تيانشان تورابى   ›   جاڭالىقتار   ›   كەدەيلىكتەن قۇتىلدىرۋدان قامال الۋ

لي پىڭشين اقسۋدا، قىزىلسۋ وبلىسىندا تەكسەرۋ - زەرتتەۋ جۇرگىزىپ، قۋزاۋ - جەتەكشىلىك ەتكەندە مىنانى باسا دارىپتەدى

كەدەيلىكتەن ارىلتۋدان قامال الۋدىڭ «قىسقى جورىعىن» دەن قويا، شىن پەيىلمەن، پارمەندى تۇردە مىقتى يگەرۋ كەرەك

  ءتىلشىمىز سۇي يۇنيان 12 - ايدىڭ 22 - كۇنى اقسۋدان حابارلايدى. 12 - ايدىڭ 19 -، 20 - كۇندەرى اۆتونوميالى رايوندىق پارتكومنىڭ ورىنباسار شۋجيى، وقۋ - اعارتۋ قىزمەت كوميتەتىنىڭ شۋجيى لي پىڭشين اقسۋ ايماعىنىڭ كەلپىن اۋدانىنا، قىزىلسۋ قىرعىز اۆتونوميالى وبلىسىنىڭ اقشي اۋدانىنا بارىپ تەكسەرۋ - زەرتتەۋ جۇرگىزگەندە مىنالاردى باسا دارىپتەدى: باس شۋجي شي جينپيڭنىڭ كەدەيلىكتەن ارىلتۋدان قامال الۋ جونىندەگى ماڭىزدى بايىمداۋلارىن ىشكەرىلەي ۇيرەنىپ، دايەكتىلەندىرىپ، ساياسي جاۋاپكەرشىلىكتى باتىلدىقپەن ارقالاۋدى اناعۇرلىم كۇشەيتىپ، «قىسقى جورىقتى» جوعارى ولشەممەن، جوعارى ساپامەن ورىنداپ، كەدەيلىكتەن ارىلتۋدان قامال الۋ شايقاسىنىڭ جەڭىسىنە باتىلدىقپەن قول جەتكىزۋگە بەرىك نەگىز قالاۋ كەرەك.

  لي پىڭشين ەگىمشىلىك، باعىمشىلىق كاسىپورىندارىن، سەرىك زاۆودتاردى، كەلپىن اۋدانى گەزلىك قالاشىعى ءۇستىن باعلىق قىستاعىن، اقشي اۋدانى قۇلانسارىق اۋىلى بەدەل قىستاعىن، اقشي اۋداندىق كەدەيلەردى سۇيەمەلدەۋ كەڭسەسىن ارالاپ، شەكارا قورعاۋشىلاردى، ورمان قورعاۋشىلاردى كەدەيلىكتەن ورنىقتى ارىلتۋ، كاسىپ سالاسى ارقىلى كەدەيلەردى سۇيەمەلدەۋ، كەدەيلىكتەن ارىلتۋدان قامال الۋ ءىرى ساندى مالىمەت تۇعىرى قۇرىلىسى سياقتى قىزمەتتەردىڭ اياق الىسىنا ناقتى تەكسەرۋ - زەرتتەۋ جۇرگىزدى، قىستاقتارعا بارىپ، وتباسىلارىن ارالاپ، كەدەي قاۋىمنىڭ ءوندىرىس، تۇرمىس جاعدايىن تاپتەشتەي ۇعىستى، سونداي - اق نەگىزگى ساتى كادرلارىمەن، «ۇعىسۋ، تيىمدىلىك جاساۋ، توعىستىرۋ» بويىنشا قىستاقتا تۇراتىن قىزمەت اترەتتەرىمەن، ءبىرىنشى شۋجيلەرمەن اڭگىمەلەسىپ، ىشكەرىلەي پىكىر اۋىستىردى.

  لي پىڭشين مىنالاردى اتاپ كورسەتتى: قازىر تۇتاس رايونىمىزدىڭ كەدەيلىكتەن ارىلتۋدان قامال الۋ قىزمەتى قامال الۋدىڭ قامال الىپ، شەپ بۇزاتىن شەشۋشى كەزەڭىنە ءوتتى، نازاردى وڭتۇستىك شينجياڭداعى 4 ايماق - وبلىستاعى 22 اۋىر كەدەي اۋدانعا شوعىرلاندىرىپ، كۇتىپ وتىرۋعا بولمايدى، ايالداۋعا بولمايدى، اسىپ - ساسۋعا بولمايدى، قاتەلىك جىبەرۋگە بولمايدى دەيتىن جاۋاپكەرشىلىك سەزىممەن، كوكەي تەستىلىك سەزىممەن «قىسقى جورىقتى» دەن قويا، شىن پەيىلمەن، پارمەندى تۇردە ويداعىداي يگەرىپ، كەدەيلەردى سۇيەمەلدەۋ سالاسىنداعى كورنەكتى ماسەلەلەردى مۇقيات شەشىپ، كەدەيلىكتەن ارىلتۋ قىزمەتىنىڭ ناقتى، كەدەيلىكتەن ارىلتۋ بارىسىنىڭ تىڭعىلىقتى، كەدەيلىكتەن ارىلتۋ ناتيجەسىنىڭ شىنايى، اماليات پەن تاريحتىڭ سىنىنان وتە الاتىن بولۋىنا كەپىلدىك ەتۋ كەرەك.

  لي پىڭشين مىنالاردى باسا دارىپتەدى: اۋىر كەدەي اۋدانداردىڭ پارتكوم شۋجيلەرى كەدەيلىكتەن ارىلتۋدان قامال الۋدىڭ ءبىرىنشى جاۋاپتىسى بولۋ جاۋاپكەرشىلىگىن شىنايى اتقارىپ، شەگە قاعۋ رۋحىن ساۋلەلەندىرىپ، ءبىر ىسكە ءبىر ءىستى جالعاپ ىستەپ، «قىسقى جورىقتى» تىڭعىلىقتى ىلگەرىلەتۋى كەرەك. ۇزاق بولاشاق پەن جاقىنعى مەزگىلدى ۇشتاستىرۋدا تاباندى بولىپ، كەدەيلىكتەن ارىلتۋدان قامال الۋدىڭ اۋدان دارەجەلى نىسان قامباسى قۇرىلىسىن جانە نىسانداردى اتقارۋدى كورنەكتى تۇردە مىقتى يگەرىپ، كەدەيلىكتەن ارىلتۋدان قامال الۋ مەن اۋىل - قىستاقتى گۇلدەندىرۋ ستراتەگياسىن يكەمدى ۇشتاستىرۋدى ويداعىداي ىستەۋ كەرەك. كاسىپ سالاسى ارقىلى جەتەكتەۋدى تياناق ەتىپ، سەلبەستىك كووپەراتيۆتەرىنىڭ ۇلگىسىن جاڭالاۋ جاعىندا بەلسەندى ىزدەنىس جاساپ، كەدەي قاۋىمنىڭ مۇددەسىمەن بايلانىستىرۋدى كۇشەيتىپ، حالىق بۇقاراسىن ناعىز كەدەيلەردى كەدەيلىكتەن ارىلتۋعا، كەدەيلەردى كەدەيلىكتەن شىنايى ارىلتۋعا باستاۋ كەرەك. «ەكىدەن تارىقتىرماۋ، ءۇشتى قامتاماسىز ەتۋ، بىردە جوعارى بولۋ، بىرگە جاقىنداۋ» نىسانا ولشەمىن قاتاڭ اتقارىپ، ولشەمدى بەتالدى تومەندەتپەۋ، ورىنسىز جوعارىلاتپاۋ كەرەك. سونىمەن بىرگە، ەگىن، مال شارۋاشىلىق وڭىرلەرىنىڭ الەۋمەتتىك قىزمەت وتەۋ دەڭگەيىن كۇش سالا جوعارىلاتىپ، الەۋمەتتىك قىزمەت وتەۋ نىسان قۇرىلىسىن تەزدەتىپ، نەگىزگى الەۋمەتتىك قىزمەت وتەۋدىڭ بىركەلكى بولۋىن بەلسەندى ىلگەرىلەتۋ كەرەك. ءىرى ساندى مالىمەت تۇعىرى قۇرىلىسىنان پايدالانۋدى جەدەل ىلگەرىلەتىپ، شىن اتى - ءجونى ءتۇزىمى تالابىن تۇتاس بارىستا دايەكتىلەندىرىپ، ينفورماتسيا جيناۋ - كىرگىزۋ وتكەلىن قاتاڭ يگەرىپ، حالىق ىستەرى، قازىنا، وقۋ - اعارتۋ، اۋىل شارۋاشىلىعى سياقتى تاراۋلاردىڭ ساندىق ينفورماتسياسىن بىرىكتىرىپ، دەن قويا تەكسەرىپ، سالىستىرۋدى كۇشەيتىپ، قۋزاۋ سالۋدى كۇشەيتىپ، جيناعان، كىرگىزگەن ساندى مالىمەتتەردىڭ شىنايى، دۇرىس بولۋىنا كەپىلدىك ەتۋ كەرەك. كەدەيلىكتەن ارىلتۋدا قول جەتكىزگەن تابىستاردى ۇزدىكسىز بەكەمدەپ، كەدەيلىكتەن ارىلعانمەن، ساياساتتان قول ۇزبەۋگە، كەدەيلىكتەن ارىلعانمەن، كەدەيلەردى سۇيەمەلدەۋدەن قول ۇزبەۋگە، كەدەيلىكتەن ارىلعانمەن، نىساننان قول ۇزبەۋگە تاباندى بولىپ، كەدەي قاۋىمدى تەحنيكالىق تاربيەلەۋدى كورنەكتى تۇردە مىقتى يگەرىپ، كەدەي قاۋىمنىڭ ىشكى قوزعاۋشى كۇشىن جالىنداتىپ، «قان جاساۋ» قابىلەتىن ارتتىرىپ، قايتا كەدەيلەسپەۋىنە كەپىلدىك ەتۋ كەرەك. ءتارتىپ اتقارۋ تەبىنىن ۇزدىكسىز ارتتىرىپ، كادرلار ستيلىنە بۇرىلىس جاساۋدى تەمىردەي قاتاڭ تارتىپپەن ىلگەرىلەتىپ، ستيل قۇرىلىسىنىڭ تابىستارى مەن كەدەيلەردى سۇيەمەلدەۋگە قاتىستى ءتۇرلى ساياسات، شارالاردى تياناقتاندىرۋدى جەبەۋ كەرەك.

جاۋاپتى رەداكتور : سايراش تۇرارجان قىزى

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورابى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.

بىزبەن بايلانىس جارناما قىزمەتى لەبىز قالدىرۋ ءبىز تۋرالى