تيانشان تورابى   ›   جاڭالىقتار   ›   كەدەيلىكتەن قۇتىلدىرۋدان قامال الۋ

ەرەكشە كاسىپتى دامىتىپ، كەدەيلىكتەن ارىلتۋدان قامال الۋدىڭ نەگىزىن بەكەمدەدى

رايونىمىز كەدەيلەردى كاسىپ ارقىلى سۇيەمەلدەپ كەدەيلىكتەن ارىلتۋ ساپاسىن جوعارىلاتتى

  ءتىلشىمىز ليۋ ي 12 - ايدىڭ 22 - كۇنى ۇرىمجىدەن حابارلايدى. اۆتونوميالى رايوندىق كەدەيلەردى سۇيەمەلدەۋ كەڭسەسىنەن ۇعىسۋعا قاراعاندا، بيىل جىل باسىنان بەرى رايونىمىز ەرەكشە ەگىنشىلىك، باعىمشىلىق كاسىپتەرى، اۋىل شارۋاشىلىق قوسىمشا ونىمدەرىن مانەرلەۋ كاسىبى سياقتى ءبىر توپ ەرەكشە كاسىپتى دامىتۋ ارقىلى وڭتۇستىك شينجياڭداعى اۋىر كەدەي وڭىرلەردى كەدەيلىكتەن ارىلتۋدان قامال الۋدىڭ نەگىزىن بەكەمدەپ، كەدەيلىكتەن ارىلتۋ ساپاسىن بەكەمدەپ جانە جوعارىلاتىپ، كەدەيلەردى كاسىپ ارقىلى سۇيەمەلدەۋدىڭ ونىمدىلىگىن كورنەكتىلەندىرگەن.

  «ءار كۇنى 500 نان پىسىرامىن، ءبىر ايدا 4000 يۋان تابامىن، تاماق پەن جاتاقتى جۇمىس ورنىم قامدايدى، ەگىس جۇمىسىنىڭ قاربالاس كەزدەرىندە رۇقسات سۇراپ اۋىلعا قايتىپ ەگىس جۇمىسىن ىستەيمىن، كۇندەرىم ءماندى ءوتىپ جاتىر، كىرىسىم دە نەشە ەسە مولايدى»، - دەدى كۇشار اۋدانى نان بازارىندا قىزمەت ىستەيتىن ناۋباي راحىمان مامەت قۋانىشپەن، كۇشار اۋدانىنداعى نان كاسىبىنىڭ ارقاسىندا، ول كەدەيلىكتەن ارىلىپ، بۇرىن ويىنا دا كەلمەگەن تىڭ تۇرمىسقا قولى جەتتى.

  شينجياڭنىڭ بەيزاتتىق مادەنيەت مۇراسى ەسەپتەلەتىن كۇشاردىڭ ۇلكەن نانى جەرگىلىكتى بۇقارانىڭ ءدامدى ازىعى عانا ەمەس، ونان دا ماڭىزدىسى، ول كۇشار اۋدانىنىڭ كەدەيلىكتەن ارىلتۋدان قامال الۋ شايقاسىنىڭ جەڭىسكە جەتۋىندەگى پارمەندى تۇتقاسى. كۇشار اۋداندىق پارتكومنىڭ تۇراقتى مۇشەسى سىدىق ءالي بىلاي دەپ تانىستىردى: جۋىقتاعى جىلداردان بەرى، كۇشار اۋدانى ۇلكەن نان كاسىبى قۇرىلىسى مەن ءونىم اشۋ تەبىنىن ۇزدىكسىز ارتتىرىپ، «كۇشار ۇلكەن نانى» ماركاسىن زەر سالا قالىپتاستىرىپ، ەگىنشى - مالشى بۇقارانىڭ، اسىرەسە، كەدەي بۇقارانىڭ كىرىسىن ارتتىرۋ ارناسىن كەڭەيتتى. قازىر كۇشار اۋدانىنداعى نان كاسىبىمەن شۇعىلداناتىندار 3000نان استى، مۇنىڭ شامامەن ۇشتەن ءبىرى كەدەي وتباسىلارى، تۇتاس اۋداندا 25 ناۋبايشىلىق سەلبەستىك كووپەراتيۆى قۇرىلدى، كۇنىنە 10 مىڭعا جۋىق نان سىرتقا ساتىلادى، ءبىر شەبەر ناۋبايدىڭ ايلىق ەڭبەكاقىسى 5000 يۋاننان 8000 يۋانعا دەيىن جەتەدى.

  كۇشار اۋدانىنىڭ نان كاسىبىن دامىتۋ ارقىلى كەدەيلىكتەن ارىلتۋدان قامال الۋعا دەم بەرۋ تاجىريبەسى تۇتاس شينجياڭداعى ءبىر عانا مىسال ەمەس. بيىل جىل باسىنان بەرى، رايونىمىز ەگىنشىلىككە قولايلى بولسا ەگىنشىلىكتى دامىتۋ، ورمان شارۋاشىلىعىنا قولايلى بولسا ورمان شارۋاشىلىعىن دامىتۋ، مال شارۋاشىلىعىنا قولايلى بولسا مال شارۋاشىلىعىن دامىتۋ، ونەركاسىپكە قولايلى بولسا ونەركاسىپتى دامىتۋ، ساۋداعا قولايلى بولسا ساۋدانى دامىتۋ پرينسيبىندە تاباندى بولىپ، كەدەيلەردى كاسىپ ارقىلى سۇيەمەلدەۋ ساياساتىن كەمەلدەندىرىپ، ەرەكشە كاسىپتى دامىتۋدى سۇيەنىش ەتىپ، كەدەي بۇقارانىڭ كەدەيلىكتەن ارىلۋ ارناسىن ۇزدىكسىز كەڭەيتتى. تۇتاس رايون كەدەيلەردى كاسىپ ارقىلى سۇيەمەلدەۋدىڭ ءوز اتىمەن تىركەۋگە الدىراتىن 29 ءتۇرلى نىسان تىزىمدىگىن رەتتەپ قالىپتاستىرىپ، 435 مىڭ 300 وتباسىنىڭ اۋلاسىن رەتكە سالىپ، 381 سەلبەستىك كووپەراتيۆىن قۇرىپ، 142 جاستاي توڭازىتىپ ساقتاۋ قامباسىن، 16 مىڭ مال قورا، 110 باعىمشىلىق شاعىن رايونىن سالىپ، 225 مىڭ 800 مۋ جەردەگى ەرەكشە جەمىس ورمانىنىڭ ساپاسىن جوعارىلاتىپ، ونىمدىلىگىن ارتتىرۋ جوسپارىن جاساپ، 175 سەرىك زاۆود قۇرىپ، 195 اۋىل، قىستاق ەكى دارەجەلى ەلەكتروندىق ساۋدادان قىزمەت وتەۋ پۋنكتىن قۇردى. كەدەيلەردى كاسىپ ارقىلى سۇيەمەلدەۋدىڭ ءبىر توپ نىسانى كەدەي وڭىرلەرگە ىرگە تەۋىپ، كەدەي بۇقارانىڭ جاقىن ماڭدا، ءوز جەرىندە جۇمىسقا ورنالاسۋىن، شارۋاشىلىق قۇرۋىن، كىرىسىن ۇزدىكسىز ارتتىرۋىن پارمەندى جەبەدى.

  «بيىل مەن قىستاقتا جاڭعاق مانەرلەۋ سەلبەستىك كووپەراتيۆىندە جۇمىس ىستەپ، ەڭ قاربالاس كەزدەرى ءبىر ايدا 7000 يۋانعا دەيىن اقشا تاپتىم»، - دەدى حوتان اۋدانى لايقا اۋىلى داكۇي قىستاعىنىڭ تۇرعىنى وجى ابدوللا وبۇلقاسىم قۋانىشپەن.

  بيىل تۇتاس رايون ەرەكشە كاسىپتى دامىتۋ ۇلگىسى جاعىندا جاڭاشا اۋىل شارۋاشىلىق تيجارات تۇلعالارى مەن كەدەي وتباسىلارىنىڭ قوسىلا ارەكەت ەتىپ دامۋىنداعى پايدا ۇشتاستىرۋ مەحانيزمىن ۇزدىكسىز كەمەلدەندىرىپ، «باستاماشى كاسىپورىندار + سەلبەستىك كووپەراتيۆتەرى + كەدەي وتباسىلارى» ۇلگىسىن بەلسەندىلىكپەن جولعا قويىپ، كەدەي وتباسىلارى مەن وسى زامانعى اۋىل شارۋاشىلىعىن دامىتۋدىڭ ورگانيكالى ۇشتاستىرۋىن جۇزەگە اسىرىپ، كەدەي بۇقارانى كاسىپ دامۋىنىڭ تابىستارىنان يگىلىكتەندىردى.

  كەدەيلەردى كاسىپ ارقىلى سۇيەمەلدەۋدىڭ ونىمدىلىگىن تولىق ساۋلەلەندىرۋ ءۇشىن، تۇتاس رايون شارۋالاردىڭ كەشكى مەكتەبى، اۋدان، اۋىلدارداعى ءتۇرلى تاربيەلەۋ قۇرىلىمدارى، كاسىپتىك مەكتەپتەر سياقتى باۋلۋ بايلىقتارىنان پايدالانىپ، باسقا سالاعا ويىستىرىپ جۇمىسقا ورنالاستىرۋدى، شەبەرلىككە باۋلۋدى ساتىعا، تۇرگە ءبولىپ ورىستەتىپ، باسقا سالاعا ويىسىپ جۇمىسقا ورنالاسۋ شارت - جاعدايىنا يە كەدەي وتباسىلارىنىڭ ەڭبەككۇشتەرىنەن باۋلۋعا تيىستىلەرىن مۇمكىندىگىنشە باۋلىپ، كەدەي بۇقارانىڭ كاسىپتى دامىتۋعا كىرىسۋىندەگى كەدەرگىلەردى الاستادى. بيىلدىڭ الدىڭعى 3 توقسانىندا، تۇتاس رايون اۋىر كەدەي اۋداندارداعى كەدەي وتباسىلارىنان 72 مىڭ 200 ەڭبەككۇشتى باسقا سالاعا ويىستىرىپ جۇمىسقا ورنالاستىرىپ، جىلدىق نىسانا مىندەتتى اسىرا ورىندادى، ءبىر توپ كەدەي بۇقارا ەرەكشە كاسىپكە ات سالىسىپ، باي - باقىتتى، ۇمىتكە تولى جاڭا تۇرمىس وتكىزدى.

جاۋاپتى رەداكتور : سايراش تۇرارجان قىزى

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورابى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.

  • وڭتۇستىك شينجياڭنىڭ كەڭ - بايتاق دالاسىندا جاڭا سالت ءورىس الدى
  • پارتيا تۋىن نەگىزگى ساتى شەبىندە بيىك جەلبىرەتتى
  • جوعارى ساپالى دامۋدا ”ساپتىق“ اناعۇرلىم جەتكىلىكتى بولدى
  • ۇلتتار ىنتىماعىنىڭ گۇلى بار الاپتا قۇلپىرا اشىلدى
بىزبەن بايلانىس جارناما قىزمەتى لەبىز قالدىرۋ ءبىز تۋرالى