تيانشان تورابى   ›   زاڭ تارازى   ›   زاڭنان كەڭەس

اۆتونوميالى رايونىمىز كەدەيلەردى سۇيەمەلدەۋ سالاسىنداعى فورماشىلدىققا، تورەشىلدىككە ساياتىن 7 تيىپتىك دەلونى حابارلاندىردى

  تاياۋدا، اۆتونوميالى رايوندىق ءتارتىپ تەكسەرۋ كوميتەتى، باقىلاۋ - تەكسەرۋ كوميتەتى كەدەيلەردى سۇيەمەلدەۋ سالاسىنداعى فورماشىلدىققا، تورەشىلدىككە ساياتىن تيپتىك دەلولاردى اشىق جاريالادى. بۇل 7 تيپتىك دەلو مىنالار:

  قىزىلسۋ قىرعىز اۆتونوميالى وبلىستىق ۇلت، ءدىن ىستەرى كوميتەتى پارتيا باسشىلىق گرۋپپاسىنىڭ بۇرىنعى ورىنباسار شۋجيى، بۇرىنعى مەڭگەرۋشىسى ابىلاجان الىمنىڭ كەدەيلەردى سۇيەمەلدەۋ قىزمەتى بارىسىندا بەلگىلەنگەن تارتىپكە قايشىلىق جاساپ بەتالدى شەشىم جاساۋ، بەتالدى ىستەۋ ماسەلەسى. 2012 - جىلى 7 - ايدان 2015 - جىلى 4 - ايعا دەيىن، ابىلاجان الىم اقتاۋ اۋداندىق پارتكومنىڭ تۇراقتى مۇشەسى، بىرلىكساپ ءبولىمىنىڭ باستىعى مىندەتىن وتەگەن جانە ۇجمە اۋىلىن كوتەرمەگە الۋعا جاۋاپتى بولعان كەزدە ءىس جۇزىندىك جاعدايمەن ساناسپاي، كوزسىزدىكپەن ونىمدىلىككە بەرىلىپ، وسى اۋىلدىڭ قالىپتى مەردىگەر شاقىرۋ، مەردىگەرلىككە الۋءتارتىبىن اتقارماعاندىعىن، كەپىل بولۋشى جانە توقتام بۇزۋ تولەمى، كەپىلگە قويىلعان مال - مۇلىك تياناقتانباعاندىعىن بىلە تۇرا بەلگىلەمەگە قايشىلىق جاساپ، اۋىلدىق ۇكىمەتتى اۋىل شارۋاشىلىعىن اشۋ بەلگىلى شەكتى سەرىكتەستىگىمەن مالشىلارمەن بىرلەسۋ باعىمشىلىق نىسانى كەلىسىمىنە قول قويىسۋعا ورنالاستىرىپ، كەدەيلەردى سۇيەمەلدەۋ سوماسىن وسى سەرىكتەستىككە تولەپ، كەدەيلەردى سۇيەمەلدەۋ سوماسى مەن نىسانىنىڭ پايداسىن قايتارىپ بەرۋگە جانە تولەۋگە شاراسىز قالدىرىپ، كەدەي بۇقارانىڭ مۇددەسىنە اۋىر زيان جەتكىزگەن. ابىلاجان الىم جوعارىداعى ماسەلە جونىندە باستى باسشىلىق جاۋاپكەرشىلىگىن جانە تىكە جاۋاپكەرشىلىك ارقالايدى. مۇنان تىس، ابىلاجان الىمدا باسقا دا تارتىپكە قايشىلىق جاساۋ ماسەلەلەرى ساقتالعان. 2018 - جىلى 10 - ايدا ابىلاجان الىمعا پارتيا ىشىندەگى مىندەتىنەن قالدىرۋ، اكىمشىلىك مىندەتىنەن الىپ تاستاۋ جازاسى بەرىلدى، باسقارما دارەجەلى باسشى مىندەتىن ورىنباسار باسقارما دارەجەلى باسشى ەمەس مىندەتكە تومەندەتتى.

  يوپۇرعا اۋداندىق مال شارۋاشىلىق - مال شيپاگەرلىك مەكەمەسى پارتيا باسشىلىق گرۋپپاسىنىڭ بۇرىنعى شۋجيى، بۇرىنعى ورىنباسار مەكەمە باستىعى گاۋ سىننىڭ، مال شارۋاشىلىق - مال شيپاگەرلىك مەكەمەسىنىڭ بۇرىنعى ورىنباسار باستىعى، حايۋاناتتار ىندەتىن قاداعالاۋ بولىمشەسىنىڭ بۇرىنعى باستىعى ابدۇعيني ناماننىڭ كەدەيلەردى سۇيەمەلدەۋ نىسانىن تياناقتاندىرۋدا دارمەنسىزدىك ىستەۋ، ءىس تىندىرماۋ، سىلبىرلىق ىستەۋ ماسەلەسى. 2016 - جىلى، 2018 - جىلى يوپۇرعا اۋداندىق مال شارۋاشىلىق - مال شيپاگەرلىك مەكەمەسى جوعارى دارەجەلى ورىننىڭ كەدەيلەردى سۇيەمەلدەۋ نىسانىن تياناقتاندىرۋ بارىسىندا نەگىزگى ساتىعا بارىپ تولىق تەكسەرىپ زەرتتەمەي، تولىق دالەلدەۋدەن وتكىزبەي، جۇيەلى شەشىم جاساماي، بەلگىلەگەن اتقارۋ جوباسى ءىس جۇزىندىك جاعدايمەن تىعىز سايكەسپەي، اتقارىلۋى، يكەمدىلىگى جەتەرسىز بولعاندىقتان، نىساندى جەرگىلىكتى ورىندا تياناقتاندىرۋ قيىنعا سوعىپ، 2016 - جىلعى ەگىستىكتەن جايلىمعا قايتارۋ نىسان قارجىسىنىڭ، جايلىم مال شارۋاشىلىعى كاسىبىنىڭ تيپىن جاڭالاۋدان ۇلگى كورسەتۋ قۇرىلىسى نىسان قارجىسىنىڭ بوگەلىپ قالۋىن كەلتىرىپ شىعارعان؛ 2018 - جىلى مال شارۋاشىلىعى باعىمشىلىعىنىڭ اسىل تۇقىمدى جەتىلدىرۋ جانە جالپىلاستىرۋ نىسانى كوپ رەت وزگەرىپ، اياق الىسى اقىرىنداپ، 2018 - جىلى 10 - ايدىڭ 5 - كۇنىنە دەيىن، نىساننىڭ ورىندالۋ اياق الىسى نەبارى %12.9عانا ورىندالىپ، كەدەي بۇقارانىڭ مۇددەسىنە اۋىر ىقپال جەتكىزگەن. جوعارىداعى ماسەلەلەر جونىندە گاۋ سىن باستى باسشىلىق جاۋاپكەرشىلىگىن، ابدۇعيني نامان تىكە جاۋاپكەرشىلىك ارقالايدى. 2018 - جىلى 10 - ايدا گاۋ سىنگە پارتيا ىشىندە قاتاڭ ەسكەرتۋ بەرۋ جازاسى؛ ابدۇعيني نامانعا پارتيا ىشىندەگى مىندەتىنەن قالدىرۋ، اكىمشىلىك مىندەتىنەن الىپ تاستاۋ جازاسى بەرىلدى، ورىنباسار ءبولىم دارەجەلى باسشىلىق مىندەتى قىزمەتكەر دارەجەسىنە تومەندەتىلدى.

  ىلە قازاق اۆتونوميالى وبلىستىق ەكونوميكا جانە ينفورماتسيالاندىرۋ كوميتەتى باقشا رايونىن باسقارۋ باسقارماسىنىڭ باستىعى ياڭ ۋىنشيۋدىڭ مىندەتىن اتقارۋدا سەلقوستىق ىستەۋ، مىندەتىن وتەمەۋ، جاۋاپكەرسىزدىك ىستەۋ ماسەلەسى. 2013 - جىلدان 2014 - جىلعا دەيىن قۇلجا قالاسى جاڭا جەر اۋىلى كەدەيلەردى سۇيەمەلدەۋ نىسانىن اتقارۋ بارىسىندا كەدەيلەردى سۇيەمەلدەۋ بويىنشا بىرىكتىرىلگەن قارجىنى، از ۇلتتاردى دامىتۋ قارجىسىن وسى قالاداعى 3 باعىمشىلىق كووپەراتيۆىنە قوسىپ، قارجى سالۋ، جارناگەر بولۋ ارقىلى تابىس ءبولىسۋ تاسىلىمەن كەدەيلەردى سۇيەمەلدەۋ قارجىسىنىڭ ءونىمىن مۇمكىندىگىنشە زورايتپاقشى بولادى. الايدا نىساندى اتقارۋ بارىسىندا، جاڭا جەر اۋىلى دەر كەزىندە قاداعالاپ - قۋزاماعاندىقتان، باقىلاۋ - باسقارۋى جەتەرسىز بولىپ، نەگىزگى اقشا مەن ءوسىمىن قايتارىپ الا الماي، كەدەي بۇقارانىڭ مۇددەسىن اۋىر زيانداعان. سول كەزدە جاڭا جەر اۋىلدىق پارتكومىنىڭ شۋجي مىندەتىن وتەگەن ياڭ ۋىنشيۋ كەدەيلەردى سۇيەمەلدەۋ نىسانىن تياناقتاندىرۋ بارىسىندا نەگىزگى ساتىعا بارىپ ىشكەرىلەي تەكسەرۋ - زەرتتەۋ جۇرگىزبەگەن، وسى اۋىلدىڭ ءىس جۇزىندىك جاعدايىمەن تىعىز سايكەسپەگەن، الدىڭعى مەرزىمدىك دالەلدەۋى جەتەرسىز بولعان، عىلمي شەشىم جاساماعان، باقىلاۋ - باسقارۋ مىندەتىن ويداعىداي اتقارماعان، جوعارىداعى ماسەلە جونىندە باستى باسشىلىق جاۋاپكەرشىلىگىن ارقالايدى. 2018 - جىلى 10 - ايدا ياڭ ۋىنشيۋگە پارتيا ىشىندە قاتاڭ ەسكەرتۋ بەرۋ جازاسى بەرىلدى.

  تاشقورعان تاجىك اۆتونوميالى اۋداندىق پارتكومنىڭ بۇرىنعى تۇراقتى مۇشەسى، ءتارتىپ تەكسەرۋ كوميتەتىنىڭ بۇرىنعى شۋجيى، باقىلاۋ - تەكسەرۋ كوميتەتىنىڭ بۇرىنعى مەڭگەرۋشىسى مامتيمىن تايىردىڭ، اۋداندىق پارتكومنىڭ تۇراقتى مۇشەسى، ۇيىمداستىرۋ ءبولىمىنىڭ باستىعى ماۋ جۋحۋدىڭ، تاعارما اۋىلدىق پارتكومنىڭ بۇرىنعى شۋجيى پۋ شياۋجۇننىڭ، بۇرىنعى اۋىل باستىعى سۇلايمانءشانبيدىڭ مىندەتىن اتقارۋدا سەلقوستىق ىستەۋ، ستيلدە تۇرلاۋسىزدىق ىستەۋ قاتارلى ماسەلەسى. 2018 - جىلى 9 - ايدا تاشقورعان تاجىك اۆتونوميالى اۋدانى تاعارما اۋىلىندا حالىق ىستەرى قىزمەتكەرىنىڭ وسى اۋىلدىڭ 4 اكىمشىلىك قىستاعىنىڭ 592 وتباسىنداعى 2167 ادامنىڭ ەڭ تومەنگى تۇرمىسىن قامتاماسىز ەتۋ قارجىسىن ۇستاپ قالۋ، باسقاعا پايدالانۋ دەلوسى تۋىلادى. وسى حالىق ىستەرى كادرى ۇكىمەت قىزمەتىنەن ايدالىپ، زاڭعا قايشى قىلمىس كۇمانى تاعىلعان ماسەلەسى ءادىليا ورگاندارىنىڭ زاڭ بويىنشا ءبىر جاقتى ەتۋىنە تاپسىرىلعان. سول كەزدە اۋداندىق ءتارتىپ تەكسەرۋ كوميتەتىنىڭ شۋجيى مىندەتىن وتەگەن مامتيمىن تايىر وسى اۋىلعا باقىلاۋ - تەكسەرۋ جۇرگىزۋ ءۇشىن كوپ رەت قىزمەت گرۋپپاسىن جىبەرگەنىمەن، باقىلاۋ - تەكسەرۋ بارىسىندا ات ۇستىلىك ىستەپ، قۇر ەڭبەك ەتىپ، بايقاۋعا ءتيىستى ماسەلەنى دەر كەزىندە بايقاماعان؛ كەدەيلەردى سۇيەمەلدەۋ سالاسىندا ارناۋلى جونگە سالۋ شارالارىن تياناقتاندىرۋدا قۇر قاڭقا ورناتىپ، ءىشىنارا اۋىل، قالاشىق ءتارتىپ تەكسەرۋ كوميتەتتەرى كەدەيلەردى سۇيەمەلدەۋ سالاسىنداعى ماسەلەلەردىڭ دەرەگىن مالىمدەمەگەن؛ تاعارما اۋىلىنداعى قىستاق كادرىنىڭ ەڭ تومەنگى تۇرمىسىن قامتاماسىز ەتۋ اقىسىنان بەلگىلەمەگە قايشى يگىلىكتەنۋى جونىندە جوعارى دارەجەلى ورىن اڭىس ەتكەن ماسەلەگە ءمان بەرمەگەن، ۇيىمدىق جاقتان جان - جاقتى تەكسەرىپ انىقتاماعان، مۇقيات رەتتەپ - تۇزەتپەگەن، كەرەناۋلىقپەن ەپتەپ - سەپتەگەن. ماۋ جۋحۋ اۋداندىق پارتكوم ۇيىمداستىرۋ ءبولىمىنىڭ باستىعى بولۋ سالاۋاتىمەن 2017 - جىلى 4 - ايدان قازىرگە دەيىن حالىق ىستەرى قىزمەتىنە جاۋاپتى بولعان كەزدە «ءبىر قىزمەت ورنىندا ەكى جاۋاپكەرشىلىك ارقالاۋدى» ويداعىداي اتقارماعان، ءماجىلىستى ءماجىلىس ارقىلى دايەكتىلەندىرىپ، حۇجاتتى حۇجات ارقىلى تياناقتاندىرعان، نەمقۇرايدىلىق ىستەپ، پوزيتسيا ءبىلدىرۋى، قۇر ايعايى كوپ بولعانىمەن دەلو تۋىلۋ الدىندا ءوزى جاۋاپتى بولعان حالىق ىستەرى جۇيەسىندە كەدەيلەردى سۇيەمەلدەۋ سالاسىنىڭ ءىرىپ - ءشىرۋ جانە ستيل ماسەلەسىن ارناۋلى جونگە سالۋعا قاتىستى قىزمەتتەردى ورنالاستىرماعان، ەڭ تومەنگى تۇرمىستى قامتاماسىز ەتۋ قارجىسىنىڭ تاراتىلۋ جاعدايىن سۇراستىرماعان، باقىلاپ - باسقارماعان. سول كەزدە تاعارما اۋىلدىق پارتكومنىڭ شۋجيى، اۋىل باستىعى مىندەتىن وتەگەن پۋ شياۋجۇن، سۇلايمان ءشانبي تۇلعالىق جاۋاپكەرشىلىگىن اتقارۋدا سەلقوستىق ىستەگەن، كادرلاردى تاربيەلەۋى، باقىلاۋ - باسقارۋى كەمشىل بولعان، اسىرەسە، بيىل 4 - ايدان بەرى جاۋاپتى ورىنباسارى اۋىل شارۋاشىلىعىنا تيىمدىلىك جاساۋ قارجىسىندا حاۋىپسىزدىككە ساياتىن قاتەر ساقتالعاندىعىن كوپ رەت مالىمدەگەن جاعدايدا دا قىراعىلىقتى كۇشەيتپەگەن، قىزمەت مىندەتى كولەمىندەگى ماسەلەلەر مەن قايشىلىقتاردان قاشقالاقتاپ، قىزمەتتە ءىس تىندىرماعان، سىلبىرلىق ىستەگەن. جوعارىداعى ماسەلە جونىندە مامتيمىن تايىردىڭ، ماۋ جۋحۋدىڭ ماڭىزدى باسشىلىق جاۋاپكەرشىلىگى بار؛ پۋ شياۋجۇننىڭ، سۇلايمان سەنبىنىڭ باستى باسشىلىق جاۋاپكەرشىلىگى بار. 2018 - جىلى 9 - ايدا مامتيمىن تايىرعا، ماۋ جۋحۋعا جەكە - جەكە پارتيا ىشىندە ەسكەرتۋ بەرۋ جازاسى بەرىلدى؛ پۋ شياۋجۇنگە، سۇلايمان شانبيگە جەكە - جەكە پارتيا ىشىندە قاتاڭ ەسكەرتۋ بەرۋ جازاسى بەرىلدى.

  شەريا اۋدانى مال شارۋاشىلىق - مال شيپاگەرلىك مەكەمەسى پارتيا باسشىلىق گرۋپپاسىنىڭ شۋجيى، ورىنباسار مەكەمە باستىعىءماتتۇرسىن توقسۇلايماننىڭ كەدەيلەردى سۇيەمەلدەۋ نىسان قاراجاتىن بوساتۋدى تۇزەتۋ قىزمەتىندە قۇنتسىزدىق، ەنجارلىق ىستەۋ، كەرەناۋلىقپەن ەپتەۋ - سەپتەۋ ماسەلەسى. 2018 - جىلى 7 - ايدا، شەريا اۋداندىق قازىنا مەكەمەسى وسى اۋداننىڭ كەدەيلەردى سۇيەمەلدەۋ نىسان قاراجاتىن بوساتۋدان ەسەپ وتكىزۋ جاعدايىن تەكسەرگەن كەزدە، اۋداندىق مال شارۋاشىلىق - مال شيپاگەرلىك مەكەمەسىنىڭ كەدەيلەردى سۇيەمەلدەۋ نىسان قاراجاتىنان ەسەپ وتكىزۋ مولشەرى نە ءبارى %3.6 قانا ەكەنىن بايقايدى، شەريا اۋداندىق ءتارتىپ تەكسەرۋ كوميتەتى وسى قىزمەتكە جاۋاپتى ءماتتۇرسىن توقسۇلايماندى شاقىرىپ اڭگىمەلەسەدى. اڭگىمەدەن كەيىن دە، ءماتتۇرسىن توقسۇلايمان بۇعان باسا نازار اۋدارمايدى، كاسىپكەرلىك ىنتاسى مەن جاۋاپكەرشىلىك سەزىمى مۇلدەم جەتىسپەيدى، قىزمەتتە قۇنتسىزدىق، سوزبۇيدالىق كورسەتەدى، پايدا الۋشى وتباسىلارىنىڭ ەسىمدىگى كوپ وزگەرىپ تۇراقتانبادى، ءبىر ءبولىم اۋىل - قالاشىقتار ەسەپتى دەر كەزىندە جولدامادى دەگەن جەلەۋمەن، جاۋاپكەرشىلىكتى جوعارى - تومەنگە يتەرمەلەپ، كەرەناۋلىقپەن ەپتەپ - سەپتەپ، تۇزەتپەيدى. 2018 - جىلى 8 - ايدا، شەريا اۋداندىق قازىنا مەكەمەسى تاعى دا باقىلاۋ - تەكسەرۋ جۇرگىزگەندە، ايتىلعان ماسەلە ءالى دە ورىن تەۋىپ، بۇكىل اۋداننىڭ مال شارۋاشىلىق - مال شيپاگەرلىك سالاسىنداعى كەدەيلەردى سۇيەمەلدەۋ نىسانى قىزمەتىنىڭ اياق الىسىنا ورەسكەل ىقپال ەتىپ، كەدەي بۇقارانىڭ مۇددەسىنە زيان سالادى. 2018 - جىلى 9 - ايدا، ءماتتۇرسىن توقسۇلايمانعا پارتيا ىشىندە ەسكەرتۋ بەرۋ جازاسى بەرىلدى.

  كەلپىن اۋدانى يۇىرچى اۋىلدىق پارتكومنىڭ ورىنباسار شۋجيى رەيىمجان ەركىننىڭ قىزمەت جاۋاپكەرشىلىگى كۇشتى بولماۋ، اعاتتىق جىبەرۋ، جاۋاپكەرسىزدىك ىستەۋ ماسەلەسى. 2015 - جىلى 1 - ايدان 2016 - جىلى 12 - ايعا دەيىن، رەيىمجان ەركىن وسى اۋىلدىڭ بەيقۇت ءۇي سالىپ، حالىقتى اۋقاتتاندىرۋ قىزمەتىنە جاۋاپتى بولعان مەزگىلدە، قۇنتسىزدىق، ەنجارلىق ىستەپ، كەرەناۋلىقپەن ەپتەپ - سەپتەپ، پارمەندى باقىلاپ - باسقارماي، قاتاڭ تەكسەرىپ - بەكىتپەي، سونىڭ سالدارىنان 32 وتباسىنداعى شارتقا ساي كەلمەيتىن ادامدار بەيقۇت ءۇي سالىپ، حالىقتى اۋقاتتاندىرۋ قوسىمشا قاراجاتىنان جالپى 976 مىڭ يۋاندى بەلگىلەمەگە قايشى تۇردە يگىلىكتەنەدى. 2018 - جىلى 10 - ايدا، رەيىمجان ەركىنگە پارتيا ىشىندە قاتاڭ ەسكەرتۋ بەرۋ جازاسى بەرىلدى، بەلگىلەمەگە قايشى يگىلىكتەنگەن قوسىمشا قاراجات تولىقتاي قايتارىپ الىندى.

  بۇراتالا قالاسى ارالتوعاي مال فەرماسى ۇلانبۇق قىستاعى پارتيا ياچەيكاسىنىڭ بۇرىنعى ءبىرىنشى شۋجيى احىمەتبەكتىڭ، پارتيا ياچەيكاسىنىڭ بۇرىنعى شۋجيى سەرىكقالي ءجۇنىستىڭ كەدەيلەردى سۇيەمەلدەۋ نىسانىن دالمە - ءدال اتقارماۋ، قاراجاتتى ءتيىمسىز پايدالانۋ، ىسىراپ ەتۋ ماسەلەسى. 2017 - جىلى 4 - ايدا، ۇلانبۇق قىستاعى جالپى 700 مىڭ يۋان قارجى سالىناتىن ەرەكشە ءسۇت ونىمدەرىن مانەرلەۋ نىسانىنا ءوتىنىش ەتەدى. نىسان بەكىتىلگەننەن كەيىن، 2017 - جىلى 10 - ايدا، وسى قىستاق 485 مىڭ يۋانعا شيكىزات جانە مانەرلەۋ جابدىقتارىن ساتىپ الىپ، ءسۇت ونىمدەرىن وندىرە باستايدى. ءبىراق، نىساننىڭ الدىڭعى مەرزىمدىك نەگىزدەۋى عىلمي، ماقساتى انىق بولماعاندىقتان، ونىمدەرى ساتىلماي، ءوندىرىس باستالا سالا توقتايدى، جابدىقتار قازىرگە دەيىن قاڭتارىلىپ، نىساننىڭ «قان جاساۋ» فۋنكتسياسى ساۋلەلەندىرىلمەي، كەدەي بۇقارانىڭ مۇددەسىنە زيان سالادى. وسى ماسەلەدە احىمەتبەك باستى باسشىلىق جاۋاپكەرشىلىك ارقالايدى، سەرىكقالي ءجۇنىس تىكەلەي باسشىلىق جاۋاپكەرشىلىك ارقالايدى. 2018 - جىلى 11 - ايدا احىمەتبەككە پارتيا ىشىندە ەسكەرتۋ بەرۋ جازاسى بەرىلدى، سەرىكقالي جۇنىسكە پارتيا ىشىندە قاتاڭ ەسكەرتۋ بەرۋ جازاسى بەرىلدى.

  اشكەرەلەنگەن 7 تيپتىك دەلونىڭ جايىنان قاراعاندا، مىندەت وتەۋى پارمەنسىز، باقىلاۋ - باسقارۋ جاۋاپكەرشىلىگى كەمشىل بولۋ، قىزمەتتە مىندەتىن وتەمەۋ، جاۋاپكەرسىزدىك ىستەۋ، ستيلى تۇرلاۋسىز بولۋ، دەن قويماۋ، جاۋاپكەرشىلىكتەن جالتارۋ، دايەكتىلەندىرۋ، تياناقتاندىرۋ پارمەندى بولماۋ ماسەلەلەرى دە بار، وسى فورماشىلدىق، تورەشىلدىك ماسەلەلەرىنىڭ سيپاتى جيرەنىشتى، بۇقارانىڭ اڭىسى كۇشتى، بۇقارانىڭ تابىس سەزىمىنە ورەسكەل نۇقسان جەتكىزگەن، ءسوز جوق، قاتاڭ تەكسەرىپ - تەكتەۋ قاجەت، قالىڭ پارتيالى كادرلار، ءسوز جوق، بۇدان ساق بولىپ، ساباق الۋى ءتيىس.

  بۇكىل اۆتونوميالى رايونداعى ءار دارەجەلى پارتيا ۇيىمدارى ساياسي دەڭگەي مەن ساياسي سانانى اناعۇرلىم جوعارىلاتىپ، يدەيا مەن ارەكەتتى شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ ستيل قۇرىلىسى جونىندەگى تالاپتارىمەن بىرلىككە كەلتىرىپ، بورىشتىلىق سەزىمدى، جاۋاپكەرشىلىك سەزىمدى ۇزدىكسىز نىعايتىپ، فورماشىلدىقتى، تورەشىلدىكتى شوعىرلى تۇردە رەتتەۋ، تۇزەتۋدى ماڭىزدى ساياسي مىندەت رەتىندە كەلەلى ورىنعا قويىپ، تاباندىلىقپەن ەڭبەك ەتىپ، شىن مانىندە مىقتاپ، ويداعىداي يگەرىپ، ناتيجە شىعارۋ كەرەك. كەدەيلىكتەن ارىلتۋدان قامال الۋ تۇلعالىق جاۋاپكەرشىلىگىن جاپپاي اتقارىپ، ورىن تەپكەن كورنەكتى فورماشىلدىق، تورەشىلدىك ماسەلەلەرى مەن ناقتى بەينەسى جونىندە، ادام مەن ءىس كورسەتىلگەن ماسەلە تىزىمدىگىن، شارالارى، ولشەمى، ۋاقىت شەگى بار تۇزەتۋ تىزىمدىگىن جاساۋ، العا قويۋ قاجەت.

  ءار دارەجەلى ءتارتىپ تەكسەرۋ، باقىلاۋ - تەكسەرۋ ورگاندارى باقىلاۋدى ءبىرىنشى مىندەت ەتىپ، باقىلاۋ جاۋاپكەرشىلىگىن مۇقيات اتقارىپ، شارلاۋ، ارالاپ تەكسەرۋ، بۇقارالىق قىزمەت ارقىلى باقىلاۋ - قۋزاۋ جۇرگىزىپ، قايشىلىق كوپ، ماسەلە كورنەكتى جەرلەرگە نازاردى شوعىرلاندىرىپ، فۋنكتسيالىق تاراۋلار مەن تەرەزەلىك ورىندارعا نازاردى شوعىرلاندىرىپ، بۇقارامەن تىعىز بايلانىستى، ۇقىق شوعىرلانعان نەگىزگى ساتىداعى جۇمىس ورىندارى مەن قىزمەتكەرلەرگە نازاردى شوعىرلاندىرىپ، كەدەيلىكتەن ارىلتۋدان قامال الۋ ساياساتىن اتقارۋدا قويان - بۇلتاققا سالۋ، جالتارۋ، ءوز قالاۋىنا قاراي ىستەۋ، قۇبىلتۋ، قۇر قالقاعا اينالدىرۋ؛ جاۋاپكەرشىلىك ارقالاماۋ، ءىس تىندىرماۋ، بەتالدى ىستەۋ، جوعارى تومەنگە سىلتەۋ، قۇنتسىزدىق، ەنجارلىق ىستەۋ؛ بۇقارانىڭ مۇددەسى مەن مۇڭ - مۇقتاجىنا نەمقۇرايدى قاراۋ، جالتارۋ، كەرەناۋلىقپەن ەپتەپ - سەپتەۋ سياقتى كەدەيلەردى سۇيەمەلدەۋ سالاسىنداعى كورنەكتى فورماشىلدىق، تورەشىلدىك ماسەلەلەرىن مۇقيات تابۋ كەرەك. باقىلاۋ، اشكەرەلەۋ ارناسىن ونان ارى كەڭەيتىپ، قالىڭ كادر - جۇرتشىلىقتىڭ، اقپارات قۇرالدارىنىڭ، قوعامدىق پىكىردىڭ باقىلاۋ رولىن تولىق ساۋلەلەندىرىپ، ەلەۋلى وقيعالار مەن شىرعالاڭداردىڭ استارىندا ورىن تەپكەن فورماشىلدىق، تورەشىلدىك ماسەلەلەرىن تەرەڭ قازبالاۋ؛ شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ كەدەيلىكتەن ارىلتۋدان قامال الۋ شەشىم - ورنالاستىرۋلارىنىڭ دايەكتىلەندىرىلۋى مەن تياناقتاندىرىلۋىنا اۋىر ىقپال جاساعان جانە بۇقارانىڭ اڭىسى كۇشتى بولعان كەدەيلەردى سۇيەمەلدەۋ سالاسىنداعى فورماشىلدىق، تورەشىلدىك ماسەلەلەرىن ءتارتىپ اتقارۋدىڭ، جاۋاپقا تارتۋدىڭ ماڭىزدى ءتۇيىنى ەتىپ، قاتاڭ تەكسەرىپ، قاتاڭ جازالاۋ؛ كەدەيلەردى سۇيەمەلدەۋ سالاسىنداعى باسشى كادرلاردىڭ تارتىپكە، زاڭعا اۋىر قايشىلىق جاساۋ دەلولارىن تەكسەرىپ، ءبىر جاقتى ەتكەندە، ءارى ءىرىپ - ءشىرۋ ماسەلەلەرىن تەكسەرىپ انىقتاۋ، ءارى ولاردىڭ فورماشىلدىق، تورەشىلدىك ماسەلەلەرىن دە تەكسەرۋ؛ ماسەلە دەرەكتەرىن باسقارۋ مەحانيزمىن كەمەلدەندىرىپ، سيفرمەن، ەسەپپەن تۇزەتكەندەردى، وتىرىك تۇزەتكەندەردى قاتاڭ ءبىر جاقتى ەتۋ كەرەك. كەدەيلەردى سۇيەمەلدەۋ سالاسىنداعى فورماشىلدىقتى، تورەشىلدىكتى جونگە سالۋ قىزمەتىندە پارمەنسىزدىك ىستەپ، «سيپاي قامشىلاۋ»، «جالعان جۇمىس جاساۋ»، «وتىرىك ءتاسىل قولدانۋ» سياقتى فورماشىلدىق، تورەشىلدىك ارقىلى فورماشىلدىقتى، تورەشىلدىكتى جونگە سالۋدى باتىل تۇزەتۋ، ناشار زارداپ تۋدىرعانداردى قاتاڭ جاۋاپقا تارتىپ، ولاردىڭ جاۋاپكەرشىلىگىن قۋزاستىرىپ، كەدەيلىكتەن ارىلتۋدان قامال الۋ شايقاسىندا جەڭىسكە جەتۋگە قاتاڭ ءتارتىپ پەن ستيل كەپىلدىگىن ازىرلەۋ كەرەك.

جاۋاپتى رەداكتور : سايراش تۇرارجان قىزى

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورابى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.

  • شينجياڭدا ءبيدايدىڭ بىرلىك ءونىمىنىڭ رەكوردى جاڭالاندى
  • ەرەكشە حالىقتىق تۇسەلحانالار شينجياڭ ساياحاتىنىڭ تاماشا تانىسقىسىنا اينالدى
  • دۋان - ۋ مەرەكەسىندەگى دەمالىس كەزىندە شينجياڭ 3 ميلليون 840 مىڭ ادامنان (رەت) استام ساياحاتشى قابىلدادى سايكەس مەزگىلدەگىدەن %43.25 ارتتى