(2018 - جىلى 12 - ايدىڭ 18 - كۇنى)
شي جينپيڭ
جولداستار، دوستار:
1978 - جىلى 12 - ايدىڭ 18 - كۇنى جۇڭحۋا ۇلتىنىڭ تاريحىندا، جۇڭگو كوممۋنيستىك پارتياسىنىڭ تاريحىندا، جۇڭحۋا حالىق رەسپۋبليكاسىنىڭ تاريحىندا، تۇگەلدەي تاريح پاراعىنا، ءسوزسىز، جازىلاتىن ماڭىزدى كۇن. وسى كۇنى پارتيامىز پارتيا 11 - كەزەكتى ورتالىق كوميتەتىنىڭ ءۇشىنشى جالپى ءماجىلىسىن اشىپ، جاڭا جۇڭگو قۇرىلعاننان بەرگى پارتيا تاريحىندا تەرەڭ مانگە يە ۇلى بۇرىلىستى جۇزەگە اسىرىپ، رەفورما جاساۋدىڭ، ەسىك اشۋدىڭ جانە سوتسياليستىك وسىزامانداندىرۋدىڭ ۇلى ساپارىن باستادى.
بۇگىن، ءبىز وسى ارادا سالتاناتپەن باس قوسىپ، رەفورما جاساۋدىڭ، ەسىك اشۋدىڭ 40 جىلعى شۇعىلالى بارىسىنا قايىرىلا قاراپ، رەفورما جاساۋدىڭ، ەسىك اشۋدىڭ ۇلى تابىستارى مەن قىمباتتى تاجىريبەلەرىن قورىتىندىلاپ، بۇكىل پارتيانى، بۇكىل ەلدەگى ءار ۇلت حالقىن جاڭا داۋىردە رەفورما جاساۋدى، ەسىك اشۋدى ۇزدىكسىز العا ىلگەرىلەتىپ، «قوس 100 جىلدىق» كۇرەس نىساناسىن جۇزەگە اسىرۋ، جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىن جۇزەگە اسىرۋ جولىندا قاجىماي - تالماي كۇرەسۋگە جۇمىلدىرىپ وتىرمىز.
جولداستار، دوستار!
پارتيا 11 - كەزەكتى ورتالىق كوميتەتىنىڭ ءۇشىنشى جالپى ءماجىلىسى پارتيا مەن مەملەكەت قايدا بەتتەۋگە ءدوپ كەلگەن كەلەلى تاريحي ساتتە اشىلدى. سول كەزدە، دۇنيە ءجۇزىنىڭ ەكونوميكاسى تەز دامىپ، عىلىم - تەحنيكانىڭ العا باسۋى كۇن سايىن جاڭالانعان، ال «مادەنيەت زور توڭكەرىسىنىڭ» 10 جىلدىق ىشكى بىلىقپالىعىنان ەلىمىز ەكونوميكاسى كۇيرەۋدىڭ شەگىنە تاياپ، حالىقتىڭ قارىن تويعىزۋى ماسەلەگە اينالىپ، مەملەكەت قۇرىلىسىندا سان سالالى كاسىپ گۇلدەندىرۋدى كۇتىپ تۇرعان ەدى. پارتيانىڭ ءىشى - سىرتى «مادەنيەت زور توڭكەرىسىنىڭ» قاتەلىگىن تۇزەتىپ، پارتيا مەن مەملەكەتتى قيىن - قىستاۋدان قايتا سەرپىلتىپ شىعارۋدى كۇشتى تالاپ ەتتى. دىڭ شياۋپيڭ جولداس: «ەگەر قازىر ەندىگارى رەفورما جۇرگىزبەسەك، ءبىزدىڭ وسىزامانداندىرۋ ىستەرىمىز بەن سوتسياليزم ىستەرىمىز قۇرىدىمعا كەتەدى»، - دەپ اتاپ كورسەتتى.
دىڭ شياۋپيڭ جولداستىڭ باسشىلىعىندا جانە اعا بۋىن توڭكەرىسشىلەردىڭ قولداۋىندا، پارتيا 11 - كەزەكتى ورتالىق كوميتەتىنىڭ ءۇشىنشى جالپى ءماجىلىسى ۇزاق ۋاقىتتىق «سولشىلدىق» قاتەلىكتىڭ اۋىر قۇرساۋىن تالقانداپ، «ەكى ايتەۋىر» قاتە باعىتىن سىن تەزىنە الىپ، ماۋ زىدۇڭ يدەياسىنىڭ عىلمي جۇيەسىن، ءسوزسىز، كەمەلدى، دۇرىس يگەرۋدى تولىق تۇراقتاندىرىپ، اقيقاتتىڭ ولشەمى ماسەلەسى جونىندەگى تالقىنى جوعارى باعالاپ، «تاپتىق كۇرەستى ارقاۋ ەتۋدى» ءۇزىلدى - كەسىلدى اياقتاتىپ، ماركسيزمنىڭ يدەيالىق لۋشيانىن، ساياسي لۋشيانىن، ۇيىمدىق لۋشيانىن قايتا تۇراقتاندىردى. وسىدان باستاپ، ەلىمىز رەفورما جاساۋدىڭ، ەسىك اشۋدىڭ شىمىلدىعىن اشتى.
پارتيامىز رەفورما جاساۋ، ەسىك اشۋ جونىندەگى تاريحي شەشىمىن پارتيا مەن مەملەكەتتىڭ بولاشاعىن، تاعدىرىن تەرەڭدەي يگەرۋگە نەگىزدەلە، سوتسياليستىك توڭكەرىس پەن قۇرىلىس امالياتىن تەرەڭدەي قورىتىندىلاۋعا نەگىزدەلە، ءداۋىردىڭ اعىمىنا تەرەڭدەي كوز جەتكىزۋگە نەگىزدەلە، حالىق جۇرتشىلىعىنىڭ تىلەگى مەن قاجەتىن تەرەڭدەي سەزىنۋگە نەگىزدەلە شىعارعان. دىڭ شياۋپيڭ جولداس: «كەدەيلىك سوتسياليزم ەمەس»، «ءبىز ءداۋىردى قۋىپ جەتۋىمىز كەرەك، بۇل رەفورمانىڭ جەتۋگە ءتيىستى ماقساتى»، - دەپ اتاپ كورسەتتى.
تاريح دامۋىنىڭ ءوز زاڭدىلىعى بار، ءبىراق سول بارىستا ادامدار بۇكىلدەي كەرەناۋ، ىرىقسىز بولمايدى. تاريحتىڭ دامۋ اۋقىمىن مەڭگەرىپ، تاريح وزگەرىسىنىڭ ورايىن يگەرىپ، قايراتتانا ۇمتىلىپ، ىسكەرلىك تانىتىپ، قايسارلىقپەن العا باسقاندا عانا، ادامزات قوعامى ءتىپتى دە جاقسى العا ىلگەرىلەيدى.
رەفورما جاساۋ، ەسىك اشۋ − پارتيامىزدىڭ ءبىر رەتكى ۇلى ويانۋى، ءدال وسى ۇلى ويانۋ پارتيامىزدىڭ نازاريادان امالياتقا دەيىنگى ۇلى جاسامپازدىعىن تۋىنداتتى. رەفورما جاساۋ، ەسىك اشۋ − جۇڭگو حالقى مەن جۇڭحۋا ۇلتىنىڭ دامۋ تاريحىنداعى ءبىر رەتكى ۇلى توڭكەرىس، ءدال وسى ۇلى توڭكەرىس جۇڭگوشا سوتسياليزم ىستەرىنىڭ ۇلى شارىقتاۋىن ىلگەرىلەتتى!
جولداستار، دوستار!
جۇڭگو كوممۋنيستىك پارتياسىن قۇرۋ، جۇڭحۋا حالىق رەسپۋبليكاسىن قۇرۋ، رەفورما جاساۋدى، ەسىك اشۋدى جانە جۇڭگوشا سوتسياليزم ىستەرىن ىلگەرىلەتۋ − «4 - مامىر» قوزعالىسىنان بەرى ەلىمىزدە بولعان 3 ۇلكەن تاريحي وقيعا، تاياۋ زاماننان بەرى جۇڭحۋا ۇلتىنىڭ ۇلى گۇلدەنۋىن جۇزەگە اسىرۋ جولىنداعى 3 ۇلكەن ەسكەرتكىش.
ماۋ زىدۇڭ جولداستى باستى ۋاكىل ەتكەن جۇڭگو كوممۋنيستەرى ماركسيزم - لەنينيزمنىڭ نەگىزگى قاعيداسىن جۇڭگو توڭكەرىسىنىڭ ناقتى امالياتىمەن ۇشتاستىرىپ، ماۋ زىدۇڭ يدەياسىن جاراتىپ، بۇكىل پارتيانى، بۇكىل ەلدەگى ءار ۇلت حالقىن ىنتىماقتاستىرا باستاپ، ۇزاق ۋاقىت بويى قان توگىپ، كۇرەس جۇرگىزىپ، جاڭا دەموكراتيالىق توڭكەرىستى ورىنداپ، جۇڭحۋا حالىق رەسپۋبليكاسىن قۇرىپ، سوتسياليستىك نەگىزگى ءتۇزىمدى ورناتىپ، جۇڭگو تاريحىنداعى ەڭ تەرەڭ، ەڭ ۇلى قوعامدىق وزگەرىستى ءساتتى جۇزەگە اسىرىپ، زامانىمىزداعى جۇڭگونىڭ بارلىق دامۋى مەن العا باسۋىنا ءتۇبىرلى ساياسي العى شارت جانە تۇزىمدىك نەگىز قالادى. ىزدەنىس بارىسىندا، اۋىر بۇراڭدىلىقتاردى باستان كەشىرگەنىمەن، ءبىراق پارتيانىڭ سوتسياليستىك توڭكەرىس پەن قۇرىلىستا قول جەتكىزگەن دارا جاسامپازدىق سيپاتتى نازاريالىق جەتىستىكتەرى مەن ەرەسەن تابىستارى جاڭا تاريحي كەزەڭدە جۇڭگوشا سوتسياليزمدى ورناتۋعا قىمباتتى تاجىريبە، نازاريالىق دايىندىق، زاتتىق نەگىز ازىرلەدى.
پارتيا 11 - كەزەكتى ورتالىق كوميتەتىنىڭ ءۇشىنشى جالپى ماجىلىسىنەن كەيىن، دىڭ شياۋپيڭ جولداستى باستى ۋاكىل ەتكەن جۇڭگو كوممۋنيستەرى بۇكىل پارتيانى، بۇكىل ەلدەگى ءار ۇلت حالقىن ىنتىماقتاستىرا باستاپ، ەلىمىزدىڭ سوتسياليستىك قۇرىلىسىنداعى ۇنامدى - ۇنامسىز جاقتارداعى تاجىريبەلەردى تەرەڭ قورىتىندىلاپ، دۇنيە ءجۇزى سوتسياليزمىنىڭ تاريحي تاجىريبەلەرىنەن ۇلگى الىپ، دىڭ شياۋپيڭ نازارياسىن جاراتىپ، پارتيا مەن مەملەكەت قىزمەتىنىڭ ءتۇيىنىن ەكونوميكالىق قۇرىلىسقا اۋدارۋ، رەفورما جاساۋ، ەسىك اشۋ تۋرالى تاريحي شەشىم جاساپ، سوتسياليزمنىڭ ءمانىن تەرەڭ ءتۇسىندىرىپ، سوتسياليزمنىڭ العاشقى كەزەڭىندەگى نەگىزگى لۋشياندى ورناتىپ، ءوز جولىمىزبەن ءجۇرۋدى، جۇڭگوشا سوتسياليزم قۇرۋدى ايقىن العا قويىپ، جۇڭگوشا سوتسياليزم قۇرىلىسىنىڭ ءبىر قىدىرۋ نەگىزگى ماسەلەلەرىنە عىلمي جاۋاپ بەرىپ، 21 - عاسىردىڭ ورتا شەنىنە دەيىن ءۇش قادامعا ءبولىپ ءجۇرۋ، سوتسياليستىك وسىزاماندىرۋدى نەگىزىنەن جۇزەگە اسىرۋ سىندى دامۋ ستراتەگياسىن بەلگىلەپ، جۇڭگوشا سوتسياليزمدى ءساتتى باستادى.
پارتيا 13 - كەزەكتى ورتالىق كوميتەتىنىڭ ءتورتىنشى جالپى ماجىلىسىنەن كەيىن، جياڭ زىمين جولداستى باستى ۋاكىل ەتكەن جۇڭگو كوممۋنيستەرى بۇكىل پارتيانى، بۇكىل ەلدەگى ءار ۇلت حالقىن ىنتىماقتاستىرا باستاپ، پارتيانىڭ نەگىزگى نازارياسىنا، نەگىزگى لۋشيانىنا تاباندى بولىپ، سوتسياليزم دەگەن نە، سوتسياليزمدى قالاي قۇرۋ جانە قانداي پارتيا قۇرۋ، پارتيانى قالاي قۇرۋ جونىندەگى تانىمدى تەرەڭدەتىپ، پارتيانى، مەملەكەتتى جونگە سالۋدىڭ تىڭ دا قىمباتتى جاڭا تاجىريبەلەرىن توپتاپ، «ۇشكە ۋاكىلدىك ەتۋ» ماڭىزدى يدەياسىن قالىپتاستىردى. ەل ءىشى - سىرتى جاعدايى ەرەكشە كۇردەلى، دۇنيە ءجۇزى سوتسياليزمىندە اۋىر بۇراڭدىقتار جارىققا شىققان قاتاڭ سىناق الدىندا، جۇڭگوشا سوتسياليزمدى قورعادى، سوتسياليستىك بازار شارۋاشىلىعى ءتۇزىلىسىنىڭ رەفورما نىسانالارى مەن نەگىزگى جۇلگەسىن تۇراقتاندىردى، سوتسياليزمنىڭ العاشقى كەزەڭىندەگى نەگىزگى ەكونوميكالىق ءتۇزىم مەن ءبولىس ءتۇزىمىن ورناتتى، جاپپاي رەفورما جاساۋدىڭ، ەسىك اشۋدىڭ جاڭا جاعدايىن اشىپ، پارتيا قۇرىلىسىنىڭ جاڭا ۇلى ينجەنەرياسىن ىلگەرىلەتىپ، جۇڭگوشا سوتسياليزمدى ءساتتى تۇردە 21 - عاسىرعا قاراي ىلگەرىلەتتى.
پارتيا 16 - قۇرىلتايىنان كەيىن، حۋ جينتاۋ جولداستى باستى ۋاكىل ەتكەن جۇڭگو كوممۋنيستەرى بۇكىل پارتيانى، بۇكىل ەلدەگى ءار ۇلت حالقىن ىنتىماقتاستىرا باستاپ، دىڭ شياۋپيڭ نازارياسى مەن «ۇشكە ۋاكىلدىك ەتۋ» ماڭىزدى يدەياسىن جەتەكشى ەتۋگە تاباندى بولىپ، دامۋدىڭ جاڭا تالاپتارىنا ساي، جاڭا جاعدايدا قانداي دامۋدى جۇزەگە اسىرۋ، قالاي دامۋ سياقتى كەلەلى ماسەلەلەردى تەرەڭ تانىپ جانە وعان جاۋاپ بەرىپ، عىلمي دامۋ كوزقاراسىن قالىپتاستىرىپ، ماڭىزدى ستراتەگيالىق ورايدى يگەرىپ، جاپپاي دوڭگەلەك داۋلەتتى قوعام ورناتۋ بارىسىندا امالياتتا جاڭالىق اشۋدى، نازاريادا جاڭالىق اشۋدى، تۇزىمدە جاڭالىق اشۋدى ىلگەرىلەتىپ، ادامدى نەگىز ەتۋگە، جاپپاي، سايكەستى، باياندى دامۋعا تاباندى بولۋدى باسا دارىپتەپ، جۇڭگوشا سوتسياليزم ىستەرىنىڭ جالپى تۇلعالىق ورنالاستىرۋىن قالىپتاستىرىپ، حالىق تۇرمىسىن كۇش سالا قامتاماسىزداندىرىپ جانە جاقسارتىپ، قوعامنىڭ ادىلدىگىن، تۋراشىلدىعىن جەبەپ، جاراسىمدى دۇنيە ءجۇزىن قۇرۋدى ىلگەرىلەتىپ، پارتيانىڭ بيلىك جۇرگىزۋ قابىلەتى قۇرىلىسى مەن العاباسارلىق قۇرىلىسىن ىلگەرىلەتىپ، جاڭا تاريحي باستامادا ءساتتى تۇردە جۇڭگوشا سوتسياليزمگە تاباندى بولدى جانە ونى دامىتتى.
پارتيا 18 - قۇرىلتايىنان بەرى، پارتيا ورتالىق كوميتەتى بۇكىل پارتيانى، بۇكىل ەلدەگى ءار ۇلت حالقىن ىنتىماقتاستىرا باستاپ، حالىقارالىق جانە ىشكى جاعدايدى جاپپاي باعامداپ، امالياتتى قورىتىندىلاۋ، بولاشاققا كوز تاستاۋ ارقىلى جاڭا داۋىردە قانداي جۇڭگوشا سوتسياليزمگە تاباندى بولۋ جانە ونى دامىتۋ، جۇڭگوشا سوتسياليزمگە قالاي تاباندى بولۋ جانە ونى دامىتۋ دەگەن كەلەلى داۋىرلىك تاقىرىپقا تەرەڭدەي جاۋاپ بەرىپ، جاڭا ءداۋىر جۇڭگوشا سوتسياليزم يدەياسىن قالىپتاستىرىپ، «بەستى ءبىر تۇلعالاندىرۋ» جالپىلىق ورنالاستىرۋىن ءبىر تۇتاس ىلگەرىلەتۋگە، «ءتورتتى جاپپاي ورىنداۋ» ستراتەگيالىق ورنالاستىرۋىن سايكەستى ىلگەرىلەتۋگە تاباندى بولىپ، قىزمەتتىڭ ورنىقتىلىق بارىسىندا ىلگەرىلەۋ سىندى جالپى ارناسىنان جازباي، پارتيا مەن مەملەكەتتىڭ سان - سالالى قىزمەتتەرى جونىندە ءبىرسىپىرا جاڭا ۇستانىمدى، جاڭا يدەيانى، جاڭا ستراتەگيانى العا قويىپ، پارتيا مەن مەملەكەت ىستەرىندە تاريحي وزگەرىستەر جارىققا شىعىپ، تاريحي جەتىستىكتەرگە قول جەتىپ، جۇڭگوشا سوتسياليزمنىڭ جاڭا داۋىرگە ءوتۋىن ىلگەرىلەتتى. ءبىزدىڭ اسا زور ساياسي باتىلدىق جانە اقىل - پاراسات ارقىلى رەفورمانى جاپپاي تەرەڭدەتۋ باس نىساناسىن العا قويۋىمىز − جۇڭگوشا سوتسياليستىك ءتۇزىمدى كەمەلدەندىرۋ جانە دامىتۋ، مەملەكەتتى جونگە سالۋ جۇيەسى مەن جونگە سالۋ قابىلەتىن وسىزامانداندىرۋدى ىلگەرىلەتۋ، رەفورما جاساۋدىڭ جۇيەلىلىگىن، تۇتاستىعىن، سايكەستىگىن كۇش سالا كۇشەيتۋ، كەلەلى تۇزىمدىك جاڭالىق اشۋدى كۇش سالا مىقتى ۇستاۋ، حالىق بۇقاراسىنىڭ تابىس سەزىمىن، باقىت سەزىمىن، حاۋىپسىزدىك سەزىمىن كۇش سالا جوعارىلاتۋ بولىپ تابىلادى، ءبىز رەفورما جاساۋدىڭ 1600دەن استام جوباسىن ورتاعا قويىپ، كوپتەگەن قيىن تۇيىندەردى جەڭىپ، كوپتەگەن اساۋ اعىنداردان، قاتەرلى اسۋلاردان اسىپ، رەفورمادا جان - جاقتى كۇش شىعارىلعان، كوپ تۇيىندەردەن قامال الىنعان، ءارى تەز، ءارى ورنىقتى بولعان، تەرەڭگە قاراي ىلگەرىلەگەن جاعدايدى جارىققا شىعاردىق.
قيىنشىلىق پەن قىسپاق ءبىزدى شىڭدادى، تابىسقا جەتكىزدى. 40 جىلدان بەرى، ءبىز يدەيانى ازات ەتىپ، شىندىقتى ءىس جۇزىنەن ىزدەپ، جۇرەكتىلىكپەن سىناپ، باتىلدىقپەن رەفورمالاپ، تىڭ ءورىس اشتىق. ونىمگە بىرلەستىرىپ وتباسىلارعا كوتەرمەگە بەرۋدەن، اۋىل - قالاشىق كاسىپورىندارىن تىڭنان قوسۋدان، اۋىل شارۋاشىلىق باجىسىن، مال شارۋاشىلىق باجىسىن جانە ەرەكشە ءونىم باجىسىن كۇشىنەن قالدىرۋدان اۋىل - قىستاقتاردا كوتەرمەگە العان جەرلەردىڭ «ءۇش ۇقىعىن» بولۋگە، كەدەيلىكتەن ارىلتۋدان قامال الۋدىڭ جەڭىسىنە قول جەتكىزۋگە، اۋىل - قىستاقتاردى گۇلدەندىرۋ ستراتەگياسىن اتقارۋعا دەيىن، شىنجىن قاتارلى ەكونوميكالىق ەرەكشە رايونداردى قۇرۋدان، تەڭىز جاعالاۋلارىنداعى، شەكارا وڭىرلەردەگى، وزەن جاعالاۋلارىنداعى، جەلى بويلارىنداعى جانە ىشكى قۇرىلىقتاعى ورتالىق قالالاردىڭ سىرتقا ەسىك اشۋىنان دۇنيە جۇزىلىك ساۋدا ۇيىمىنا كىرۋگە، «ءبىر بەلدەۋ، ءبىر جولدى» بىرگە قۇرۋعا، ەركىن ساۋدا سىناق رايونىن قۇرۋعا، جۇڭگوشا ەرەكشەلىككە يە ەركىن ساۋدا پورتىن جوبالاۋعا، تۇڭعىش كەزەكتى جۇڭگو حالىقارالىق يمپورت كورمەسىن ءساتتى وتكىزۋگە دەيىن، سىرتتان «ەنگىزۋدەن» سىرتقا «شىعارۋعا» دەيىن، مەملەكەت مەنشىگىندەگى ءىرى، ورتا، شاعىن كاسىپورىنداردى جاقسى جۇرگىزۋدەن، جەكەشە جانە جەكەلەر يەلىگىندەگى شارۋاشىلىقتى دامىتۋدان مەملەكەت مەنشىگىندەگى مال - مۇلىك، مەملەكەت مەنشىگىندەگى كاسىپورىن رەفورماسىن تەرەڭدەتۋگە، ارالاس مەنشىكتەگى شارۋاشىلىقتى دامىتۋعا دەيىن، كىلەڭ جالپىلىق مەنشىكتەن جالپىلىق مەنشىكتى نەگىز ەتكەن كوپ ءتۇرلى مەنشىكتەگى شارۋاشىلىقتى تەڭ دامىتۋعا جانە «ەكىدەن استە اۋىتقىماۋعا» تاباندى بولۋعا دەيىن، ءداستۇرلى جوسپارلى شارۋاشىلىق تۇزىلىسىنەن بۇرىنعىلار ىستەپ كورمەگەن سوتسياليستىك بازار شارۋاشىلىعى تۇزىلىسىنە، ودان ارى بازاردىڭ بايلىقتى جايعاستىرۋداعى شەشۋشى رولى مەن ۇكىمەتتىڭ رولىن اناعۇرلىم ويداعىداي ساۋلەلەندىرۋگە دەيىن، شارۋاشىلىق ءتۇزىلىسى رەفورماسىن نەگىز ەتۋدەن ەكونوميكا، ساياسي، مادەنيەت، قوعام، ەكولوگيالىق وركەنيەت ءتۇزىلىسى جانە پارتيا قۇرىلىسىءتۇزىمى رەفورماسىن جاپپاي تەرەڭدەتۋگە دەيىن، پارتيا مەن مەملەكەت قۇرىلىم رەفورماسى، اكىمشىلىك باسقارۋ ءتۇزىلىسى رەفورماسى، مەملەكەتتى زاڭمەن جونگە سالۋ ءتۇزىلىسى رەفورماسى، ءادىليا ءتۇزىلىسى رەفورماسى، سىرتقى ىستەر ءتۇزىلىسى رەفورماسى، قوعامدىق جونگە سالۋ ءتۇزىلىسى رەفورماسى، ەكولوگيالىق ورتانى باقىلاۋ - تەكسەرۋ ءتۇزىلىسى رەفورماسى، مەملەكەت حاۋىپسىزدىگى ءتۇزىلىسى رەفورماسى، مەملەكەت قورعانىسى جانە ارميا رەفورماسى، پارتيانىڭ باسشىلىعى جانە پارتيا قۇرىلىسى ءتۇزىمى رەفورماسى، ءتارتىپ تەكسەرۋ، باقىلاۋ - تەكسەرۋ ءتۇزىمى رەفورماسى سياقتى ءبىرسىپىرا كەلەلى رەفورمالار تىڭعىلىقتى ىلگەرىلەتىلىپ، حالىققا قولايلى، حالىققا ءتيىمدى، حالىققا پايدالى شارالار ۇزدىكسىز اتقارىلىپ، رەفورما جاساۋدى، ەسىك اشۋدى جۇڭگونىڭ ەڭ كورنەكتى ەرەكشەلىگىنە، ەڭ ايبىندى بەينەسىنە اينالدىردى.
جولداستار، دوستار!
رەفورما جاساعان، ەسىك اشقان 40 جىلدان بەرى، جاڭا ءداۋىر اشقاننان جاڭا عاسىرعا قادام تاستاعانعا دەيىن، جاڭا باستامادان جاڭا داۋىرگە وتكەنگە دەيىن، 40 جىل بەينەتتى دە، زەينەتتى دە بىرگە وتكەردىك، 40 جىل تار جول، تايعاق كەشۋدەن بىرگە وتتىك، 40 جىل ۇدەرە العا تارتتىق، پارتيامىز حالىقتى باستاپ ايدىنى شالقار، ايباتى اسقاق تاريحي كارتينا كەستەلەپ، جەر - كوكتى ءدۇر سىلكىندىرگەن، ايبىنى اسقاق كۇرەستىڭ ماداق جىرىن جازدى.
− 40 جىلدان بەرى، ءبىز باستان - اياق يدەيانى ازات ەتۋگە، شىندىقتى ءىس جۇزىنەن ىزدەۋگە، داۋىرمەن بىرگە العا باسۋعا، شىندىققا جۇگىنىپ، ناقتى ءىس ىستەۋگە تاباندى بولىپ، ماركسيزمنىڭ جەتەكشىلىك ورنىنا بۇلجىماستان تاباندى بولىپ، عىلمي سوتسياليزم نەگىزگى پرينسيبىنە بۇلجىماستان تاباندى بولىپ، نازاريادا جاڭالىق اشۋدى، امالياتتا جاڭالىق اشۋدى، تۇزىمدە جاڭالىق اشۋدى، مادەنيەتتە جاڭالىق اشۋدى، سونداي - اق ءتۇرلى جاقتاردا جاڭالىق اشۋدى باتىلدىقپەن ىلگەرىلەتىپ، جۇڭگوشا سوتسياليزمگە ۇزدىكسىز ايقىن امالياتتىق ەرەكشەلىك، نازاريالىق ەرەكشەلىك، ۇلتتىق ەرەكشەلىك، داۋىرلىك ەرەكشەلىك ۇستەپ، جۇڭگوشا سوتسياليزم جولىن، نازارياسىن، ءتۇزىمىن، مادەنيەتىن قالىپتاستىرىپ، تويتارۋعا كەلمەيتىن فاكتتەر ارقىلى عىلمي سوتسياليزمنىڭ جاندى ومىرشەڭدىك كۇشىن ايگىلەپ، سوتسياليزم ۇلى تۋىن جۇڭگونىڭ بايتاق دالاسىندا باستان - اياق بيىك جەلبىرەتتىك! − 40 جىلدان بەرى، ءبىز باستان - اياق ەكونوميكالىق قۇرىلىستى وزەك ەتۋگە تاباندى بولىپ، قوعامدىق وندىرگىش كۇشتى ۇزدىكسىز ازات ەتتىك جانە دامىتتىق، ەلىمىزدىڭ ىشكى ءوندىرىس جالپى ءونىم قۇنى 367 ميلليارد 900 ميلليون يۋاننان ارتىپ 2017 - جىلعى 82 تريلليون 700 ميلليارد يۋانعا جەتىپ، جىلىنا ورتا ەسەپپەن %9.5 ارتىپ، سول مەزگىلدەگى دۇنيە ءجۇزى ەكونوميكاسىنىڭ %2.9 شاماسىنداعى جىلدىق ورتاشا ارتۋ قارقىننان الدەقايدا جوعارى بولدى. ەلىمىزدىڭ ىشكى ءوندىرىس جالپى ءونىم قۇنىنىڭ دۇنيە ءجۇزى ءوندىرىس جالپى ءونىم قۇنىنداعى يەلەيتىن سالىستىرماسى رەفورما جاساۋدىڭ، ەسىك اشۋدىڭ العاشقى مەزگىلىندەگى %1.8تەن جوعارىلاپ %15.2كە جەتىپ، كوپ جىلداردان بەرى، دۇنيە ءجۇزى ەكونوميكاسىنىڭ ارتۋىنا قوسقان ۇلەس شاماسى %30تەن استى. ەلىمىزدىڭ تاۋار يمپورت - ەكسپورت جالپى سوماسى 20 ميلليارد 600 ميلليون دوللاردان كوبەيىپ، 4 تريلليون دوللاردان استى، جالپى پايدالانىلعان شەتەل ساۋداگەرلەرى تىكە قوسقان قارجى 2 تريلليون دوللاردان اسىپ، شەتەلگە قوسقان قارجى جالپى سوماسى ءبىر تريلليون 900 ميلليارد دوللارعا جەتتى. ەلىمىزدىڭ باستى اۋىل شارۋاشىلىق ونىمدەرىنىڭ ءونىم مولشەرى دۇنيە ءجۇزىنىڭ الدىڭعى قاتارىنا ءوتتى، بۇكىل دۇنيە ءجۇزى بويىنشا ەڭ كەمەلدى وسى زامانعى ونەركاسىپ جۇيەسى قۇرىلدى، عىلىم - تەحنيكادا جاڭالىق اشۋدان، ءىرى ينجەنەريالاردان قۋانىشتى حابار تولاسسىز تارالدى. ەلىمىزدىڭ نەگىزدىك قۇرىلعى قۇرىلىسىنىڭ ناتيجەلەرى كورنەكتى بولدى، ينفورماتسيا ىركىلىسسىزدەندى، تاس جولدار توراپتاستى، تەمىر جولدار قايشالىستى، بيىك توسپالار سالىندى، باتىستىڭ گازى شىعىسقا جەتكىزىلدى، وڭتۇستىكتىڭ سۋى سولتۇستىككە اپارىلدى، ۇشقىر پويەزدەر زىمىرادى، الىپ كەمەلەر الىسقا ساپار شەكتى، ۇشاقتار اسپاندا شىعاندادى، جاراتىلىستىق بوگەتتەر داڭعىلعا اينالدى. قازىر ەلىمىز دۇنيە جۇزىندەگى ەكىنشى ءىرى ەكونوميكالىق تۇلعا، جاساۋ كاسىبىندەگى ءبىرىنشى ءىرى ەل، تاۋار ساۋداسىنداعى ءبىرىنشى ءىرى ەل، تاۋار تۇتىنۋداعى ەكىنشى ءىرى ەل، سىرتقى قارجىنىڭ كىرۋى بويىنشا ەكىنشى ءىرى ەل، ەلىمىزدىڭ شەتەل اقشاسى قورى ءۇرتىس كوپ جىلدار بويى دۇنيە ءجۇزى بويىنشا ءبىرىنشى ورىندى يەلەدى، جۇڭگو حالقى بايۋ، قۇدىرەتتەنۋ ساپارىندا شەشۋشى قادام تاستادى!
− 40 جىلدان بەرى، ءبىز باستان - اياق جۇڭگوشا سوتسياليستىك ساياسيدى دامىتۋ جولىنا تاباندى بولىپ، ساياسي ءتۇزىلىس رەفورماسىن ۇزدىكسىز تەرەڭدەتىپ، سوتسياليستىك دەموكراتيالىق ساياسيدى دامىتىپ، پارتيا مەن مەملەكەتتىڭ باسشىلىق ءتۇزىلىسىن كۇن سايىن كەمەلدەندىرىپ، مەملەكەتتى جاپپاي زاڭمەن جونگە سالۋدى ىشكەرىلەي ىلگەرىلەتىپ، جۇڭگوشا سوتسياليستىك زاڭ جۇيەسىن كۇن سايىن كەمەلدەندىرىپ، حالىقتىڭ قوجايىن بولۋىنىڭ تۇزىمدىك قامتاماسىزدىعى مەن زاڭمەن جونگە سالۋ قامتاماسىزدىعىن اناعۇرلىم پارمەندى ەتىپ، ادامدىق ۇقىق ىستەرىن جان - جاقتى دامىتىپ، وتانشىلدىق بىرلىكساپتى اناعۇرلىم بەكەمدەپ، حالىقتىڭ زاڭ بويىنشا يگىلىكتەنەتىن جانە جۇرگىزەتىن دەموكراتيالىق ۇقىعىنىڭ مازمۇنىن اناعۇرلىم بايىتىپ، ارناسىن اناعۇرلىم قولايلىلاندىرىپ، فورماسىن اناعۇرلىم كوپ تۇرلىلەندىردىك، ءوز تاعدىرىن قولىندا ۇستاعان جۇڭگو حالقى بۇرىن بولىپ كورمەگەن بەلسەندىلىك، ىرىقتىلىق، جاسامپازدىق كورسەتىپ، رەفورما جاساۋ، ەسىك اشۋ مەن سوتسياليستىك وسىزامانداندىرۋ قۇرىلىسىندا تاۋدى تالقان ەتەرلىك قۇدىرەتتى كۇشىن ايگىلەدى!
− 40 جىلدان بەرى، ءبىز باستان - اياق سوتسياليستىك وزىق مادەنيەتتى دامىتۋدا تاباندى بولىپ، سوتسياليستىك رۋحاني وركەنيەت قۇرىلىسىن كۇشەيتىپ، سوتسياليستىك وزەكتى قۇن كوزقاراسىن جەتىلدىرىپ جانە امالياتتا ايگىلەپ، جۇڭحۋانىڭ تاڭداۋلى ءداستۇرلى مادەنيەتىن جالعاستىرىپ جانە ساۋلەلەندىرىپ، عىلمي نازاريامەن جول باستاۋدان، جەتەكشىلىك ەتۋدەن جازباي، دۇرىس قوعامدىق پىكىر ارقىلى زەيىن - زەردە، كۇش - قۋات ۇيىستىرىپ، وزىق مادەنيەت ارقىلى رۋح سومداپ، تاڭداۋلى تۋىندىلار ارقىلى كۇرەس جىگەرىن جانىپ، وتانشىلدىق، كوللەكتيۆيزم، سوتسياليزم رۋحىن كەڭ كولەمدە ساۋلەلەندىردىك، ءداۋىر ۇلگىلەرى، قاھارمان ۇلگىلەر ۇزدىكسىز جارىققا شىعىپ، مادەنيەت - كوركەمونەر كۇن سايىن گۇلدەنىپ، ينتەرنەت - ينفورماتسيا ىستەرى تەز دامىپ، جالپى حالىقتىڭ مۇرات - سەنىمى مەن مادەنيەت سەنىمى ۇزدىكسىز كۇشەيىپ، مەملەكەتتىڭ مادەنيەت جۇمساق كۇشى مەن جۇڭحۋا مادەنيەتىنىڭ ىقپال كۇشى زور دارەجەدە جوعارىلادى. رەفورما جاساۋ، ەسىك اشۋ سومداعان ۇلى رەفورما جاساۋ، ەسىك اشۋ رۋحى ۇلت رۋحىنىڭ مازمۇنىن بارىنشا بايىتىپ، زامانىمىزداعى جۇڭگو حالقىنىڭ ەڭ ايقىن رۋحاني بەلگىسىنە اينالدى!
− 40 جىلدان بەرى، ءبىز باستان - اياق دامۋ بارىسىندا حالىق تۇرمىسىن قامتاماسىز ەتۋگە جانە جاقسارتۋعا تاباندى بولىپ، وقۋ جاسىنا دەيىنگى تاربيەدەن، ءبىلىم الۋدان، ەڭبەكاقىدان، ەمدەلۋدەن، قارتتار كۇتىمدەلۋدەن، تۇرعىن ۇيدەن، زارۋلەردى كومەكتەن يگىلىكتەندىرۋدى جان - جاقتى ىلگەرىلەتىپ، حالىقتىڭ تۇرمىسىن ۇزدىكسىز جاقسارتىپ، حالىقتىڭ قۇت - ىرىسىن ارتتىردىق. بۇكىل ەلدەگى تۇرعىنداردىڭ جان باسىندىق قولداعى تابىسى 171 يۋاننان 26 مىڭ يۋانعا كوبەيىپ، ورتا دەڭگەيلى كىرىستەگى شوعىر ۇزدىكسىز مولايدى. ەلىمىزدەگى كەدەيلەردەن جيىنى 740 ميلليون ادام ازايىپ، كەدەيلەسۋ مولشەرى94.4پايىز تومەندەپ، ادامزاتتىڭ كەدەيلىككە قارسى تۇرۋ تاريحىندا شۇعىلالى تاراۋلاردى جازدى. وقۋ - اعارتۋ ىستەرى جان - جاقتى دامىپ، 9 جىلدىق مىندەتتى وقۋ - اعارتۋدىڭ بەكەمدەلۋ مولشەرى %93.8كە جەتتى. ەلىمىز قارتتاردى كۇتىمدەۋدى، ەمدەۋدى، تومەنگى تۇرمىستى قامتاماسىز ەتۋدى، تۇرعىن ءۇيدى قامتىعان دۇنيە جۇزىندەگى ەڭ ءىرى قوعامدىق قامتاماسىزدىق جۇيەسىن ورناتتى، نەگىزگى زەينەتكەرلىك قامسىزداندىرۋى 900 ميلليوننان استام ادامدى قامتيدى، ەمدەۋ قامسىزداندىرۋى ءبىر ميلليارد 300 ميلليون ادامنان استام ادامدى قامتىدى. تۇراقتى تۇرعىنداردىڭ قالا - قالاشىقتانۋ مولشەرى %58.52كە جەتىپ، 40.6پايىز جوعارىلادى. تۇرعىنداردىڭ مەجەلىك عۇمىر جاسى 1981 - جىلعى 67.8 جاستان 2017 - جىلعى 76.7 جاسقا جوعارىلادى. ەلىمىز قوعامىنىڭ جالپى جاعدايى ۇزاق ۋاقىت ورنىقتىلىقتى ساقتاپ، دۇنيە جۇزىندەگى حاۋىپسىزدىك سەزىمى ەڭ جوعارى مەملەكەتتەردىڭ بىرىنە اينالدى. استىق بەلەتى، كەزدەمە بەلەتى، ەت بەلەتى، بالىق بەلەتى، ماي بەلەتى، بۇرشاق ىرىمشىگى بەلەتى، قوسىمشا ازىقتار كۋالىگى، ونەركاسىپ قاعازى سياقتى بۇقارا تۇرمىستا ايرىلا المايتىن بەلەت - كۋالىكتەر تاريحي مۇراجايلارعا كىردى، اشتىق، اۋزى اسقا، ءيىنى كيىمگە جارىماۋ، تۇرمىس تاقارشىلىعى سىندى ەلىمىز حالقىن مىڭداعان جىلدار بويى مازالاپ كەلگەن ماسەلەلەر جالپى جاقتان كەلمەسكە كەتتى!
− 40 جىلدان بەرى، ءبىز باستان - اياق قورشاعان ورتانى قورعاۋعا جانە بايلىقتى ۇنەمدەۋگە تاباندى بولىپ، ەكولوگيالىق وركەنيەت قۇرىلىسىن ىلگەرىلەتۋگە تاباندى بولىپ، ەكولوگيالىق وركەنيەت ءتۇزىم جۇيەسىن جەدەل قالىپتاستىرىپ، تۇلعالىق يقۋات رايونى ءتۇزىمىن بىرتىندەپ كەمەلدەندىرىپ، ەنەرگيانى ۇنەمدەپ، جاراقسىز زاتتاردى ىعىستىرۋدى ازايتۋدا ەلەۋلى ىلگەرىلەۋشىلىككە قول جەتكىزىپ، ەكولوگيانى قورعاۋ مەن قالپىنا كەلتىرۋدىڭ كەلەلى ينجەنەريالارىن ءساتتى ىلگەرىلەتىپ، ەكولوگيالىق ورتانى وڭاۋدى كورنەكتى كۇشەيتىپ، كليمات وزگەرىسىنە توتەپ بەرۋ جونىندەگى حالىقارالىق سەلبەستىككە بەلسەندىلىكپەن ات سالىستىق جانە جەتەكشىلىك ەتتىك، جۇڭگو حالقىنىڭ تۋىپ - وسكەن مەكەنى ءتىپتى دە كورىكتى، جانعا جايلى بولا ءتۇستى!
− 40 جىلدان بەرى، ءبىز باستان - اياق پارتيانىڭ ارمياعا ابسوليۋتتى باسشىلىعىنا تاباندى بولىپ، مەملەكەت قورعانىسىن جانە ارميانى وسىزامانداندىرۋدى ۇزدىكسىز ىلگەرىلەتىپ، حالىق ارمياسىن توڭكەرىستىك سيپاتتى قايتا تۇلعالاۋدى ىلگەرىلەتىپ، قارۋ - جاراقتارمەن جابدىقتاۋدا تاريحي جەتىستىكتەرگە قول جەتكىزىپ، ارميانى جونگە سالۋ فورماسىندا ءتۇبىرلى بۇرىلىس تۋدىرىپ، توڭكەرىستەندىرۋ، وسىزامانداندىرۋ، جۇيەلىلەندىرۋ دەڭگەيىن كورنەكتى جوعارىلاتىپ، حالىق ارمياسىنىڭ مەملەكەتتىڭ يەلىك ۇقىعىن، حاۋىپسىزدىگىن، دامۋ مۇددەسىن قورعاۋ قابىلەتىن كورنەكتى كۇشەيتىپ، حالىقتىڭ باقىتتى تۇرمىسىن قورعاۋداعى، وتانىمىزدىڭ جانە دۇنيە ءجۇزىنىڭ بەيبىتشىلىگىن قورعاۋداعى مىزعىماس بەكەم قۇدىرەتتى كۇشكە اينالدىردىق!
− 40 جىلدان بەرى، ءبىز باستان - اياق وتاندى بەيبىت بىرلىككە كەلتىرۋ ۇلى ءىسىن ىلگەرىلەتۋگە تاباندى بولىپ، «ءبىر ەل، ەكى ءتۇزىم» نەگىزگى باعىتىن اتقارىپ، شياڭگاڭعا، اۋمىنعا يەلىك ۇقىق جۇرگىزۋدى ىركەس - تىركەس قالپىنا كەلتىرىپ، جۇڭحۋا ۇلتىن عاسىرلىق قورلانۋدان ادا - كۇدە ارىلتتىق. ءبىز ءبىر جۇڭگو پرينسيبىنە جانە «92 - جىلعى ورتاق تانىمعا» تاباندى بولىپ، ەكى جاعالاۋدىڭ ەكونوميكا، مادەنيەت اۋىس - ءتۇيىسىن، سەلبەستىگىن كۇشەيتىپ، ەكى جاعالاۋ قارىم - قاتىناسىنىڭ بەيبىت دامۋىن ىلگەرىلەتىپ، «تايۋان تاۋەلسىزدىگى» بولشەكتەۋشى كۇشتەرىنە باتىل قارسى تۇرىپ جانە ولاردى اۋىزدىقتاپ، ەكى جاعالاۋ قارىم - قاتىناسىن دامىتۋدىڭ جەتەكشىلىك ۇقىعىن جانە ىرىقتىلىق ۇقىعىن مىقتاپ يگەردىك. ەل ءىشى - سىرتىنداعى تۇتاس جۇڭحۋا پەرزەنتتەرىنىڭ ۇلتتى شىنايى مويىنداۋ سەزىمى، مادەنيەتتى شىنايى مويىنداۋ سەزىمى بارىنشا ارتىپ، جۇڭگو ارمانىن ءبىر نيەتپەن تىزە قوسا سومداۋ ەركى ونان ارى كۇشەيدى!
− 40 جىلدان بەرى، ءبىز باستان - اياق دەربەس، ءوز - وزىنە قوجايىن بولعان بەيبىت ديپلوماتيالىق ساياساتقا تاباندى بولىپ، باستان - اياق بەيبىت دامۋ جولىمەن بۇلجىماستان ءجۇرىپ، ءوزارا تيىمدىلىك جەتكىزىپ، تەڭ يگىلىككە كەنەلەتىن ەسىك اشۋ ستراتەگياسىن ۇستانىپ، حالىقارالىق قارىم - قاتىناستىڭ نەگىزگى ولشەمىن باتىل قورعاپ، حالىقارانىڭ ادىلدىگىن، تۋراشىلدىعىن قورعادىق. ءبىز توماعا - تۇيىق، جارتىلاي توماعا - تۇيىقتان جان - جاقتى ەسىك اشۋعا دەيىنگى تاريحي بۇرىلىستى جۇزەگە اسىرىپ، ەكونوميكانىڭ الەمدەنۋ اياق الىسىنا بەلسەندىلىكپەن ات سالىسىپ، ادامزاتتىڭ بىرگە دامۋىن ىلگەرىلەتۋگە ءتيىستى ۇلەسىمىزدى قوستىق. ءبىز اشىق دۇنيە ءجۇزى ەكونوميكاسىن قۇرۋدى، ادامزاتتىڭ تاعدىرلاس ورتاق تۇلعاسىن ورناتۋدى بەلسەندىلىكپەن ىلگەرىلەتىپ، الەمدىك جونگە سالۋ جۇيەسى وزگەرىسىن جەبەپ، زورەكەرلىككە جانە وزبىرلىق ساياساتقا ايقىن تۋ ۇستاي وتىرىپ قارسى تۇرىپ، دۇنيە ءجۇزىنىڭ بەيبىتشىلىگى مەن دامۋىنا جۇڭگو پاراساتىن، جۇڭگو جوباسىن، جۇڭگو كۇشىن ۇزدىكسىز قوستىق. ەلىمىز دۇنيە ءجۇزى ساحناسىنىڭ ورتاسىنا كۇن سايىن جاقىنداپ، حالىقارالىق قوعام جالپى بەتتىك مويىنداعان دۇنيە ءجۇزى بەيبىتشىلىگىنىڭ قۇرىلىسشىسى، الەمدىك دامۋدىڭ ۇلەسكەرى، حالىقارالىق ءتارتىپتىڭ قورعاۋشىسىنا اينالدى!
− 40 جىلدان بەرى، ءبىز باستان - اياق پارتيانىڭ باسشىلىعىن كۇشەيتۋگە جانە جاقسارتۋعا تاباندى بولىپ، ۇزاق ۋاقىت بيلىك جۇرگىزۋ جانە رەفورما جاساۋ، ەسىك اشۋ شارت - جاعدايىندا پارتيامىزءدوپ كەلگەن ءتۇرلى حاۋىپ - قاتەرلەرگە، سىن سايىستارعا بەلسەندىلىكپەن توتەپ بەرىپ، پارتيا قۇرىلىسىنىڭ تىڭ دا ۇلى ينجەنەرياسىن ۇزدىكسىز ىلگەرىلەتىپ، پارتيانىڭ العاباسارلىعى مەن كىرشىكسىزدىگىن ساقتادىق، پارتيانىڭ حالىق بۇقاراسىمەن ەتەنە بايلانىسىن ساقتادىق. ءبىز كوممۋنيستىك پارتيانىڭ بيلىك جۇرگىزۋ زاڭدىلىعىنا، سوتسياليستىك قۇرىلىستىڭ زاڭدىلىعىنا، ادامزات قوعامىنىڭ دامۋ زاڭدىلىعىنا بەلسەندىلىكپەن ىزدەنىس جاساپ، ماركسيزمدى جۇڭگوشالاندىرۋدىڭ جاڭا ءورىسىن ۇزدىكسىز اشتىق. ءبىز پارتيانى پارتيا باسقارۋعا، پارتيانى قاتاڭ جونگە سالۋعا تاباندى بولىپ، پارتيانىڭ ىشكى ساياسي ەكولوگياسىن تازارتىپ، مىزعىماستان ستيل دۇرىستاپ، ءتارتىپتى قاتايتىپ، فورماشىلدىقتى، تورەشىلدىكتى، راحاتقۇمارلىقتى جانە استا - توك ىسىراپشىلدىقتى زور كۇشپەن رەتتەپ، جونگە سالىپ، شىرىكتەسۋدى نولدىك توزىمدىلىكپەن قاتاڭ جازالاپ، شىرىكتەسۋگە قارسى تۇرۋ كۇرەسىندە شەشۋشى جەڭىسكە جەتتىك. پارتيامىز توڭكەرىستىك شىڭدالۋ بارىسىندا ءداۋىردىڭ الدىڭعى لەگىندە بۇلجىماستان ءجۇردى، باستان - اياق جۇڭگو حالقى مەن جۇڭحۋا ۇلتىنىڭ تىرەگى بولا ءبىلدى!
40 جىلدا كوكتەم سامالى ىرىس بولىپ ەسىپ، كۇز تولاعاي تابىس سيلادى. رەفورما جاساۋ، ەسىك اشۋ جۇڭگونىڭ بەت - بەينەسىن، جۇڭحۋا ۇلتىنىڭ بەت - بەينەسىن، جۇڭگو حالقىنىڭ بەت - بەينەسىن، جۇڭگو كوممۋنيستىك پارتياسىنىڭ بەت - بەينەسىن بارىنشا وزگەرتتى. جۇڭحۋا ۇلتى ەڭسە كوتەرۋدەن، بايۋدان قۇدىرەتتەنۋگە دەيىنگى ۇلى شارىقتاۋدى قارسى الدى! جۇڭگوشا سوتسياليزم ورناۋدان، دامۋدان كەمەلدەنۋگە دەيىنگى ۇلى شارىقتاۋدى قارسى الدى! جۇڭگو حالقى ءيىنى كيىمگە، اۋزى اسقا جارىماۋدان دوڭگەلەك داۋلەتكە جەتىپ، بايۋعا دەيىنگى ۇلى شارىقتاۋدى قارسى الدى! جۇڭحۋا ۇلتى شىت جاڭا بەينەمەن دۇنيە ءجۇزىنىڭ شىعىسىندا قاسقايىپ تۇر!
40 جىلدان بەرى قول جەتكەن تابىستار اسپاننان تۇسكەن جوق، باسقا بىرەۋلەردىڭ جارىلقاپ بەرگەنى تىپتەن ەمەس، قايتا بۇكىل پارتيانىڭ، بۇكىل ەلدەگى ءار ۇلت حالقىنىڭ ەڭبەكشىلدىگىنىڭ، اقىل - پاراساتىنىڭ، جۇرەكتىلىگىنىڭ جەمىسى. ءبىز دامىعان ەلدەر بىرنەشە ءجۇز جىل جۇرگەن ونەركاسىپتەنۋ ۇدەرىسىن بىرنەشە ون جىلدا باسىپ وتتىك. مۇمكىن ەمەس ىستەر جۇڭگو حالقىنىڭ قولىندا مۇمكىندىككە اينالدى. ءبىز جەر بەتىندە كەرەمەتتەر جاساعان جۇڭگو حالقىن تەڭدەسسىز ماقتان تۇتامىز، تەڭدەسسىز ماقتانىش ەتەمىز!
وسىندا، مەن پارتيا ورتالىق كوميتەتى اتىنان ءارقايسى شەپتەردە رەفورما جاساۋعا، ەسىك اشۋعا جانە سوتسياليستىك وسىزامانداندىرۋ قۇرىلىسىنا اقىل - پاراساتى مەن كۇش - قۋاتىن ارناعان قالىڭ جۇمىسشىلارعا، شارۋالارعا، زيالىلارعا، كادرلارعا، ازاتتىق ارميا كوماندير - جاۋىنگەرلەرىنە، قارۋلى ساقشى قوسىندارىنىڭ كوماندير - جاۋىنگەرلەرىنە، قوعام حاۋپسىزدىگى كادر - ساقشىلارىنا، ءارقايسى دەموكراتيالىق پارتيا - توپتارعا جانە پارتيادا، توپتا جوق قايراتكەرلەرگە، ءارقايسى حالىقتىق ۇيىمدارعا جانە ءار سالاداعى وتانشىل قايراتكەرلەرگە وسكەلەڭ قۇرمەت بىلدىرەمىن! وتاننىڭ رەفورما جاساۋىنا، ەسىك اشۋىنا جانە وسىزامانداندىرۋ قۇرىلىسىنا بەلسەندى قۇلشىنىستارىن ارناعان شياڭگاڭ ەرەكشە اكىمشىلىك رايونىنداعى باۋىرلاستارعا، اۋمىن ەرەكشە اكىمشىلىك رايونىنداعى باۋىرلاستارعا، تايۋاندىق باۋىرلاستارعا جانە شەتەلدەگى چياۋباۋلارعا شىنايى سالەم جولدايمىن! جۇڭگونىڭ رەفورما جاساۋىنا، ەسىك اشۋىنا جانە وسىزامانداندىرۋ قۇرىلىسىنا كوڭىل بولگەن جانە قولداۋ كورسەتكەن بارلىق شەتەلدىك دوستارعا جانە دۇنيە جۇزىندەگى ءار ەل حالىقتارىنا، شىنايى العىس ايتامىن!
جولداستار، دوستار!
40 جىلدىڭ امالياتى پارتيا 11 - كەزەكتى ورتالىق كوميتەتىنىڭ ءۇشىنشى جالپى ماجىلىسىنەن بەرى پارتيامىزدىڭ بۇكىل ەلدەگى ءار ۇلت حالقىن ىنتىماقتاستىرا باستاپ اشقان جۇڭگوشا سوتسياليزم جولىنىڭ، نازارياسىنىڭ، ءتۇزىمىنىڭ، مادەنيەتىنىڭ بۇكىلدەي دۇرىس ەكەندىگىن، قالىپتاستىرعان پارتيانىڭ نەگىزگى نازارياسىنىڭ، نەگىزگى لۋشيانىنىڭ، نەگىزگى جالپى جوباسىنىڭ بۇكىلدەي دۇرىس ەكەندىگىن تولىق دالەلدەدى.
40 جىلدىڭ امالياتى جۇڭگونىڭ دامۋى قالىڭ وركەندەپ كەلە جاتقان ەلدەردىڭ وسىزاماندانۋعا بەتتەۋىنە تابىستى تاجىريبە ازىرلەپ، جارقىن بولاشاق كورسەتكەندىگىن، دۇنيە ءجۇزىنىڭ بەيبىتشىلىگى مەن دامۋىن جەبەگەن قۇدىرەتتى كۇش بولعاندىعىن، جۇڭحۋا ۇلتىنىڭ ادامزات وركەنيەتىنىڭ العا باسۋىنا قوسقان ماڭىزدى ۇلەسى ەكەندىگىن تولىق دالەلدەدى.
40 جىلدىڭ امالياتى رەفورما جاساۋدىڭ، ەسىك اشۋدىڭ پارتيا مەن حالىقتىڭ ارشىندى قاداممەن داۋىرمەن قاتار ءجۇرۋىنىڭ ماڭىزدى اسىلى، جۇڭگوشا سوتسياليزمگە تاباندى بولۋدىڭ جانە ونى دامىتۋدىڭ، ءسوز جوق، باسىپ وتۋگە ءتيىستى جولى، جۇڭگونىڭ تاعدىرىن بەلگىلەگەن شەشۋشى شارا، سونداي - اق «قوس 100 جىلدىق» كۇرەس نىساناسىن ىسكە اسىرىپ، جۇڭحۋا ۇلتىنىڭ ۇلى گۇلدەنۋىن جۇزەگە اسىرۋداعى شەشۋشى شارا ەكەندىگىن تولىق دالەلدەدى.
تەك تاريحتىڭ اعىمىنا ۇيلەسىپ، وزگەرىسكە بەلسەندىلىكپەن توتەپ بەرىپ، وزگەرۋگە ىرىقتىلىقپەن ۇمتىلعاندا عانا داۋىرمەن بىرگە جۇرۋگە بولادى. «امالياتقا كوپ ارالاسقان سايىن ءبىلىم تەرەڭدەيدى، ءبىلىم تەرەڭدەگەن سايىن امالياتقا سولعۇرلىم جەتەكشىلىك ەتۋگە بولادى». رەفورما جاساعان، ەسىك اشقان 40 جىلدا توپتالعان قۇندى تاجىريبەلەر − پارتيا مەن حالىقتىڭ باعا جەتپەس رۋحاني قازىناسى، جاڭا داۋىردە جۇڭگوشا سوتسياليزمگە تاباندى بولۋدا جانە ونى دامىتۋدا ايرىقشا ماڭىزدى جەتەكشى مانگە يە، ءسوز جوق، بارىنشا قاستەرلەپ، ۇزاق ۋاقىت تاباندى بولۋ، اماليات بارىسىندا ۇزدىكسىز بايىتۋ جانە دامىتۋ كەرەك.
ءبىرىنشى، ءسوز جوق، پارتيانىڭ بارلىق قىزمەتكە باسشىلىعىنا تاباندى بولىپ، پارتيانىڭ باسشىلىعىن ۇزدىكسىز كۇشەيتۋ جانە جاقسارتۋ كەرەك. رەفورما جاساۋدىڭ، ەسىك اشۋدىڭ 40 جىلدىق امالياتى بىزگە مىناداي وي سالدى: جۇڭگو كوممۋنيستىك پارتياسىنىڭ باسشىلىعى − جۇڭگوشا سوتسياليزمنىڭ ەڭ ماندىك ەرەكشەلىگى، جۇڭگوشا سوتسياليستىك ءتۇزىمنىڭ ەڭ زور ابزالدىلىعى. پارتيا، ۇكىمەت، ارميا، حالىقتىق قۇرىلىمدار، عىلىم - ءبىلىم سالاسى سياقتى بارلىق سالاعا جانە بارلىق جەرگە پارتيا باسشىلىق ەتەدى. پارتيانىڭ ورتالىقتانعان ءبىر تۇتاس باسشىلىعىنا باستان - اياق تاباندى بولعاندىعىمىز سەبەپتى، ءبىز ۇلى تاريحي بۇرىلىستى جۇزەگە اسىرىپ، رەفورما جاساۋدىڭ، ەسىك اشۋدىڭ جاڭا كەزەڭى مەن جۇڭحۋا ۇلتىنىڭ ۇلى گۇلدەنۋىنىڭ تىڭ ساپارىن باستادىق، سوندىقتان دا ءبىر قىدىرۋ ەلەۋلى حاۋىپ - قاتەرلەرگە، سىن - سايىستارعا ءساتتى توتەپ بەرىپ، سانسىز قيىنشىلىقتار مەن قاتەرلى كەدەرگىلەردى جەڭدىك، سوندىقتان دا وزگەرىسكە پارمەندى توتەپ بەردىك، بوران - شاشىندى تىنىشتاندىردىق، تاسقىن سۋدى جەڭدىك، سارستان ساقتاندىق، جەر سىلكىنىسىنە توتەپ بەردىك، داعدارىستى شەشتىك، سوندىقتان دا توماعا - تۇيىق، قاتىپ - سەمگەن كونە جولعا دا تۇسپەي، باعداردان اداستىراتىن تەرىس جولمەن دە جۇرمەي، جۇڭگوشا سوتسياليزم جولىمەن بۇلجىماستان جۇردىك. پارتيانىڭ باسشىلىعىنا تاباندى بولۋدا، ءسوز جوق، پارتيانىڭ باسشىلىعىن ۇزدىكسىز جاقسارتىپ، پارتيانىڭ باسشىلىعىن امالياتتىڭ، ءداۋىردىڭ، حالىقتىڭ تالابىمەن اناعۇرلىم ۇيلەستىرۋ كەرەك. پارتيانىڭ باسشىلىعىنا تاباندى بولۋ سىندى پارتيا مەن مەملەكەتتىڭ كەلەشەك تاعدىرىن شەشەتىن كەلەلى پرينسيپتىك ماسەلەدە، بۇكىل پارتيا، بۇكىل ەل، ءسوز جوق، وسكەلەڭ يدەيالىق سانالىلىقتى، ساياسي سانالىلىقتى، ارەكەت سانالىلىقتى ساقتاۋ، ەشقانداي مىزعىماۋ كەرەك.
العا ىلگەرىلەۋ جولىندا، ءبىز، ءسوز جوق، «ءتورت تانىمدى» كۇشەيتىپ، «ءتورت سەنىمدى» بەكەمدەپ، پارتيا ورتالىق كوميتەتىنىڭ بەدەلى مەن ورتالىقتانعان ءبىر تۇتاس باسشىلىعىن باتىل قورعاپ، پارتيانىڭ باسشىلىعىن رەفورما، دامۋ، ورنىقتىلىق، ىشكى ساياسات، ديپلوماتيا، مەملەكەت قورعانىسى، پارتيانى جونگە سالۋ، مەملەكەتتى جونگە سالۋ، ارميانى جونگە سالۋ سياقتى ءار سالادا دايەكتىلەندىرۋ جانە ايگىلەۋىمىز كەرەك. رەفورما جاساۋدىڭ، ەسىك اشۋدىڭ ءار قادامى وڭاي - وسپاق ەمەس، كەلەشەكتە، ءسوز جوق، اناداي، مىناداي حاۋىپ - قاتەرلەر مەن سىن - سايىستارعا ءدوپ كەلەمىز، ءتىپتى، ويلاماعان اساۋ تولقىندارعا كەزدەسەمىز. پارتيامىز جالپى جاعدايدى تەگىس يگەرىپ، ءار جاقتاردى سايكەستىرىپ، عىلمي بيلىك جۇرگىزۋدەن، دەموكراتيالى بيلىك جۇرگىزۋدەن، زاڭ بويىنشا بيلىك جۇرگىزۋدەن جازباي، پارتيانىڭ باسشىلىق فورماسى مەن بيلىك جۇرگىزۋ فورماسىن كەمەلدەندىرىپ، پارتيانىڭ بيلىك جۇرگىزۋ قابىلەتى مەن باسشىلىق ورەسىن جوعارىلاتىپ، پارتيانىڭ باعداردى مەڭگەرۋ، جالپى جاعدايدى جوسپارلاۋ، ساياسات بەلگىلەۋ، رەفورمانى جەبەۋ قابىلەتى مەن تۇراقتىلىعىن ۇزدىكسىز جوعارىلاتىپ، رەفورما جاساۋ، ەسىك اشۋ سىندى كەمەنىڭ دۇرىس باعدارمەن تولقىن جارا العا ىلگەرىلەۋىنە شىنايى كەپىلدىك ەتۋ كەرەك.
ەكىنشى، ءسوز جوق، حالىقتى وزەك ەتۋگە تاباندى بولىپ، حالىقتىڭ تاماشا تۇرمىسقا تالپىنىسىن ۇزدىكسىز ىسكە اسىرۋ كەرەك. رەفورما جاساۋدىڭ، ەسىك اشۋدىڭ 40 جىلدىق امالياتى بىزگە مىناداي وي سالدى: جۇڭگو حالقىن باقىتقا كەنەلتۋ، جۇڭحۋا ۇلتىنىڭ گۇلدەنۋىن كوزدەۋ − جۇڭگو كوممۋنيستەرىنىڭ اۋەلگى ماقساتى جانە بورىشى، سونداي - اق رەفورما جاساۋدىڭ، ەسىك اشۋدىڭ اۋەلگى ماقساتى جانە بورىشى. پارتيامىز حالىقتان كەلگەن، حالىققا تامىر تارتقان، حالىقتى يگىلىككە بولەگەن، بۇكىل ىنتا - پەيىلىمەن حالىق ءۇشىن قىزمەت ىستەۋ − پارتيانىڭ ءتۇبىرلى ماقساتى، ءسوز جوق، ەڭ كەڭ حالىقتىڭ ءتۇبىرلى مۇددەسىن بارلىق قىزمەتىمىزدىڭ ءتۇبىرلى شىعار ءتۇيىنى جانە تياناعى ەتىپ، حالىقتىڭ قولداۋ - قولداماۋىن، قۇپتاۋ - قۇپتاماۋىن، قۋانۋ - قۋانباۋىن ساياسات بەلگىلەۋدىڭ نەگىزى ەتۋدەن جازباي، حالىق تىلەگىنە ۇيلەسىپ، حالىق رايىنا قۇرمەت ەتىپ، حالىق جاعدايىنا نازار اۋدارىپ، حالىق تۇرمىسىنا كۇش سالىپ، دۇرىس نازاريا جانە لۋشيان، باعىت، ساياساتتاردى العا قويۋ جانە دايەكتىلەندىرۋ ارقىلى حالىقتى العا باسۋعا جەتەكتەۋمەن بىرگە، حالىقتىڭ امالياتتىق جاسامپازدىعى جانە دامۋ تالابىنان العا باسۋدىڭ قوزعاۋشى كۇشىن الىپ، حالىقتى رەفورما جاساۋدىڭ، ەسىك اشۋدىڭ جەتىستىكتەرىنەن تەڭ يگىلىكتەندىرىپ، حالىقتى رەفورما جاساۋ، ەسىك اشۋ جانە سوتسياليستىك وسىزامانداندىرۋ قۇرىلىسى ىستەرىنە اناعۇرلىم سانالى تۇردە ات سالىسۋعا ىنتالاندىرۋ كەرەك.
العا باسۋ جولىندا، ءبىز، ءسوز جوق، حالىقتىڭ تاماشا تۇرمىسقا تالپىنىسىن باستان - اياق كۇرەس نىسانامىز ەتىپ، پارتيانىڭ ءتۇبىرلى ماقساتىن امالياتتا ايگىلەپ، پارتيانىڭ بۇقارالىق لۋشيانىن دايەكتىلەندىرىپ، حالىقتىڭ تۇلعالىق ورنىنا قۇرمەت ەتىپ، حالىق بۇقاراسىنىڭ امالياتتىق قيمىل بارىسىندا بەينەلەگەن تىلەگىنە، جاراتقان تاجىريبەلەرىنە، تيەسىلى ۇقىقتارىنا، اتقاراتىن رولدارىنا قۇرمەت ەتىپ، حالىق بۇقاراسى اراسىندا جاسىرىنىپ جاتقان جاسامپازدىق ۇلى كۇشتى تولىق تاسقىنداتۋىمىز كەرەك. ءبىز دەموكراتيالىق ءتۇزىمدى كەمەلدەندىرىپ، دەموكراتيالىق ارنانى كەڭەيتىپ، دەموكراتيالىق ءتاسىلدى بايىتىپ، زاڭمەن جونگە سالۋ كەپىلدىگىن جاقسارتىپ، حالىقتى جان - جاقتى، تولىق، شىنايى، ناقتى، ءونىمدى، كادەگە جارايتىن دەموكراتيالىق ۇقىقتان زاڭ بويىنشا يگىلىكتەندىرۋگە كەپىلدىك ەتۋىمىز كەرەك. ءبىز حالىق بۇقاراسىنىڭ قاجەتىن، كوكەي تەستى ءىسىن، ارمانىن شەشۋگە كۇش سالىپ، حالىقتى ەكونوميكا، ساياسي، مادەنيەت، قوعام، ەكولوگيا سياقتى جاقتارداعى دامۋ جەتىستىكتەرىنەن تەڭ يگىلىكتەندىرىپ، اناعۇرلىم كوپ، اناعۇرلىم تىكە، اناعۇرلىم ناقتى تابىس سەزىمىنە، باقىت سەزىمىنە، حاۋىپسىزدىك سەزىمىنە يە ەتىپ، ادامنىڭ جان - جاقتى دامۋىن، جالپى حالىقتىڭ ورتاق بايۋىن ۇزدىكسىز جەبەۋىمىز كەرەك.
ءۇشىنشى، ءسوز جوق، ماركسيزمنىڭ جەتەكشى ورنىنا تاباندى بولىپ، اماليات نەگىزىندەگى نازاريالىق جاڭالىقتى ۇزدىكسىز ىلگەرىلەتۋ كەرەك. رەفورما جاساۋدىڭ، ەسىك اشۋدىڭ 40 جىلدىق امالياتى بىزگە مىناداي وي سالدى: جاڭالىق اشۋ − رەفورما جاساۋدىڭ، ەسىك اشۋدىڭ جانى. امالياتتىڭ دامۋى ماڭگى تولاستامايدى، يدەيانى ازات ەتۋ ماڭگى تولاستامايدى. ەنگەلس بىلاي دەگەن: «بارلىق قوعامدىق وزگەرىس پەن ساياسي وزگەرىستىڭ ءتۇبىرلى سەبەبىن ادامداردىڭ وي - ساناسىنان، ادامداردىڭ ماڭگىلىك اقيقات پەن تۋراشىلدىق تۋرالى كۇن سايىن ارتقان تانىمىنان ەمەس، قايتا ءوندىرىس ءتاسىلى مەن ايىرباس ءتاسىلىنىڭ وزگەرىسىنەن ىزدەۋ كەرەك». ءبىز نازاريا مەن امالياتتى ۇشتاستىرۋدان جازباي، ءداۋىردىڭ سۇراۋىنا، حالىقتىڭ ساۋالىنا دەر كەزىندە جاۋاپ بەرىپ، امالياتتىڭ دامۋىنا كەدەرگىلىك جاسايتىن جانە تۇساۋ بولاتىن يدەيالىق تۇماندى سەيىلتىپ، ماركسيزمنىڭ جۇڭگوشالانۋىن، زامانالانۋىن، قاۋىمدانۋىن ۇزبەي ىلگەرىلەتىپ، ماركسيزم دامۋىنىڭ جاڭا ءورىسىن ۇزدىكسىز اشۋىمىز كەرەك.
العا باسۋ جولىندا، ءبىز ماركسيزم - لەنينيزمدى، ماۋ زىدۇڭ يدەياسىن، دىڭ شياۋپيڭ نازارياسىن، «ۇشكە ۋاكىلدىك ەتۋ» ماڭىزدى يدەياسىن، عىلمي دامۋ كوزقاراسىن، جاڭا ءداۋىر جۇڭگوشا سوتسياليزم يدەياسىن جەتەكشى ەتۋگە، ءسوز جوق، تاباندى بولىپ، يدەيانى ازات ەتۋ مەن شىندىقتى ءىس جۇزىنەن ىزدەۋدىڭ ورگانيكالى تۇتاستىعىنان جازباۋىمىز كەرەك. 21 - عاسىر ماركسيزمىن، زامانىمىزداعى جۇڭگو ماركسيزمىن دامىتۋ − زامانىمىزداعى جۇڭگو كوممۋنيستەرىنىڭ باس تارتۋعا بولمايتىن تاريحي جاۋاپكەرشىلىگى. ءبىز ماسەلە تانىمىن، ءداۋىر تانىمىن، ستراتەگيالىق تانىمدى كۇشەيتىپ، اسقان تاريحي كورەگەندىكپەن، كەڭ حالىقارالىق كوز ايامەن زاتتار دامۋىنىڭ ءمانىن جانە ىشكى بايلانىسىن يگەرىپ، 100 ميلليونداعان حالىقتىڭ جاسامپازدىق امالياتىنا تىعىز ىلەسىپ، ادامزاتتىڭ بارلىق تاڭداۋلى وركەنيەت جەتىستىكتەرىنەن ۇلگى الىپ جانە ونى قابىلداپ، ءداۋىر مەن اماليات بىزگە قويعان جاڭا كەلەلى تاقىرىپتارعا ۇزبەي جاۋاپ بەرىپ، زامانىمىزداعى جۇڭگو ماركسيزمىنىڭ اقيقاتتىڭ اناعۇرلىم نۇرلى شۇعىلاسىن شاشۋىنا مۇمكىندىك جاساۋىمىز كەرەك.
ءتورتىنشى، ءسوز جوق، جۇڭگوشا سوتسياليزم جولىمەن مىزعىماي ءجۇرىپ، جۇڭگوشا سوتسياليزمگە ۇزدىكسىز تاباندى بولۋ جانە ونى دامىتۋ كەرەك. رەفورما جاساۋدىڭ، ەسىك اشۋدىڭ 40 جىلدىق امالياتى بىزگە مىناداي وي سالدى: بولاشاقتى باعدار بەلگىلەيدى، تاعدىردى جول بەلگىلەيدى. تاعدىرىمىزدى ءوز قولىمىزدا يگەرۋ ءۇشىن مۇراتتان اينىمايتىن، جولدان اۋىتقىمايتىن تاباندىلىق بولۋ كەرەك. رەفورما جاساعان، ەسىك اشقان 40 جىلدان بەرى، پارتيامىزدىڭ بارلىق نازارياسىنىڭ جانە امالياتىنىڭ نەگىزگى تاقىرىبى جۇڭگوشا سوتسياليزمگە تاباندى بولۋ جانە ونى دامىتۋ بولدى. جۇڭگو سىندى 5000 جىلدان استام وركەنيەت تاريحى، ءبىر ميلليارد 300 ميلليوننان استام جان سانى بار وسى ءىرى ەلدە رەفورمانى، دامۋدى ىلگەرىلەتۋدە. اينىماس قاعيدا سانالاتىن قولدانبا دا، جۇڭگو حالقىنا اقىل ايتىپ، ءجون كورسەتەتىن اقىلمان دا جوق. لۋشۇن مىرزا بىلاي دەگەن: «جول دەگەن نە؟ جول − جولسىز جەردەن تاپتالىپ شىعادى، بۇتا - بۇرگەندى جەردەن اشىلادى». جۇڭگوشا سوتسياليزم جولى − وسى زامانعى جۇڭگو ارشىندى قاداممەن داۋىرگە ىلەسكەن، ءداۋىردىڭ دامۋىنا جەتەكشىلىك ەتكەن سارا جول، ءسوز جوق، اۋىتقىماي جۇرە بەرۋىمىز كەرەك.
العا باسۋ جولىندا، ءبىز، ءسوز جوق، جاڭا ءداۋىر جۇڭگوشا سوتسياليزم يدەياسىن جانە پارتيا 19 - قۇرىلتايىنىڭ رۋحىن جەتەكشى ەتۋگە تاباندى بولىپ، «ءتورت سەنىمدى» كۇشەيتىپ، رەفورما جاساۋدىڭ، ەسىك اشۋدىڭ العا باسۋ بەتالىسىن مىقتاپ يگەرۋىمىز كەرەك. نەنى وزگەرتۋدە، قالاي وزگەرتۋدە، ءسوز جوق، جۇڭگوشا سوتسياليزم ءتۇزىمىن كەمەلدەندىرۋ جانە دامىتۋ، مەملەكەتتىڭ جونگە سالۋ جۇيەسى مەن جونگە سالۋ قابىلەتىن وسىزامانداندىرۋدى ىلگەرىلەتۋ باس نىساناسىنا ۇيلەسەتىن - ۇيلەسپەيتىنىن ءتۇبىرلى ولشەم ەتىپ، وزگەرتۋگە تيىستىلەرىن، وزگەرتە الاتىندارىمىزدى باتىل وزگەرتۋىمىز، وزگەرتپەۋگە تيىستىلەرىن، وزگەرتۋگە بولمايتىندارىن باتىل تۇردە وزگەرتپەۋىمىز كەرەك. ءبىز پارتيانىڭ نەگىزگى لۋشيانىنا تاباندى بولىپ، ەكونوميكالىق قۇرىلىستى وزەك ەتۋدى ءتورت نەگىزگى پرينسيپكە تاباندى بولۋ، رەفورما جاساۋعا، ەسىك اشۋعا تاباندى بولۋ سىندى وسى ەكى نەگىزگى تۇيىنمەن بىرگە جاڭا ءداۋىر جۇڭگوشا سوتسياليزم ۇلى امالياتىمەن بىرلىككە كەلتىرىپ، ۇزاق ۋاقىت تاباندى بولۋىمىز، استە اۋىتقىماۋىمىز كەرەك.
بەسىنشى، ءسوز جوق، جۇڭگوشا سوتسياليستىك ءتۇزىمدى كەمەلدەندىرۋ مەن دامىتۋعا تاباندى بولىپ، ەلىمىزدىڭ ءتۇزىم ارتىقشىلىعىن ۇزدىكسىز ساۋلەلەندىرۋ جانە ونى نىعايتۋ كەرەك. رەفورما جاساۋدىڭ، ەسىك اشۋدىڭ 40 جىلدىق امالياتى بىزگە مىناداي وي سالدى: ءتۇزىم − پارتيا مەن مەملەكەت ىستەرىنىڭ دامۋىنا ساياتىن ءتۇبىرلى سيپاتتى، جالپى جاعدايلىق سيپاتتى، ورنىقتىلىق سيپاتتى، ۇزاق ۋاقىتتىق سيپاتتى ماسەلە. ءبىز جۇڭگوشا سوتسياليستىك ءتۇزىمدى كەمەلدەندىرۋ جانە دامىتۋ سىندى وسى تەتىكتى يگەرىپ، قوعامدىق وندىرگىش كۇشتى ازات ەتۋگە جانە دامىتۋعا، قوعامنىڭ ومىرشەڭ كۇشىن ازات ەتۋگە جانە قاۋلاتۋعا، پارتيا مەن مەملەكەتتىڭ تىرشىلىك تىنىسى مەن ومىرشەڭ كۇشىن ماڭگى ساقتاۋعا پارمەندى كەپىلدىك ازىرلەپ، قوعامدىق جالپى جاعدايدىڭ ورنىقتىلىعىن ساقتاۋعا، حالىقتىڭ شات - شادىمان ءومىر كەشۋىنە كەپىلدىك ەتۋگە، مەملەكەتتىڭ حاۋىپسىزدىگىن قامتاماسىز ەتۋگە پارمەندى كەپىلدىك ازىرلەپ، بارلىق ەڭبەك، ءبىلىم، تەحنيكا، باسقارۋ، كاپيتال سىندى فاكتورلاردىڭ ومىرشەڭدىك كۇشىن باسەكەلەسە قاۋلاتۋ ءۇشىن، قوعامدىق بايلىق جاراتاتىن بارلىق قاينار بۇلاقتىڭ كوزىن تولىق اشىپ اعىزىپ، ومىرشەڭدىككە تولى ءتۇزىلىس مەحانيزمىن ۇزبەي ورناتتىق.
العا باسۋ جولىندا، ءبىز، ءسوز جوق، جالپىلىق مەنشىكتەگى ەكونوميكانى بۇلجىماي بەكەمدەپ جانە دامىتىپ، جالپىلىق مەنشىككە جاتپايتىن ەكونوميكانىڭ دامۋىن بۇلجىماي شابىتتاندىرىپ، قولداپ، جەتەكتەپ، بازاردىڭ بايلىقتى جايعاستىرۋداعى شەشۋشى رولىن تولىق ساۋلەلەندىرىپ، ۇكىمەتتىڭ رولىن ءتىپتى جاقسى ساۋلەلەندىرىپ، ءتۇرلى بازار تۇلعالارىنىڭ ومىرشەڭ كۇشىن قاۋلاتۋىمىز كەرەك. ءبىز پارتيانىڭ باسشىلىعىنىڭ، حالىقتىڭ قوجايىن بولۋىنىڭ، مەملەكەتتى زاڭمەن جونگە سالۋدىڭ ورگانيكالى بىرلىگىنە تاباندى بولىپ، حالىق قۇرىلتايى تۇزىمىنە، جۇڭگو كوممۋنيستىك پارتياسىنىڭ باسشىلىعىنداعى كوپ پارتيا سەلبەستىگى جانە ساياسي ءماسليحات تۇزىمىنە، ۇلتتىق وڭىرلىك اۆتونوميا تۇزىمىنە، نەگىزگى ساتىلارداعى بۇقارانىڭ ءوزىن - ءوزى باسقارۋ تۇزىمىنە تاباندى بولىپ جانە ونى كەمەلدەندىرىپ، مەملەكەتتى زاڭمەن جونگە سالۋدى جاپپاي ىلگەرىلەتىپ، ەڭ كەڭ كولەمدى وتانشىلدىق بىرلىكساپتى بەكەمدەپ جانە دامىتىپ، سوتسياليستىك كەڭەستىك دەموكراتيانى دامىتىپ، ءتۇزىم جۇيەسى ارقىلى حالىقتىڭ قوجايىن بولۋىنا كەپىلدىك ەتۋىمىز كەرەك. ءبىز مادەنيەت سالاسىنداعى ءتۇزىم قۇرىلىسىن كۇشەيتىپ، تۋ ۇستاپ، جۇرت تىلەگىن توعىستىرىپ، جاڭا ادام تاربيەلەپ، مادەنيەتتى وركەندەتىپ، وبرازدى ايگىلەپ، سوتسياليستىك وزەكتى قۇن كوزقاراسىن بەلسەنە جەتىلدىرىپ جانە امالياتتا ايگىلەپ، جۇڭحۋانىڭ تاڭداۋلى ءداستۇرلى مادەنيەتىنىڭ جاسامپازدىقپەن تۇرلەنۋىن، جاسامپازدىقپەن دامۋىن ىلگەرىلەتىپ، توڭكەرىستىك مادەنيەتكە مۇراگەرلىك ەتىپ، وزىق مادەنيەتتى دامىتىپ، داۋىرگە شۇعىلا شاشاتىن، دۇنيە جۇزىنە شۇعىلا شاشاتىن جۇڭحۋا مادەنيەتىن قۇلشىنا جاراتۋىمىز كەرەك. ءبىز قوعامدىق جونگە سالۋ ءتۇزىم قۇرىلىسىن كۇشەيتىپ، قوعامدىق ادىلدىك پەن تۋراشىلدىقتى ۇزدىكسىز جەبەپ، قوعامنىڭ تىنىشتىعىن، ءتارتىبىن ساقتاۋىمىز كەرەك. ءبىز ەكولوگيالىق وركەنيەت ءتۇزىم قۇرىلىسىن كۇشەيتىپ، ەكولوگيالىق ورتانى قورعاۋدىڭ ەڭ قاتاڭ ءتۇزىمىن اتقارۋىمىز كەرەك. ءبىز دامۋعا تۇساۋ بولاتىن بارلىق ءتۇزىلىس، مەحانيزم كەدەرگىلەرى مەن قاتىپ - سەمگەن مۇددەلىك بۇعاۋلاردى باتىل جويىپ، جۇلگەسى كەمەلدى، عىلمي ارناعا تۇسكەن، اينالىمى ءونىمدى ءتۇزىم جۇيەسىن جەدەل قالىپتاستىرىپ، جۇڭگوشا سوتسياليستىك ءتۇزىمنىڭ اناعۇرلىم جەتىلۋى مەن اناعۇرلىم قالىپتاسۋىن ىلگەرىلەتۋىمىز كەرەك.
التىنشى، ءسوز جوق، دامۋدى ماڭداي الدى مىندەت ەتۋگە تاباندى بولىپ، ەلىمىزدىڭ جالپىلىق مەملەكەت قۋاتىن ۇزدىكسىز نىعايتۋ كەرەك. رەفورما جاساۋدىڭ، ەسىك اشۋدىڭ 40 جىلدىق امالياتى بىزگە مىناداي وي سالدى: قوعامدىق وندىرگىش كۇشتەردى ازات ەتىپ جانە دامىتىپ، سوتسياليستىك مەملەكەتتىڭ جالپىلىق مەملەكەت قۋاتىن ارتتىرۋ − سوتسياليزمنىڭ ماندىك تالابى جانە ءتۇبىرلى مىندەتى، ەكونوميكالىق قۇرىلىس سىندى وسى وزەكتى مىقتاپ يگەرىپ، دامۋ − داۋ جۇرمەيتىن شىندىق، دامۋ − عىلمي دامۋ مەن جوعارى ساپالى دامۋ بولۋ كەرەك دەيتىن ستراتەگيالىق يدەياعا بۇلجىماي تاباندى بولىپ، ەكونوميكا مەن قوعامنىڭ باياندى، اقاۋسىز دامۋىن ىلگەرىلەتكەندە عانا، ەلىمىزدىڭ ەكونوميكالىق قۋاتىن، عىلىم - تەحنيكالىق قۋاتىن، مەملەكەت قورعانىسى قۋاتىن، جالپىلىق مەملەكەت قۋاتىن جاپپاي كۇشەيتۋگە، جۇڭگوشا سوتسياليزمگە تاباندى بولۋ مەن ونى دامىتۋعا، جۇڭحۋا ۇلتىنىڭ ۇلى گۇلدەنۋىن جۇزەگە اسىرۋعا مىعىم ماتەريالدىق نەگىز قالاۋعا بولادى.
العا باسۋ جولىندا، ءبىز، ءسوز جوق، حالىقتىڭ كۇن سايىن ارتىپ وتىرعان تاماشا تۇرمىس قاجەتى مەن دامۋدىڭ بىركەلكى، تولىق بولماۋى اراسىنداعى قايشىلىق سىندى وسى قوعامدىق باستى قايشىلىقتى ويداعىداي شەشۋدى ارقاۋ ەتىپ، جاڭالىق اشا دامۋ، سايكەستى دامۋ، جاسىل دامۋ، اشىق دامۋ، بىرگە يگىلىككە كەنەلەتىن دامۋ ۇستانىمىن باتىل دايەكتىلەندىرىپ، «بەستى ءبىر تۇلعالاندىرۋ» جالپى تۇلعالىق ورنالاستىرۋىن ءبىر تۇتاس ىلگەرىلەتىپ، «ءتورتتى جاپپاي ورىنداۋ» ستراتەگيالىق ورنالاستىرۋىن سايكەستى ىلگەرىلەتىپ، جوعارى ساپالى دامۋدى ىلگەرىلەتىپ، جاڭاشا ونەركاسىپتەندىرۋدىڭ، ينفورماتسيالاندىرۋدىڭ، قالا - قالاشىقتاندىرۋدىڭ، اۋىل شارۋاشىلىعىن وسىزامانداندىرۋدىڭ قاتار دامۋىن ىلگەرىلەتىپ، وسى زامانعى ەكونوميكا جۇيەسىن جەدەل ورناتىپ، اناعۇرلىم جوعارى ساپالى، اناعۇرلىم ءونىمدى، اناعۇرلىم ءادىل، اناعۇرلىم باياندى دامۋدى قۇلشىنا جۇزەگە اسىرۋىمىز كەرەك. ءبىز قامداۋ جاعىنداعى قۇرىلىمدىق رەفورمانى نەگىزگى ارقاۋ ەتۋگە تاباندى بولىپ، دامۋ تاسىلىنە بەلسەنە بۇرىلىس جاساپ، ەكونوميكالىق قۇرىلىمدى ساپالىلاندىرىپ، ارتۋ قوزعاۋشى كۇشىن جاڭالاپ، ىشكى سۇرانىستى بەلسەنە كەڭەيتىپ، وڭىرلىك سايكەستى دامۋ ستراتەگياسىن اتقارىپ، اۋىل - قىستاقتاردى گۇلدەندىرۋ ستراتەگياسىن اتقارىپ، اۋىر حاۋىپ - قاتەردەن ساقتانۋ جانە ونى شەشۋ، كەدەيلىكتەن دالمە - ءدال ارىلتۋ، لاستانۋدان ساقتانۋ جانە ونى تىزگىندەۋ قامال الۋ شايقاسىن باتىل تۇردە ويداعىداي جۇرگىزۋىمىز كەرەك. ءبىز جاڭالىق اشۋ − ءبىرىنشى قوزعاۋشى كۇش، دارىندىلار − ءبىرىنشى بايلىق دەگەن ۇستانىمنان جازباي، ءبىز جاڭالىق اشۋ ارقىلى دامۋعا دەم بەرۋ ستراتەگياسىن اتقارىپ، مەملەكەتتىڭ جاڭالىق اشۋ جۇيەسىن كەمەلدەندىرىپ، شەشۋشى، وزەكتى تەحنيكادا دەربەس جاڭالىق اشۋدى جەدەلدەتىپ، ەكونوميكانىڭ، قوعامنىڭ دامۋىنا جاڭا قوزعالتقىش ازىرلەۋىمىز كەرەك. ءبىز ەكولوگيالىق وركەنيەت قۇرىلىسىن كۇشەيتىپ، تۇنىق سۋ، جاسىل تاۋ − قىمباتتى بايلىق ۇستانىمىن مىقتاپ ورناتىپ، جاسىل دامۋ ءتاسىلى مەن تۇرمىس ءتاسىلىن قالىپتاستىرىپ، ۇلى وتانىمىزدى اناعۇرلىم كوركەيتۋىمىز، حالىقتىڭ اسپانى اناعۇرلىم اشىق، تاۋى اناعۇرلىم جاسىل، سۋى اناعۇرلىم تۇنىق تاماشا ورتادا تۇرمىس كەشىرۋىنە مۇمكىندىك جاساۋىمىز كەرەك.
جەتىنشى، ءسوز جوق، ەسىك اشۋدى كەڭەيتۋگە تاباندى بولىپ، ادامزاتتىڭ تاعدىرلاس ورتاق تۇلعاسىن بىرگە قۇرۋدى ۇزدىكسىز ىلگەرىلەتۋ كەرەك. رەفورما جاساۋدىڭ، ەسىك اشۋدىڭ 40 جىلدىق امالياتى بىزگە مىناداي وي سالدى: ەسىك اشۋ العا باستىرادى، توماعا - تۇيىقتىق، ءسوز جوق، ارتتا قالدىرادى. جۇڭگونىڭ دامۋى دۇنيە جۇزىنەن قول ۇزە المايدى، دۇنيە ءجۇزىنىڭ گۇلدەنۋى دە جۇڭگونى قاجەت ەتەدى. ءبىز ەل ءىشى جانە حالىقارا سىندى 2 ۇلكەن جاعدايدى ءبىر تۇتاس جوسپارلاپ، سىرتقا ەسىك اشۋ سىندى نەگىزگى مەملەكەت ساياساتىنا تاباندى بولىپ، بەلسەندى، ىرىقتى ەسىك اشۋ ساياساتىن جۇرگىزىپ، جان - جاقتى، كوپ دەڭگەيلى، كەڭ ءورىستى جاپپاي ەسىك اشۋدىڭ جاڭا ارناسىن قالىپتاستىرىپ، ەلىمىز ءۇشىن تاماشا حالىقارالىق ورتا ازىرلەپ، كەڭ دامۋ ءورىسىن اشتىق.
العا باسۋ جولىندا، ءبىز، ءسوز جوق، بەيبىتشىلىك، دامۋ، سەلبەستىك، تەڭ يگىلىكتەنۋ تۋىن بيىك ۇستاپ، دۇنيە ءجۇزىنىڭ بەيبىتشىلىگىن قورعايتىن، بىرگە دامۋدى جەبەيتىن ديپلوماتيالىق ساياساتتىڭ ءتۇبىرلى ماقساتىن بەرىك ۇستانىپ، ءوزارا قۇرمەت ەتەتىن، ءادىل، تۋراشىل، سەلبەستىك جاساسىپ، تەڭ يگىلىكتەنەتىن جاڭاشا حالىقارالىق قارىم - قاتىناس ورناتۋدى ىلگەرىلەتۋىمىز كەرەك. ءبىز ءار ەل حالقىنىڭ دامۋ جولىن دەربەس تاڭداۋ ۇقىعىنا قۇرمەت ەتىپ، حالىقارالىق ادىلدىك پەن تۋراشىلدىقتى قورعاپ، حالىقارالىق قارىم - قاتىناستىڭ دەموكراتيالانۋىن دارىپتەپ، ءوزىنىڭ ەركىن باسقاعا زورلاپ تاڭۋعا قارسى تۇرۋىمىز، باسقا مەملەكەتتىڭ ىشكى ىسىنە ارالاسۋعا قارسى تۇرۋىمىز، كۇشتىنىڭ ءالسىزدى باسىنۋىنا قارسى تۇرۋىمىز كەرەك. ءبىز جاۋاپكەرشىلىك ارقالايتىن ءىرى ەلدىك رولىمىزدى ساۋلەلەندىرىپ، قالىڭ وركەندەپ كەلە جاتقان ەلدەردىڭ دامۋىنا قولداۋ كورسەتىپ، عالامدىق جونگە سالۋ جۇيەسى رەفورماسى مەن قۇرىلىسىنا بەلسەنە ات سالىسىپ، باياندى بەيبىت، جاپپاي حاۋىپسىز، بىرگە گۇلدەنەتىن، اشىق، سيىسىمدى، تازا، كورىكتى الەم قۇرۋ ءۇشىن بىرگە كۇرەس جۇرگىزۋىمىز كەرەك. ءبىز اشىق، جاريا، سيىسىمدى، كەمسىتپەيتىن كوپ جاقتى ساۋدا ءتۇزىلىسىن قولداپ، ساۋدانىڭ، قارجى قوسۋدىڭ ەركىندەنۋى مەن قولايلىلانۋىن جەبەپ، ەكونوميكانىڭ جاھاندانۋىنىڭ اناعۇرلىم اشىق، سيىسىمدى، جالپىعا بىردەي، تەپە - تەڭ، تەڭ يگىلىكتەنەتىن بەتالىسقا قاراي دامۋىن ىلگەرىلەتۋىمىز كەرەك. ءبىز «ءبىر بەلدەۋ، ءبىر جولدى» بىرگە قۇرۋدى ءتۇيىن ەتىپ، ءار جاقپەن بىرگە حالىقارالىق سەلبەستىكتىڭ جاڭا تۇعىرىن قالىپتاستىرىپ، دۇنيە ءجۇزىنىڭ بىرگە دامۋىنا تىڭ قوزعاۋشى كۇش ۇستەۋىمىز كەرەك. جۇڭگو استە باسقا مەملەكەتتىڭ مۇددەسىن قۇربان ەتىپ، ءوزىن دامىتپايدى، سونىمەن بىرگە ءوزىنىڭ ورىندى ۇقىق - مۇددەسىنەن دە استە كەشپەيدى. جۇڭگو قورعانۋ سيپاتتى مەملەكەت قورعانىسى ساياساتىن اتقارادى، جۇڭگونىڭ دامۋى ءارقانداي مەملەكەتكە حاۋىپ توندىرمەيدى. جۇڭگو دامىپ قاي دەڭگەيگە بارسا دا ماڭگى زورەكەر بولمايدى.
سەگىزىنشى، ءسوز جوق، پارتيانى جاپپاي قاتاڭ جونگە سالۋعا تاباندى بولىپ، پارتيانىڭ جاسامپازدىق قابىلەتىن، ۇيىسۋ قابىلەتىن، جاۋىنگەرلىك قابىلەتىن ۇزدىكسىز جوعارىلاتۋ كەرەك. رەفورما جاساۋدىڭ، ەسىك اشۋدىڭ 40 جىلدىق امالياتى بىزگە مىناداي وي سالدى: تەمىر سوقساڭ قۇرىش بول. جۇڭگونىڭ ءىسىن ويداعىداي ىستەۋدىڭ تەتىگى − پارتيادا، پارتيانى پارتيا باسقارۋعا، پارتيانى جاپپاي قاتاڭ جونگە سالۋعا تاباندى بولۋدا. پارتيامىز رەفورما جاساۋ، ەسىك اشۋ جانە سوتسياليستىك وسىزامانداندىرۋ قۇرىلىسىنىڭ ۇلى قوعامدىق توڭكەرىسىنە باسشىلىق ەتۋمەن بىرگە، پارتيانىڭ ۇلى وزىندىك توڭكەرىسىن بۇلجىتپاي ىلگەرىلەتىپ، پارتيانىڭ اقاۋسىز تۇلعاسىن شىرىتەتىن بارلىق ۆيرۋستاردى باتىلدىقپەن الاستاپ، پارتيانىڭ ۇزدىكسىز ءوزىن كىرشىكسىزدەندىرۋىنە، ءوزىن كەمەلدەندىرۋىنە، ءوزىن جاڭالاۋىنا، ءوز دەڭگەيىن وسىرۋىنە مۇمكىندىك جاساپ، پارتيانىڭ ساياسي باسشىلىق قابىلەتىن، يدەيالىق جەتەكشىلىك قابىلەتىن، بۇقارانى ۇيىمداستىرۋ قابىلەتىن، قوعامدىق ۇندەۋ قابىلەتىن ۇزدىكسىز نىعايتقاندا عانا، پارتيانىڭ قاي - قاشان دا حالىق بۇقاراسىمەن ەتەنە بايلانىسىن ساقتاۋىنا شىنايى كەپىلدىك ەتۋگە بولادى.
العا باسۋ جولىندا، ءبىز، ءسوز جوق، جاڭا داۋىردەگى پارتيا قۇرىلىسىنىڭ باس تالابى بويىنشا، ساياسي قۇرىلىستى ءبىر تۇتاس باسشىلىققا الىپ، پارتيا قۇرىلىسىنىڭ جاڭا، ۇلى ينجەنەرياسىن ۇزدىكسىز ىلگەرىلەتىپ، بۇكىل پارتيانىڭ ىنتىماعى مەن بىرلىگىن جانە جاسامپازدىق ومىرشەڭدىگىن ۇزدىكسىز كۇشەيتىپ، بۇكىل پارتيانىڭ بيلىك جۇرگىزۋ قابىلەتىن ۇزدىكسىز كۇشەيتىپ، پارتيانى اناعۇرلىم بەكەم، اناعۇرلىم پارمەندى ەتىپ قۇرىپ شىعۋىمىز كەرەك. ءبىز ءداۋىردىڭ دامۋ تالابىمەن ءوزىمىزدى باعامداۋعا تاباندى بولىپ، كۇشتى تاۋقىمەت تانىمىمەن ءوزىمىزدى وياتىپ، رەفورما جاساۋ، جاڭالىق اشۋ رۋحىمەن ءوزىمىزدى كۇشەيتىپ جانە كەمەلدەندىرىپ، حاۋىپ - قاتەر مەن سىن - سايىستارعا توتەپ بەرۋ بارىسىندا شىنىعىپ، ءوسىپ، پارتيانىڭ ىشىندە ورىن تەپكەن كورنەكتى قايشىلىقتار مەن ماسەلەلەردى شەشۋ بارىسىندا تازارىپ، كىرشىكسىزدەنىپ، پارتيانى باسقارۋ، پارتيانى جونگە سالۋ دەڭگەيىن ۇزدىكسىز جوعارىلاتۋىمىز كەرەك. ءبىز ءمورالدى دا قابىلەتتى بولۋعا، ءمورالدى الدىڭعى ورىنعا قويۋعا، تەك قابىلەتتىلەردى عانا مىندەتكە قويۋعا تاباندى بولىپ، ادال، كىرشىكسىز، جاۋاپكەرلىك ارقالايتىن جوعارى ساپالى كادرلار قوسىنىن جانە اسا زور دارىندىلار قوسىنىن قۇلشىنا جەتىلدىرۋىمىز كەرەك. ءبىز شىرىكتەسۋگە قارسى كۇرەس ماڭگى جالعاسادى دەيتىن بەرىكتىكپەن جانە تاباندىلىقپەن، ۇستىنەن وڭاۋ مەن تۇبىرىنەن وڭاۋدى قاتار ۇستاۋدى تەرەڭدەتىپ، شىرىكتەسكەن ەلەمەنتتەردى تۇبەگەيلى باتىل الاستاپ، كادرلاردىڭ تۋراشىل، ۇكىمەتتىڭ پاك، ساياسيدىڭ كىرشىكسىز بولۋىنا كەپىلدىك ەتىپ، رەفورما جاساۋدى، ەسىك اشۋدى ۇزدىكسىز ىلگەرىلەتۋ ءۇشىن تۇنىق، تازا ساياسي ەكولوگيا قالىپتاستىرۋىمىز كەرەك.
توعىزىنشى، ءسوز جوق، ديالەكتيكالىق ماتەرياليستىك جانە تاريحي ماتەرياليستىك دۇنيەگە كوزقاراس پەن ادىستەمەگە تاباندى بولىپ، رەفورمانىڭ، دامۋدىڭ، ورنىقتىلىقتىڭ قاتىناسىن دۇرىس ءبىر جاقتى ەتۋ كەرەك. رەفورما جاساۋدىڭ، ەسىك اشۋدىڭ 40 جىلدىق امالياتى بىزگە مىناداي وي سالدى: ەلىمىز ءىرى ەل، ءتۇبىرلى سيپات الاتىن ماسەلەدە وماقاساتىن قاتەلىك جىبەرۋگە استە بولمايدى. ءبىز، ءسوز جوق، پارتيانىڭ باسشىلىعىن كۇشەيتۋ مەن حالىقتىڭ ءتول جاسامپازدىق رۋحىنا قۇرمەت ەتۋدى بىرلەستىرۋگە تاباندى بولىپ، «ىزدەنە ءجۇرىپ جول تابۋ» مەن جوعارى دەڭگەيدە جوبالاۋدى بىرلەستىرۋگە تاباندى بولىپ، ماسەلەنى باعدار ەتۋ مەن نىسانانى باعدار ەتۋدىڭ بىرلىگىنە تاباندى بولىپ، سىناق تۇيىندەرىندە الدىمەن جۇرگىزۋ مەن جاپپاي ىلگەرىلەتۋدى بىرلەستىرۋگە تاباندى بولىپ ءارى جۇرەكتىلىكپەن سىناپ، جۇرەكتىلىكپەن ىزدەنىس جاساۋعا ىنتالاندىرىپ، ءارى شىندىقتى ءىس جۇزىنەن ىزدەۋگە، ءىس ىستەۋگە، ناتيجە شىعارۋعا شەبەر بولۋعا تاباندى بولىپ، رەفورما جاساۋدىڭ، ەسىك اشۋدىڭ نىق قاداممەن ۇزاققا جالعاسۋىنا كەپىلدىك ەتتىك.
العا باسۋ جولىندا، ءبىز، ءسوز جوق، ستراتەگيالىق ويلاۋدى، ديالەكتيكالىق ويلاۋدى، جاڭاشا ويلاۋدى، زاڭدىق ويلاۋدى، تومەنگى شەكتىك ويلاۋدى كۇشەيتىپ، ماكرولىق وي جۇگىرتۋ مەن جوعارى دەڭگەيدە جوبالاۋدى كۇشەيتىپ، ماسەلەنى باعدار ەتۋدەن جازباي، نازاردى ەلىمىزدىڭ دامۋىندا ءدوپ كەلگەن كورنەكتى قايشىلىقتار مەن ماسەلەلەرگە شوعىرلاندىرىپ، ىشكەرىلەي تەكسەرۋ - زەرتتەۋ جۇرگىزىپ، نەگىزگى ساتىنى جۇرەكتىلىكپەن ىزدەنىس جاساۋعا ىنتالاندىرىپ، رەفورما شەشىمدەرى مەن زاڭ شىعارۋ شەشىمدەرىن ءوزارا ۇشتاستىرۋعا تاباندى بولىپ، رەفورما شەشىمدەرىنىڭ عىلميلىعىن ۇزدىكسىز جوعارىلاتۋىمىز كەرەك. ءبىز ۇستاسا تەمىرگە ءىز، تاسقا تاڭبا قالدىراتىن قايسارلىق كورسەتىپ، شەگە قاعۋ رۋحىمەن تياناقتاندىرۋدى ويداعىداي يگەرىپ، ءتۇرلى ماڭىزدى رەفورما شارالارىنىڭ ناقتى تياناقتانۋىنا كەپىلدىك ەتۋىمىز كەرەك. ءبىز ءارى ەلدەن بۇرىن ىسكە كىرىسىپ، جۇرەكتىلىكپەن اتويلاپ، جۇرەكتىلىكپەن سىناپ كورۋىمىز، ءارى بەلسەندى، ورنىقتى بولىپ، ءجىتى، ورنىقتى قادام الىپ، رەفورمانى، دامۋدى، ورنىقتىلىقتى بىرلىككە كەلتىرىپ، بەتالىستى وزگەرتپەۋگە، جولدان اۋىتقىماۋعا، سەرپىندى ازايتپاۋعا تاباندى بولىپ، جاڭا داۋىردەگى رەفورما جاساۋدىڭ، ەسىك اشۋدىڭ اناعۇرلىم ورنىقتى ءجۇرىلۋىن، اناعۇرلىم ۇزاققا جەتۋىن ىلگەرىلەتۋىمىز كەرەك.
جولداستار، دوستار!
مەملەكەتتى بايىتۋ مەن ارميانى قۇدىرەتتەندىرۋدىڭ بىرلىگىنە تاباندى بولۋ، ەلىمىزدىڭ حالىقارالىق ورنىنا ساي كەلەتىن، مەملەكەت حاۋىپسىزدىگىمەن جانە دامۋ مۇددەسىمەن ۇيلەسەتىن بەرىك مەملەكەت قورعانىسىن جانە قۇدىرەتتى ارميا قۇرۋ − ەلىمىزدىڭ سوتسياليستىك وسىزامانداندىرۋ قۇرىلىسىنىڭ ستراتەگيالىق مىندەتى. ءبىز جاڭا داۋىردەگى پارتيانىڭ ارميانى قۇدىرەتتەندىرۋ يدەياسىن جاپپاي دايەكتىلەندىرىپ، پارتيانىڭ ارمياعا ابسوليۋتتى باسشىلىعىنا تاباندى بولىپ، دۇنيە جۇزىندەگى جاڭا اسكەري ىستەر توڭكەرىسىنىڭ دامۋ اۋقىمىن يگەرىپ، جۇڭگوشا ارميانى قۇدىرەتتەندىرۋ جولىمەن جۇرۋگە تاباندى بولىپ، مەملەكەت قورعانىسى مەن ارميا رەفورماسىن جاپپاي تەرەڭدەتىپ، ارميانى ساياسي جولمەن قۇرۋدى، رەفورما ارقىلى ارميانى قۇدىرەتتەندىرۋدى، عىلىم - تەحنيكا ارقىلى ارميانى كوركەيتۋدى، ارميانى زاڭ بويىنشا جونگە سالۋدى ىلگەرىلەتىپ، پارتيانىڭ قولباسشىلىعىنا قۇلاق اساتىن، جەڭىستى سوعىس جۇرگىزەتىن، ستيلى تاماشا حالىق ارمياسىن قۇرىپ، دۇنيە جۇزىندەگى ماڭداي الدى ارميا قۇرۋعا قۇلشىنىپ، مەملەكەتتىڭ يەلىك ۇقىعىن، حاۋىپسىزدىگىن، دامۋ مۇددەسىن قورعاۋعا، دۇنيە ءجۇزىنىڭ بەيبىتشىلىگى مەن ورنىقتىلىعىن قورعاۋعا، جۇڭحۋا ۇلتىنىڭ ۇلى گۇلدەنۋىن جۇزەگە اسىرۋعا بەرىك تىرەك ازىرلەۋىمىز كەرەك.
«ءبىر ەل، ەكى ءتۇزىم» ۇلى ويى قۇدىرەتتى ومىرشەڭدىككە يە. ءبىز «ءبىر ەل، ەكى ءتۇزىم»، «شياڭگاڭدى شياڭگاڭدىقتار باسقارۋ»، «اۋمىندى اۋمىندىقتار باسقارۋ»، وسكەلەڭ اۆتونوميا باعىتىن مۇلتىكسىز دايەكتىلەندىرىپ، قاتاڭ تۇردە نەگىزگى زاڭ مەن ءتۇبىرلى زاڭ بويىنشا ءىس جۇرگىزىپ، ءتۇبىرلى زاڭنىڭ اتقارىلۋىنا قاتىستى تۇزىمدەر مەن مەحانيزمدەردى كەمەلدەندىرىپ، شياڭگاڭنىڭ، اۋمىننىڭ ۇزاق ۋاقىت گۇلدەنۋىن، ورنىقتى بولۋىن ساقتاپ، شياڭگاڭنىڭ، اۋمىننىڭ مەملەكەت دامۋىنىڭ جالپى جاعدايىنا اناعۇرلىم ويداعىداي توعىسۋىن قولداپ جانە ىلگەرىلەتىپ، شياڭگاڭدىق، اۋمىندىق باۋىرلاستاردى ۇلتتى گۇلدەندىرۋدىڭ تاريحي جاۋاپكەرشىلىگىن وتان حالقىمەن تەڭ ارقالايتىن، وتاننىڭ گۇلدەنۋ مەن قۇدىرەتتەنۋ ۇلى داڭقىنان بىرگە يگىلىكتەنەتىن ەتۋىمىز كەرەك.
وتاننىڭ بۇكىلدەي بىرلىككە كەلۋىن ىسكە اسىرۋ − بۇكىل جۇڭحۋا ۇلاندارىنىڭ ورتاق ارمانى، جۇڭحۋا ۇلتىنىڭ ءتۇبىرلى مۇددەسى. ءبىز ءبىر جۇڭگو پرينسيبىنە جانە «92 - جىلعى ورتاق تانىمعا» تاباندى بولىپ، ەكى جاعالاۋ قاتىناسىنىڭ بەيبىت دامۋىنىڭ نەگىزىن بەكەمدەپ جانە دامىتىپ، ەكى جاعالاۋدىڭ ەكونوميكا، مادەنيەت اۋىس - ءتۇيىسى مەن سەلبەستىگىن تەرەڭدەتىپ، ەكى جاعالاۋداعى باۋىرلاستاردى باقىتقا كەنەلتۋىمىز كەرەك. بىزدە مەملەكەتتىڭ يەلىك ۇقىعى مەن تەرريتورياسىنىڭ بۇتىندىگىن قورعايتىن بەرىك ساياسي بەكىم جانە قۇدىرەتتى قۋات بار، وتاننىڭ كيەلى تەرريتورياسىنىڭ ءبىر سۇيەم جەرىن دە ءبولىپ اكەتۋگە جول بەرمەيمىز.
جولداستار، دوستار!
جۇڭگو حالقى ۇلى ارمان رۋحىنا يە، جۇڭحۋا ۇلتىندا كوكىرەك كەرنەگەن وزگەرىس جانە ەسىك اشۋ رۋحى بار. نەشە مىڭ جىلدىڭ الدىندا، جۇڭحۋا ۇلتىنىڭ اتا - باباسى «جوۋ كونە بەكتىك بولسا دا، ونىڭ مىندەتى جاڭالىققا كوشۋ» دەيتىن رۋح ۇستانىپ، جۇڭحۋا وركەنيەتىن قالىپتاستىرۋدىڭ ۇلى امالياتىن باستادى. ەجەلدەن بەرى جۇڭگونىڭ بايتاق دالاسىندا زاڭدى وزگەرتۋگە، وزگەرىس جاساۋعا، قۇدىرەتتەنۋگە ۇمتىلعان سانسىز قوزعالىس تۋىلىپ، «دۇنيەنى بيلەۋدىڭ جولى جالعىز ەمەس، مەملەكەتتى ىركىلىسسىز جولعا تۇسىرۋدە كونەگە ەلىكتەۋ شارت ەمەس» سياقتى اسقاق ۇندەۋلەر قالدىردى. ەجەلدەن بەرى جۇڭحۋا ۇلتى «الەم بارشاعا ورتاق»، «ءار ەل سايكەسىمدى، تاتۋ ءوتۋ كەرەك» دەيتىن دارقان قۇشاقپەن، وزىنە سەنىممەن جانە كەڭ پەيىلمەن سىرتتاعى ۇلتتارمەن بارىس - كەلىس جانە مادەنيەت اۋىس - ءتۇيىسىن ورىستەتىپ، كەرۋەننىڭ قوڭىراۋ ءۇنى 10 مىڭ شاقىرىم الىسقا جەتكەن جىبەك جولىنىڭ اسقاق جىرىن جازعان، سان ەلدىڭ دەگدارى چاڭاندا باس قوسقان تاڭ ءداۋىرىنىڭ گۇلدەنگەن كەلبەتىن جاراتقان. ءدال وسىنداي «الەم توقتاۋسىز اينالىستا بولادى، دەگدارلار دا تىنباي ءوزىن الۋەتتەندىرۋى كەرەك»، «بەينە دارقان دالا ىسپەتتى، دەگدارلار ىزگى ءمورال سومداپ، كەۋدەسىنە بۇكىل بولمىستى سيعىزۋى ءتيىس» دەيتىن وزگەرىس جانە ەسىك اشۋ رۋحى جۇڭحۋا وركەنيەتىن ادامزات تاريحىندا 5000 جىلدان استام جالعاسىپ، ۇزىلمەي بۇگىنگە جەتكەن بىردەن - ءبىر شۇعىلالى وركەنيەتكە اينالدىردى. نەشە مىڭ جىلدىق قاتپارلى تاريحتان قاراعاندا، وزگەرىس پەن ەسىك اشۋ جالپى جاقتان جۇڭگو تاريحىنىڭ تۇراقتى كۇيى بولىپ كەلدى. جۇڭحۋا ۇلتىنىڭ رەفورما جاسايتىن، ەسىك اشاتىن بەينەمەن ۇزدىكسىز بولاشاققا قادام تاستاۋىنىڭ تەرەڭ تاريحي تامىرى، قاتپارلى مادەنيەت نەگىزى بار.
ءبىزدىڭ وسىنداي الىپ مەملەكەتىمىزدە ۇلى مۇرات، اسقاق ارمان بولۋى ءتيىس. ماۋ زىدۇڭ جولداس: «بۇكىل مەملەكەت بويىنشا جەڭىستى تارتىپ الۋ، بۇل − 10 مىڭ ليلىك ۇزاق ساپاردىڭ ءبىرىنشى قادامىن عانا باسقاندىق. ەگەر وسى قادامنىڭ ءوزى − اق ماقتانىش ەتۋگە تاتيتىن بولسا، وندا بۇل ماردىمسىزداۋ بولار ەدى، ماقتانىش ەتۋگە تاتيتىنى ءالى الدىمىزدا. بىرنەشە 10 جىل وتكەننەن كەيىن جۇڭگونىڭ حالقتىق دەموكراتيالىق توڭكەرىسىنىڭ جەڭىسىنە كوز جىبەرەتىن بولساق، ول جۇرتقا بەينە ۇزاق ءبىر تەاتردىڭ قىسقا عانا ءبىرىنشى كورىنىسىندەي سەزىلەر ەدى. تەاتر ءبىرىنشى كورىنىستەن باستالۋعا ءتيىس، ءبىراق ءبىرىنشى كورىنىس ءالى شارىقتاۋ ەمەس». «ءبىز ەسكى دۇنيەنى قيراتا بىلۋمەن بىرگە جاڭا دۇنيەنى ورناتا دا بىلەمىز» دەگەن ەدى.
رەفورما جاساعان، ەسىك اشقان العاشقى كەزدە، مەملەكەتىمىز ۇلكەن، حالقىمىز كوپ، نەگىزىمىز ءالسىز بولعانىمەن، قات - قابات قيىندىقتار مەن سىن - سايىسقا ءدوپ كەلگەنىمىزبەن، ءبىراق ءبىز بولاشاققا تولىق سەنىم ارتىپ، سوتسياليستىك وسىزامانداندىرۋدى 70 نەشە جىلدا، 3 قادامعا ءبولىپ نەگىزىنەن جۇزەگە اسىرۋ سىندى ۇلى جوبا جاسادىق، تەڭدەسسىز باتىلدىق، وزىمىزدە مىزعىماس سەنىم بولماسا، مۇنداي ۇلى وي جانە شەشىم جاساي الماعان بولار ەدىك.
40 جىلدان بەرى ءبىز العان بەتتەن قايتپاي، بوران - شاشىندى ەلەڭ قۇرلى كورمەي وسى ۇلى نىساناعا قاراي العا باسىپ كەلەمىز. پارتيا 19 - قۇرىلتايى ەلىمىزدىڭ دامۋى جونىندە اناعۇرلىم جوعارى كۇرەس نىساناسىن ورتاعا قويىپ، جاپپاي دوڭگەلەك داۋلەتتى قوعام ورناتۋدان وسىزامانداندىرۋدى نەگىزىنەن جۇزەگە اسىرۋعا، ودان سوتسياليستىك وسىزاماندانعان قۇدىرەتتى ەلدى جاپپاي قۇرىپ شىعۋعا دەيىنگى ستراتەگيالىق ورنالاستىرۋدى قالىپتاستىرىپ، جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىن جۇزەگە اسىرۋ جونىندە ەڭ كۇشتى ءۇن قاتتى.
بۇرىنعىلار: «ءىس اتاۋلى جوبالاۋدان، ويلاۋدان كەلەدى، قۇلشىنىستان تابىس تۋادى، اسقاقتاۋشىلىق، داڭعويلىق ساتسىزدىككە ۇشىراتادى» دەگەن. ۇلى ارمان كۇتۋمەن، سۇرەن سالۋمەن كەلمەيدى، قايتا كۇرەسپەن، ىسكەرلىكپەن كەلەدى. ءبىز قازىر اعىس اناعۇرلىم اساۋ تارتىپ، اناعۇرلىم قايقاڭعا كەلگەن مەزگىلدە تۇرمىز، قادام سايىن قيىندىق كەزدەسەتىن، قادام سايىن قاتەر جولىعاتىن، الايدا، ىلگەرى باسپاساق كەرى شەگىنەتىن، ىلگەرى باسپاساق بولمايتىن مەزگىلدە تۇرمىز. رەفورما جاساۋ، ەسىك اشۋ سان بەلەستەن، سانسىز وتكەلدەن ءوتتى، ءبىراق ءالى دە تاۋ اسىپ، تاس باسۋعا تۋرا كەلەدى، بۇكىل پارتيانىڭ، بۇكىل ەلدەگى ءار ۇلت حالقىنىڭ الدىندا اناعۇرلىم داڭقتى بورىش، اناعۇرلىم جاپالى مىندەت، اناعۇرلىم اۋىر سايىس، اناعۇرلىم ۇلى قىزمەت تۇر. مىڭداعان جەلكەن كوتەرىلىپ، سانسىز كەمە اعىنمەن ارىپتالاسقان وسى داۋىردە، ءبىزدىڭ تيتتەي دە اسقاقتاۋىمىزعا، توقمەيىلسۋىمىزگە، ءوز قادامىمىزدى ءوزىمىز تۇساپ توماعا تۇيىق قالۋىمىزعا استە بولمايدى، ەشقانداي ءارى - ءسارى بولۋىمىزعا، شيىرلاۋىمىزعا، اڭتارىلۋىمىزعا دا استە بولمايدى، ءسوز جوق، ۇلى كۇرەستى، ۇلى ينجەنەريانى، ۇلى ءىستى، ۇلى ارماندى ءبىر تۇتاس مەڭگەرىپ، باتىلدىقپەن ءداۋىر لەگىنىڭ الدىندا ءجۇرىپ، ەرلىكپەن كۇرەس جۇرگىزۋىمىز كەرەك.
نانىم، ۇستانىم، سەنىم قاشاندا ايرىقشا ماڭىزدى. كىشكەنەسى ءبىر ادامنان، ءبىر كوللەكتيۆتەن، ۇلكەنى ءبىر ساياسي پارتياعا، ءبىر ۇلتقا، ءبىر مەملەكەتكە دەيىن، نانىم، ۇستانىم، سەنىم بولسا، نەعۇرلىم ساتسىزدىككە ۇشىراعان سايىن، سوعۇرلىم جىگەرلەنىپ، نەعۇرلىم شايقاس جۇرگىزگەن سايىن، سوعۇرلىم باتىلدانا تۇسەدى، ايتپەسە، شايقاسپاي - اق وزدىگىنەن جەڭىلىپ، سوعىسپاي - اق وماقاسادى. بۇرىن دا، قازىر دە، بولاشاقتا دا، ماركسيزمگە دەگەن نانىم، جۇڭگوشا سوتسياليزمگە دەگەن ۇستانىم، جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىن جۇزەگە اسىرۋعا دەگەن سەنىم جۇڭگو حالقىن ەڭسە كوتەرۋگە، بايۋعا، قۇدىرەتتەنۋگە جەتەكتەيتىن جانە وعان تىرەك بولاتىن قۇدىرەتتى رۋحاني كۇش بولىپ تابىلادى.
جولداستار، دوستار!
40 جىلدىق اساۋ تولقىن جاعانى ۇرىپ، الىپ سامۇرىق 90 مىڭ شاقىرىمدىق زەڭگىر كوككە سامعادى. وزەن - داريانىڭ جالاما قۇزدى جارىپ، قىساڭنان جوڭكىلىپ شىعۋىنىڭ سەبەبى مىڭ شاقىرىمدىق جويقىن اعىنمەن كەلگەن، سان سالادان قۇيىلعان وراسان ۇلى كۇش توپتاعاندىعىندا. تاياۋ زاماننان بەرگى ۇزاق تاريحي ۇدەرىستە، جۇڭگو حالقى وتە كوپ تاۋقىمەتتى باستان وتكەرىپ، وتە كوپ قۇرباندىق بەرىپ، وتە كوپ كۇرەس جۇرگىزدى. قازىر جۇڭگو حالقى مەن جۇڭحۋا ۇلتىنىڭ تاريحي ۇدەرىستە جيناقتاعان قۇدىرەتتى وڭ ەنەرگياسى تولىعىمەن تاسقىنداپ، جۇڭحۋا ۇلتىنىڭ ۇلى گۇلدەنۋىنە بوگەۋ بەرمەس تەلەگەي تەڭىز كۇش ازىرلەدى.
سوتسياليستىك وسىزاماندانعان قۇدىرەتتى ەل قۇرىپ شىعۋ، جۇڭحۋا ۇلتىنىڭ ۇلى گۇلدەنۋىن جۇزەگە اسىرۋ − كۇش جالعاپ جۇگىرەتىن جارىس، ءبىز، ءسوز جوق، تاياقشانى ءبىرىمىزدىڭ قولىمىزدان ءبىرىمىز الىپ جۇگىرۋىمىز، ءار بۋىن كەلەسى بۋىن ءۇشىن تاماشا ناتيجەمەن جۇگىرۋى كەرەك.
بۇكىل پارتيا، بۇكىل ەلدەگى ءار ۇلت حالقى پارتيا ورتالىق كوميتەتىنىڭ توڭىرەگىنە اناعۇرلىم تىعىز ىنتىماقتاسىپ، جۇڭگوشا سوتسياليزم ۇلى تۋىن بيىك ۇستاپ، اۋەلگى ماقساتتى ۇمىتپاي، بورىشتى ەستە بەرىك ساقتاپ، رەفورما جاساۋدى، ەسىك اشۋدى سوڭىنا دەيىن جۇرگىزىپ، حالىقتىڭ تاماشا تۇرمىسقا تالپىنىسىن ۇزدىكسىز ىسكە اسىرىپ، جاڭا داۋىردە جۇڭحۋا ۇلتىنىڭ جاڭا، اناعۇرلىم زور كەرەمەتتەرىن جاراتۋ كەرەك! دۇنيە ءجۇزىن تاڭداي قاقتىراتىن جاڭا، اناعۇرلىم زور كەرەمەتتەر جاراتۋ كەرەك!
(شينحۋا اگەنتتىگىنىڭ 12 - ايدىڭ 18 - كۇنى بەيجيڭنەن بەرگەن حابارى)
