تيانشان تورابى   ›   ۇيرەنۋ   ›   ماڭىزدى حۇجاتتار

جۇڭگو كوممۋنيستىك پارتياسى ورتالىق كوميتەتى «سوتسياليزم شۋەيۋانىنىڭ قىزمەت ەرەجەسىن» باسىپ تاراتتى

  شينحۋا اگەنتتىگىنىڭ 12 - ايدىڭ 25 - كۇنى بەيجيڭنەن بەرگەن حابارى. جۋىقتا جۇڭگو كوممۋنيستىك پارتياسى ورتالىق كوميتەتى «سوتسياليزم شۋەيۋانىنىڭ قىزمەت ەرەجەسىن» باسىپ تاراتتى ءارى ۇقتىرۋ شىعارىپ، جەر - جەردەن، تاراۋلاردان وسى بويىنشا دەن قويا اتقارۋدى تالاپ ەتتى.

  ەرەجەدە مىنالار اتاپ كورسەتىلدى: جاڭا داۋىردەگى وتانشىلدىق بىرلىكساپتى بەكەمدەۋ جانە دامىتۋ، پارتيانىڭ سوتسياليزم شۋەيۋانىنا باسشىلىعىن كۇشەيتۋ، سوتسياليزم شۋەيۋانى قىزمەتىنىڭ عىلميلانۋىن، تۇزىمدەنۋىن، جۇيەلىلەنۋىن ىلگەرىلەتۋ ءۇشىن، «جۇڭگو كوممۋنيستىك پارتياسىنىڭ ۋستاۆى»، «جۇڭگو كوممۋنيستىك پارتياسىنىڭ بىرلىكساپ قىزمەت ەرەجەسى )سىناق رەتىندە اتقارىلعان(»، «كادرلاردى تاربيەلەۋ، باۋلۋ قىزمەت ەرەجەسى» سياقتى پارتيا ىشىندەگى زاڭ ەرەجەلەر مەن «جۇڭحۋا حالىق رەسپۋبليكاسىنىڭ مەملەكەت قىزمەتكەرلەرى زاڭى» سياقتى مەملەكەت زاڭدارىنا ساي وسى ەرەجە جاسالدى.

  ەرەجەدە مىنالار باسا دارىپتەلدى: سوتسياليزم شۋەيۋانى جۇڭگو كوممۋنيستىك پارتياسىنىڭ باسشىلىعىنداعى بىرلىكساپ سيپاتىنداعى ساياسي شۋەيۋان، دەموكراتيالىق پارتيا - توپتار مەن پارتيادا، توپتا جوق قايراتكەرلەردىڭ بىرلەسكەن پارتيا مەكتەبى، بىرلىكساپ دارىندىلارىن تاربيەلەپ، باۋليتىن نەگىزگى شەپ، پارتيانىڭ بىرلىكساپ قىزمەتىن ورىستەتەتىن ماڭىزدى تاراۋ، پارتيا مەن مەملەكەتتىڭ كادرلاردى تاربيەلەۋ، باۋلۋ جۇيەسىنىڭ ماڭىزدى قۇرامداس بولىگى.

  سوتسياليزم شۋەيۋانى قىزمەتى، ءسوز جوق، جۇڭگوشا سوتسياليزم ۇلى تۋىن بيىك ۇستاپ، ماركسيزم - لەنينيزم، ماۋ زىدۇڭ يدەياسىن، دىڭ شياۋپيڭ نازارياسىن، «ۇشكە ۋاكىلدىك ەتۋ» ماڭىزدى يدەياسىن، عىلمي دامۋ كوزقاراسىن، شي جينپيڭنىڭ جاڭا ءداۋىر جۇڭگوشا سوتسياليزم يدەياسىن جەتەكشى ەتىپ، سوتسياليستىك مەكتەپ باسقارۋ بەتالىسىنا تاباندى بولىپ، بىرلىكساپ دارىندىلارىن باۋلۋ بازاسى، نازاريا زەرتتەۋ بازاسى، باعىت - ساياساتتاردى ۇگىتتەۋ بازاسى بولۋ رولىن تولىق ساۋلەلەندىرىپ، جاڭا داۋىردەگى وتانشىلدىق بىرلىكساپتى بەكەمدەۋگە جانە دامىتۋعا ۇلەس قوسۋى كەرەك.

  سوتسياليزم شۋەيۋانى مىنا قىزمەت باعىتىنا تاباندى بولۋى كەرەك:

  (1) پارتيانىڭ باسشىلىعىنا تاباندى بولۋ، پارتيانىڭ نەگىزگى نازارياسىن، نەگىزگى لۋشيانىن، نەگىزگى جالپى جوباسىن جاپپاي دايەكتىلەندىرىپ، دۇرىس مەكتەپ باسقارۋ بەتالىسىن مىقتاپ يگەرۋ.

  (2) وزەكتى ارقاۋ ەتۋگە تاباندى بولۋ، جالپى جاعدايعا قىزمەت ەتۋ، ساياسي جاقتان تاربيەلەۋدى كورنەكتىلەندىرۋ، ساياسي ورتاق تانىمدى كۇشەيتۋ، ىنتىماقتاسا كۇرەس جۇرگىزەتىن ورتاق يدەيالىق - ساياسي نەگىزدى بەكەمدەۋ؛

  (3) نازاريانى امالياتپەن ۇشتاستىرۋعا تاباندى بولۋ، يدەيانى ازات ەتۋ، رەفورما جاساۋ، جاڭالىق اشۋ؛

  (4) بىرلەسىپ مەكتەپ باسقارۋعا، اشىق مەكتەپ باسقارۋعا تاباندى بولۋ، ساپالى بايلىقتاردى توپتاپ، مەكتەپ باسقارۋ ساپاسىن ءوسىرۋ؛

  (5) شۋەيۋاندى قاتاڭ جونگە سالۋعا، وقىتۋدى قاتاڭ جونگە سالۋعا، وقۋدى قاتاڭ جونگە سالۋعا تاباندى بولۋ.

  سوتسياليزم شۋەيۋانىنىڭ مەكتەپ تاربيەسى: وتاندى ءسۇيۋ، ىنتىماقتى بولۋ، دەموكراتيالى بولۋ، شىندىققا ۇمتىلۋ.

  ەرەجەدە سوتسياليزم شۋەيۋانىنىڭ ورنالاسۋى جانە باسشىلىق ءتۇزىلىسى، كلاس جانە وقۋ ءتارتىبى، وقىتۋ قىزمەتى، عىلمي زەرتتەۋ قىزمەتى، جۇڭحۋا مادەنيەتى تاربيەسى، زەرتتەۋ جانە سىرتپەن اۋىس - ءتۇيىس جاساۋ قىزمەتى، كۋرسانتتاردى باسقارۋ، ورگاننىڭ پارتيا قۇرىلىسى قىزمەتى جانە قوسىن قۇرىلىسى، مەكتەپ باسقارۋدى قامتاماسىز ەتۋ، اتقارۋ جانە باقىلاۋ جونىندە دە ناقتى تالاپتار قويىلدى.

  بۇل ەرەجە 2018 - جىلى 12 - ايدىڭ 22 - كۇنىنەن باستاپ اتقارىلدى. 2003 - جىلى 11 - ايدىڭ 27 - كۇنى ورتالىق كوميتەتتىڭ بىرلىكساپ ءبولىمى باسىپ تاراتقان «سوتسياليزم شۋەيۋانىنىڭ قىزمەتىنىڭ ۋاقىتشا ەرەجەسى» وسىمەن ءبىر ۋاقىتتا كۇشىنەن قالدىرىلدى.

جاۋاپتى رەداكتور : سايراش تۇرارجان قىزى

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورابى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.