تيانشان تورى
تيانشان تورى   ›   ۇيرەنۋ   ›   ماڭىزدى حۇجاتتار

جۇڭگو كوممۋنيستىك پارتياسى ورتالىق كوميتەتى كەڭسەسى، مەملەكەتتىك كەڭەس كەڭسەسى «2019 - جىلعى جاڭا جىل مەرەكەسى، كوكتەم مەرەكەسى كەزىندەگى قاتىستى قىزمەتتەردى ويداعىداي ىستەۋ جونىندەگى حابارلاندىرۋدى» باسىپ تاراتتى

  شينحۋا اگەنتتىگىنىڭ 12 - ايدىڭ 23 - كۇنى بەيجيڭنەن بەرگەن حابارى. جۋىردا جۇڭگو كوممۋنيستىك پارتياسى ورتالىق كوميتەتى كەڭسەسى، مەملەكەتتىك كەڭەس كەڭسەسى «2019 - جىلعى جاڭا جىل مەرەكەسى، كوكتەم مەرەكەسى كەزىندەگى قاتىستى قىزمەتتەردى ويداعىداي ىستەۋ جونىندەگى حابارلاندىرۋدى» باسىپ تاراتتى. حابارلاندىرۋدىڭ تولىق مازمۇنى تومەندەگىدەي:

  2019 - جىل − جاڭا جۇڭگو قۇرىلعاندىعىنىڭ 70 جىلدىعى، جاڭا جىل مەرەكەسى، كوكتەم مەرەكەسى كەزىندەگى ءتۇرلى قىزمەتتەردى ويداعىداي ىستەۋ وتە ماڭىزدى. وڭىرلەر، تاراۋلار شي جينپيڭنىڭ جاڭا ءداۋىر جۇڭگوشا سوتسياليزم يدەياسىن جەتەكشى ەتىپ، پارتيا 19 - قۇرىلتايى مەن جۇڭگو كوممۋنيستىك پارتياسى 19 - كەزەكتى ورتالىق كوميتەتى ەكىنشى، ءۇشىنشى جالپى ماجىلىستەرىنىڭ رۋحىن ىشكەرىلەي دايەكتىلەندىرىپ، تياناقتاندىرىپ، «ءتورت تانىمدى» بەرىك ورناتىپ، «ءتورت سەنىمدى» بەكەمدەپ، «ەكىنى قورعاۋدى» باتىل ورىنداپ، مەرەكە كەزىندەگى ءتۇرلى قىزمەتتەردى ءبىر تۇتاس جوسپارلاپ ويداعىداي ىستەپ، بۇكىل ەلدەگى ءار ۇلت حالقىنىڭ مەرەكەنى شات - شادىمان، بەرەكەلى، الاڭسىز وتكىزۋىنە كەپىلدىك ەتۋ كەرەك. پارتيا ورتالىق كوميتەتىنىڭ، مەملەكەتتىك كەڭەستىڭ ماقۇلداۋىمەن، قاتىستى ىستەردى تومەندەگىدەي حابارلاندىرامىز.

  ءبىرىنشى، قيىنشىلىعى بار بۇقارانىڭ وندىرىسىنە، تۇرمىسىنا كوڭىل ءبولۋ قىزمەتىن جاقسى ىستەۋ. ءار دارەجەلى پارتكومدار مەن ۇكىمەتتەر قالاداعى، اۋىلداعى قيىنشىلىعى بار بۇقارانىڭ وندىرىسىندەگى، تۇرمىسىنداعى ماسەلەلەردى ويداعىداي شەشۋدى جاپپاي دوڭگەلەك داۋلەتتى قوعام ورناتۋدا، ءسوزسىز، تولىقتاۋعا ءتيىستى ولقىلىق دەپ قاراپ، كەدەيلەردى سۇيەمەلدەۋ، حالىققا تيىمدىلىك جەتكىزۋ ساياساتتارىن تياناقتاندىرۋدى مۇقيات ويداعىداي يگەرىپ، قىس پەن كوكتەمدەگى حالىق تۇرمىسىن قامتاماسىزداندىرۋ قىزمەتتەرىن تىڭعىلىقتى ىستەۋ كەرەك. ءار دارەجەلى باسشى كادرلار كەدەي وڭىرلەرگە، اپاتقا ۇشىراعان وڭىرلەرگە جانە نەگىزگى ساتىنىڭ ءبىرىنشى شەبىنە ىشكەرىلەي بارىپ، بۇقارا ءۇشىن ناقتى ءىس تىندىرىپ، قيىنشىلىقتارىن شەشىپ، قيىنشىلىعى بار كاسىپورىنداردىڭ، اسىرەسە، حالىقتىق كاسىپورىندار مەن ورتا، شاعىن كاسىپورىنداردىڭ ءوندىرىس، تيجارات بارىسىنداعى قيىنشىلىقتارى مەن ماسەلەلەرىن شەشۋگە كومەكتەسۋ كەرەك. كاسىپورىن قىزمەتكەرلەرىنىڭ نەگىزگى زەينەتكەرلىك قامسىزداندىرۋى قورىن ورتالىقتان رەتتەۋ ءتۇزىمى جانە قالا، اۋىل تۇرعىندارىنىڭ زەينەتكەرلىك قامسىزداندىرۋى، قوعامدىق قامسىزداندىرۋ ارقىلى كەدەيلەردى سۇيەمەلدەۋ، ەڭ تومەنگى تۇرمىستى قامتاماسىز ەتۋ سياقتى ساياساتتاردى دايەكتىلەندىرىپ، اتقارىپ، زەينەتاقى، جۇمىسسىزدىقتى قامسىزداندىرۋ قاراجاتى، تومەنگى تۇرمىستى قامتاماسىز ەتۋ قاراجاتى، قالا، اۋىل تۇرعىندارىنىڭ زەينەتكەرلىك قامسىزداندىرۋى مامىلەسى جانە جەرى الىنعان شارۋالاردىڭ قوعامدىق قامتاماسىزداندىرۋ مامىلەسى سياقتىلاردىڭ دەر كەزىندە، تولىق تاراتىلۋىنا كەپىلدىك ەتۋ كەرەك. ەرەكشە قيىنشىلىعى بارلاردى قۇتقارۋ - كومەكتەسۋ، باعىپ - قاعۋ ءتۇزىمىن جاپپاي تياناقتاندىرىپ، تۇرمىسىن قامتاماسىز ەتۋدى جانە قارايلاسىپ قىزمەت كورسەتۋدى جاقسى ىستەۋ كەرەك. ۋاقىتتىق قۇتقارۋ - كومەكتەسۋ قىزمەتىن كۇشەيتىپ، قالا، اۋىلداعى بۇقارا جولىققان شۇعىل، تىعىز، ۋاقىتتىق نەگىزگى تۇرمىس قيىنشىلىقتارىن شەشۋ كەرەك. قيىنشىلىعى بار قارتتار، مۇگەدەكتەر، اۋىل - قىستاقتارداعى ۇيدە قالعان بالالار، قيىنشىلىقتا قالعان بالالار سياقتىلاردى قۇتقارۋ - كومەكتەسۋ، سۇيەمەلدەۋ جانە حاۋىپسىزدىگىن قورعاۋ تەبىنىن ارتتىرىپ، اۋىل - قىستاقتارداعى قاراۋسىز قالعان بالالاردىڭ، قيىنشىلىقتا قالعان بالالاردىڭ حاۋىپسىزدىك تومەنگى شەگىن ساقتاپ، سەرگەلدەڭدەردىڭ، تىلەمشىلەردىڭ زاڭدى ۇقىق - مۇددەسىن قامتاماسىز ەتۋ كەرەك. قىزمەت ورىندارىن ورنىقتىرۋعا قولداۋ كورسەتۋ تەبىنىن ارتتىرىپ، بىردە - ءبىر ادامى جۇمىسقا ورنالاسپاعان وتباسىلارى، جۇمىسقا ورنالاسۋدا قيىنشىلىعى بار ادامدار، ارتىق ءوندىرىس قۋاتىن ازايتۋ سەبەپتى ورنالاستىرىلعان قىزمەتكەرلەر، قيىنشىلىعى بار كاسىپورىنداردىڭ قىزمەتكەرلەرى سياقتى ادامداردى جۇمىسقا ورنالاستىرۋ ارقىلى كومەكتەسۋ - سۇيەمەلدەۋ جانە ولارعا قىزمەت وتەۋدى جاقسى ىستەۋ كەرەك. ساقتانۋدىڭ، قۇتقارۋ - كومەكتەسۋدىڭ، اپاتتان اراشالاۋدىڭ «ءبىر تۇلعالانعان» اينالىم مەحانيزمىن كەمەلدەندىرىپ، اپاتتان قۇتقارۋ قاراجاتى مەن بۇيىمدارىن دەر كەزىندە تاراتىپ، اپاتقا ۇشىراعان بۇقارانىڭ قىستان حاۋىپسىز، جىلى وتۋىنە كەپىلدىك ەتۋ كەرەك. شارۋا جۇمىسكەرلەردىڭ ەڭبەكاقىسىن بەرمەي كەشەۋىلدەتۋ ارەكەتىن جونگە سالۋ، شارۋا جۇمىسكەرلەردىڭ ەڭبەكاقىسىن تولەۋگە كەپىلدىك ەتۋ قىزمەتىن شارۋا جۇمىسكەرلەرگە دەگەن شىنايى سۇيىسپەنشىلىكپەن تىڭعىلىقتى ىستەپ، شارۋا جۇمىسكەرلەردىڭ ەڭبەكاقىسىن بەرمەي كەشەۋىلدەتۋ سىندى زاڭعا قايشى ارەكەتتى جازالاۋدى كۇشەيتىپ، شارۋا جۇمىسكەرلەردىڭ ەڭبەكاقىسىن ۋاعىندا، تولىق الۋىنا كەپىلدىك ەتۋ كەرەك.

  ەكىنشى، مەرەكەدەگى بازاردىڭ قامداۋىن جانە ورنىقتى اينالىمىن شىنايى قامتاماسىز ەتۋ. كومىر، ەلەكتر، جانار ماي، گاز، تاسىمالداۋ، قامداۋ - قاجەتسىنۋ جاعدايىن باقىلاۋ - ولشەۋدى جانە سايكەستىرۋ - قامتاماسىز ەتۋدى كۇشەيتىپ، حالىقتىڭ تۇرمىسقا پايدالاناتىن كومىر، ەلەكتر قاجەتىن قامتاماسىز ەتۋ كەرەك. قامداۋ ارناسىن كەڭەيتىپ، ءوندىرۋ مەن ساتۋدى ۇلاستىرۋدى كۇشەيتىپ، استىق، ماي، ەت، كوكونىس، قۇس ەتى، جۇمىرتقا، ءسۇت سياقتى تۇرمىستىق نەگىزگى قاجەتتى بۇيىمداردىڭ بازار قامداۋىن قامتاماسىز ەتۋ، اسىرەسە، ءتىرى شوشقانى جانە ونىڭ ونىمدەرىن تەكسەرۋدى، كارانتيندەۋدى كۇشەيتىپ، قامداۋعا كەپىلدىك ەتۋ، باعانى ورنىقتىرۋ قىزمەتىن جاقسى ىستەۋ كەرەك. ازىق - تۇلىكتى، ءدارى - دارمەكتى تۇتاس بارىس بويىنشا، تۇتاس تىزبەك بويىنشا باقىلاۋ - باسقارۋدى كۇشەيتىپ، زاڭعا قايشى ءتۇرلى ءوندىرۋ، تيجارات ەتۋ ارەكەتتەرىنە قاتاڭ سوققى بەرىپ، بۇقارانىڭ ازىق - تۇلىكتى، ءدارى - دارمەكتى الاڭسىز تۇتىنۋىنا، الاڭسىز پايدالانۋىنا كەپىلدىك ەتۋ كەرەك. مەرەكەدەگى بازار تيجاراتى قيمىلىن، مەرەكەدە ساتىلۋى كۇسەت ونىمدەردى جانە باعانى باقىلاۋ - باسقارۋدى كۇشەيتىپ، باعا وسەدى ەكەن دەيتىن حابار تاراتۋ، باعا الدامكوستىگى، زات باعاسىن جوعارىلاتۋ سياقتى زاڭعا قايشى ارەكەتتەردى زاڭ بويىنشا تەكسەرىپ، ءبىر جاقتى ەتىپ، تۇتىنۋشىلاردىڭ زاڭدى ۇقىق - مۇددەسىن قورعاۋ كەرەك.

  ءۇشىنشى، بۇقارانىڭ مەرەكەدەگى رۋحاني مادەنيەت تۇرمىسىن بايىتۋ. «ءبىزدىڭ جۇڭگو ارمانىمىز» − مادەنيەتتى سان مىڭداعان وتباسىلارىنا جەتكىزۋ قيمىلىن ورىستەتىپ، ءتۇرلى مادەنيەت، ادەبيەت - كوركەمونەر شاعىن اترەتتەرىن اۋىل - قىستاقتارعا، نەگىزگى ساتىعا، اسىرەسە، بايىرعى، از ۇلتتار ءجيى قونىستانعان، شەكارا، كەدەي وڭىرلەرگە باعىتتاپ مادەنيەت ارقىلى حالىققا تيىمدىلىك جەتكىزۋ قيمىلدارىن ورىستەتۋگە ۇيىمداستىرىپ، الەۋمەتتىك مادەنيەت قۇرىلىمدارىن تەگىن اشۋ تەبىنىن ارتتىرىپ، قالا، اۋىل تۇرعىندارىن اناعۇرلىم مول ساپالى مادەنيەت ونىمدەرىمەن جانە مادەنيەتتە قىزمەت وتەۋمەن قامداۋ كەرەك. حالىقتى وزەك ەتكەن شىعارماشىلىق باعدارىنان جازباي، تالعامپازدىقتى، دارالىقتى، جاۋاپكەرشىلىكتى دارىپتەپ، بادىكتىكتى، انايىلىقتى، تۇرپايىلىقتى شەكتەپ، جاڭا ءداۋىر امالياتىنا تامىر تارتقان، جاڭا ءداۋىر رۋحىن ايگىلەيتىن ءبىر توپ ادەبيەت - كوركەمونەر تاڭداۋلى نومىرلەرىن جاساپ جانە تاراتىپ، سوتسياليستىك وزەكتى قۇن كوزقاراسىن اسقاقتاتىپ، العا ۇمتىلاتىن، ىزگىلىككە تالپىناتىن وڭ ەنەرگيا جەتكىزۋ كەرەك. بۇقارالىق مادەنيەت قيمىلدارىن جانە جەرگىلىكتى ەرەكشەلىكتى، مەرەكەلىك سالت - ءداستۇردى ايگىلەتىن اۋىل اۋەنىندەگى مادەنيەت قيمىلدارىن كەڭ كولەمدە ورىستەتىپ، تاڭداۋلى حالىقتىق مادەنيەت، كوركەمونەرىن جانە بەيزاتتىق مادەنيەت مۇرالارى نىساندارىن بەلسەندىلىكپەن جالپىلاستىرىپ، تاڭداۋلى ءداستۇرلى مادەنيەتتى اناعۇرلىم اسقاقتاتۋ كەرەك. كەشەندى باقىلاۋ - باسقارۋ مەحانيزمىن ورناتىپ، كەمەلدەندىرىپ، زاڭ اتقارۋ تەبىنىن كۇشەيتىپ، مادەنيەت جانە ساياحات بازارىنىڭ اقاۋسىز، ءتارتىپتى بولۋىنا كەپىلدىك ەتۋ كەرەك.

  ءتورتىنشى، بۇقارانىڭ حاۋىپسىز، قولايلى، رازى - قوش ءجۇرىپ - تۇرۋىنا كەپىلدىك ەتۋ. كوكتەم مەرەكەسى كەزىندەگى تاسىمال قىزمەتىن سايكەستىرۋ مەحانيزمىن كەمەلدەندىرىپ، تاسىمال قۋاتىن سەپتەۋدى جانە ونىمەن قامداۋدى كۇشەيتىپ، تەمىر جولدى، تاس جولدى، سۋ جولىن، حالىقتىق اۆياتسيانى، قالا الەۋمەتتىك قاتىناسىن جالعاستىرۋدى، ۇلاستىرۋدى كۇشەيتىپ، بۇقارانىڭ ءجۇرىس - تۇرىس قاجەتىن قاناعاتتاندىرۋ كەرەك. بەلەت ساتۋعا قىزمەت وتەۋ شارالارىندا جاڭالىق اشىپ، سىرتقا شىعىپ جۇمىس ىستەيتىندەر، وقۋشىلار سياقتى ءتۇيىندى شوعىرلاردىڭ بەلەت ساتىپ الۋىن الدىمەن قامتاماسىز ەتىپ، بەلەتتى جەلىدە، جەلىدەن تىس جالداپتىقپەن ساتۋ سياقتى زاڭعا قايشى ارەكەتتەرگە دالمە - ءدال سوققى بەرۋ كەرەك. ەكىنشى ۇرپاق ازاماتتىق كۋالىكتى تىكە سۇيكەپ بەكەتكە كىرۋدە، بەكەتتەن شىعۋدا، بەلەت تەكسەرۋدە، كولىككە وتىرۋدا قولدانىلۋ كولەمىن كەڭەيتىپ، بەكەتتەردەگى، اۆتوبۋزداعى قىزمەت وتەۋ ساپاسىن جاپپاي جوعارىلاتىپ، ساياحاتشىلاردىڭ ءجۇرىس - تۇرىسى ءۇشىن ىقىلاستى، جانعا جايلى ورتا جاراتۋ كەرەك. ناشار اۋا رايى، جابدىق بۇزىلۋ، جولاۋشى سانى كۇرت مولايۋ، كەشەۋىلدەۋ، جاي قالۋ سياقتى شۇعىل جاعدايلارعا توتەپ بەرۋدىڭ كەمەلدى توسىن جاعدايلىق جوسپارىن جاساپ، شۇعىل جاعدايدى ءبىر جاقتى ەتۋ قابىلەتىن جوعارىلاتۋ كەرەك. قاتىناس حاۋىپسىزدىگىن باقىلاۋ - باسقارۋدى كۇشەيتىپ، «ەكى ءتۇرلى اۆتوبۋز، قاتەرلى زات تاسيتىن اۆتوموبيل» جانە اۋىر دارەجەدە ارتىق جۇك تيەگەن اۆتوموبيلدەر سياقتى ءتۇيىندى اۆتوكولىكتەردى بارىنشا قاداعالاپ، جولدا زاڭ اتقارۋدى جانە قاتىناستى ىركىلىسسىزدەندىرۋدى كۇشەيتىپ، اۋىر، ەرەكشە اۋىر قاتىناس ۋاقيعالارى مەن كولەمدى، الىس ارالىقتى جول - قاتىناس كەپتەلىسى تۋىلۋىنىڭ الدىن الۋ كەرەك. «ۇشاقتا سويقان شىعارۋ»، «اۆتوبۋزدا سويقان شىعارۋ»، «ورىندى زورەكەرلىكپەن يەمدەنىپ الۋ» سياقتى ارەكەتتەردى زاڭ بويىنشا قاتاڭ جازالاپ، تاماشا ءجۇرىس - تۇرىس ءتارتىبىن قورعاۋ كەرەك.

  بەسىنشى، ءوندىرىس حاۋىپسىزدىگى جاۋاپكەرشىلىگىن تياناقتاندىرۋدى مىقتاپ يگەرۋ. قاراستى ءوڭىر بويىنشا باسقارۋ جانە تاراۋلار باقىلاۋ - باسقارۋ جاۋاپكەرشىلىگىن قاتاڭ تياناقتاندىرىپ، كاسىپورىنداردىڭ سۋبيەكتتىك جاۋاپكەرشىلىگىن كۇشەيتىپ، كومىر كەندەر جانە كومىر ەمەس كەندەر، قاتەرلى حيميالىق زاتتار، جارقىلداق - تورسىلداق، قۇرىلىس جۇمىسى، سۋ، ەلەكتر، گاز، جىلۋ، قاتىناس - تاسىمال، ەرەكشە جابدىقتار سياقتى سالالارداعى كومەسكى قاتەرلەردى اداقتاپ تەكسەرۋدى، جونگە سالۋدى كۇشەيتىپ، ءتۇرلى ءوندىرىس حاۋىپسىزدىگى ۋاقيعالارىنىڭ تۋىلۋىنان ساقتانۋ كەرەك. مەكتەپ، شيپاحانا، ساۋدا بازارى، كينو - تەاترحانا جانە كولەمدى الەۋمەتتىك قۇرىلىس كەشەندى ورىندارى سياقتى الەۋمەتتىك قۇرىلعىلار مەن باسقا دا ادام شوعىرلى ورىنداردىڭ حاۋىپسىزدىگىن ساقتاۋ - مەڭگەرۋدى مىقتاپ يگەرىپ، اۋىر الەۋمەتتىك حاۋىپسىزدىك ۋاقيعالارى تۋىلۋىنىڭ الدىن الۋ كەرەك. ءورت ءسوندىرۋ، ورتتەن ساقتانۋ كومەسكى قاتەرلەرىن اداقتاپ تەكسەرۋدى، رەتتەپ جونگە سالۋدى ىشكەرىلەي ورىستەتىپ، بيىك قۇرىلىستار، جەر استى كەڭىستىكتەرى، «قالا ورتاسىنداعى قىستاق»، توپتىق جالعا بەرىلگەن ۇيلەر، «ءۇش بىرىكتىرىلگەن» ورىندار سياقتى جوعارى حاۋىپ - قاتەرلى ورىنداردا مەڭگەرۋدەن شىعىپ كەتۋ، باسقارۋدان قاعىس قالۋ جاعدايىنىڭ تۋىلۋىنان قاتاڭ ساقتانۋ كەرەك. كولەمدى قيمىلدارداعى حاۋىپسىزدىك باقىلاۋ - باسقارۋىن كۇشەيتىپ، كيمەلەسۋ، باستىرىلۋ سياقتىلاردان بولاتىن جارالانۋ، ءولۋ ۋاقيعالارىنىڭ تۋىلۋىنان ساقتانۋ كەرەك. جۇقپالى اۋرۋلاردى باقىلاۋ - تەكسەرۋ سياقتى ساقتانۋ - تىزگىندەۋ قىزمەتىن كۇشەيتىپ، توسىننان تۋىلعان الەۋمەتتىك دەنساۋلىق ساقتاۋ ۋاقيعالارىنا ءونىمدى توتەپ بەرۋ كەرەك. جاڭبىر، قار، ۇسىك، سۋىق اعىس، شاڭىتتى اۋا رايى سياقتى اپاتتىق اۋا رايىن جانە ورمان، جايلىم ءورت اپاتى سياقتى جاراتىلىستىق اپاتتاردى باقىلاۋ - ولشەۋ، ساقتاندىرۋ جانە شۇعىل جاعدايدى ءبىر جاقتى ەتۋ قىزمەتتەرىن كۇشەيتۋ كەرەك.

  التىنشى، قوعامنىڭ جاراسىمدىلىعىن، ورنىقتىلىعىن قورعاۋ. جاڭا داۋىردەگى «فىڭچياۋ تاجىريبەسىن» دامىتۋعا تاباندى بولىپ، قوعامدىق قايشىلىقتاردىڭ قاينارىنان ساقتانۋ، اداقتاپ تەكسەرۋ، ساقتاندىرۋ، كوپ نەگىزدى شەشۋ مەحانيزمىن كەمەلدەندىرىپ، تياناقتاندىرىپ، جەردى الۋ، قورا - جاي شاعىپ كوشىرۋ، ەڭبەكاقى داۋ - شارى، قورشاعان ورتانى لاستاۋ، ەڭبەكاقىنى، نەسيەنى قۋزاۋ، قورا - جاي كاسىبى، ەمدەۋ داۋ - شارى، كاسىبىن وزگەرتىپ ورنالاستىرۋ سياقتى ءتۇيىندى سالالاردى توڭىرەكتەي وتىرىپ، قوعامدىق قايشىلىقتى، داۋ - شاردى اداقتاپ تەكسەرۋدى، شەشۋدى ىشكەرىلەي ورىستەتىپ، جەكە ادامدىق ۇشقارى، زورلىقتى كۇش قىلمىستارىنىڭ الدىن قاتاڭ الۋ كەرەك. قوعامدىق جالپى تۇلعالىق ساقتانۋ - تىزگىندەۋدى كۇشەيتىپ، قارا - سۇرقيا كۇشتەردى الاستاۋ ارناۋلى كۇرەسىن ىشكەرىلەي ىلگەرىلەتىپ، اۋىل - قىستاقتارداعى سۇرقيا كۇشتەرگە قاتاڭ سوققى بەرىپ، قاتەرلى، جارىلعىش زاتتار، زات اينالىمى جولدامالارى سياقتى ءتۇيىندى اماندىق ساقتاۋ فاكتورلارىن قاينارىنان باسقارۋ - تىزگىندەۋدى كۇشەيتىپ، بادىك، قۇمار، ەسىرتكى، قارا قوعام سيپاتتى ءىس، ادام الداپ ساتۋ، الدامشىلىق ىستەۋ جانە تەلەگراف - ينتەرنەت الدامشىلىعى، زاڭسىز قارجى جيناۋ، ازاماتتاردىڭ جەكە ينفورماتسياسىنا سۇعاناقتىق جاساۋ قاتارلى زاڭعا قايشى قىلمىستىق ارەكەتتەردى زاڭ بويىنشا جازالاپ، مەرەكە كەزىندەگى قوعام اماندىعىنىڭ تىنىش، ءتارتىپتى بولۋىنا كەپىلدىك ەتۋ كەرەك. زورلىقتى كۇش لاڭكەستىك ارەكەتتەرگە قاتاڭ سوققى بەرۋ ارناۋلى قيمىلىن ۇزدىكسىز تەرەڭدەتىپ، سەس كورسەتۋدىڭ تەگەۋرىندى كۇيىن باستان - اياق ساقتاۋ كەرەك.

  جەتىنشى، مەرەكەنى شىنايىلىقپەن، ۇنەمشىلدىكپەن، وركەنيەتتى وتكىزۋ. جۇڭحۋا ۇلتىنىڭ جاقىندارىنا جان اشىر بولۋ، قارتتاردى قۇرمەتتەۋ سىندى تاڭداۋلى ءداستۇرىن اسقاقتاتىپ، شاڭىراقتاعىلار باس قوسىپ، شات - شادىمان بولۋ سىندى جۇڭگو جىلى مادەنيەتىنە مۇراگەرلىك ەتىپ، ۇيلەسىمدى، وركەنيەتتى، اقاسىز تۇتىنۋ كوزقاراسى مەن ادامشىلىق كوزقاراسىن دارىپتەپ، ادامداردى ۇنەمشىلدىكتى قاستەرلەۋگە، راقاتقۇمارلىققا سالىنباۋعا، جامان سالتتان بەزۋگە جەتەكتەۋ كەرەك. قالالاردا جارقىلداق - تورسىلداق اتۋدى باسقارۋ - مەڭگەرۋ قىزمەتىن جاقسى ىستەپ، قىستاقتاردى تازالاۋ قيمىلىن ورىستەتىپ، كوكتەم مەرەكەسىن جاسىل، قورشاعان ورتانى قورعاۋعا ءمان بەرىپ وتكىزۋ كەرەك. پارتيانىڭ، كوممۋنيستىك جاستار وداعىنىڭ، جۇمىسشى ۇيىمىنىڭ قالىپتى قيمىلدارىن ويداعىداي ۇيىمداستىرىپ، كادر - جۇمىسشىلاردىڭ بەلگىلەمە بويىنشا قالىپتى قامقورلىقتان، مامىلەدەن يگىلىكتەنۋىنە كەپىلدىك ەتۋ كەرەك. كادرلاردى جاڭا داۋىردە تىڭ جاۋاپكەرشىلىك ارقالاۋعا، تىڭ ىستەر تىندىرۋعا شابىتتاندىراتىن شارالاردى دايەكتىلەندىرىپ، تياناقتاندىرىپ، نەگىزگى ساتى كادرلارىنا، اسىرەسە، ماشاقاتتى، جاپالى وڭىرلەردە ىستەپ جاتقان جانە كەدەيلىكتەن ارىلتۋدان قامال الۋدىڭ ءبىرىنشى شەبىندە كۇرەس جاساپ جاتقان كادرلارعا كوڭىل ءبولۋ، قامقورلىق جاساۋ سەرپىنىن ارتتىرىپ، ۇكىمەت قىزمەتى ۇستىندە قايتىس بولعان نەمەسە باقىتقا قارسى قازا بولعان وزات نەگىزگى ساتى كادرلارىنىڭ وتباسىنداعىلارعا ءتۇيىندى تۇردە امانداسۋ، ولاردان حال سۇراۋ كەرەك. پارتيا ىشىندە شابىتتاندىرۋدى، قامقورلىق جاساۋدى، سۇيەمەلدەۋدى كۇشەيتىپ، تۇرمىستا قيىنشىلىعى بار پارتيا مۇشەلەرى، قارت پارتيا مۇشەلەرى، قارت كادرلار جانە ارميادان دەمالىسقا، پەنسياعا شىققان كادرلار، قىزىل ارميانىڭ قارت جاۋىنگەرلەرى، اسكەردەن بوساعان قارت اسكەرلەر، اسكەرلەردىڭ جانە قۇربانداردىڭ بالا - شاعالارى قاتارلىلاردى قاعىس قالدىرماي امانداسا بارىپ، ولاردان حال سۇراپ، جاڭا جۇڭگو قۇرىلۋدان بۇرىن پارتياعا كىرگەن قىستاقتارداعى قارت پارتيا مۇشەلەرىنە جانە پەنسياعا، زەينەتكە شىعۋ مامىلەسىنەن يگىلىكتەنبەگەن قالا - قالاشىق قارت پارتيا مۇشەلەرىنە تۇرمىستىق قوسىمشا قاراجات تاراتۋ قىزمەتىن ويداعىداي ىستەۋ كەرەك.

  سەگىزىنشى، ستيلدى دۇرىستاۋعا، ءتارتىپتى قاتايتۋعا تاباندى بولۋ. پارتيالى باسشى كادرلار جاۋاپكەرشىلىك ارقالاۋدى كۇشەيتىپ، ورتالىقتىڭ «سەگىز ءتۇرلى بەلگىلەمەسىنىڭ» جانە ونىڭ ەگجەي - تەگجەيلى اتقارۋ ەرەجەسىنىڭ رۋحىن باستاماشىلدىقپەن قاتاڭ اتقارۋمەن بىرگە، باسشىلىق القانى مىقتاپ يگەرىپ، قوسىندى جاقسى باستاپ، بارشا پارتيالى كادرلاردى مەرەكەنى پاك وتكىزۋگە جەتەكتەۋ كەرەك. مەرەكە كەزىندە ۇكىمەت اقشاسىمەن ءىشۋ - جەۋ، تارتۋ - تارالعى، اقشا الۋ - ۇسىنۋ، توي، ءولىم - ءجىتىم ىستەرىن استا توك وتكىزۋ، الباتى ۇستەمە قاراجات، قوسىمشا قاراجات، سيلىق تاراتۋ سياقتى وڭاي، كوپ تۋىلاتىن ماسەلەلەردى جانە كومەسكىدە ءتۇسى وزگەرگەن ماسەلەلەردى ءجىتى قاداعالاپ، باقىلاۋ - تەكسەرۋ جانە ناقتى اتى - ءجونى بويىنشا حابارلاندىرۋ، اشىق جاريالاۋ سەرپىنىن شىن مانىندە ارتتىرۋ كەرەك. مەرەكە كەزىندەگى «ءتورت ءتۇرلى بۇرىس ستيل» ماسەلە دەرەكتەرىنىڭ بارلىعىن قاتاڭ تەكسەرىپ، تەز ءبىر جاقتى ەتۋ، استە ىرقىنا جىبەرمەۋ؛ قىزمەتتە جاۋاپكەرسىزدىك ىستەگەندەردىڭ، اعاتتىق جىبەرگەندەردىڭ قاتىستى باسشىلارىنىڭ جاۋاپكەرشىلىگىن قاتاڭ قۋزاستىرۋ كەرەك. مەرەكە كەزىندەگى كەدەيلەردى سۇيەمەلدەۋ، حالىققا تيىمدىلىك جاساۋ ساياساتتارى، سۇيەمەلدەۋ - قۇتقارۋ، قوعام ورنىقتىلىعىن قورعاۋ، حاۋىپسىز ءوندىرىس جۇرگىزۋ جاۋاپكەرشىلىگى سياقتى قىزمەتتەردى ءجىتى قاداعالاپ، ءتۇرلى فورماشىلدىق، تورەشىلدىك ماسەلەلەرىن شوعىرلى رەتتەۋ - تۇزەتۋ كەرەك. نەگىزگى ساتىنىڭ وكىلەتتى بىتىرۋىنە مىندەتتەلگەن ىستەر جانە ءتۇرلى باقىلاۋ - تەكسەرۋ، باعالاۋ، ولشەمگە جەتكىزۋ باعالاۋى سياقتىلاردى ارناعا ءتۇسىرىپ، ءماجىلىس، ەسەپ داپتەرى، مالىمەت كەستەسى، ماتەريال سياقتىلاردى بارىنشا ازايتىپ، قولدا بار ساندى مالىمەت ماتەريالىنان پايدالانۋعا بولاتىن بولسا نەگىزگى ساتىعا قايتا - قايتا ازىرلەتپەي، بىرىكتىرۋگە بولاتىن ۇقساس ىستەردى بىرىكتىرىپ جۇرگىزىپ، كادرلاردى ءمان - ماعىناسىز ىستەردەن قۇتىلدىرىپ، نەگىزگى ساتىنىڭ ءتىپتى كوپ ۋاقىتىن قىزمەتتىڭ تياناقتانۋىن يگەرۋگە جۇمساۋىنا مۇمكىندىك جاراتۋ كەرەك. كادرلار ءىسى ءتارتىبىن قاتايتىپ، قۇرىلىم رەفورماسى ورايىنان پايدالانىپ توسىننان قىزمەتكەر قابىلداۋدى، توسىننان ءوسىرۋدى جانە كادرلار اۋىس - كۇيىسىن رەتتەۋدى قاتاڭ تەجەپ، مەرەكە ورايىنان پايدالانىپ اراعا كىسى سالۋدى، قۇلاق قاعىس ەتۋدى، ءمانساپ سۇراۋدى، پارامەن داۋىس جيناۋدى قاتاڭ تيىپ، مەرەكە كەزىندەگى ستيلدىڭ پاك، سالتتىڭ دۇرىس بولۋىنا كەپىلدىك ەتۋ كەرەك.

  توعىزىنشى، كۇزەتۋ، شۇعىل جاعدايعا توتەپ بەرۋ قىزمەتىن مۇقيات ىستەۋ. كەزەكشى كۇشىن سەپتەۋدى كۇشەيتىپ، قىزمەت ورنى جاۋاپكەرشىلىك ءتۇزىمىن بەكەمدەپ، 24 ساعات ارناۋلى ادام كەزەكشى بولۋ جانە باسشى كادر قىزمەت ورنىندا باستاماشىلىق ەتۋ، سىرتقا شىعۋدى مالىمدەۋ ءتۇزىمىن قاتاڭ اتقارىپ، مەرەكە كەزىندە ءتۇرلى قىزمەتتىڭ قالىپتى جۇرگىزىلۋىنە كەپىلدىك ەتۋ كەرەك. شۇعىل جاعدايعا توتەپ بەرۋ، سايكەستىرۋ، بىرلەسىپ قيمىلداۋ مەحانيزمىن كەمەلدەندىرىپ، ەلەۋلى، شۇعىل جاعدايعا دۋشار بولعاندا دەرەۋ نۇسقاۋ سۇراپ، مالىمدەپ، دەر كەزىندە ءونىمدى شارا قولدانىپ، ۇيلەسىمدى توتەپ بەرۋ كەرەك. شۇعىل جاعدايعا توتەپ بەرۋ، قۇتقارۋ قوسىنى قاي - قاشان دا شۇعىل جاعدايعا توتەپ بەرۋ كۇيىن ساقتاپ، دەر كەزىندە اڭىس قايتارۋعا، دەر كەزىندە ءبىر جاقتى ەتۋگە كەپىلدىك ەتۋ كەرەك. بۇقاراعا تىكە قىزمەت وتەيتىن ورىندار مەرەكە كەزىندەگى كەزەكشىلىكتى ۇيلەسىمدى ورنالاستىرىپ، قىزمەت وتەۋ ساپاسىنا كەپىلدىك ەتۋ كەرەك.

  جەر - جەر، تاراۋلار وسكەلەڭ ءمان بەرىپ، ۇيىمدىق باسشىلىقتى كۇشەيتىپ، جاڭا جىل مەرەكەسى، كوكتەم مەرەكەسى كەزىندەگى قاتىستى قىزمەتتەردى مۇقيات اقىلداسىپ، ورنالاستىرىپ، وسى حابارلاندىرۋ رۋحىنىڭ شىن مانىندە تياناقتانۋىنا كەپىلدىك ەتۋلەرى كەرەك.

جاۋاپتى رەداكتور : سايراش تۇرارجان قىزى

ەسكەرتۋ:

تورابىمىزداعى مازمۇنداردى پايدالانۋعا تۋرا كەلگەندە، ءسوزسىز جازباشا رۇقساتقا يە بولۋ كەرەك. مازمۇنداردى رۇقساتسىز جالعاپ تاراتۋعا، كەسىپ رەداكسيالاۋعا، وزگەرتۋگە، قىسقارتىپ قۇراستىرۋعا، باسقا ورىنعا كوشىرۋگە نەمەسە باسقا تاسىلدەرمەن كوبەيتۋگە ءارى تاراتۋعا بولمايدى، قايشى كەلگەندەردىڭ زاڭدىق جاۋاپكەرشىلىگى زاڭ بويىنشا قۋزاستىرىلادى.