تيانشان تورابى   ›   جاڭالىقتار   ›   ۇعىسۋ، تيىمدىلىك جاساۋ، توعىستىرۋ

باسقارۋعا شەبەر «گۇلي شۋجي»

حوتانداعى تىلشىلەر پۋنكتىنەن شى يىڭيىڭ

  12 - ايدىڭ 6 - كۇنى ساعات 22دە ىستەپ وتىرعان جۇمىسىن ءبىر جاقتى ەتىپ بولعان حوتان قالالىق ايەلدەر بىرلەستىگىنىڭ حوتان قالاسى گۋجيانباق اۋىلى دوڭقا الەۋمەتتىك اۋماعىندا تۇراتىن قىزمەت اترەتىنىڭ باستىعى، ءبىرىنشى شۋجي جىڭ ميڭحۋا بىرلەسىپ كوتەرمەگە العان وتباسىلارىنا بارۋعا دايىندالدى. ۇيدەن شىعاردا قول تەلەفونىنداعى اۋدارما جاسايتىن جۇمساق بولشەگىن مۇقيات تەكسەردى. «كۇندەلىكتى تۇرمىستا قولدانىلاتىن قاراپايىم سوزدەردى نەگىزىنەن ۇيرەنىپ الدىم، الايدا، بۇگىن تۋىسىما پارتيانىڭ ءتيىمدى ساياساتتارىن تۇسىندىرگەندە وسى جۇمساق بولشەككە سۇيەنۋىم كەرەك»، - دەدى جىڭ ميڭحۋا.

  دوڭقا الەۋمەتتىك اۋماعىندا جالپى 734 وتباسى، 2252 جان سانى بار، بيىل جىل باسىندا جىڭ ميڭحۋا وسى الەۋمەتتىك اۋماققا كەلىپ، جاڭا قىزمەتىن باستاعان، جۇرتتىڭ ءبارى ونى وزدەرىنە جاقىن تارتىپ باسقارۋعا شەبەر «گۇلي شۋجي» دەپ اتاپ كەتتى.

  نەگىزگى ساتىنىڭ ۇيىمدىق قۇرىلىسىن، ءسوزسىز، ويداعىداي باسقارۋ كەرەك

  «الەۋمەتتىك اۋماق كادرلارىنىڭ ساپاسى مەن ماسەلەنى شەشۋ قابىلەتىن جوعارىلاتۋدىڭ الەۋمەتتىك اۋماقتا تۇرۋ قىزمەتىن اناعۇرلىم جاقسى ورىستەتۋدى جەبەۋدەگى رولى ايرىقشا زور، سونىمەن بىرگە، ول قىزمەت اترەتىنىڭ ماڭىزدى مىندەتىنىڭ ءبىرى»، - دەدى جىڭ ميڭحۋا الەۋمەتتىك اۋماق كادرلارىنىڭ پىكىرلەسۋ ماجىلىسىندە.

  دوڭقا الەۋمەتتىك اۋماعىندا قىزمەت ىستەگەننەن بەرى، جىڭ ميڭحۋا وتباسىلارىن ارالاپ جاعداي ۇعىسۋ نەگىزىندە، الەۋمەتتىك اۋماق تۇرعىندارىنىڭ ۋاكىلدەرىن ۇيىمداستىرىپ اڭگىمە ءماجىلىسىن اشىپ، الەۋمەتتىك اۋماق كادرلارىمەن بىرگە الەۋمەتتىك اۋماق قىزمەتىن اقىلداستى. قىزمەت اترەتى مۇشەلەرىنىڭ الەۋمەتتىك اۋماق كادرلارىنا كومەكتەسۋ، جەتەلەۋ مەحانيزمىن تياناقتاندىرىپ، «ءبىر - بىرلەپ كومەكتەسىپ» جۇپ قۇراۋ، بىرلەسىپ قىزمەت ىستەۋ سياقتى فورمالاردان پايدالانىپ، تۇيىندەر بويىنشا كومەكتەسىپ، بەتپە - بەت جەتەكتەپ، قولما - قول ۇيرەتىپ، ءوزارا ۇيرەنىپ، ءوزارا جەبەپ، قىزمەت اترەتى مۇشەلەرى مەن الەۋمەتتىك اۋماق كادرلارىنىڭ بۇقاراعا قىزمەت وتەۋ، داۋ - شارلاردى شەشۋ قابىلەتىن ۇزدىكسىز جوعارىلاتتى.

  جىڭ ميڭحۋا الىس ارالىقتى وقىتۋ تۇعىرىنان تولىق پايدالانىپ، «ەكىنى ۇيرەنۋ، بىردە تولىمدى بولۋ» ۇيرەنۋ - تاربيەسىن تۇزىمدەندىرۋدى، ۇدايىلاندىرۋدى تياناقتاندىردى. پارتياعا مۇشە قابىلداۋ قىزمەتىنە ءمان بەرىپ، قوسىننان قايتقان اسكەريلەردى، بايۋ شەبەرلەرىن، اۋىلعا ورالعان داشۋە وقۋشىلارى سياقتىلاردى تاربيەلەۋ وبيەكتسى ەتىپ تاربيەلەپ، جەتەكتەپ، نەگىزگى ساتىنىڭ ۇيىمدىق قۇرىلىسىن كۇشەيتتى. بيىل جىل باسىنان بەرى، 35 تۇرعىن پارتياعا كىرۋ ءوتىنىشىن تاپسىردى، پارتياعا كىرۋ بەلسەندىلەرىنەن 10 ادامدى تۇراقتاندىردى. جىڭ ميڭحۋا ايەلدەر بىرلەستىگىنىڭ فۋنكتسيالىق ارتىقشىلىعىن تولىق ساۋلەلەندىرىپ، الەۋمەتتىك اۋماق ايەلدەر ۇيىمىن ايەلدەر بىرلەستىگى ەتىپ قۇرۋ قىزمەتىنە كومەكتەسىپ، ايەلدەر بىرلەستىگىنىڭ الەۋمەتتىك اۋماقتاعى 13 مۇشەسىن تاربيەلەدى.

  تۇرعىنداردى جۇمىسقا ورنالاستىرۋ ءىسىن، ءسوزسىز، ويداعىداي باسقارۋ كەرەك

  «جىڭ شۋجي، مەنىڭ مەملەكەتتە ءبىر تۇتاس قولدانىلاتىن ءتىل - جازۋ قابىلەتىم تومەن، جۇمىس تابا الامىن با؟»، - دەدى الەۋمەتتىك اۋماقتىڭ تۇرعىنى گۇلچىمان مۇسا جابىرقاڭقى بەينەدە. «مەن الدىمەن سەنى ناۋبايحاناعا تانىستىرايىن، بولا ما؟ كەيىن مەملەكەتتە ءبىر تۇتاس قولدانىلاتىن ءتىل - جازۋ قابىلەتىڭ جوعارىلاعاننان كەيىن، باسقا قىزمەت ىزدەپ كور». گۇلچىمان ماقۇل بولعان سوڭ، جىڭ ميڭحۋا ونى ناۋبايحاناعا ىستەۋگە تانىستىردى، گۇلچىمان دا مەملەكەتتە ءبىر تۇتاس قولدانىلاتىن ءتىل - جازۋدى قۇلشىنا ۇيرەنىپ، ونەر ۇيرەنىپ، تۇرمىسىن اناعۇرلىم جاقسارتۋعا بەل بايلادى.

  تۇرعىنداردىڭ مەملەكەتتە ءبىر تۇتاس قولدانىلاتىن ءتىل - جازۋدى جاقسى ۇيرەنۋى ءۇشىن، جىڭ ميڭحۋا «مەيىر جەتكىزۋ كلاسىنا»، «كەشكى مەكتەپ كلاسىنا» سۇيەنىپ، الىس ارالىقتى وقىتۋ تۇعىرى ارقىلى ۇيرەتۋ، ۇستىندە ىقپالداستىق جاساۋ، سۋرەت بويىنشا ءتۇسىندىرۋ سياقتى تاسىلدەردەن پايدالانىپ، تۇرعىنداردىڭ مەملەكەتتە ءبىر تۇتاس قولدانىلاتىن ءتىل - جازۋدى جاقسى ۇيرەنۋىنە جەتەكشىلىك ەتتى.

  سونىمەن بىرگە، جىڭ ميڭحۋا قيىنشىلىعى بار تۇرعىنداردى جۇمىس ورنىمەن قامداۋعا بايلانىس جاساپ، جۇمىستاندىرۋعا ءادىس - امال قاراستىردى. ول 12 كاسىپورىنمەن بەلسەنە سايكەسىپ، الەۋمەتتىك اۋماقتاعى قيىنشىلىعى بار وتباسىلارىنا 135 جۇمىس ورنىن ازىرلەدى.

  گۇلزوھرا كيىم - كەشەك شەكتى سەرىكتەستىگىندە جۇمىس ىستەيتىن الەۋمەتتىك اۋماق تۇرعىنى ءنۇربيا مامەت بىلاي دەدى: جىڭ شۋجيدىڭ كومەگىنىڭ ارقاسىندا وسى جۇمىسقا قول جەتكىزدىم، ايىنا 2500 يۋان ەڭبەكاقى الامىن. مەن وڭاي قولعا كەلمەگەن وسى ورايدى قاستەرلەپ، ەرتەرەك باقىتتى تۇرمىسقا قول جەتكىزەمىن.

  بۇقارانىڭ قيىنشىلىعىن ءتىپتى دە جاقسى شەشۋ كەرەك

  «بۇقاراعا كوڭىل بولگەندە عانا، بۇقارا سەنى تۋىسىنداي كورەدى؛ بۇقارانىڭ ىستەرىن ءوز ىسىڭدەي ىستەگەندە عانا، جاقسى ىستەۋگە بولادى». بۇل جىڭ ميڭحۋانىڭ بۇرىننان بەرگى ۇستانىمى.

  «جىڭ اپاي، ءسىز تاعى امانداسا كەلدىڭىز بە؟»، - دەدى توسەكتە جاتقان ءمۇتالىپ ءماتتۇرسىن جەيتىن كوپ ۇساق - تۇيەك نارسەلەردى كوتەرىپ كەلگەن جىڭ ميڭحۋانى كورىپ قۋانا.

  ءمۇتالىپ بيىل 7 جاستا، اياعى تۋما كەمتار. جىڭ ميڭحۋا وتباسىنا كەلىپ جاعدايىنان حابارلى بولعان سوڭ، وزدىگىنەن حوتان قالالىق ادام كۇشى بايلىعى جانە قوعامدىق قامتاماسىزداندىرۋ مەكەمەسى، حالىق ىستەرى مەكەمەسى، حالىق شيپاحاناسى قاتارلى مەكەمە - ورىندارمەن بايلانىس جاساپ، كوپ جاقتىڭ سايكەسۋى ارقىلى اقىرىندا حوتانعا ۇرىمجىدەن مامان ۇسىنىس ەتىپ، وعان وپەراتسيا جاساتتى. بالانىڭ اكەسى مامەتتۇرسىن ءماتروزى ەلجىرەپ تۇرىپ: جىڭ شۋجي مەن قىزمەت اترەتىنىڭ كومەكتەسۋىنىڭ ارقاسىندا بالاما وپەراتسيا جاساتتىم، پارتيانىڭ ابزال ساياساتىنا العىس ايتامىن، جىڭ شۋجيگە العىس ايتامىن، ءمۇتالىپ ەكەۋىمىز بۇل جاقسىلىقتى ماڭگى ۇمىتپايمىز، مەن، ءسوزسىز، مۇتالىپكە جاقسى ۇيرەنىپ، قوعامعا جارامدى ادام بول دەپ تاربيە بەرەمىن، - دەدى.

  بۇقارانىڭ ءارقانداي جۇمىسىنا نەمقۇرايدى قاراۋعا بولمايدى. جىڭ ميڭحۋا وتباسىلارىن ارالاپ جاعداي ۇعىسۋ ارقىلى شەشۋى قيىن 82 ارىزدى جيناپ، تۇعىر ازىرلەدى. الەۋمەتتىك اۋماق «ەكى كوميتەتىمەن» ماسەلەلەردى شەشۋ شارالارىن بىرگە اقىلداسىپ، 81 ماسەلەنى شەشتى، قالعان بىرەۋىن اقىلداسىپ شەشۋ ۇستىندە. جىڭ ميڭحۋانىڭ ىقپال كورسەتۋى مەن باستاۋىندا الەۋمەتتىك اۋماقتاعى 25 جاس وزدىكتەرىنەن ۇيىمداسىپ ەرىكتى قىزمەت وتەۋ اترەتىن قۇرىپ، پاناسىز قارتتاردىڭ اۋلاسىن تازالاپ، كىرىن جۋىپ، تاماعىن جاساپ، تۇرمىستىق بۇيىمدارىن ساتىپ الۋىنا كومەكتەستى.

جاۋاپتى رەداكتور : سايراش تۇرارجان قىزى

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورابى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.

  • وڭتۇستىك شينجياڭنىڭ كەڭ - بايتاق دالاسىندا جاڭا سالت ءورىس الدى
  • پارتيا تۋىن نەگىزگى ساتى شەبىندە بيىك جەلبىرەتتى
  • جوعارى ساپالى دامۋدا ”ساپتىق“ اناعۇرلىم جەتكىلىكتى بولدى
  • ۇلتتار ىنتىماعىنىڭ گۇلى بار الاپتا قۇلپىرا اشىلدى
بىزبەن بايلانىس جارناما قىزمەتى لەبىز قالدىرۋ ءبىز تۋرالى