شينحۋا اگەنتتىگىنىڭ 12 - ايدىڭ 16 - كۇنى بەيجيڭنەن بەرگەن حابارى. ورتالىق كوميتەتتىڭ ۇگىت ءبولىمى، ورتالىق كوميتەتتىڭ وركەنيەت كەڭسەسى، مەملەكەتتىك دامۋ - رەفورما كوميتەتى، وقۋ - اعارتۋ مينيسترلىگى، عىلىم - تەحنيكا مينيسترلىگى، ءادىليا مينيسترلىگى، اۋىل شارۋاشىلىعى، اۋىل - قىستاق مينيسترلىگى، مادەنيەت جانە ساياحات مينيسترلىگى، مەملەكەتتىك دەنساۋلىق ساقتاۋ، سالاماتتىق كوميتەتى، مەملەكەتتىك راديو - تەلەۆيزيا باس مەكەمەسى، مەملەكەتتىك كەڭەستىڭ كەدەيلەردى سۇيەمەلدەۋ كەڭسەسى، كوممۋنيستىك جاستار وداعىنىڭ ورتالىق كوميتەتى، مەملەكەتتىك ايەلدەر بىرلەستىگى، جۇڭگو ادەبيەت - كوركەمونەرشىلەر بىرلەستىگى، جۇڭگو عىلىم - تەحنيكا قوعامى تاياۋدا بىرلەسىپ حابارلاندىرۋ تاراتىپ، شي جينپيڭنىڭ جاڭا ءداۋىر جۇڭگوشا سوتسياليزم يدەياسىن جەتەكشى ەتىپ، پارتيا 19 - قۇرىلتايىنىڭ رۋحىن ىشكەرىلەي دايەكتىلەندىرىپ، تياناقتاندىرىپ، مادەنيەت، عىلىم - تەحنيكا، دەنساۋلىق ساقتاۋ بىلىمدەرىن اۋىلعا جەتكىزۋ قيمىلىن جاپپاي ورىستەتىپ، 100 ميلليونداعان شارۋانىڭ بەلسەندىلىگىن، ىرىقتىلىعىن، جاسامپازدىعىن جۇمىلدىرىپ، قوعامنىڭ ءار جاعىنداعى كۇشتەردى جاڭا داۋىردەگى اۋىل شارۋاشىلىعى، اۋىل - قىستاق، شارۋالار قىزمەتىنە بەلسەنە ات سالىسۋعا اناعۇرلىم اتتانىسقا كەلتىرىپ، بۇكىل قوعام اۋىل شارۋاشىلىعىنا نازار اۋداراتىن، اۋىل - قىستاققا كوڭىل بولەتىن، شارۋالارعا قامقورلىق جاسايتىن كۇشتى راي قالىپتاستىرىپ، اۋىل - قىستاقتى گۇلدەندىرۋ ستراتەگياسىنىڭ جاپپاي اتقارىلۋىن، كەدەيلىكتەن ارىلتۋدان قامال الۋ شايقاسىنىڭ جەڭىسىنە قول جەتكىزۋدى، اۋىل شارۋاشىلىعىنىڭ، اۋىل - قىستاقتىڭ وسىزاماندانۋىن جەدەل ىلگەرىلەتۋدى تالاپ ەتتى.
بيىلعى «ءۇشتى اۋىلعا جەتكىزۋ» قيمىلىندا، اۋىل شارۋاشىلىعىن، اۋىل - قىستاقتى وسىزامانداندىرۋدىڭ باس نىساناسى مىقتاپ ارقاۋ ەتىلىپ، شارۋاشىلىعى شالقىعان، ەكولوگيالىق ورتاسى جايلى، اۋىل سالتى وركەنيەتتى، وڭاۋى ۇتىمدى، تۇرمىسى باي بولۋ جالپى تالابى تياناقتاندىرىلىپ، نازاردى كەدەيلىكتەن ارىلتۋدان قامال الۋ شايقاسىن ويداعىداي جۇرگىزۋدىڭ العى مىندەتىنە شوعىرلاندىرىلىپ، ۇلتتى گۇلدەندىرۋدىڭ كەلەلى مىندەتىن ارقالايتىن داۋىرلىك جاڭا ادامدارىن كۇش سالا جەتىلدىرىلىپ، تاماشا ومىرگە قۇلشىناتىن ءداۋىر جاڭا سالتىن كۇش سالا ساۋلەلەندىرىلىپ، جاڭا ءداۋىر وركەنيەتىنىڭ اماليات ورتالىعىن قۇرۋدى وراي ەتىپ، قىزمەتكەرلەر قوسىنى، قارجى بايلىعى، تۇعىر دانەكەرلەرى، نىسان قيمىلدارىن بىرىكتىرىپ، ءتاسىل - ادىستەرگە جاڭالىق ەنگىزىپ، باياندى مەحانيزم ورناتىپ، شارۋالار قاۋىمى ەڭ كوڭىل بولگەن، ەڭ تىكە، ەڭ رەال مۇددە ماسەلەلەرى شىن مانىندە شەشىپ، دامۋ، حالىق تۇرمىسى جانە رۋحاني جاقتارداعى ولقىلىقتار جەدەل تولىقتىرىلىپ، ءجۇز ميلليونداعان شارۋانىڭ اناعۇرلىم كوپ ناقتى تابىس سەزىمىنە، باقىت سەزىمىنە، حاۋىپسىزدىك سەزىمىنە يە بولۋىنا مۇمكىندىك جاسالىپ، فورماشىلدىقتان جانە «وبراز ينجەنەرياسىنان» ساقتانىپ، اۋىل - قىستاقتاعى قالىڭ قاۋىم جاپپاي دوڭگەلەك داۋلەتتى قوعام ورناتۋعا، جاپپاي سوتسياليستىك وسىزاماندانعان مەملەكەت قۇرۋعا بەلسەنە ات سالىسۋعا اناعۇرلىم كەڭ كولەمدە، اناعۇرلىم ءونىمدى تۇردە اتتانىسقا كەلتىرىلەدى جانە وعان شابىت بەرىلەدى.
حابارلاندىرۋدا مىنالار تالاپ ەتىلدى: شي جينپيڭنىڭ جاڭا ءداۋىر جۇڭگوشا سوتسياليزم يدەياسىن ۇيرەنۋدى، دايەكتىلەندىرۋدى وزەك ەتە وتىرىپ نازاريانى اۋىلعا جەتكىزىپ، اۋىل - قىستاقتاعى قالىڭ كادرلار مەن بۇقارانى شي جينپيڭنىڭ جاڭا ءداۋىر جۇڭگوشا سوتسياليزم يدەياسىن ىشكەرىلەي ۇيرەنىپ، نەگىزگى كوزقاراسىن، وزەكتى ءمانىن جانە امالياتتىق تالابىن ۇعىنىپ، يگەرىپ، ساياسي جاقتان شىنايى مويىنداۋدى، يدەيالىق جاقتان شىنايى مويىنداۋدى، سەزىمدىك جاقتان شىنايى مويىنداۋدى ۇزدىكسىز كۇشەيتۋگە ۇيىمداستىرۋ كەرەك. اۋىل - قىستاقتاردا جۇڭگوشا سوتسياليزم جانە جۇڭگو ارمانى جونىندەگى ۇگىت - تاربيەنى ىشكەرىلەي ورىستەتىپ، رەفورما جاساۋدىڭ، ەسىك اشۋدىڭ 40 جىلدىعىن سالتاناتپەن قۇتتىقتاۋدى وراي ەتىپ، بۇقارالىق تاقىرىپتىق ۇگىت - تاربيە قيمىلدارىن ورىستەتىپ، يدەيانى ونان ارى ازات ەتىپ، جاڭا كەزەكتى اۋىل - قىستاق رەفورماسىن ىلگەرىلەتىپ، اۋىل - قىستاقتىڭ گۇلدەنۋىنىڭ ىشكى قوزعاۋشى كۇشىن قاۋلاتۋ كەرەك. جاڭا ءداۋىر وركەنيەتىنىڭ اماليات ورتالىعى قۇرىلىسىن باستاماشى ەتە وتىرىپ وركەنيەتتى اۋىلعا جەتكىزىپ، «جاڭا ءداۋىر وركەنيەتىنىڭ اماليات ورتالىعىن قۇرۋدىڭ سىناق ءتۇيىنى قىزمەتى جونىندەگى جەتەكشى پىكىردى» دايەكتىلەندىرىپ، تياناقتاندىرىپ، جاڭا ءداۋىر وركەنيەتىنىڭ اماليات ورتالىعى قۇرىلىسىن نەگىزدىك، ستراتەگيالىق مىندەت ەتىپ، اۋدان دارەجەلىلەردىڭ نەگىزگى تۇلعالىق رولى مەن توراپتىق يقۋاتىن ويداعىداي ساۋلەلەندىرىپ، ەرىكتىلەردى نەگىزگى كۇش، ەرىكتىلەردىڭ قىزمەت وتەۋىن نەگىزگى قيمىل ءتاسىلى ەتىپ، اۋىل - قىستاقتىڭ يدەيا - مادەنيەت شەبىن وزىق يدەيالىق كوزقاراسپەن يەلەپ، بۇقارانىڭ رۋحاني كۇشىن ءتىپتى جاقسى ارتتىرۋ كەرەك. حالىقتىڭ تاماشا تۇرمىسقا دەگەن قاجەتىن قاناعاتتاندىرۋدى ماقسات ەتە وتىرىپ قىزمەت وتەۋدى اۋىلعا جەتكىزىپ، بۇقارا قاتىناسۋدى جاقسى كورەتىن، قاتىناسۋعا قولايلى مادەنيەت قيمىلدارىن جاپپاي ورىستەتىپ، «ءبىزدىڭ مەرەكەمىز» تاقىرىپتىق قيمىلىن ىشكەرىلەي ورىستەتىپ، اۋىل - قىستاقتاعى عىلىم - تەحنيكالىق قىزمەت وتەۋ مەن عىلىم جالپىلاستىرۋدىڭ دالدىگىن جوعارىلاتىپ، شارۋالاردىڭ عىلىم - تەحنيكا تانىمىن، عىلىم - تەحنيكامەن اۋقاتتانۋ قابىلەتىن جانە عىلىم ساپاسىن ءوسىرىپ، سالاماتتى اۋىل - قىستاق قۇرىلىسىن ىلگەرىلەتىپ، اۋىل - قىستاقتىڭ سالاماتتىلىقتى جەبەۋ قيمىلىن بەلسەنە ورىستەتۋىن تەرەڭدەتىپ، ەمدەۋ بايلىعىنىڭ اۋىل - قىستاققا جىلجۋىن ىلگەرىلەتۋ كەرەك. قوسىن مەحانيزمى قۇرىلىسىن كۇشەيتۋدى دارىندىلاردى اۋىلعا جەتكىزۋدىڭ كەپىلى ەتىپ، «كەڭ - بايتاق وڭىردە ءىرى ءىس تىندىرۋدى» اسقاقتاتىپ، بۇكىل قوعامنىڭ اۋىل - قىستاقتى گۇلدەندىرۋ تانىمىن وياتىپ، ءار دارەجەلى ءار ءتۇرلى دارىندىلاردى اۋىل - قىستاققا بارىپ، اۋىل - قىستاقتى گۇلدەندىرۋدىڭ جاندى امالياتىنا بەلسەنە قاتىناسۋعا جەتەكتەپ، ۇدايىلانعان، تۇزىمدەنگەن قىزمەت جاعدايىن قۇلشىنا قالىپتاستىرىپ، «ءۇشتى اۋىلعا جەتكىزۋ» قيمىلىنىڭ ۇنەمى اۋىلعا جەتكىزىلۋىن، ۇنەمى اۋىلدا بولۋىن ىلگەرىلەتۋ كەرەك.
حابارلاندىرۋدا بىلاي دەپ باسا دارىپتەلدى: جەر - جەر، تاراۋلار شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ توڭىرەگىنە تىعىز ىنتىماقتاسىپ، «ءۇشتى اۋىلعا جەتكىزۋ» قيمىلىن ورىستەتۋدى اۋىل - قىستاقتى گۇلدەندىرۋ ستراتەگياسىن اتقارۋدى، كەدەيلىكتەن ارىلتۋدان قامال الۋ شايقاسىنىڭ جەڭىسىنە قول جەتكىزۋدى ىلگەرىلەتۋدىڭ پارمەندى تۇتقاسى جانە ناقتى شاراسى ەتىپ، ۇيىمدىق باسشىلىقتى كۇشەيتىپ، ۇسىنىلىم سەرپىنىن ارتتىرىپ، دەن قويا ورنالاستىرۋ كەرەك. جاڭا جىل، كوكتەم مەرەكەسى كەزىندەگى شوعىرلى قىزمەت وتەۋ قيمىلىن مۇقيات ۇيىمداستىرىپ، قالىڭ شارۋالار قاۋىمىنىڭ مەرەكەنى شات - شادىمان وتكىزۋىنە مۇمكىندىك جاساۋ كەرەك. «ءۇشتى اۋىلعا جەتكىزۋ» قيمىلىن ۇگىتتەۋ - حابارلاۋ سەرپىنىن ارتتىرىپ، جەر - جەردىڭ، قاتىستى جاقتاردىڭ جاڭا ادىستەرى مەن جاندى تاجىريبەلەرىن دەر كەزىندە قورىتىندىلاپ، جالپىلاستىرىپ، اۋىل - قىستاقتاعى كادرلار مەن بۇقارانىڭ جاڭا بەت - بەينەسىن، جاڭا كۇيىن بەينەلەپ، بۇكىل قوعامدا تاماشا رايدى كۇش سالا قالىپتاستىرۋ كەرەك.
