تيانشان تورى   ›   جاڭالىقتار   ›   شينجياڭ حابارلارى

«اسەمدىكپەن ارلەنۋ» − اۋىل - قىستاق بويجەتكەندەرىنىڭ جاڭا بەتالىسى

حوۋ يان

  سۇلۋلىقتى سۇيمەيتىن پەندە جوق. ىلگەرىدە ءبىر مەزگىل ءدىني ۇشقارى يدەيانىڭ ىقپالىنا ۇشىراعان نەگىزگى ساتىداعى بۇقارا، وتە - موتە، اۋىل - قىستاق بويجەتكەندەرى سۇلۋلىققا تالپىنىسىن، اي جامالىن ايگىلەۋگە باتىلدىق ەتپەي، جىگەرلەرى مۇقالىپ، سۇلۋلىق تابيعاتى بۇعاۋلانىپ كەلگەن ەدى. بۇگىندەرى، ۇشقارىلىقتى الاستاۋ قىزمەتىنىڭ ءونىمدى ورىستەتىلۋىنە، «ۇعىسۋ، تيىمدىلىك جاساۋ، توعىستىرۋ» بويىنشا قىستاقتا تۇرۋ قىزمەتىنىڭ، «ۇلتتار ىنتىماعىنىڭ بەرەكەلى شاڭىراعى» جانە ۇلتتار ىنتىماعى بىرلەسكەن دوستىق قيمىلىنىڭ جۇرت جۇرەگىنە ۇيالاۋىنا ىلەسە، سونى لەپ اۋىل - قىستاق بويجەتكەندەرىنىڭ كوڭىل تورىنە قوناقتاپ، ولاردىڭ بويلارىنان كوزگە كورىنەرلىك ايقىن وزگەرىستەر جارىققا شىعا باستادى.

  جاڭاشا شاش ۇلگىسىن قويۋ، ادەمى گريمدەلۋ، جاراسىمدى دا ادەمى كيىنۋ... اۋىل - قىستاق بويجەتكەندەرىن بارعان سايىن سۇلۋلاندىرا، بارعان سايىن داۋىرگە ىلەستىرە ءتۇستى. بۇل عانا ەمەس - اۋ، ءبىرتالاي بويجەتكەن وتباسى، وشاق قاسىنان شىقتى، جۇمىس ىستەدى، ولار قۇلشىنا عىلىم، مادەنيەت بىلىمدەرىن ۇيرەنىپ، كوز ايالارىن كەڭەيتىپ، يدەيالىق كوزقاراستارىن وزگەرتىپ، وسى زامانعى وركەنيەتتى تۇرمىسقا تالپىندى. مۇنان دا قۇندىسى، ءىشىنارا اۋىل - قىستاق بويجەتكەندەرى قۇلشىنا ۇيرەنىپ، جاپا - ماشاقاتتان قورىقپاي جان باعۋدىڭ ونەرىن يگەرىپ قانا قالماستان، ناقتى كىرىس كىرگىزىپ، وتباسىنىڭ تۇرمىس شارت - جاعدايىن ايرىقشا جاقسارتتى، سونداي - اق قىستاقتاعى كەدەيلىكتەن ارىلىپ، اۋقاتتانۋ جولىنا ءتۇسۋدىڭ باستاماشىلارىنا اينالىپ، قالىڭ اپەكە - سىڭلىلەرىن وتباسىلارىن الۋەتتەندىرۋگە، اۋقاتتانۋعا باستادى.ءسويتىپ، ولار اۋىل - قىستاقتاعى «جارتى الەمدىك» رولدارىن ساۋلەلەندىرىپ، جاڭا داۋىردەگى ار - نامىسىن ساقتاعان، ءوز - وزىنە سەنىم ارتقان، دەربەس تۇرمىس كەشىرگەن، ءوز - ءوزىن الۋەتتەندىرگەن جاڭاشا ايەلدەرگە اينالدى.

  «اسەمدىكپەن ارلەنگەن» اۋىل - قىستاق بويجەتكەندەرى اۋىل - قىستاقتاردا «ۇمتىلىس جاساۋ − سۇلۋلىق»، «ەڭبەك سۇيگىشتىك اۋقاتتانۋعا باستايدى» دەگەن قۇن بەتالىسىن تۇلعالاپ، قالىڭ قىستاق تۇرعىندارىن ەڭبەكشىل قوس قولىنا سۇيەنىپ بايۋعا جەتەلەدى؛ تۋىس - تۋعاندارىنا، دوس - جاراندارىنا، كورشى - قولاڭدارىنا بىلىنبەي ءجۇرىپ - اق اسەر سيلاپ، قالىڭ قىستاق تۇرعىندارىن ىرىقتىلىقپەن ءدىني ۇشقارى يدەيانى تەجەيتىن، سولەكەت داعدىنى الاستايتىن، ەسكى ادەت - عۇرىپتى وزگەرتەتىن، عىلمي، وركەنيەتتى، سالاماتتى تۇرمىس ءادىسىن بىرتىندەپ جەتىلدىرەتىن كورىكتى اۋىل - قىستاق قۇرۋدىڭ كومەكشىسىنە اينالدىردى.

  ءبىز ءتىپتى دە كوپ اۋىل - قىستاق بويجەتكەندەرىنىڭ سۇلۋلىعى مەن سىمباتىن ارلەپ، سۇلۋلىقتى، سونى لەپتى تيانشاننىڭ تۇستىگى مەن تەرىستىگىندەگى ءاربىر قىستاققا دەيىن جەتكىزۋىن كۇتەمىز.

جاۋاپتى رەداكتور : سايراش تۇرارجان قىزى

ەسكەرتۋ:

تورابىمىزداعى مازمۇنداردى پايدالانۋعا تۋرا كەلگەندە، ءسوزسىز جازباشا رۇقساتقا يە بولۋ كەرەك. مازمۇنداردى رۇقساتسىز جالعاپ تاراتۋعا، كەسىپ رەداكسيالاۋعا، وزگەرتۋگە، قىسقارتىپ قۇراستىرۋعا، باسقا ورىنعا كوشىرۋگە نەمەسە باسقا تاسىلدەرمەن كوبەيتۋگە ءارى تاراتۋعا بولمايدى، قايشى كەلگەندەردىڭ زاڭدىق جاۋاپكەرشىلىگى زاڭ بويىنشا قۋزاستىرىلادى.

  • وسى كەزەكتى جۇڭگو − ازيا - ەۆروپا كورمەسى تۇڭعىش رەت نەگىزگى قوناق ولكەلەردى بەلگىلەدى
  • تاپسىرىس ونىمدەردى جەدەل ءوندىرىپ، قامداۋدى قامتاماسىز ەتتى
  • جىلدىق مىندەتتى ءساتتى ورىنداۋعا شىنايى كەپىلدىك ەتتى
  • شينجياڭ جۇڭتاي توبى دۇنيە جۇزىندەگى 500 قۋاتتى كاسىپورىن قاتارىنا ءوتتى
  • جەل - جارىق ەنەرگياسى ءوزارا تولىقتىردى