شينحۋا اگەنتتىگىنىڭ 12 - ايدىڭ 10 - كۇنى بەيجيڭنەن بەرگەن حابارى. 12 - ايدىڭ 10 - كۇنى «دۇنيە جۇزىلىك ادامدىق ۇقىق جارناماسى» جاريالانعاندىعىنىڭ 70 جىلدىعىن ەسكە ءتۇسىرۋ اڭگىمە ءماجىلىسى بەيجيڭدە وتكىزىلدى. ج ك پ ورتالىق كوميتەتىنىڭ باس شۋجيى، مەملەكەت ءتوراعاسى شي جينپيڭ قۇتتىقتاپ حات جولداپ، مىنالاردى باسا دارىپتەدى: «ادامدىق ۇقىق جارناماسى» − دۇنيە جۇزىلىك ادامدىق ۇقىق ىستەرىنىڭ دامۋىنا تەرەڭ ىقپال جاساعان، ادامزات وركەنيەتىنىڭ دامۋ تاريحىنداعى كەلەلى ماڭىزدى حۇجات. جۇڭگو حالقى ءار ەل حالقىمەن بىرگە بەيبىتشىلىك، دامۋ، ادىلدىك، تۋراشىلدىق، دەموكراتيا، ەركىندىك سىندى ادامزاتتىڭ ورتاق قۇندىلىعىنا ساي، ادامنىڭ ار - نامىسى مەن ۇقىعىن قورعاۋدى، اناعۇرلىم ءادىل، ۇيلەسىمدى، سيىسىمدى عالامدىق ادامدىق ۇقىق باسقارۋدىڭ قالىپتاسۋىن ىلگەرىلەتۋدى، ادامزاتتىڭ تاعدىرلاس ورتاق تۇلعاسىن بىرگە قۇرۋدى، دۇنيە ءجۇزىنىڭ كوركەم بولاشاعىن بىرگە اشۋدى قالايدى.
شي جينپيڭ قۇتتىقتاۋ حاتىندا مىنالاردى اتاپ كورسەتتى: حالىقتىڭ باقىتتى تۇرمىسى ەڭ ۇلكەن ادامدىق ۇقىق. جۇڭگو كوممۋنيستىك پارتياسى دۇنيەگە كەلگەن كۇننەن باستاپ، حالىققا باقىت جاراتۋدى، ادامزاتتىڭ دامۋى ءۇشىن كۇرەس جاساۋدى ماقسات ەتتى. جۇڭحۋا حالىق رەسپۋبليكاسى قۇرىلعان 70 جىلعا تاياۋ ۋاقىتتا، وتە - موتە، رەفورما جاساعان، ەسىك اشقان 40 جىلدا جۇڭحۋا ۇلتى ەڭسە كوتەرۋدەن، بايۋدان قۇدىرەتتەنۋگە دەيىنگى ۇلى شارىقتاۋدى قارسى الدى. جۇڭگونىڭ دامۋ تابىسى سايىپ كەلگەندە، ءبىر ميللياردتان استام جۇڭگو حالقىنىڭ تۇرمىسىنىڭ كۇن سايىن جاقسارۋى بولىپ تابىلادى.
شي جينپيڭ مىنالاردى باسا دارىپتەدى: ءداۋىر دامۋدا، ادامدىق ۇقىق العا باسۋدا. جۇڭگو ادامدىق ۇقىقتىڭ جالپىلىق پرينسيبىن قازىرگى زاماننىڭ ءىس جۇزىندىگىمەن ۇشتاستىرىپ، مەملەكەت جاعدايىنا ۇيلەسەتىن ادامدىق ۇقىقتى دامىتۋ جولىمەن ءجۇرىپ، حالىقتى وزەك ەتكەن ادامدىق ۇقىق ۇستانىمىن بۇلجىتپاي اتقارىپ، ءومىر ءسۇرۋ ۇقىعى مەن دامۋ ۇقىعىن ەڭ باستى نەگىزدىك ادامدىق ۇقىق دەپ قاراپ، جالپى حالىقتىڭ ەكونوميكا، ساياسي، قوعام، مادەنيەت، ورتا ۇقىقتارىن سايكەستى تۇردە مولايتىپ، قوعامنىڭ ادىلدىگىن، تۋراشىلدىعىن قۇلشىنا قورعاپ، ادامنىڭ جان - جاقتى دامۋىن جەبەيدى.
شي جينپيڭ مىنالاردى تالاپ ەتتى: ەلىمىزدىڭ ادامدىق ۇقىقتى زەرتتەۋ قىزمەتكەرلەرى داۋىرمەن بىرگە العا باسىپ، دۇرىستىقتان تايماي، جاڭالىق اشىپ، ادامزات وركەنيەتىنىڭ الۋان تۇرلىلىگىن بايىتىپ، دۇنيە ءجۇزى ادامدىق ۇقىق ىستەرىنىڭ دامۋىن ىلگەرىلەتۋگە زور ۇلەس قوسۋلارى كەرەك.
ج ك پ ورتالىق كوميتەتى ساياسي بيۋروسىنىڭ مۇشەسى، ورتالىق كوميتەت ۇگىت ءبولىمىنىڭ باستىعى حۋاڭ كۇنميڭ اڭگىمە ماجىلىسىندە شي جينپيڭنىڭ قۇتتىقتاۋ حاتىن وقىدى ءارى ءسوز سويلەدى. ول بىلاي دەدى: باس شۋجي شي جينپيڭ قۇتتىقتاۋ حاتىندا جۇڭگو كوممۋنيستىك پارتياسىنىڭ ادامدىق ۇقىق كوزقاراسىن تەرەڭدەي بايىمداپ، جاڭا داۋىردەگى جۇڭگونىڭ ادامدىق ۇقىق ىستەرىنىڭ دامۋى ءۇشىن ايقىن بەتالىس كورسەتىپ بەردى. باس شۋجي شي جينپيڭنىڭ ماڭىزدى نۇسقاۋىنىڭ رۋحىن مۇقيات ۇيرەنىپ، دايەكتىلەندىرىپ، جۇڭگونىڭ ادامدىق ۇقىق حيكايالارىن ويداعىداي شەرتىپ، ادامدىق ۇقىق نازارياسىن تەرەڭدەي زەرتتەپ، ادامدىق ۇقىق سالاسىنداعى اۋىس - ءتۇيىستى ىلگەرىلەتۋ، ادامدىق ۇقىققا قۇرمەت ەتۋ مەن قامتاماسىز ەتۋ قىزمەتتەرىن تىڭعىلىقتى ويداعىداي ىستەۋ كەرەك.
جۇڭگو ادامدىق ۇقىق زەرتتەۋ قوعامىنىڭ باستىعى شياڭباپيڭسو، جۇڭگو ادامدىق ۇقىق دامۋ قور قوعامى القالار كەڭەسىنىڭ باستىعى حۋاڭ مىڭفۋ اڭگىمە ماجىلىستە ءسوز سويلەدى. «ادامدىق ۇقىق جارناماسى» جاريالانعاندىعىنىڭ 70 جىلدىعىن ەسكە ءتۇسىرۋ اڭگىمە ءماجىلىسىن جۇڭگو ادامدىق ۇقىق زەرتتەۋ قوعامى مەن جۇڭگو ادامدىق ۇقىق دامۋ قور قوعامى بىرلەسىپ وتكىزدى. مەملەكەتتىك ادامدىق ۇقىق ارەكەت جوسپارى بىرلەسكەن ءماجىلىس مەحانيزمىنە مۇشە ورىنداردىڭ قاتىستى جاۋاپتىلارىنان جانە ادامدىق ۇقىق مامان - وقىمىستىلارىنان، ت. ب 150 ادام اڭگىمە ماجىلىسكە قاتىناستى.
