تيانشان تورى   ›   جاڭالىقتار   ›   شينجياڭ حابارلارى

ۇرىمجىدە: جاڭاشا كىتاپ دۇكەندەرى قىزۋ قارسى الىندى

ءتىلشى جاڭ پەي

  «مەن اكە - شەشەمە ءوز قولىممەن جاساعان بالكۇلشەدەن ءدام تاتقىزامىن». 11 - ايدىڭ 25 - كۇنى ءۇرىمجى حاۋيۋانشاڭپين دوستىق زاماناۋي زات ساتىپ الۋ بازارىنداعى باندي كىتاپ دۇكەنىندە، كىتاپ دۇكەنى ۇيىمداستىرعان اتا - انا مەن بالالار قيمىلىنا قاتىناسقان بالدىرعان ۋاڭ شينياۋ بالكۇلشە جاساپ جاتىر. ءيا، كىتاپ دۇكەنىندە بالكۇلشە جاساۋعا بولادى. بۇل ەستىگەن ادامعا شىنىمەن قىزىقتى سەزىلەدى. بەرتىنگى جىلدارى، ۇرىمجىدە جاڭالانىپ، تۇرلەنگەن كوپتەگەن جاڭاشا كىتاپ دۇكەندەرى جارىققا شىعىپ، شارۋاشىلىق جۇرگىزۋ ۇستانىمى جانە ءتاسىلى جاعىنداعى جاڭالىعىمەن ۇقساماعان قاۋىمدى وزىنە باۋرادى.

  جوبالاۋ دا ورتا كوركەمدىگىن كورنەكتىلەندىردى

  جارىق تا جايلى شىراق نۇرى، وتىرۋعا، سۇيەنۋگە بولاتىن جيھازدار، ادەمى وسىمدىكتەر... 12 - ايدىڭ 4 - كۇنى ءۇرىمجى قالاسى تيانشان رايونى شينحۋا سولتۇستىك كوشەسىندەگى اۆتونوميالى رايوندىق شينحۋا كىتاپ دۇكەنىنىڭ قالا كىتاپ وتاۋىنا بارعان ءتىلشىنى سول ارانىڭ شەبەرلىكپەن تاماشا جوبالانعان ورتاسى بىردەن قىزىقتىردى، ءبىرىنشى قاباتتاعى كىرە بەرىستەن ۇستىڭگى قاباتقا ورلەپ، ەكىنشى قاباتتاعى تولتىرا كىتاپ تىزىلگەن قىسقا كوريدوردان وتكەننەن كەيىن كوز اياڭىز كەڭەيىپ سالا بەرەدى. دۇكەننىڭ نەگىزگى تيجارات اۋماعى كىتاپ سورەلەرى ارقىلى كىتاپ وقۋ، دەمالۋ جانە سەزىنۋ سياقتى ۇقساماعان بولەكتەرگە بولىنگەن، كەڭ بولماعانىمەن، اسا شەبەرلىكپەن جوبالانعاندىعىن بايقاۋعا بولادى. اۆتونوميالى رايوندىق شينحۋا كىتاپ دۇكەنى قالا كىتاپ وتاۋىنىڭ لەبىز داپتەرىنە كەيبىر وقىرماندار بىلاي دەپ لەبىز قالدىرىپتى: «مەن وسى ارانىڭ ورتاسىن ۇناتامىن، وسىندا وتىرعاننىڭ ءوزى ءبىر ءتۇرلى ءلاززات».

  جاڭاشا كىتاپ دۇكەندەرىنىڭ دەنى ءۇي ءىشىن وسى زامانعى ۇلگىدە ارناۋلى جوبالاۋ ارقىلى كىتاپ دۇكەنىنىڭ اسەمدىگىن ايگىلەۋگە كۇش سالدى. ءۇرىمجى قالاسى شينشىجيە الاڭىنا ورنالاسقان زوبيان، يوۋبيان كىتاپ دۇكەنىنىڭ اۋماعى 1000 شارشى مەتردەن اسادى، الايدا ونىڭ ەلدى وزىنە باۋرايتىن جەرى تەك «ۇلكەندىگىندە» عانا ەمەس، قايتا ەرەكشە شەبەرلىكپەن جوبالانعان ورتاسى مەن كوڭىل قويا تىزىلگەن اشەكەي بۇيىمدارىنان ايگىلەنەدى، «ونەرشىل جاستار» دۇكەندەگى 500 تۇبەكتەن استام جاسىل وسىمدىكتى قول تەلەفوندارىمەن سۋرەتكە الۋمەن ابىگەر. «مەن زوبيان، يوۋبيان كىتاپ دۇكەنىن مادەنيەت اۋىس - ءتۇيىس جاساۋ تۇعىرى، قۇراما مادەنيەت ەستەتيكالىق ورتاسى ەتىپ قۇرىپ شىعۋدى ارماندايمىن»، - دەدى اتالعان كىتاپ دۇكەنىن قۇرۋشى، ماركا باس باقىلاۋشىسى ۋاڭ جۇڭ.

  مادەنيەت اۋىس - ءتۇيىس تۇعىرىن ورناتتى

  بيىل 8 - ايدىڭ 12 - كۇنى ءباندي كىتاپ دۇكەنىنىڭ ۇرىمجىدەگى ءۇشىنشى دۇكەنى ءۇرىمجى ەكونوميكالىق - تەحنيكالىق اشۋ رايونىنداعى (تۋتۇنحى رايونى) ۋاندا الاڭىندا تيجارات باستادى. ناقتى كىتاپ دۇكەندەرىنىڭ تيجاراتى اۋىر سىن - سايىسقا ءدوپ كەلگەن بۇگىنگى كۇندە، ءباندي كىتاپ دۇكەنى 4 جىلدىڭ ىشىندە ارت - ارتىنان 3 جەردە دۇكەن اشتى، ولاردىڭ بارلىعى ساۋدا ورتالىعى نەمەسە قالانىڭ ساۋدا اۋماعىنا ورنالاسىپ قالماستان، ساۋداسى دا توتەنشە كۇسەت بولدى. وسى كىتاپ دۇكەنىن قۇرۋشى بان ۋىنشياڭ تىلشىگە بىلاي دەدى: «كىتاپ دۇكەنىنىڭ ءبىرىنشى ءداۋىر ۇلگىسى بولشەك ساتۋ كاسىبى بولسا، ەكىنشى ۇرپاق ۇلگىسى قىزمەت وتەۋ كاسىبىنە قاراي ويىستى، ال ءۇشىنشى ۇرپاق ۇلگىسى تۇعىر ازىرلەدى. ءبىزدىڭ ويىمىزداعى كىتاپ دۇكەنى − الارمانداردىڭ اۋىس - ءتۇيىس جاساۋ ارقىلى ءوز دەڭگەيىن وسىرۋىنە ازىرلەنەتىن تۇعىر بولۋى كەرەك». وسىنداي ۇستانىمدى نەگىز ەتكەندىكتەن، مەيلى ايگىلى ادامدار قولتاڭباسىن سالىپ ساتۋ قيمىلى بولسىن، الدە لەكسيا قيمىلى بولسىن، مەيلى اتا - انا - بالالار قيمىلى بولسىن، الدە كىتاپ وقۋدان العان اسەرىن ءبولىسۋ قيمىلى بولسىن، ءباندي كىتاپ دۇكەنى قالىڭ الارمانداردى وزىنە باۋرادى، وسى سەبەپتى قاي جەردەن اشىلسا دا ساۋداسىنىڭ كۇسەت بولۋى عاجاپتانارلىق ەمەس.

  زوبيان، يوۋبيان كىتاپ دۇكەنىنىڭ شينشىجيە الاڭىنداعى ەكىنشى دۇكەنى ۋاڭ جۇڭنىڭ باستاپقى كەزدەگى «جاقسى كىتاپ، ساپالى زات، تاماشا مۋزيكا بولۋ» سىندى ويىنان الدە - قايدا اسىپ ءتۇستى. قازىر دۇكەننىڭ ادەبيەت جاسامپازدىعى، كورمە، كوفە، اتا - انا - بالالار، گۇل جاساۋ ونەرى، ساحنا سىندى 6 ۇلكەن اۋماعى ۇقساماعان فۋنكتسيانى اتقارىپ وتىر. بيىل تيجارات باستاعان كەزدە، كىتاپ دۇكەنىنىڭ مادەنيەت تاقىرىبىنداعى جارناماسى، جاڭاشا كىتاپ قىستىرعى كورمەسى سياقتى ەرەكشە كورمەلەرى كىتاپ دۇكەنىنىڭ ءبىر جارقىن تۇيىنىنە اينالدى. «كورمە الەۋمەتتىك يگىلىك سيپات الادى»، - دەدى ۋاڭ جۇڭ، ول ءسوزىن ساباقتاپ بىلاي دەدى: «مەن كىتاپ دۇكەنىنىڭ الارمانداردى وزىنە باۋراۋمەن بىرگە ۇزدىك، كوركەمونەر جاسامپازىعىمەن شۇعىلداناتىن دوستارعا ءوز ويىن بولىسەتىن جانە اۋىس - ءتۇيىس جاسايتىن تۇعىر ازىرلەۋىن ءۇمىت ەتەمىن». ايتسا ايتقانداي، بۇل كىتاپ دۇكەنىنە كوپتەگەن مادەنيەت قىزمەتكەرلەرى، بىلىكتى وقىرماندار جانە بەلسەندى كىتاپ دوستارى توپتالدى.

  كىتاپ دۇكەنى وقۋ سىندى اۋەلگى ماقساتقا قايتا ورالدى

  «بۇل كىتاپ دۇكەنى ادامدى وزىنە ەرەكشە قىزىقتىرادى، بارىپ جاي عانا ءبىر كىتاپتى قولىما الىپ وقيمىن، وزىمە ۇناعاندارىن ساتىپ الامىن، مەن ءبىرتالاي كىتابىمدى وسى جەردەن ساتىپ العام»، - دەدى 12 - ايدىڭ 3 - كۇنى ءۇرىمجى قالاسى تيانشان رايونى جيەفاڭ سولتۇستىك كوشەسىنە ورنالاسقان ءباندي كىتاپ دۇكەنىندەگى 95 - جىلداردىڭ تۋماسى چىن شۇي بويجەتكەن تىلشىگە. كوپ ساندى ادامدار بالكىم وسى بويجەتكەن سەكىلدى لايىقتى جەردە ءوزى ۇناتاتىن كىتاپتى كەزدەستىرگەننەن كەيىن، ەرىكسىز ساتىپ العان بولسا كەرەك. دۇكەن قوجايىنى بان ۋىنشياڭ بىلاي دەدى: كىتاپ دۇكەنىنىڭ تاماشا ورتا جاراتۋىنداعى ماقساتى − كوپشىلىكتىڭ كىتاپتى قايتادان تانۋىنا، كىتاپ دۇكەنىن قايتادان تانۋىنا مۇمكىندىك جاراتۋ.

  مەيلى قانداي كىتاپ دۇكەنى بولسا دا، كىتاپ پەن وقۋ ونىڭ نەگىزى. زوبيان، يوۋبيان كىتاپ دۇكەنىندە ۋاڭ جۇڭدى قامتىعان كىتاپ تاڭداۋ ۇجىمى بار، ول كىتاپتى مۇمكىندىكتىڭ بارىنشا ءوزى بارىپ تاڭدايدى. «مەن بەرتىنگى جىلدارى قىزۋ قارسى الىنعان بالالار كىتابىنا قانىق بولماعاندىعىمنان، وسى كىتاپتاردى تاڭداعاندا مامانداردى ارناۋلى ۇسىنىىس ەتەمىن»، - دەدى ۋاڭ جۇڭ. ال اۆتونوميالى رايوندىق شينحۋا كىتاپ دۇكەنىنىڭ قالا كىتاپحاناسى بەلگىلى مەرزىم سايىن كىتاپ وقۋدان العان اسەرىن ءبولىسۋ قيمىلى، «مەن كىتاپحاناداعى كىشكەنتاي وقىمىستىمىن» اتىنداعى الەۋمەتتىك يگىلىك قيمىلى، اعىلشىن ءتىلى ءمۇيىسى سياقتى وقۋ مادەنيەتى جونىندە اۋىس - ءتۇيىس جاساۋ قيمىلدارىن ورىستەتىپ تۇرادى. كىتاپحانا بيىل 4 - ايدا تيجارات باستاعاننان قازىرگە دەيىن 19 مايدان مادەنيەتكە قاتىستى وقۋ تاقىرىپتىق قيمىلىن وتكىزدى، وعان 400گە جۋىق ادام قاتىناستى.

   ۇرىمجىدە جاڭاشا كىتاپ دۇكەندەرى وزگەشەلىگىمەن اعالاپ العا شىعىپ، ەرەكشە جۇمىس جۇرگىزۋ فورماسىندا جانە الۋان ءتۇرلى ۇلگىنى توعىستىرۋ فورماسىندا قاتارعا قوسىلۋى كەزدەيسوقتىق ەمەس. ول ەرەكشە مادەنيەت قىزىقتىلىعى مەن قۇن جونىندەگى ورتاق تانىمدى ساباقتاستىراتىن «مادەنيەت ەكولوگيا جۇيەسى» بولىپ، قالا تۇرعىندارىنىڭ مادەنيەت تۇتىنۋى مەن رۋحاني قاجەتىن سايكەستىرۋ تۇيىنىنە اينالىپ، جان - جاقتى ەرەكشە مادەنيەت ورتاسىن ازىرلەپ بەردى.

جاۋاپتى رەداكتور : سايراش تۇرارجان قىزى

ەسكەرتۋ:

تورابىمىزداعى مازمۇنداردى پايدالانۋعا تۋرا كەلگەندە، ءسوزسىز جازباشا رۇقساتقا يە بولۋ كەرەك. مازمۇنداردى رۇقساتسىز جالعاپ تاراتۋعا، كەسىپ رەداكسيالاۋعا، وزگەرتۋگە، قىسقارتىپ قۇراستىرۋعا، باسقا ورىنعا كوشىرۋگە نەمەسە باسقا تاسىلدەرمەن كوبەيتۋگە ءارى تاراتۋعا بولمايدى، قايشى كەلگەندەردىڭ زاڭدىق جاۋاپكەرشىلىگى زاڭ بويىنشا قۋزاستىرىلادى.

  • وسى كەزەكتى جۇڭگو − ازيا - ەۆروپا كورمەسى تۇڭعىش رەت نەگىزگى قوناق ولكەلەردى بەلگىلەدى
  • تاپسىرىس ونىمدەردى جەدەل ءوندىرىپ، قامداۋدى قامتاماسىز ەتتى
  • جىلدىق مىندەتتى ءساتتى ورىنداۋعا شىنايى كەپىلدىك ەتتى
  • شينجياڭ جۇڭتاي توبى دۇنيە جۇزىندەگى 500 قۋاتتى كاسىپورىن قاتارىنا ءوتتى
  • جەل - جارىق ەنەرگياسى ءوزارا تولىقتىردى