تيانشان تورى
تيانشان تورى   ›   جاڭالىقتار   ›   ماڭىزدى حابارلار

«شي جينپيڭ <ءبىر بەلدەۋ، ءبىر جول> جونىندە» باسپادان شىعىپ تاراتىلدى

  شينحۋا اگەنتتىگىنىڭ 12 - ايدىڭ 11 - كۇنى بەيجيڭنەن بەرگەن حابارى. ج ك پ ورتالىق كوميتەتىنىڭ پارتيا تاريحىن جانە حۇجات زەرتتەۋ مەكەمەسى رەداكسيالاعان «شي جينپيڭ <ءبىر بەلدەۋ، ءبىر جول> جونىندە» اتتى كىتاپ ورتالىق حۇجات باسپاسىنان باسىلىپ شىقتى، بۇگىننەن باستاپ بۇكىل ەلدە تاراتىلادى.

  وسى ارناۋلى ماقالالار جيناعىنا 2013 - جىلى 9 - ايدىڭ 7 - كۇنى شي جينپيڭ جولداستىڭ قازاقستاننىڭ نازاربايەۆ داشۋەسىندە سويلەگەن لەكسياسىنىڭ ءبىر ءبولىمى بولعان «<جىبەك جولى ەكونوميكالىق بەلدەۋىن> بىرگە قۇرايىق» دەگەن ماقالا بەتاشار، 2018 - جىلى 7 - ايدىڭ 10 - كۇنى شي جينپيڭ جولداستىڭ جۇڭگو - اراب ەلدەرى تالقى مىنبەرىنىڭ 8 - كەزەكتى مينيستر دارەجەلىلەر ءماجىلىسىنىڭ اشىلۋ سالتىندا سويلەگەن ءسوزىنىڭ ءبىر ءبولىمى بولعان «ستراتەگيا مەن ارەكەتتى ءتۇيىلىستىرۋدى كۇشەيتىپ، <ءبىر بەلدەۋ، ءبىر جول> قۇرىلىسىن قول ۇستاسا ىلگەرىلەتەيىك» دەگەن ماقالا سىرگە جيار بولدى، شي جينپيڭ جولداستىڭ «ءبىر بەلدەۋ، ءبىر جول» قۇرىلىسىن بايىمداعان ماڭىزدى ماقالالارىنان 42 ماقالا كىردى، كىتاپ شامامەن 130 مىڭ ءارىپ.

  پارتيا 18 - قۇرىلتايىنان بەرى، شي جينپيڭ جولداس ەل ءىشى جانە حالىقارا سىندى ەكى جالپى جاعدايدى جاپپاي كوزدە ۇستاي وتىرىپ، دۇنيە ءجۇزىنىڭ جاعدايىن قاداعالاي باقىلاپ جانە وعان وي جۇگىرتىپ، ءداۋىردىڭ اعىمىمەن ۇيلەسىپ، دامۋدىڭ زاڭدىلىعىمەن سايكەسىپ، «ءبىر بەلدەۋ، ءبىر جول» باستاماسىن تۇڭعىش رەت ورتاعا قويىپ، حالىقارالىق قوعامنىڭ، اسىرەسە، جىبەك جولى بويىنداعى مەملەكەتتەردىڭ بەلسەندى قولداۋىنا يە بولدى. ەسىك اشۋدى كەڭەيتۋدىڭ ماڭىزدى ستراتەگيالىق شاراسى رەتىندە، «ءبىر بەلدەۋ، ءبىر جولدى» بىرگە قۇرۋ ەلىمىزدىڭ الەمدىك ەسىك اشۋعا، سەلبەسۋگە ات سالىسۋىنىڭ، الەم ەكونوميكاسىن وڭاۋ جۇيەسىن كەمەلدەندىرۋدىڭ، الەمنىڭ بىرگە دامۋىن، گۇلدەنۋىن جەبەۋدىڭ، ادامزاتتىڭ تاعدىرلاس ورتاق تۇلعاسىن قۇرۋدى ىلگەرىلەتۋدىڭ جۇڭگو جوباسىنا اينالا باستادى. شي جينپيڭ جولداس «ءبىر بەلدەۋ، ءبىر جول» قۇرىلىسىنىڭ جەتەكشى پرينسيبى، باي مازمۇنى، نىساناسى مەن جولى سياقتىلارعا تەرەڭ تۇسىنىك جاساپ، «ءبىر بەلدەۋ، ءبىر جولدى» بىرگە قۇرۋدىڭ تەرەڭدەۋىنە، ناقتىلانۋىنا، ورنىقتى قاداممەن الىسقا جەتۋىنە، جەلى بويىنداعى مەملەكەتتەردىڭ حالىقتارىنا باقىت جاراتۋدى ىلگەرىلەتۋگە، ادامزاتتىڭ تاعدىرلاس ورتاق تۇلعاسىن بىرگە قۇرۋدى ىلگەرىلەتۋگە ايقىن دۇرىس باعدار كورسەتىپ، ايبىندى جوبا سىزىپ، ماڭىزدى ولشەم ازىرلەدى.

جاۋاپتى رەداكتور : سايراش تۇرارجان قىزى

ەسكەرتۋ:

تورابىمىزداعى مازمۇنداردى پايدالانۋعا تۋرا كەلگەندە، ءسوزسىز جازباشا رۇقساتقا يە بولۋ كەرەك. مازمۇنداردى رۇقساتسىز جالعاپ تاراتۋعا، كەسىپ رەداكسيالاۋعا، وزگەرتۋگە، قىسقارتىپ قۇراستىرۋعا، باسقا ورىنعا كوشىرۋگە نەمەسە باسقا تاسىلدەرمەن كوبەيتۋگە ءارى تاراتۋعا بولمايدى، قايشى كەلگەندەردىڭ زاڭدىق جاۋاپكەرشىلىگى زاڭ بويىنشا قۋزاستىرىلادى.