جۇمىسقا ورنالاستىرۋدى باعدار ەتىپ، حالىق رازى بولاتىن كاسىپتىك وقۋ - اعارتۋدى ويداعىداي قۇرايىق
ءتىلشى جاۋ جىيۇن 12 - ايدىڭ 15 - كۇنى ۇرىمجىدەن حابارلايدى. 12 - ايدىڭ 13 -، 14 - كۇندەرى اۆتونوميالى رايوندىق پارتكومنىڭ ورىنباسار شۋجيى، وقۋ - اعارتۋ قىزمەت كوميتەتىنىڭ شۋجيى لي پىڭشين ۇرىمجىدە ورتا دارەجەلى كاسىپتىك وقۋ - اعارتۋ قىزمەتىنە تەكسەرۋ - زەرتتەۋ جۇرگىزدى، سونداي - اق اۆتونوميالى رايونعا قاراستى 19 ورتا دارەجەلى كاسىپتىك مەكتەپتىڭ جانە باسقارۋشى ورىنداردىڭ نەگىزگى جاۋاپتىلارىمەن اڭگىمەلەستى. ول مىنالاردى باسا دارىپتەدى: شي جينپيڭنىڭ جاڭا ءداۋىر جۇڭگوشا سوتسياليزم يدەياسىن جەتەكشى ەتىپ، باس شۋجي شي جينپيڭنىڭ وقۋ - اعارتۋ قىزمەتى جونىندەگى ماڭىزدى بايىمداۋلارىن ىشكەرىلەي دايەكتىلەندىرىپ، تياناقتاندىرىپ، قوعام ورنىقتىلىعى مەن باياندى تىنىشتىق باس نىساناسىن مىقتاپ ارقاۋ ەتىپ، ونەگە كورسەتىپ ادام تاربيەلەۋدى نەگىز، جۇمىسقا ورنالاستىرۋدى باعدار ەتۋگە تاباندى بولىپ، نازاردى ءالسىز بۋىندارعا شوعىرلاندىرىپ، ماسەلەنى باعدار ەتۋدەن جازباي، اناعۇرلىم زور بەكىم، اناعۇرلىم كەمەلدى شارا ارقىلى حالىق رازى بولاتىن كاسىپتىك وقۋ - اعارتۋدى ويداعىداي جۇرگىزۋ كەرەك.
لي پىڭشين ىلگەرىندى - كەيىندى شينجياڭ سۋ يگىلىگى - سۋ ەلەكتر مەكتەبىنە، شينجياڭ ونەركاسىپ - ەكونوميكا مەكتەبىنە، شينجياڭ ورمان شارۋاشىلىعى مەكتەبىنە بارىپ، ساباقحاناعا، تاجىريبەحاناعا، وقۋشىلار جاتاعىنا كىرىپ، پارتيا قۇرىلىسى، تاربيەلەۋ - وقىتۋ، وقۋشىلاردى باسقارۋ، مەكتەپ ورنىقتىلىعى سياقتى قىزمەتتەرگە تەكسەرۋ - زەرتتەۋ جۇرگىزدى. لي پىڭشين مىنالاردى اتاپ كورسەتتى: شينجياڭنىڭ كاسىپتىك وقۋ - اعارتۋىن بار كۇشپەن دامىتۋ − ورنىقتىلىقتى قورعاۋداعى، دامۋدى ىلگەرىلەتۋدەگى، جۇمىسقا ورنالاسۋدى جەبەۋدەگى، حالىق تۇرمىسىن جاقسارتۋداعى ماڭىزدى شارا. قاتىستى ورىندار مەن ورتا دارەجەلى كاسىپتىك مەكتەپتەر قاشاندا ساياسي جانە جالپى جاعداي تۇرعىسىنان تۇلعالىق جاۋاپكەرشىلىكتى ناقتىلاندىرىپ، ماسەلەنى باعدار ەتۋدەن جازباي، دامۋ وي جەلىسىن جوبالاپ، وقىتۋ ساپاسىن بار كۇشپەن جوعارىلاتىپ، ءاربىر وقۋشىنىڭ مەكتەپتە ونەر ۇيرەنۋىنە، مەكتەپ بىتىرگەن سوڭ جۇمىسقا ورنالاسا الۋىنا مۇمكىندىك جاراتۋ كەرەك.
لي پىڭشين مىنالاردى باسا دارىپتەدى: پارتيا باسشىلىعىنا مىزعىماي تاباندى بولىپ، پارتكوم باسشىلىعىنداعى مەكتەپ باستىعى جاۋاپتى بولۋ ءتۇزىمىن جاپپاي تياناقتاندىرىپ، كاسىپتىك مەكتەپتەردىڭ باسشىلىق القا قۇرىلىسىن شىنايى كۇشەيتىپ، نەگىزگى ساتى پارتيا ۇيىمى قۇرىلىسىن جاپپاي ىلگەرىلەتىپ، پارتيانى باسقارۋدىڭ، پارتيانى جونگە سالۋدىڭ، وقىتۋدىڭ، مەكتەپ باسقارۋدىڭ ساياسي جاۋاپكەرشىلىگىن جانە تۇلعالىق جاۋاپكەرشىلىگىن شىنايى وتەۋ كەرەك. وقىتۋدىڭ دۇرىس بەتالىسىنا مىزعىماي تاباندى بولىپ، قانداي ادام تاربيەلەۋ، ادامدى قالاي تاربيەلەۋ، ادامدى كىم ءۇشىن تاربيەلەۋ سىندى ءتۇبىرلى ماسەلەنى مىقتاپ ارقاۋ ەتىپ، پارتيا ءۇشىن ادام تاربيەلەۋ، مەملەكەت ءۇشىن دارىندى تاربيەلەۋ باعدارىن ىشكەرىلەي كۇشەيتىپ، دۇرىس ساياسي بەتالىستى، قۇن بەتالىسىن تاربيەلەۋدىڭ، وقىتۋدىڭ تۇتاس بارىسىمەن باتىلدىقپەن، تاباندىلىقپەن توعىستىرۋ كەرەك. مەملەكەتتە ءبىر تۇتاس قولدانىلاتىن ءتىل - جازۋ وقىتۋىن مىقتاپ يگەرىپ، قاعىس قالعان وڭىرلەردى جويىپ، ولقىلىقتاردى تولىقتاپ، وقۋشىلاردىڭ جۇمىسقا ورنالاسۋىنا، شارۋاشىلىق قۇرۋىنا بەرىك نەگىز قالاپ، ەسەيىپ - ەرجەتۋىنە، دارىندى بولىپ شىعۋىنا قانات ءبىتىرۋ كەرەك. وقىتۋشىلار قوسىنى قۇرىلىسىن مىقتاپ يگەرىپ، وقىتۋشىلىق ءمورال، وقىتۋشىلىق ستيل قۇرىلىسىن كۇشەيتىپ، كاسىپتىك دەڭگەيدى جوعارىلاتىپ، ساياسيدا تاباندى، ونەرگە جەتىك، ارناۋلى ىستەۋ مەن قوسىمشا ىستەۋدى ۇشتاستىرىلعان «قوس سالاۋاتتى» وقىتۋشىلار قوسىنىن جەتىلدىرۋ كەرەك. وقۋشىلاردى تاربيەلەۋدى، باسقارۋدى مىقتاپ يگەرىپ، وقۋشىلاردىڭ يدەيالىق ەرەكشەلىگىن، دامۋ قاجەتىن جانە ەسەيۋ زاڭدىلىعىن يگەرىپ، قاتاڭ باسقارىپ، عىلمي جەتەكشىلىك ەتىپ، وقۋشىلارعا جاۋاپتى بولۋ، اتا - انالارعا جاۋاپتى بولۋ، قوعامعا جاۋاپتى بولۋ كەرەك.
لي پىڭشين مىنالاردى تالاپ ەتتى: وقىتۋ قابىلەتى مەن وقىتۋ دەڭگەيىن بار كۇشپەن جوعارىلاتىپ، ءتىپتى دە جوعارى دەڭگەيلى دارىندى جەتىلدىرۋ جۇيەسىن قۇرۋ كەرەك. ماماندىق قۇرىلىمدى ۇزدىكسىز ساپالىلاندىرىپ، وڭىرلىك كاسىپ سالاسىنىڭ دامۋىنا ساي كەلەتىن كاسىپتىك جۇيە قۇرۋ كەرەك. وقۋلىق جۇيەسىن باسقارۋدى قاتايتىپ، وقۋلىقتى پارتيا باسقارۋدان جازباي، وقۋلىقتى، اسىرەسە، كانىسپەك پەن وزدەرى قۇراستىرعان وقۋلىقتى باسقارۋ، تاڭداپ ىستەتۋ، قۇراستىرىپ جازۋ، تەكسەرىپ وقۋ بۋىندارىن مىقتاپ يگەرۋ كەرەك. باسقارۋ جۇيەسىن كەمەلدەندىرىپ، ورنىقتىلىقتى قورعاۋ مەن تاربيەلەۋ - وقىتۋدى باسقارۋدى ورگانيكالى ۇشتاستىراتىن باياندى مەحانيزم ورناتۋ جونىندە بەلسەنە ىزدەنىس جاساۋ كەرەك. يدەيالىق - ساياسي قىزمەت جۇيەسىن اقاۋسىزداندىرىپ، ۇستانىم مەن وي تولعامنان، مازمۇن مەن فورمادان، ءادىس پەن امالدان جاڭالىق اشۋدى ىلگەرىلەتىپ، يدەيالىق - ساياسي قىزمەتتىڭ داۋىرلىك سيپاتى مەن باعىتتامالىلىق سيپاتىن كۇشەيتىپ، پارتيانى سۇيەتىن، وتاندى سۇيەتىن، بەلسەندى دە ۇمتىلعىش، دەن قويا ۇيرەنەتىن ءبىلىم بەرىپ، ادام تاربيەلەۋ ورتاسىن جاراتۋ كەرەك.
