءوزارا ءتۇسىنۋ مەن سەنىم − نەگىز. سەلبەسىپ تەڭ يگىلىككە كەنەلۋ − باستان - اياق جۇڭگو مەن گەرمانيا ەكى جاق ۇكىمەتتەرىنىڭ جانە ءار سالانىڭ باستى ءۇمىت - تىلەگى. ەكى جاق جۇڭگو مەن گەرمانيا قارىم - قاتىناسىنىڭ تابىستى تاجىريبەلەرىن قورىتىندىلاپ، يدەولوگياداعى پارىقتاردان اتتاپ وتۋگە ۇزدىكسىز تاباندى بولىپ، ءبىر - ءبىرىنىڭ دامۋ جولىنا قۇرمەت ەتۋى كەرەك. جۇڭگو جاق گەرمانيا جاقپەن جوعارى جىكتەگىلەردىڭ ءجيى بارىس - كەلىسىن ۇزدىكسىز ساقتاپ، ەكى جاقتىڭ الۋان ءتۇرلى كەڭەسۋ مەحانيزمىنەن جاقسى پايدالانىپ، ساياساتتاردى بايلانىستىرۋدى كۇشەيتۋدى قالايدى.
جۇڭگو - گەرمانيا قارىم - قاتىناسىنىڭ ومىرشەڭدىك كۇشىن ساقتاۋ ەسىك اشۋعا تاباندى بولۋدى جانە سەلبەستىكتە جاڭالىق اشۋدى قاجەت ەتەدى. بيىل جۇڭگونىڭ رەفورما جاساپ، ەسىك اشقاندىعىنىڭ 40 جىلدىعى، گەرمانيانىڭ كاسىپورىندارى جۇڭگونىڭ جاڭا كەزەك ەسىك اشۋىندا الدىن الا قارمانىپ ءورىس الدى. ءبىز گەرمانيانى قامتىعان ءار ەلمەن جۇڭگونىڭ دامۋ تابىستارىنان ۇزدىكسىز ورتاق پايدالانۋدى قالايمىز، سونىمەن بىرگە گەرمانيانىڭ جۇڭگوعا ۇزدىكسىز قارجى قوسۋىن، ەسىك اشۋدى ساقتاۋىن ءۇمىت ەتەمىز.
سەلبەستىك كەڭىستىگىن كەڭەيتۋ، «ءبىر بەلدەۋ، ءبىر جولدى» بىرگە قۇرۋ ماڭىزدى تۇعىر ازىرلەپ وتىر. جۇڭگو جاق ەۆروپا جاقپەن، گەرمانيا جاقپەن ءۇش جاقتى سەلبەستىكتى ورىستەتۋ جاعىندا بەلسەندىلىكپەن اقىلداسىپ، ەۆروپا مەن ازيانى ۇلاستىرۋ - تۇتاستىرۋ ستراتەگياسى مەن «ءبىر بەلدەۋ، ءبىر جول» باستاماسىن ۇشتاستىرۋدى ىلگەرىلەتىپ، ازيا - ەۆروپا ءىرى بازارىن بىرگە ۇلعايتۋدى قالايدى. ءبىز گەرمانيامەن، سونداي - اق جەلى بويىنداعى مەملەكەتتەرمەن جۇڭگو - ەۆروپا كەزەكشى پويەزى سىندى ساۋدا ءىرى ارناسىن بىرگە قۇرۋدى قالايمىز.
ەكى جاق گۋمانيتارلىق بارىس - كەلىستى ۇزبەي ىلگەرىلەتىپ، مادەنيەت، وقۋ - اعارتۋ، جاستار، دەنە تاربيە سياقتى ۇلتاندى سالالارداعى اۋىس - تۇيىستەرگە بەلسەندىلىكپەن اناعۇرلىم كوپ تۇعىر ازىرلەۋ كەرەك.
ەكى جاق الەمدىك جونگە سالۋدى قول ۇستاسا ىلگەرىلەتىپ، اشىق دۇنيە ءجۇزى ەكونوميكاسىن بىرگە قۇرىپ، كوپ جاقتى ەركىن ساۋدا ءتۇزىلىسىن قورعاپ، كليمات وزگەرىسى جونىندەگى «پاريج كەلىسىمىن» تياناقتاندىرىپ، دۇنيە ءجۇزى ەكونوميكاسىنىڭ قۋاتتى، باياندى، تەپە - تەڭ جانە سيىسىمدى ارتۋىن ىلگەرىلەتىپ، ب م ۇ - نى وزەك ەتكەن كوپ جاقتى جۇيەنى بىرگە قورعاۋ كەرەك. جۇڭگو - ەۆروپا ەكى جاق حالىقارالىق ءتارتىپتى بىرگە قورعاۋ، الەمدىك جونگە سالۋدى جەبەۋ سياقتى جاقتاردا ءوزارا سايكەسىپ جانە قولداۋ كورسەتىپ، جۇڭگو - ەۆروپا سەلبەستىگى ارقىلى كوپ جاقتىلىقتى قورعاپ، اشىق دۇنيە ءجۇزى ەكونوميكاسىن بىرگە قۇرۋى ءتيىس ءارى وسىلاي ىستەۋىنە بولادى. گەرمانيا جاقتىڭ وسى ءۇشىن بەلسەندى رولىن ساۋلەلەندىرۋىن ءۇمىت ەتەمىن.
شتاينمەير مىنالاردى ءبىلدىردى: گەرمانيانىڭ زۇڭتۇڭى رەتىندە جۇڭگوعا تۇڭعىش رەت مەملەكەتتىك ساپاردا بولعانىما وتە قۋانىشتىمىن. وسى رەت جۇڭگونىڭ جەر - جەرىندە ەكسكۋرسيا جاساۋدان كەيىن، مەن جۇڭگونىڭ رەفورما جاساپ، ەسىك اشقان 40 جىلدان بەرگى ەكونوميكانى، قوعامدى دامىتۋدا قول جەتكىزگەن تابىستارىنا، اسىرەسە، نەشە ءجۇز ميلليونداعان جۇڭگو حالقىن كەدەيلىكتەن ءساتتى ارىلتقاندىعىنا جانە قارىن توق، كيىم ءبۇتىن بولۋ ماسەلەسىن شەشكەندىگىنە توتەنشە ءسۇيىندىم، بۇل تابىستارعا نەمقۇرايدى قاراۋعا بولمايدى. سىچۋانداعى جەر سىلكىنىسى اپاتىنا ۇشىراعان وڭىرگە 10 جىلدان كەيىن تاعى كەلگەنىمدە، اپاتقا ۇشىراعان رايوننىڭ قايتا قۇرۋدان كەيىنگى بەت - بەينەسى ماعان تەرەڭ اسەر قالدىردى. گەرمانيا جاق گەرمانيا - جۇڭگو قارىم - قاتىناسىنىڭ دامۋىنا رازى، جۇڭگو جاقپەن كەڭەسۋدى كۇشەيتىپ، تۇسىنىستىكتى ارتتىرىپ، ورتاق تانىمدى كەڭەيتىپ، الاۋىزدىقتى ازايتىپ، سەلبەستىكتى تەرەڭدەتىپ، حالىقارالىق ىستەردەگى قارىم - قاتىناستى، سايكەسۋدى قويۋلاتىپ، ەركىن ساۋدانى تىزە قوسا قورعاۋدى قالايدى. گەرمانيا ءارقانداي فورماداعى قورعامپازدىققا قارسى تۇرادى، ەۆروپا مەن جۇڭگونىڭ ءوزارا تيىمدىلىك جەتكىزىپ سەلبەسۋىن ىلگەرىلەتۋگە ۇزدىكسىز كۇش سالىپ، ەۆروپا - ازيا ءوڭىرىنىڭ جۇڭگومەن ۇلاسۋىن، تۇتاسۋىن جەبەيدى.
كەڭەستەن ىلگەرى شي جينپيڭ حالىق سارايىنىڭ سولتۇستىك زالىندا شتاينمەيردى قارسى الۋ سالتىن وتكىزدى. ياڭ جيەچى، ديڭ جۇڭلي، ۋاڭ ي، شيا باۋلۇڭ، حى ليفىڭ قاتارلىلار قاتىناستى.
